11 فروری 2020ء  کو لاہورمیں مرحوم ملک عبد الحفیظ الرحمٰن عطاری کی نمازِ جنازہ رکنِ شوریٰ حاجی یعفور رضا عطاری کی امامت میں ادا کی گئی ۔ نماز جنازہ میں رکنِ شوریٰ حاجی محمد منصور عطاری،نگرانِ کابینہ واہگہ، نگرانِ کابینہ میاں میر ، عزیز اقارب اور اہلِ علاقہ نے شرکت کی ۔بعد نماز جنازہ اراکینِ شوریٰ نے مرحوم کے صاحبزادوں (محمد مبشر اقبال عطاری،محمد مدثر اقبال عطاری ،عطاء الرحمٰن عطاری) سے تعزیت کا اظہار کیا اور انہیں صبر کی تلقین کی۔

امیر اہلِ سنّت علامہ محمد الیاس عطار قادری  دَامَتْ بَرَکَاتُہُمُ الْعَالِیَہ نے سکینہ بی بی ،یوسف ، یاسمین عطاریہ،حاجی احمد، حاجی محمد راشد عطاری، عبد المجید ، حاجہ انور بی بی، حاجی احمد علی، امِّ ملک محمد رفیق، میاں عبد الرحمن اور میاں عبد الرؤف عطاری کےانتقال پر ان کےلواحقین سے تعزیت کی اور صبر و ہمت سے کام لینے کی تلقین فرمائی۔ آپ دَامَتْ بَرَکَاتُہُمُ الْعَالِیَہ نےمرحومین کے لئے دعائے مغفرت کی اور ایصالِ ثواب کے لئے مدنی پھول ارشاد فرمائے۔امیر اہلِ سنّت دَامَتْ بَرَکَاتُہُمُ الْعَالِیَہ نے لواحقین کو اپنے مرحومین کے ایصالِ ثواب کے لئے مکتبۃ المدینہ کی کتب و رسائل تقسیم کرنے اور مدنی مذاکروں میں شرکت کرنے کی ترغیب دلائی ۔

امیر اہلِ سنّت دَامَتْ بَرَکَاتُہُمُ الْعَالِیَہ کا پیغام سننے کے لئے Watch videoکے بٹن پر کلک کیجئے۔

دعوتِ اسلامی کے زیر اہتمام 7 فروری 2020ء کو نگران عالمی مجلس مشاورت نے ترکی کی مشاورت کا اجلاس لیاجس میں زبان کے درست استعمال اور فضول گوئی سے بچنے کی ترغیب دلائی گئی اور اس کے ساتھ ساتھ  ہفتہ وار رسالے اور شعبہ مدرسۃ المدینہ بالغات سے متعلق کارکردگی کا جائزہ لیا گیا۔

شیخ طریقت امیر اہلِ سنّت علامہ محمد الیاس عطار قادری  دَامَتْ بَرَکَاتُہُمُ الْعَالِیَہ نے حضرت مولانا پیر سید تنویر حسین شاہ،صوفی عظیم خان، مقبول عطاری، اُمّ ِزم زم عطاریہ، اللہ وصایا، محمد رمضان،صوفی رحمت علی عطاری ، غلام مصطفیٰ، غلام یسین ، امیر الدین ، جمیلہ بیگم ، خاتون بی بی، شریفہ بی بی اور زینت اختری بیگم کے انتقال پر ان کے لواحقین سے تعزیت کا اظہار کیا اور صبرکی تلقین کی۔آپ نے مرحومین کے لئے دعائے مغفرت فرمائی اور ایصالِ ثواب کے لئے سوگواروں کو ” کتاب فیضانِ نماز“ سے مدنی پھول ارشاد فرمائے۔

امیر اہلِ سنّت دَامَتْ بَرَکَاتُہُمُ الْعَالِیَہ کا پیغام سننے کے لئے Watch videoکے بٹن پر کلک کیجئے۔

دعوت اسلامی کے تحت 9 فروری 2020 ء کو سوات کابینہ لوئیر دیر میں علاقائی دورہ ہوا جس میں ذمہ داران نے اطراف کے اسلامی بھائیوں کو نیکی کی دعوت دی اور ہفتہ وار اجتماع میں شرکت کرنے کا ذہن دیا۔

امیر اہل سنّت دَامَتْ بَرَکَاتُہُمُ الْعَالِیَہ نے 08 فروری 2020 کے مدنی مذاکرے میں مدنی انعامات کے رسائل تقسیم کرنے والوں کےلیے دعا کرتے ہوئے فرمایا: یاربَّ المصطفےٰ جل جلالہ و صلی اللہ علیہ واٰلہ وسلم جو مدنی انعامات کے کم از کم 114 رسالے خرید کر تقسیم کرے اس کو امام غزالی رحمۃ اللہ علیہ کے صدقے میں بے حساب مغفرت سے نوازدے۔ آمین بجاہ النبی الامین صلی اللہ علیہ واٰلہ وسلم 

8 فروری 2020 ء کی رات دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرے کا انعقاد کیا گیا جس میں بانیِ دعوتِ اسلامی حضرت علامہ مولانا محمد الیاس عطا قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے علم و حکمت سے بھرپور جوابات ارشاد فرمائے۔ ہزاروں کی تعداد میں اسلامی بھائیوں نے عالمی مدنی مرکز فیضانِ مدینہ آکر مدنی مذاکرے میں شرکت کی سعادت حاصل کی جبکہ سینکڑوں مقامات پر اسلامی بھائیوں نے جمع ہوکر مدنی مذاکرے دیکھنے سننے کی سعادت پائی۔

امیر اہل سنّت دامت برکاتہم العالیہ نے مدنی مذاکرے میں ایک اہم مسئلے کی طرف توجہ دلاتے ہوئے حدیثِ پاک یا علی انت اخی فی الدنیا والآخرۃ ”یعنی اے علی تم دنیا اور آخرت میں میرے بھائی ہو“ (مستدرک للحاکم ، الحدیث 4345، ج3، ص 550) بیان کی اور فرمایا کہ حضرت علی کرّم اللہ وجھہ الکریم کو نبی علیہ الصلوٰۃ والسلام کا بھائی کہنا جائز ہے۔

8 فروری 2020 ء کی رات دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرے کا انعقاد کیا گیا جس میں بانیِ دعوتِ اسلامی حضرت علامہ مولانا محمد الیاس عطا قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے علم و حکمت سے لبریز جوابات ارشاد فرمائے۔ ہزاروں کی تعداد میں اسلامی بھائیوں نے عالمی مدنی مرکز فیضانِ مدینہ آکر مدنی مذاکرے میں شرکت کی سعادت حاصل کی جبکہ سینکڑوں مقامات پر اسلامی بھائیوں نے جمع ہوکر مدنی مذاکرے دیکھنے سننے کی سعادت پائی۔ مدنی مذاکرے کے چند مدنی پھول ملاحظہ کیجئے:

سوال: بزرگوں کی فِقْہ(یعنی اسلامی مسائل)کے علم کو عام کرنے کی خدمات کو کسی مثال سے بیان فرمادیں ؟

جواب:فِقْہ(یعنی اسلامی مسائل) کی کھیتی(فصل) مشہورصحابی حضرت عبداللہ بن مسعودرضی اللہ عنہ نے لگائی،عظیم تابعی حضرت عَلْقَمَہ بن قَیْسنے اس کی آبیاری کی یعنی پانی دیا ،حضرت ابراہیم نَخْعی نے اس کوکاٹا،حضرت حمّادبن ابوسلمان نےدانےجُداکئے ،حضرت امام ِاعظم ابوحنفیہ نے دانوں کو باریک کیا ،حضرت امام ابویوسُف نےآٹے کو گُوندھا،حضرت امام محمدبن حسن شیبانی نےروٹیاں پکائیں اوراُمّت نے ان کو شکم سیرہوکریعنی پیٹ بھرکرکھایا۔رَحْمۃُاللہِ عَلَیْہم اَجْمَعِیْن

سوال: علمِ دِین حاصل کرنےکے ساتھ ساتھنفل عبادت کے بارے میں آپ کیا فرماتے ہیں ؟

جواب: علمِ دِین حاصل کرنانفل عبادت سے افضل ہے،البتہ نفل عبادت کے بھی اپنے فضائل ہیں، اس کو ترک نہیں کرنا چاہئے ۔

سوال: امیرِاہلِ ِسُنّت دَامَتْ بَرَکاتُہُمُ الْعَالِیَہ نے کون سے کاموں کی خواہش کااظہارفرمایا؟

جواب: آپ نے فرمایا:کا ش! ہم سے وہی کام ہوں، جس سے اللہ پاک کی رِضا حاصل ہو۔

سوال:کسی کو نامُراد آباد کہنا کیسا ؟

جواب:نامُرادکہنے میں اس کی بے عزّتی اوردل آزاری کا باعث ہے ،ایساہرگز نہیں کہنا چاہئے۔

سوال: حج مہنگا ہوگیاہےکیاکریں ؟

جواب:کسی نےبڑی پیاری بات کی ہے کہ حج مہنگا ہے ،نمازتومہنگی نہیں ہےنمازتوپڑھا کرو۔

سوال:نیک،نمازی اورعالم رِشتے کے انتظارمیں اسلامی بہن کی عمربڑھتیجارہی ہوتو اس کا کیا حل ہے؟

جواب: جب بھی کوئی کُفویعنی جوڑمل جائے ،عقیدےمیں خرابی نہ ہو،پکا سُنّی اورعاشق ِاعلیٰ حضرت ہو ،بہتریہ ہے کہ باعمل بھی ہوتورشتہ کردینا چاہئے ۔

سوال: امیرِاہلِ ِسُنّت دَامَتْ بَرَکاتُہُمُ الْعَالِیَہ نے مدنی انعامات کے 114 رسالے خریدکرتقسیم کرنےوالے کو کیا دعادی ؟

جواب:یارَبَّ الْمُصْطَفٰی!جوکوئی مدنی انعامات کے 114 رسالے خریدکرتقسیم کرے ،اُسے امام غزالی کے صدقے بے حساب بخشش سے نوازدے۔ اٰمِیْن۔

سوال:اِس ہفتے کارِسالہ ”فیضانِ جُمعہ“پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یااللہپاک! جو کوئی رسالہ”فیضانِ جُمعہ“کے 25صفحات پڑھ یا سُن لےاُسےرمضانُ المبارک میں جمعۃ الوداع کے دن مدینۂ منوّرہ میں جلوۂ محبوب میں ایمان و عافیت والی شہادت، جنّت البقیع میں مدفن اور جنّتُ الفردَوس میں اپنے پیارے اور آخری نبی صلَّی اللہ علیہ واٰلہٖ وسلَّم کا پڑوس نصیب فرما۔اٰمِیْن۔

7 فروری 2020ء کو حضرت سیدنا بابا فرید الدین گنج شکر رحمۃ اللہ تعالٰی علیہ کے مزار شریف کے سجادہ نشین حضرت مولانا دیوان احمد مسعود صاحب دَامَتْ بَرَکَاتُہُمُ الْعَالِیَہ کی عالمی مدنی مرکز فیضانِ مدینہ کراچی آمد ہوئی۔ اس موقع پر انہوں نے جانشینِ  امیراہل ِسنّت حضرت مولانا عبید رضا عطاری مدنی مَدَّظِلُّہُ الْعَالِی سے ملاقات کی اور ان کی پھوپھی جان (امیرِ اہلِ سنت دَامَتْ بَرَکَاتُہُمُ الْعَالِیَہ  کی بڑی بہن)کے لئے دعائے مغفرت کی۔

امیرِ اہلِ سنت دَامَتْ بَرَکَاتُہُمُ الْعَالِیَہ ہر ہفتہ وار مدنی مذاکرے میں کسی ایک مدنی رسالے کے مطالعے کی ترغیب ارشاد فرماتے ہیں، مطالعہ کرنے والے خوش نصیب اسلامی بھائیوں اور اسلامی بہنوں کی کارکردگی بھی امیرِ اہلِ سنت کی خدمت میں پیش بھی کی جاتی ہے نیز امیرِ اہلِ سنت مطالعہ کرنے اور سننے والوں کو اپنی دعاؤں سے بھی نوازتے ہیں۔ آنے والے مدنی مذاکرے میں رسالہ”فیضانِ جمعہ“ کے مطالعے کی ترغیب ارشاد فرمائیں گے۔ تمام عاشقانِ رسول اس رسالے کا مطالعہ کر کے امیرِ اہلِ سنت دَامَتْ بَرَکَاتُہُمُ الْعَالِیَہ کے دعاؤں سے حصہ پائیں۔ رسالہ مکتبۃالمدینہ کی کسی بھی شاخ سے بڑے سائز کا رسالہ 13 روپے اور جیبی سائز 6 روپے ہدیہ میں حاصل کیا جا سکتا ہے۔

دعائے امیرِ اہلِ سنت دَامَتْ بَرَکَاتُہُمُ الْعَالِیَہ

یا اللہ پاک! جو کوئی رسالہ ”فیضانِ جُمعہ“ کے 25صفحات پڑھ یا سُن لےاُسے رمضانُ المبارک میں جمعۃ الوداع کے دن مدینۂ منوّرہ میں جلوۂ محبوب میں ایمان و عافیت والی شہادت، جنت البقیع میں مدفن اور جنت الفردوس میں اپنے پیارے اور آخری نبی صلَّی اللہ تعالٰی علیہ واٰلہٖ وسلَّمکا پڑوس نصیب فرما۔ اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

رسالہ”فیضانِ جمعہ“ آن لائن پڑھنے اور ڈاؤن لوڈ کرنے کے لئے کلک کیجئے

Download Now

رسالہ آڈیو میں سننے کے لئے کِلک کیجیئے

Audio Book

فرمانِ مصطفی صلَّی اللہ تعالٰی علیہ واٰلہٖ وسلَّم: افضل عبادت دین کے مسائل سیکھنا ہے۔(الترغیب والترہیب،جلد1، صفحہ نمبر63)

یااللہ جو گھر میں مسجد میں دکان میں یا بازار وغیرہ میں مدرسہ المدینہ بالغان میں پڑھتے/پڑھاتے یا کسی طرح سے شرکت کی سعادت حاصل کرتے ہیں ان کو فیضانِ قراٰن سے مالا مال فرما کر جنّت الفردوس میں بے حساب داخلہ نصیب فرما، اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

صلو اعلی الحبیب صلی اللہ تعالیٰ علیٰ محمد

مدنی چینل دیکھتے رہیے

بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ گزشتہ رات (5 فروری 2020)بیرونِ ملک تشریف لے گئے ہیں۔پچھلے دنوں آپ نے اپنے ایک ویڈیو پیغام میں بتایا تھا کہ میں کتب ورسائل کی تصنیف و تالیف کے سلسلے میں بیرونِ ملک آتا ہوں۔

واضح رہے کہ امیر اہلِ سنت دَامَتْ بَرَکَاتُہُمُ الْعَالِیَہ 17دسمبر2019 کو بیرونِ ملک تشریف لے گئے تھے اور اس وقت اپنی بڑی بہن کے انتقال پر پاکستان دوبارہ تشریف لائے تھے۔ سوئم اور تعزیت کے لئے آنے والے ملاقاتیوں سے فراغت کے بعد آپ آج 5 فروری کو ایک بار پھر بیرونِ ملک روانہ ہوگئے ہیں۔

آپ دَامَتْ بَرَکَاتُہُمُ الْعَالِیَہ نے سفر کے دوران عاشقانِ رسول کے نام ایک پیغام بھی جاری کیا ہے۔

اس پیغام کو سننے کے لئے Watch video کے بٹن پر کلک کیجئے