گزشتہ دنوں دعوتِ اسلامی کے تحت  راولپنڈی سٹی کابینہ کے علاقے میلادنگر میں شخصیات مدنی حلقے کا اہتمام ہوا جس میں مختلف اہلِ ثروت خواتین نے شرکت کی۔ اس موقع پر مبلغۂ اسلامی بہن نے دعوتِ اسلامی کا تعارف پیش کرتے ہوئے راه ِ خدا میں خرچ کرنے کا ذہن دیا اورٹیلی تھون کے حوالے سے اجتماعی و انفرادی کوششیں کرنے کی ترغیب دلائی جس پر ہاتھوں ہاتھ اسلامی بہنوں نے ایک یونٹ مدنی عطیات دعوت ِاسلامی کے لئے پیش کردیا اور مزید یونٹس کی نیتوں کا اظہار بھی کیا۔

دعوتِ اسلامی کی مجلس مکتوبات وتعویذاتِ عطاریہ کے تحت18، 19اور20 نومبرکو میر پور کشمیر میں  پہلی بار اسلامی بہنوں کے لئے مدنی کورس کروانے کا سلسلہ ہوا۔ اس کورس کے ذریعے انہیں پیارے آقا ﷺ کی امت کی غمخواری کرنے کا ذہن دیا گیا نیز نیتیں کروائی گئیں کہ اس شعبے کے ذریعے مسلمانوں کے دین و ایمان اور جان و مال کا تحفظ کریں گی اور ان کو مدنی ماحول سے وابستہ کرنے کی کوششیں بھی کریں گی۔اس موقع پر کورس کرنے والی اسلامی بہنوں اوردیگر ذمہ داران نےتعویذاتِ عطاریہ کے حوالے سے خوشی اور مسرت کے جذبات کا اظہار کیا اور ٹیلی تھون کے حوالے سے اپنی نیتیں بھی پیش کیں۔ دسمبر2019 سے میر پور کشمیر میں بھی اسلامی بہنوں کے لئے تعویذاتِ عطاریہ کے بستے کا آغاز ہوجائے گا۔اِنْ شَآءَ اللہ عَزَّ وَجَلَّ

پچھلے دنوں دعوتِ اسلامی کی مجلس مکتوبات و تعویذات عطاریہ للبنات کےتحت سیالکوٹ زون کےمدنی کورس مکمل ہونے کے بعدپاک سطح شعبہ ذمہ دار نے زون سطح شعبہ ذمہ دار،بستہ مجلس ذمہ داران اور بستہ ذمہ داران کے درمیان مدنی مشورہ لیا جس میں بستے پر حاضری اور دیگر اہم کارکردگیوں سے متعلق توجہ دلائی گی اور کمزوریوں کو دور کرنے اور کارکردگی بہتر بنانے کی ترغیب دلائی گئی۔ اس موقع پر ذمہ داران نے اپنی نیتیں لکھ کر پیش کیں ۔

دعوتِ اسلامی کی مجلس مدنی عطیات پاک ڈونیشن بکس ذمہ دار کا 12 سے 20 نومبر تک اسلام آباد  ریجن اور لاہور ریجن کا شیڈول رہا۔اسلام آباد ریجن کے گجرات اور سیالکوٹ میں ڈویژن تا زون ذمہ داران کی نئی نکات کے مطابق تربیت کی گئی اور اہداف بھی دئیے گئے ۔اس کے علاوہ سیالکوٹ کابینہ میں ایک ذمہ دار اسلامی بہن کے گھر اجتماعِ میلاد میں شرکت و بیان کا سلسلہ رہاجس میں اسلامی بہنوں کو ٹیلی تھون میں تعاون کرنے کی ترغیب دلائی۔ اس موقع پرانہوں نے ہاتھوں ہاتھ فنڈ جمع کروائے اور دیگر نے ذمہ داران کو جمع کروانے کی نیت کی اور لاہور ریجن کے تحت گوجرانوالہ اور نارووال میں ذمہ داران کی نئی نکات پہ تربیت کی گئی اور اسلامی بہنوں سے انفرادی ملاقات کی گئی جس میں انہیں ٹیلی تھون میں یونٹ جمع کروانے کی ترغیب دلائی گئی۔

دعوتِ اسلامی کی مجلس مدرستہ المدینہ للبنات کے تحت کراچی ریجن میں مدنی حلقے و مدنی مشورے کا اہتمام  ہوا ۔ اس موقع پر عالمی مجلس مشاورت نگران نےمجلس مدرستہ المدینہ للبنات کی زون نگران ، کابینہ اور ناظمات میں حسنِ اخلاق سے متعلق بیان کرتے ہوئے اخلاق کو سنوارنے کا ذہن دیا۔ اختتام پر مدنی مشورے کا سلسلہ بھی ہوا جس میں دیگر مدنی کاموں کے ساتھ ساتھ ٹیلی تھون کےلئے بھی بہترین کارکردگی پیش کرنے کا ذہن دیا گیا۔

دعوتِ اسلامی کے زیرِ اہتمام 17  نومبر بروز اتوارکو میانوالی میں مدنی مشورے کا اہتمام ہوا جس میں فیصل آباد ریجن مدنی انعامات ذمہ داران اور زون و ڈویژن شعبہ ذمہ داران نےشرکت کی۔اس موقع پر کارکردگی کو بہتر بنانے ، مدنی مرکز کی طرف سے دیئے گئے طریقہ کار کے مطابق مدنی کام کرنے ،روزانہ اپنے اعمال کا محاسبہ کرنے اور وقت پر کارکردگی و عملی شیڈول جمع کروانے کا ذہن بھی دیا گیا۔

پچھلے دنوں سکھر میں دعوتِ اسلامی کے تحت شخصیات اجتماع  کا اہتمام ہوا جس میں مجلس مدنی انعامات کی پاکستان سطح کی ذمہ دار اسلامی بہن نےشرکت کی۔ اجتماع میں شریک شخصیات کو دعوتِ اسلامی کا تعارف پیش کیا گیا اور 24 نومبرکو ہونے والے ٹیلی تھون میں تعاون کرنے کی ترغیب دلائی جس پر انہوں نے ہفتہ وار سنتوں بھرے اجتماع میں شرکت کرنے اور ٹیلی تھون کے لئے 7 یونٹ جمع کروانے کی نیتیں پیش کیں۔ 

گزشتہ دنوں دعوتِ اسلامی کے تحت  فیروز پور کابینہ کی ڈویژن نشتر کالونی میں محفلِ نعت کا اہتمام ہوا جس میں بڑی تعداد میں اسلامی بہنوں نے شرکت کی ۔اس موقع پر سنتوں بھرے بیان اور انفرادی کوشش کے ذریعے اسلامی بہنوں کی تربیت کی گئی اور ٹیلی تھون میں تعاون کرنے کے حوالے سے بھی ذہن دیا گیا۔محفل کے اختتام پر اسلامی بہنوں نے مدنی انعامات کے مطابق زندگی گزارنے کی نیت کی اور ہاتھوں ہاتھ 4 یونٹ اور گولڈ کی Ringبھی پیش کی۔

پچھلے دنوں دعوتِ اسلامی کے تحت  بحریہ ٹاؤن لاہور میں ایک خاتون شخصیت کے گھرمحفل ِنعت کا سلسلہ ہواجس میں مقامی اسلامی بہنوں نے شرکت کی۔اس موقع پر ریجن نگران بھی شریک ہوئیں اور سنتوں بھرا بیان کرتے ہوئے اسلامی بہنوں کی تربیت کی اور مدنی ماحول سے وابستگی کا ذہن دیاجس پر اسلامی بہنوں نے اچھی اچھی نیتیں پیش کیں اور صاحبِ خانہ نے اپنے گھر میں ماہانہ اجتماع منعقدکروانے کی نیت کی۔

گزشتہ دنوں کلفٹن کابینہ کی ڈویژن میں دعوتِ اسلامی کے زیرِ اہتمام سنّتوں بھرے اجتماع کا انعقاد کیا گیا جس میں کثیر تعداد میں اسلامی بہنوں نے شرکت کی سعادت حاصل کی۔ اجتماعِ پاک میں صاحبزادیِ عطار سلمھا الغفار نے خصوصی شرکت فرمائی اور بیان کرتے ہوئے درودِ پاک کی فضیلت سے متعلق نکات بیان کئے۔ آپ نے 14 نومبر کو ہونے والے ٹیلی تھون مہم میں تعاون کرنے کے حوالے سے بھی اسلامی بہنوں کو ترغیب دلائی۔ اس موقع پر موجود اسلامی بہنوں نے ٹیلی تھون میں تعاون کے حوالے سے نیتیں پیش کیں جبکہ ایک اسلامی بہن نے ہاتھوں ہاتھ2 سونے کی چوڑیاں بھی پیش کردیں۔