پچھلے دنوں  راولپنڈی کے ذیلی حلقہ ”عمر فاروق“ میں ایک اسلامی بہن کا انتقال ہوگیا۔ نگرانِ پاکستان اسلامی بہن نے مرحومہ کے اہلِ خانہ نے تعزیت کی اور مرحومہ اسلامی بہن کو غسل دیا۔ بعد میں سنّتوں بھرے بیان کا سلسلہ ہوا جس میں نگرانِ پاکستان اسلامی بہن نے "آخرت کی تیاری اور ایصال ثواب" کے موضوع پر سنتوں بھرا بیان کیا اور وہاں پر شریک اسلامی بہنوں کو آخرت کی تیاری کرنے اور اپنے مرحومین کو زیادہ سے زیادہ ایصال ثواب کرنے کا ذہن دیا۔ اس موقع پر اہل خانہ نےمرحومہ کے ایصال ثواب کے لئے 12 مرلے کا پلاٹ دعوتِ اسلامی کو دینے کی نیت پیش کی ۔ 

دعوتِ اسلامی کی مجلس جامعات المدینہ للبنات  کے تحت اِنْ شَآءَ اللہ عَزَّ وَجَلَّ 13 فروری 2020ء کوکراچی ریجن کی جامعات المدینہ للبنات دورہ حدیث کی طالبات کے تقریری ڈیمو امتحانات کا آغازپانچ مقامات (جامعۃ المدینہ للبنات فیض مکہ، گلزار عطار، فیضان انبیاء، بہار بغداد ، قطب مدینہ )میں ہوگاجس میں 348طالبات شرکت فرمائیں گی۔

دعوتِ اسلامی کے زیر اہتمام 8فروری2020ء کو نگران عالمی مجلس مشاورت اسلامی بہن نےکراچی  گلشن اقبال میں قائم دارالسنہ للبنات میں حاضری دی اور وہاں پر اصلاح ِ اعمال کورس میں استقامت کے موضوع پر بیا ن کیا نیز بیان میں شریک اسلامی بہنوں کو دعوتِ اسلامی کے مدنی کاموں میں عملی طور پر شرکت کرنے کی ترغیب دلائی۔ یہ بیان پاکستان کے دیگر شہروں میں بھی بذریعۂ لنک سنا گیا۔

اسلامی بہنوں کی مجلس کفن دفن کے  زیر اہتمام11 فروری2020ء کو بہاولپور کے علاقے ٹرسٹ کالونی میں تجہیز تکفین اجتماع کا انعقاد کیا گیا جس میں اہم شخصیا ت اورمذہبی مدرسات و طالبات سمیت دیگر اسلامی بہنوں نے شرکت کی۔مبلغۂ دعوتِ اسلامی نے سنتو ں بھرا بیان کیا اور اجتماعِ پاک میں شریک اسلامی بہنوں کو غسل و کفن کا درست طریقہ سکھایا نیز ان اسلامی بہنوں کو دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔

 دعوتِ اسلامی کے زیر اہتمام 10 فروری 2020ء بروز پیردارالمدینہ گلستان کالونی کی Opening اور Admission کے سلسلے میں عیون میرج ہال عزیز فاطمہ روڈ فیصل آباد میں شخصیات اجتماع کا انعقاد کیا گیا جس میں مقامی اسلامی بہنوں سمیت کثیر شخصیات اسلامی بہنوں نے شرکت کی۔ اس پر وقار تقریب میں دارالمدینہ زینب مسجد کیمپس کے ننھے منے بچوں نے تلاوت قراٰنِ پاک ،نعت شریف ، مدنی خاکے، دارالمدینہ کا Introduction اور مقاصد بیان کئے۔مبلغۂ دعوتِ اسلامی نے سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی کاموں کے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔ اس موقع پر ریجن نگران اسلامی بہن نے بھی دارالمدینہ کے بارے میں تفصیلی بریفنگ دیتے ہوئے اعلیٰ تعلیم کے لئے اپنے بچوں کو دار المدینہ داخلے کروانے کی ترغیب دلائی۔ شخصیات نے گلستان کالونی میں دارالمدینہ کے آغاز پر بہت خوشی کا اظہار کیا اور ہاتھوں ہاتھ کئی Admissions بھی ملے۔

دعوت اسلامی کے زیر اہتمام 8 فروری 2020ءبروز ہفتہ  جوہر ٹاؤن لاہور میں قائم مدرستہ المدینہ للبنات فیضان نور فاطمہ کا افتتاح کیا گیا ۔ اس موقع پر افتتاحی تقریب کا سلسلہ ہوا جس میں مقامی اسلامی بہنوں نے شرکت کی۔ لاہور ریجن نگران اسلامی بہن نے ”قرآنِ پاک کے فضائل اور اہمیت“ کے موضوع پر سنّتوں بھرا بیان کیا اور تقریب میں موجود اسلامی بہنوں کو درست مخارج کے ساتھ قرآنِ پاک کی تعلیم حاصل کر نے کے لئےمدرسۃ المدینہ للبنات میں داخلہ لینے اور مدنی کاموں میں حصہ لینے کا ذہن دیا۔

دعوت اسلامی کے زیر اہتمام 9 فروری 2020ءبروز اتوار جوہر ٹاؤن لاہور میں تعویذاتِ عطاریہ کی ذمہ داراسلامی بہنوں  کا اجلاس ہوا جس میں لاہور ریجن نگران اسلامی بہن نے اجلاس میں شریک اسلامی بہنوں کی تربیت کی اور رمضان المبارک کی حوالے سے اہم نکات دئیے نیز ذمہ داراسلامی بہنوں کو ڈونیشن جمع کرنے کے حوالے سے اہداف پیش کئے۔

شیخِ طریقت، امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ کے علم و حکمت سے بھر پور ملفوظات سے آراستہ ہفتہ وار سلسلہ مدنی مذاکرہ جسے مدنی چینل پر براہ راست دکھایا جاتا ہے۔

اس ہفتے 13جمادی الاخریٰ1441ھ کی شب براہ راست دکھائے جانے والے مدنی مذاکرے کو ملک و بیرون ملک کے جامعات المدینہ للبنات میں تقریبا 19049 معلمات و طالبات نے سننے اور دیکھنے کی سعادت حاصل کی۔

دعوتِ اسلامی کے زیر اہتمام6فروری2020ء کوکراچی ریجن صدیق آباد میں ذمہ دار اسلامی بہنوں کا اجلاس ہوا جس میں ایسٹ زون کی 10 کابینہ ذمہ دار اسلامی بہنوں نے شرکت کی۔ کراچی ایسٹ زون ذمہ دار اسلامی بہن نے اجلاس میں شریک اسلامی بہنوں کی کارکردگی کا جائزہ لیتے ہوئے ان کی تربیت کی اور اجیر کے حوالے سے اہم نکات سمجھائے نیز25 فروری2020ء سے شروع ہونے والے معلمہ مدنی قاعدہ کورس (رہائشی) کے داخلوں کی تشہیر کرنے اور مدرستہ المدینہ بالغات کے شعبے پر ڈویژن اور علاقہ سطح کی تقرریاں کرنے کے اہداف طے کئے۔

نیکی کی دعوت کو عام کرنے کے جذبے کے تحت اسلامی بہنوں کے جنوری2020ءکے مدنی کاموں کی چند جھلکیاں ملاحظہ فرمائیے:

اس ماہ انفرادی کوشش کے ذریعے مدنی ماحول سے منسلک ہونے والی اسلامی بہنوں کی تعداد7291

روزانہ گھر درس دینے والوں کی تعداد62203

روزانہ امیراہل سنت دَامَتْ بَرَکَاتُہُمُ الْعَالِیَہ کا بیان/ مدنی مذاکرہ سننے والوں کی تعداد76623

مدرستہ المدینہ بالغات کی تعداد 3939

مدرستہ المدینہ بالغات میں پڑھنے والیوں کی تعداد39592

ہفتہ وار سنتوں بھرے اجتماع کی تعداد 7873

ہفتہ وار سنتوں بھرے اجتماع میں شرکا کی تعداد 279277

ہفتہ وار علاقائی دورہ (شرکائے مدنی دورہ کی تعداد ) 19300

ماہانہ مدنی حلقے کی تعداد 631

ماہانہ تربیتی حلقے میں شرکا کی تعداد 18980

اسلامی بہنوں کی مجلس مدرسۃ المدینہ بالغات کے تحت12جنوری 2020ء کو  ریجن مڈل ایسٹ کے شہر ریاض (Riyadh) میں دو مدرسۃ المدینہ بالغات کا آغاز کیا گیا جن میں 7 اسلامی بہنوں نے داخلہ لیا ۔

داخلے لینے والی اسلامی بہنوں کو درست مخارج کے ساتھ قراٰنِ پاک کی تعلیم اور دیگر شرعی مسائل کےبارےمیں معلومات فراہم کی جارہی ہے۔