دعوتِ اسلامی کے ’’شعبۂ تعلیم‘‘ کے زیر اہتمام 13 رجب المرجب 9 مارچ2020 بروز پیر کو فیصل آباد زون میں شعبۂ تعلیم  کی ذمہ داراسلامی بہن نے گورنمنٹ گرلز پرائمری اسکول کی پرنسپل سے ملاقات کی اور انہیں دعوت اسلامی کے مدنی کاموں کے بارے میں آگاہی دیتے ہوئے اسکول میں درس اجتماع رکھنے اور ہفتہ وار سنتوں بھرے اجتماع میں شرکت کی ترغیب دلائی۔

دعوت اسلامی کے تحت دار السنہ للبنات گلشن اقبال کراچی  میں معلمہ مدنی قاعدہ کورس کی اختتامی تقریب کا انعقاد کیا گیا جس میں کم و بیش 34 اسلامی بہنوں نے شرکت کی۔ اس موقع پر مبلغہ دعوت اسلامی نے اچھے ماحول کی برکتیں اور نیکیوں پر استقامت پانے کے موضوع پر سنتوں بھرا بیان کیا۔اجتماع کے اختتام پر طالبات میں تحائف بھی تقسیم کئے گئے۔

اسلامی بہنوں کے شعبےدارالسنہ کے تحت9 مارچ2020ء   سے پاکستان بھر کے دار السنہ للبنات میں ”اسلامی زندگی کورس“(تمام اسلامی بہنوں کےلئے) جاری ہے۔

اس کورس میں تجوید،فقہ،مہلکات، معاملات،شان خاتون جنت کتاب کا انفرادی مطالعہ وغیرہ شامل ہے۔

دعو ت اسلامی کے شعبہ جامعات المدینہ للبنات کے زیر ِ اہتمام 10مارچ 2020ء بروزمنگل جامعات المدینہ للبنات کی اراکین پاک مشاورت کے ساتھ اراکین کابینہ، زون و ریجن ذمہ داراسلامی بہنوں کا بذریعۂ اسکائپ ماہانہ اجلاس ہوا جس میں پاک ذمہ دارجامعۃ المدینہ للبنات نے شعبۃ الامتحان، شعبہ مالیات ، شعبہ تعلیم اور متفرق نکات پر تربیت کی نیز زون و اراکین کابینہ ذمہ داراسلامی بہنوں کو ترغیب دلائی کہ زون کی تمام معلمات احیا ٫العلوم کی تمام جلد وں کا 12ماہ میں مکمل مطالعہ فرمالیں ۔

دعوتِ اسلامی کے زیر اہتمام 8مارچ2020ء کو سیالکوٹ زون کے ایک ذیلی حلقے تمبل بازار میں سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔ رکن عالمی مجلس علاقائی دورہ نے ”دعا کے فضائل و آداب “کے موضوع پر سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی کاموں سے متعلق آگاہی فراہم کرتے ہوئے مدنی کاموں میں عملی طور پر شرکت کرنے اور ہفتہ وار اجتماع میں شرکت کرنے کی ترغیب دلائی۔ 

دعوتِ اسلامی کے شعبہ مدرسۃ المدینہ بالغات کے زیر ِ اہتمام اسلام آباد ریجن میں ماہ فروری2020ء میں12 نئےمدرستہ المدینہ بالغات کا اضافہ ہوا جس میں کئی اسلامی بہنوں نے داخلہ لیا ۔ داخلہ لینے والی اسلامی بہنیں ایک گھنٹہ روزانہ مدرستہ المدینہ بالغات میں دیئے گئے شیڈول کے مطابق علم دین کی تعلیم سے آراستہ ہو رہی ہیں۔

اسلامی بہنوں کی مجلس   شارٹ کورسز کے زیر ِ اہتمام9 مارچ 2020ء سے تین دن پر مشتمل ” فیضان زکوۃ کورس“ کاآن لائن آغاز ہوا جس میں پاکستان نگران اور کراچی ریجن نگران اسلامی بہنوں نے شرکت کی۔ اس کورس میں قراٰن و حدیث کی روشنی میں زکوٰۃ کا بیان،چندہ کرنے کی شرعی حیثیت؟نیز ڈونیشن کرنے کے حوالے سے اہم تنظیمی نکات فراہم کئے گئے۔

اسلامی بہنوں کی مجلس مکتوبات و اوراد عطاریہ کے زیر ِ اہتمام 7مارچ 2020ءبروز ہفتہ اٹک کابینہ میں دعائے صحت اجتماع کا انعقاد کیا گیا جس میں تقریباً 92 سے زائداسلامی بہنوں نے شرکت کی۔ مبلغۂ دعوتِ اسلامی نے سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔ اختتام پر اجتماعی دعا کا بھی سلسلہ ہوا جبکہ اجتماعِ پاک میں آنے والی اسلامی بہنوں کو فی سبیل اللہ تعويذاتِ عطاریہ بھی فراہم کئے گئے۔

دعوتِ اسلامی کے مجلس جامعات المدینہ للبنات کے زیر ِ اہتمام مارچ 2020ء میں حیدرآباد ریجن لاڑکانہ زون کی دادو کابینہ میں ایک جامعۃ المدینہ کے لئے جگہ لی گئی ہے۔ اِنْ شَآءَ اللہ عَزَّ وَجَلَّ! شوال المکرم1441ھ سے باقاعدہ اس کا افتتاح کیا جائے گا اور باقاعدہ اس میں اسلامی بہنیں ”فیضان علم کورس “ اور ”درس نظامی کورس“ میں داخلے لے کر تعلیم حاصل کر سکیں گی۔

 حضرت خواجہ غریب نواز رحمۃ اللہ علیہ کے یوم عرس کے موقع پر مدنی مذاکرہ و جلوس غریب نواز رحمۃ اللہ علیہ 6 رجب المرجب1441ھ تک ہونے والے براہ راست مدنی مذاکرے میں ملک و بیرون ملک کے جامعات المدینہ للبنات میں تقریباً 4ہزار 379 معلمات و طالبات نے سننے اور دیکھنے کی سعادت حاصل کی۔

ہفتہ وار مدنی مذاکرے میں امیر اہل ِسنت دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اور رسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہل ِسنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔

پچھلے ہفتے امیر اہل ِسنت دَامَتْ بَرَکَاتُہُمُ الْعَالِیَہ نے رسالہ ” جہنم کی غذا “ پڑھنے یا سننے کی ترغیب دلائی۔