دعوتِ اسلامی کےمدنی مرکز فیضانِ مدینہ حیدرآباد کے قریب اسلامی بہنوں کے لئے سنّتوں بھر ےاجتماع کا انعقاد کیا گیا۔ رکنِ شوریٰ حاجی محمد فاروق جیلانی عطاری نےپردے میں موجود اسلامی بہنوں کے درمیان سنّتوں بھرا بیان کیا اور انہیں اپنے محارم کو مدنی قافلوں میں سفر اور ماہ ذوالحج میں قربانی کی کھال دعوتِ اسلامی کو دینے کے حوالے ذہن دیا۔ 

دعوتِ اسلامی کی مجلس شعبۂ تعلیم کے تحت سندھ کے شہر نواب شاہ  میں ذمّہ دار اسلامی بہنوں نے ڈی او ایجوکیشن سے ملاقات کر کے انہیں دعوتِ اسلامی کےتحت دنیا بھر ہونے والے والے مدنی کاموں سے متعلق آگاہی فراہم کی اور دعوتِ اسلامی کے مدنی کاموں میں حصہ لینے کی ترغیب دلائی جس پر انہوں نے شہر بھر کے سرکاری اسکولوں میں دعوتِ اسلامی کےتحت درس اجتماعات اور مدرسۃ المدینہ کا آغاز کرنے کے لئےمکمل تعاون کی یقین دہانی بھی کروائی ۔

اسی طرح مجلس شعبۂ تعلیم کے تحت ذمّہ دار اسلامی بہنوں نے کاٹھیاواڑ سوسائٹی کراچی میں واقع ایک بیوٹی سیلون کی اونر سے ملاقات کرکے انہیں نیکی کی دعوت پیش کی اور اسلامی بہنوں کے سنّتوں بھرے اجتماع میں شرکت کی ترغیب دلائی۔علاوہ ازیں ذمّہ دار اسلامی بہنوں نے بیوٹی سیلون کے انتظار گاہ (waiting area) میں مکتبۃ المدینہ کے رسائل اور مدنی عطیات بکس رکھنے کا ذہن دیا جس پر انہوں نے حامی بھرتے ہوئے رسائل اور مدنی عطیات بکس رکھنے کی نیت کی۔

اَلْحَمْدُ لِلّٰہِ عَزَّ وَجَلَّمسلمانوں کو گناہوں سے بچانے، نیک بنانے ،خوفِ خدا و عشقِ رسول صلَّی اللہ علیہ واٰلہٖ وسلَّمکی لازوال دولت دلانے کے عظیم جذبے کے تحت شیخ طریقت امیر اہلِ سنّت دَامَتْ بَرَکَاتُہُمُ الْعَالِیَہ کے عطا کردہ اسلامی بہنوں کے 63 مدنی انعامات کو اپنی زندگی میں عملی طور پر نافذ کرنے کےلئے مختلف مقامات پر تین گھنٹے کے مدنی انعامات اجتماعات منعقد کئے جاتے ہیں۔

اسی سلسلے میں پاکستان کے مختلف صوبوں جس میں صوبہ سندھ کے شہر باب المدینہ کراچی،سکھر،حیدرآبادزم زم نگر،ڈگری،میرپور خاص،جیک آباد عطار آباد، ،گھوٹکی،نواب شاہ، دادو، بدین، گولارچی، چوہڑجمالی، سجاول،جاتی،ٹھٹھہ اور چھتوچند

اسی طرح صوبہ پنجاب کے شہر مرکزالاولیاء لاہور،گجرانوالہ،ہرنولی،،جڑانوالہ،، سرگودھا، ،چنیوٹ اور راوالپنڈی جبکہ صوبہ خیبرپختونخواہKPK کے شہر رحمت آبادمیں تین گھنٹے کے مدنی انعامات اجتماعات کا انعقاد کیا گیاجس میں کئی اسلامی بہنوں نے شرکت کی سعادت حاصل کی۔مبلغاتِ دعوتِ اسلامی نے سنّتوں بھرے بیانات کئے اور شرکا اسلامی بہنوں کی فکرِ آخرت سے متعلق مدنی تربیت کی۔

دعوتِ اسلامی کی مجلسِ شارٹ کورسز کے تحت اسلامی بہنوں کو علمِ  دین کی روشنی سے آراستہ کرنے کے لئےملک و بیرونِ ملک میں مختلف مدنی کورسز کا انعقاد کیا جاتا ہے۔تاہم مجلسِ شارٹ کورسز کے تحت یوکے کے شہر ڈربی میں 30 دن پر مشتمل” فیضانِ علم کورس“ 8جولائی 2019ء سے جاری ہے جس میں مقامی اسلامی بہنوں سمیت بالخصوص جامعات المدینہ للبنات کی اسلامی بہنیں شرکت کررہی ہیں۔

اَلْحَمْدُ لِلّٰہِ عَزَّ وَجَلَّ اللہ پاک کے کرم سے پیارے آقا صلَّی اللہ علیہ واٰلہٖ وسلَّم کی دکھیاری امّت کی غمخواری کےلئے دعوتِ اسلامی کی مجلس مکتوبات و تعویذاتِ عطاریہ کے تحت اسلامی بہنوں کے لئےاٹلی کے شہر بریشیا میں تعویذاتِ عطاریہ کےمدنی بستے کا آغاز ہوچکا ہےجہاں پردے میں رہتے ہوئے اسلامی بہنیں اسلامی بہنوں کا تعویذاتِ عطاریہ کے ذریعے فی سبیلاللہ روحانی علاج کرتی ہیں ۔

دعوتِ اسلامی کی مجلس حج و عمرہ کے تحت کینیا کے دار ُالحکومت نیروبی میں اسلامی بہنوں کے لئے حج تربیتی اجتماع کا انعقاد کیا گیا جس میں رکنِ عالمی مجلسِ مشاورت و بلالی ممالک کی ذمہ دار اسلامی بہن نے اس سال حج پر جانے والی اسلامی بہنوں کی مدنی تربیت کی اور مجلس شارٹ کورسز کے تحت ہونے والے ”فیضانِ حج وعمرہ کورس “میں ایڈمیشن کا ذہن بھی دیا۔اجتماعِ پاک کے اختتام پر اس سال حج پر جانے والی اسلامی بہنوں کو مکتبۃ المدینہ کی مطبوعہ”رفیق الحرمین“ تحفے میں پیش کی ۔

اسی طرح مجلس حج و عمرہ کے تحت یوکے کے شہر برٹن اور بریڈفورڈ میں حج تربیتی اجتماعات منعقد کئے گئے جن میں حج پر جانے  والی خوش نصیب اسلامی بہنوں سمیت دیگر اسلامی بہنوں نے شرکت کی۔مبلغۂ دعوتِ اسلامی نے سنّتوں بھرا بیا ن کیا اور شرکا کی حج و عمرہ کےطریقے ، مناسکِ حج اور حاضریِ مدینہ زاد ہَااللہ شرفاً وَّ تعظیماً کےآدابِ سے متعلق مدنی تربیت کی ۔

دعوتِ اسلامی کی مجلسِ شارٹ کورسز کے تحت اسلامی بہنوں کے لئے8جولائی 2019ءبروز پیر  سے باب المدینہ کراچی میں 12 دن کے” خصوصی اسلامی کورس “کا آغازہوگا ۔ اس کورس میں سنّتوں بھرے بیانات ہوں گےنیز خصوصی اسلامی بہنوں میں مدنی کام کرنے کے طریقے سکھائے جائیں گے۔

اسی طرح 8جولائی 2019ء بروز پیر شریف سے زم زم نگرحیدرآباد، سردارآبادفیصل آباد، گجرات، مدینۃ الاولیاءملتان اور اسلام آباد میں اسلامی بہنوں کی دارالسنّہ میں 12 دن کے ”فیضانِ نماز کورس“ کا آغاز ہورہا ہے۔ اس مدنی کورس میں نماز سے متعلق شرعی احکام، وضو اور نماز کا عملی طریقہ، شجرہ عالیہ کے اورادو وظائف ، اسلامی بہنوں کے مختلف شرعی مسائل اور متفرق مدنی کام سکھائےجائیں گے۔

دعوتِ اسلامی کی مجلسِ حج و عمرہ کے تحت یوکے کے شہر سلا و،ریڈنگ ، ایلزبری ،لوٹن اور بر منگھم میں چار  مقامات پراسلامی بہنوں کے حج تربیتی اجتماعات کا انعقاد ہوا جس میں 350 اسلامی بہنوں نے شرکت کی، جن میں سے 60 حج پر جانے والیاں خوش نصیب اسلامی بہنیں تھی۔مبلغۂ دعوتِ اسلامی نے سنّتوں بھرا بیان کیا اور شرکا اسلامی بہنوں کو حج وعمرہ کے طریقے ،حج کے متعلق مسائل اور آدابِ حاضریِ مدینہ زاد ہَااللہ شرفاً وَّ تعظیماً کا طریقہ سکھایا۔ 

دعوتِ اسلامی کے تحت یوگینڈا کے شہر کمپالا میں حج تربیتی اجتماع کا انعقاد ہوا جس میں رکنِ عالمی مجلسِ مشاورت و بلالی ممالک کی ذمّہ دار اسلامی بہن نے اس سال حج پر جانے والی اسلامی بہنوں کی تربیت کی اور مجلس شارٹ کورسز کے تحت ہونے والے فیضانِ حج وعمرہ کورس میں ایڈمیشن کا ذہن بھی دیا اور اجتماع کے اختتام پر اسلامی بہنوں سے ملاقات کرتے ہوئے انہیں مکتبۃ المدینہ کی شائع کردہ کتاب ” رفیق الحرمین“ تحفے میں پیش کی۔

افریقی ملک یوگینڈاکے شہر کمپالا میں بلالی شخصیت اسلامی بہن کے گھر شخصیات اجتماع ہوا جس میں عالمی مجلس مشاورت کی رکن و بلالی ممالک کی ذمّہ دار اسلامی بہن نے سنّتوں بھرا بیان کیا اور شرکا کو سنّتوں بھرے اجتماع میں شرکت ومدرسۃ المدینہ میں داخلے کا ذہن دیا ، اجتماعِ پاک جے اختتام پر مکتبۃ المدینہ کے رسائل بھی تقسیم کئے گئے۔

دعوتِ اسلامی کے تحت یوگینڈا کے شہر کمپالا میں ہفتہ وار سنّتوں بھرے اجتماع کا انعقاد کیا گیا جس میں بلالی ممالک کی ذمّہ داراسلامی بہن جو کہ افریقی ممالک کے سفر پر ہیں انہوں نے سنّتوں بھرا بیان کیا۔ اس اجتماعِ پاک میں یوگینڈا کی انٹرنیشنل مکریرے یونیورسٹی اور انٹرنیشنل یونیورسٹی آف ایسٹ افریقہ کی طالبات اور دیگر افریقی و ایشیئن اسلامی بہنوں نے شرکت کی۔ اجتماع میں شریک اسلامی بہنوں کا تعلق یوگینڈا، کوموروز، نائیجیریا، ہند اور پاکستان سے تھا۔اجتماع کے اختتام پرانفرادی کوشش اور مقامی اسلامی بہنوں کے ساتھ مدنی کاموں میں مزید بہتری لانے کے حوالے سے مدنی مشورہ اور تربیت کا سلسلہ ہوا۔

دعوتِ اسلامی کے تحت یوکے کے شہر لندن اور کو وینٹری میں حج تربیتی اجتماع کا انعقاد کیا گیاجس میں حج پر والی خوش نصیب اسلامی بہنوں سمیت تقریباً 83 اسلامی بہنوں نے شرکت کی سعادت حاصل کی۔ شرکا اسلامی بہنوں نے دعوتِ اسلامی کی دینی خدمات اور مدنی کاموں کی کوششوں کو سراہا ۔‫ ‬‬ اسی طرح یو کے کے شہر ہیزلنگٹن میں دعوتِ اسلامی کے تحت اسلامی بہنوں کے لئے ماہانہ سنّتوں بھرے اجتماع کا آغاز کیا گیا جس میں مقامی اسلامی بہنوں نے شرکت کی ۔‬