لوگوں کو علمِ دین سکھانے والی عاشقانِ رسول کی دینی تحریک دعوتِ اسلامی کے تحت سندھ کے شہر حیدرآباد میں 21 اپریل 2024ء کو فیضان صحابیات کے اسٹاف کی میٹنگ منعقد ہوئی جس میں دیگر اسلامی بہنوں کی بھی شرکت رہی۔

اس میٹنگ میں دعوتِ اسلامی کی نگرانِ پاکستان مجلسِ مشاورت اسلامی بہن نے دینی کاموں کے متعلق گفتگو کرتے ہوئے فیضانِ صحابیات حیدرآباد کے مسائل پر کلام کیا اور اس کا حل بتایا۔

اصلاحِ معاشرہ کا جذبہ رکھنے والی عالمی تحریک دعوتِ اسلامی کے تحت پاکستان کے شہر بدین  میں 20 اپریل 2024ء کو بنبھور ڈویژن، سندھ کی ذمہ داران کا مدنی مشورہ منعقد کیا گیا جس میں بنبھور ڈویژن نگران، ڈویژن سطح کی شعبہ ذمہ داران، ڈسٹرکٹ نگران ، تحصیل وٹاؤن نگران اور رہائشی شہر کی یوسی نگران اسلامی بہنوں نے شرکت کی۔

اس موقع پر نگرانِ پاکستان مجلسِ مشاورت اسلامی بہن نے ”اطاعت مرشد“ کے موضوع پر بیان کیا اور اسلامی بہنوں کے 8 دینی کاموں کے حوالے سے مدنی پھول دیئے۔

20 اپریل 2024ء کو پاکستان کے شہر بدین میں قائم  دعوتِ اسلامی کے جامعۃ المدینہ گرلز حلیمہ سعدیہ میں ایک سیشن منعقد ہوا جس میں معلمات و طالبات سمیت دیگر ذمہ دار اسلامی بہنوں نے شرکت کی۔

سیشن کی ابتدا اللہ عزوجل کے پاک کلام سے ہوئی اور نعت خواں اسلامی بہن نے پیارے آقا صلی اللہ علیہ و سلم کی بارگاہ میں نعت شریف کا نذرانہ پیش کیا جبکہ نگرانِ پاکستان مجلسِ مشاورت اسلامی بہن نے سنتوں بھرا بیان کیا اور حاضرین کو مدنی پھولوں سے نوازا ۔

اس کے علاوہ نگرانِ پاکستان مجلسِ مشاورت نے دینی کاموں کے حوالے سے معلمات و طالبات کی ذہن سازی کرتے ہوئے انہیں دعوتِ اسلامی کی تنظیمی ذمہ داریاں لے کر دینی کام بڑھانے کی ترغیب دی جس پر معلمات و طالبات نے اچھی اچھی نیتیں کیں۔

19 اپریل 2024ء کو عاشقانِ رسول کی دینی تحریک دعوتِ اسلامی کے تحت میر پور خاص ڈویژن کی ذمہ داران کا مدنی مشورہ منعقد ہوا جس میں میر پور خاص  ڈویژن کی نگران ، ڈویژن سطح کی شعبہ ذمہ داران ، ڈسٹرکٹ نگران ، تحصیل وٹاؤن نگران اور رہائشی شہر کی یوسی نگران اسلامی بہنوں نے شرکت کی۔

اسلامی بہنوں کے 8 دینی کاموں کے حوالے سے ذہن سازی کرتے ہوئے نگرانِ پاکستان مجلسِ مشاورت اسلامی بہن نے مدنی پھول دیئے اور ڈونیشن کے اہداف پر مزید انفرادی کوشش کے لئے اہداف دیئے ۔

دعوتِ اسلامی کے تحت 19 اپریل 2024ء کوصوبہ سندھ کے  میر پور خاص ڈسٹرکٹ میں قائم مدرسۃ المدینہ گرلز میں اسٹاف و طالبات کے لئے سیکھنے سکھانے کا حلقہ لگایا گیا۔

اس حلقے میں پاکستان مجلسِ مشاورت اسلامی بہن نے ”اتفاق میں برکت ہے“کے موضوع پر بیان کرتے ہوئے حاضرین کو دینی کاموں کی ترغیب دلائی جس پر 4 مدرسات نے نئےسنتوں بھرے اجتماع کا آغاز کرنے اور مزید دینی کاموں میں حصہ لینے کی اچھی اچھی نیتیں کیں ۔

دعوتِ اسلامی کے شعبہ مکتبۃ المدینہ گرلز، شعبہ تقسیمِ رسائل اور شعبہ ماہنامہ فیضانِ مدینہ کے تحت ہونے والے لرننگ سیشن کے دوسرے دن 16 اپریل 2024ء کو پنجاب سطح کی شعبہ مکتبۃ المدینہ گرلز ذمہ دار  اسلامی بہن نے سافٹ ویئر کے متعلق ٹریننگ دی۔

اس ٹریننگ میں ذمہ دار اسلامی بہن نے شرکا کو ہفتہ وار دینی کاموں کی انٹری کرنے اور ماہانہ کارکردگی انٹری کرنے کا طریقہ سکھایا۔شعبہ تقسیمِ رسائل کی صوبائی ذمہ دار اسلامی بہن نے ماہانہ کارکردگی لینے اور اس کو انٹر کرنے کا طریقہ بتایا جبکہ شعبہ مکتبۃ المدینہ گرلز اور شعبہ تقسیمِ رسائل کے شرعی مسائل پر بھی کلام ہوا۔علاوہ ازیں عالمی سطح کی شعبہ مکتبۃ المدینہ گرلز ذمہ دار نے ”ایک ذمہ دار کا جدول کیسا ہو؟“ کے موضوع پر بیان کیا۔

بعدازاں دعوتِ اسلامی کی مرکزی مجلسِ شوریٰ کے رکن مولانا حاجی ابو ماجد محمد شاہد عطاری مدنی نے بذریعہ آڈیو لنک ”شعبے کا مقصد و اہمیت اور اس میں ذمہ داران کا کردار“ کے موضوع پر بیان کیا جس میں انہوں نے اسلامی بہنوں کو دینی کاموں کو مضبوط کرنے، ان میں مزید بہتری لانے اور نظام کو بہتر بنانے کے متعلق مدنی پھول دیئے۔

صوبۂ پنجاب پاکستان میں عاشقانِ رسول کی دینی تحریک دعوتِ اسلامی کے تحت  2دن پر مشتمل(15، 16 اپریل 2024ء) لرننگ سیشن منعقد ہوا جس میں مختلف شعبہ جات (شعبہ مکتبۃ المدینہ گرلز، شعبہ تقسیمِ رسائل اور شعبہ ماہنامہ فیضانِ مدینہ) کی پاکستان، صوبہ، ڈویژن، ڈسٹرکٹ اور میٹروپولیٹن سطح کی ذمہ دار اسلامی بہنوں نے شرکت کی ۔

سیشن کا آغاز 15 اپریل 2024ء کو تلاوتِ قراٰن و نعت شریف سے کیا گیا جس کے بعد پاکستان سطح کی شعبہ ذمہ دار اسلامی بہن نے ابتداءً شعبہ جات کا تعارف کروایا اور مختلف امور پر ذمہ دار اسلامی بہنوں کی تربیت کی جن میں سے بعض درج ذیل ہیں:

٭ایک ذمہ دار کو کیسا ہونا چاہیئے؟٭مختلف کارکردگیوں کا جائزہ٭ذمہ داران کی تربیت و رہنمائی٭شعبہ جات کے کاموں کو بڑھانے کے لئے آئندہ کے اہداف۔

حُبِّ دنیا (دنیا کی محبت) کے سبب آج کل کے مسلمانوں کی بھاری اکثریت کے دلوں سے اسلام کی حقیقی ہیبت نکلتی چلی جارہی ہے اور لوگ شریعت و سنت سے دور ہوتے چلے جا رہے ہیں شاید یہی وجہ ہے کہ ہمیں بےشمار پریشانیوں اورمصیبتوں نے گھیرا ہوا ہے۔

لوگوں کے دلوں سے دنیا کی محبت نکالنے اور انہیں اسلام کی حقیقی تعلیمات سے آگاہ کرنے کے لئے اس ہفتے امیرِ اہلِ سنت حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہنے عاشقانِ رسول کو رسالہ ”جہنَّم کیا ہے؟“ پڑھنے / سننے کی ترغیب دلائی ہے اور پڑھنے / سننے والوں کو دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 21 صفحات کا رسالہ ”جہنَّم کیا ہے؟“ پڑھ یا سُن لے اُسے جھنَّم کے عذاب سے بچا اور اُس کو ماں باپ سمیت جنَّت الفردوس میں بےحساب داخلہ عطا فرما۔ اٰمِیْن

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

دعوتِ اسلامی کے شعبہ رابطہ برائے تاجران کےتحت 18 جون2023 ء کوراولپنڈی ،راجہ بازار کی صرافہ بازار/ گولڈ مارکیٹ میں تاجر اجتماع کا سلسلہ ہوا  جس میں صرافہ بازار یونین کے صدر سمیت وہاں کام کرنے والے دیگر سناروں نے شرکت کی۔

تاجر اجتماع میں صوبائی ذمہ دار اویس عطاری نے بیان کیا جس میں شرکا کو گناہوں سے بچتے ہوئے 72 نیک اعمال رسالے پر عمل کرنے کا ذہن دیا اور نیک اعمال کرتے ہوئے اپنے معمولات زندگی چلانے کی ترغیب دلائی ۔

ساتھ تاجروں کو ہفتہ وار اجتماع میں شرکت کرنے کی دعوت بھی دی گئی۔ آخر میں گولڈ مارکیٹ کے تاجران نے ہر ماہ مارکیٹ میں تاجر اجتماع رکھنے کی خواہش کا اظہار کیا اور اگلے ماہ یہ اجتماع یونین آفس میں کرنے کی پیشکش کی جس میں 200 کے زائد تاجروں کے بیٹھنے کی جگہ ہے اسی مارکیٹ میں بعد اجتماع ایک تاجر نے اپنی ایک خالی دکان مدرسہ بالغان اور نماز کورس وغیرہ کروانے کیلئے پیش کی ۔(رپورٹ:محمد رضوان عطاری ذمہ دار شعبہ رابطہ برائے تاجران راولپنڈی،کانٹینٹ:رمضان رضا عطاری)

14 جون  2023ء بروز بدھ فیضان آن لائن اکیڈمی بوائز کی نیوکراچی برانچ میں مدنی مشورہ ہوا جس میں نیوکراچی برانچ کے مدنی عملے نے شرکت کی ۔

رکنِ مجلس محمد تبریز حسین عطاری مدنی اور ڈویژن ذمہ دار محمد وقاص عطاری مدنی نے مدنی عملے کا مدنی مشورہ لیا جس میں آن لائن اجتماعی قربانی کے حوالے سے پیشگی تیاری اور ذمہ داریوں سے متعلق مفید مدنی پھول دیئے نیز مدرسین کی طرف سے کئے گئے سولات کے جوابات بھی دیئے۔آخر میں اچھی کارکردگی کے حامل اسلامی بھائیوں کے درمیان تحائف تقسیم کئے۔(رپورٹ : محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

تعلیمی  شعبہ فیضان آن لائن اکیڈمی بوائز دعوتِ اسلامی کی جانب سے16جون2023ء بروز جمعہ ملتان ڈویژن کے ناظمین کا مدنی مشورہ ہوا جس میں ملتان ڈویژن کے شفٹ و برانچ ناظمین نے شرکت کی ۔

نگران مجلس مولانا یاسر عطاری مدنی نے اسلامی بھائیوں کے سابقہ دینی کاموں کی کارکردگی کا جائزہ لیا اور انھیں آئندہ کارکردگی کو مزید بڑھانے کے حوالے سے نکات فراہم کئے ۔ اس کے علاوہ رکن مجلس و صوبائی ذمہ دار عامر سلیم عطاری مدنی نے ناظمین کی جانب سے کئے گئے سوالوں کے جوابات بھی دیئے ۔(رپورٹ : محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

19جون 2023ء کو دعوت اسلامی  کے شعبہ خدامُّ المساجد والمدارس کی جانب سے بہاولپور سٹی میں مدنی مشورے کا انعقاد ہوا جس میں بہاولپور ڈویژن ا ور ڈسٹرکٹ ذمہ داران نے شرکت کی۔

نگران بہاولپور ڈویژن ڈاکٹر حافظ عبدالرؤف عطاری نے مدنی مشورے میں شریک اسلامی بھائیوں کو 12دینی کاموں بالخصوص مدنی قافلے میں ہر ماہ سفر کرنے کی دعوت دی اور ڈویژن میں دعوت اسلامی کے قائم کردہ اثاثہ جات کے حوالے سے گفتگو کرتے ہوئے مدنی پھول دیئے۔ (رپورٹ :احمدرضا عطاری ڈویژن ذمہ دار،کانٹینٹ:رمضان رضا عطاری)