طلبہ کی تعلیمی ،ذہنی ، جسمانی اور نفسیاتی نشوونما کے ساتھ ساتھ ان کی اخلاقی تربیت کرنا والدین اور اساتذہ کی اہم ذمہ داری ہے۔جس طرح درختوں کی نگہداشت سے ماحول کو سرسبزبنایا جاسکتا ہے اسی طرح طلبہ کی درست تعلیم وتربیت سے پورے معاشرے کو گلِ گلزار بنایا جاسکتا ہے۔تعلیم و تربیت کےاس سلسلے کو مؤثر بناتے ہوئے دارالمدینہ انٹرنیشنل اسلامک اسکول سسٹم گرمیوں کی چھٹیوں میں سمر ویکیشن ہوم ورک اور سمر تربیہ ہوم ورک جاری کررہاہے۔

سمرویکیشن ہوم ورک میں اُردو اور دیگر مضامین کے بنیادی کاموں کی دہرائی کے علاوہ ریاضی کی مہارت کو تقویت دینے کے لئے جیومیٹری، الجبرا،سیٹ اور دیگر تصورات پر مبنی مشقیں دی گئی ہیں ۔انگلش میں گرامراور الفاظ کی ورک بک کے ساتھ ساتھ زبان کی بنیادی مہارتوں کو بہتر بنانے کے لئے مشقیں اور سرگرمیاں دی گئی ہیں۔سائنس کی درسی کتابوں میں دیئے گئے تجربات، تصورات اور کارآمد باتوں سے متعلق ایسے عنوانات شامل کئے گئے ہیں جو طلبہ میں سائنسی سوچ کو فروغ دے سکیں۔

سمرتربیہ ہوم ورک میں مختلف کلاسز کے طلبہ کے لئے دینی ،اخلاقی اور تعلیمی سرگرمیاں ترتیب دی گئی ہیں۔ان میں تلاوتِ قراٰن،کلمے، دعائیں،حدیثِ پاک،بنیادی عقائدکی تفہیم،ایکٹیویٹی بیسڈ اسلامک نالج،وضو،غسل اور نماز کی معلومات کی فراہمی کے ساتھ ساتھ اخلاقی اوصاف پرمبنی سرگرمیاں بھی شامل ہیں۔ ساتھ ہی طلبہ کو گھر درس دینے اور مدنی مذاکرہ دیکھنے کی خصوصیت کے ساتھ دعوت بھی پیش کی گئی ہے۔ سمر تربیہ ہوم ورک میں اسلامیات کی درسی کتب کی سرگرمیاں بھی شامل کی گئی ہیں ۔

تمام ہی جماعتوں میں سمر تربیہ ہوم ورک اور سمر ویکیشن ہوم ورک تیار کرتے ہوئے طلبہ کی دلچسپیوں کو پیش نظر رکھا گیا ہے تاکہ طلبہ گرمیوں کی چھٹیوں کے دوران اپنے اندر پڑھنے اور سیکھنے کا شوق پیدا کرسکیں۔

سمر تربیہ ہوم ورک کو www.darulmadinah.net پر بھی رکھا گیا ہے تاکہ دارالمدینہ کے علاوہ دوسرے اسکولز میں پڑھنے والے بچّوں کے والدین بھی استفادہ کرسکیں اور اپنے بچوں کی بہترین تربیت کرسکیں۔ (رپورٹ: غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

پچھلے دنوں بہاولپور سٹی میں دعوتِ اسلامی  کے شعبہ ہفتہ وار اجتماع مجلس کے ذمہ داران مدنی مشورہ ہوا جس میں نگران بہاولپور ڈویژن ڈاکٹر حافظ عبدالرؤف عطاری نے ہفتہ وار اجتماع کو مزید بہتر بنانے کے حوالے سے مدنی پھول دیئے نیز ذیلی مجالس کے ذمہ داران کا تقرر بھی کیا۔(کانٹینٹ:رمضان رضا عطاری)

پچھلے  دنوں اسپیشل پرسنز ڈیپارٹمنٹ کے تحت عالمی مدنی مرکز فیضان مدینہ کراچی میں سائن لینگویج کورس ہوا اور 26 مئی 2023 ءکو کورس کے اختتام پر تقسیم اسناد اجتماع کا انعقاد ہوا ۔

تفصیلات کے مطابق اس کورس میں نارمل اسلامی بھائیوں کو اسپیشل پرسنز(گونگے بہرے اسلامی بھائیوں) سے اشاروں کی زبان میں کلام کرنے کی تربیت دی گئی۔

کورس کے اختتام پر کورس کرنے والے اسلامی بھائیوں میں اسناد تقسیم کی گئیں جس میں معلم کورس محمد زبیر عطاری سمیت دیگر ذمہ داران نے شرکت کی۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

عاشقان رسول کی دینی تحریک  دعوت اسلامی کے اسپیشل پرسنز ڈیپارٹمنٹ کے تحت گونگے بہرے اسلامی بھائیوں نے مدنی قافلے میں سفر کیا۔

مدنی قافلے کے اختتام پر 21 مئی 2023ء کو فیضان ِمدینہ شیخوپورہ ،پنجاب میں اسپیشل پرسنز کے ماہانہ اجتماع کا انعقاد کیا گیا جس میں ڈویژن ذمہ دار محمد علی عطاری نے وضو،غسل ، نماز کے بنیادی مسائل اور اخلاقیات کے متعلق اشاروں کی زبان میں بیان کیا۔

اس اجتماع میں اسپیشل پرسنز(گونگے بہرے اسلامی بھائیوں) کے افراد نے شرکت کی۔اس دوران ڈسٹرکٹ ذمہ دار علی حسن عطاری(شیخوپورہ) بھی موجود تھے۔(رپورٹ: ڈسٹرکٹ ذمہ دار علی حسن عطاری شیخوپورہ،کانٹینٹ:رمضان رضا عطاری)

اسپیشل پرسنز   ڈیپارٹمنٹ دعوتِ اسلامی کی جانب سے مانگا منڈی،پنجاب میں 24 مئی 2023ء کو رکن مجلس نابینا افراد ذمہ دار حاجی محمد حنیف عطاری (پاکستان) نے بلائنڈ(نابینا)ٹیچر سے ملاقات کی ۔

نابینا افراد پاکستان ذمہ دار محمد حنیف عطاری نے اسپیشل پرسنز ڈیپارٹمنٹ کے دینی کاموں کو بڑھانے اور چھٹیوں میں نابینا افراد کو 12 دن کے مدنی قافلے میں سفر کروانے کے حوالے سے مشاورت ہوئی جس پر انھوں نے اچھی نیت کا اظہار کیا ۔(رپورٹ: محمد سہیل عطاری ڈسٹرکٹ ذمہ دار قصور،کانٹینٹ:رمضان رضا عطاری)

29 مئی 2023ء بروز پیر بہاولپور میں تاجر کمیونٹی سے تعلق رکھنے والے شادی ہال کے اونر نے دعوتِ اسلامی کے فیضان آن لائن اکیڈمی بوائز بہاولپور برانچ کا وزٹ کیا۔

اس موقع پر نگرانِ ڈویژن مشاورت ڈاکٹر حافظ عبد الرؤف عطاری نے اونر کو برانچ کا وزٹ کروایا اور اس شعبے کے تحت دنیا بھر میں اشاعتِ دین کے حوالے سے ہونے والی ایکٹیویٹیز کے بارے میں بتایا۔ بعدازاں ڈویژن ذمہ دار نےاونر کو شعبہ فیضان آن لائن اکیڈمی کا تعارفی بروشر تحفے میں پیش کیا۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

جہلم  کے علاقے لہڑی میں 17مئی 2023ء کواسپیشل پرسنز ڈیپارٹمنٹ کے تحت سیکھنے سکھانے کے حلقہ کا انعقاد کیا گیا جس میں ڈویژن ذمہ دار عبدالقیوم عطاری(راولپنڈی) نے ’’نماز کی اہمیت‘‘ کے موضوع پر اشاروں کی زبان میں سنتوں بھرا بیان کیا۔

بیان میں شریک اسلامی بھائیوں کو ڈویژن ذمہ دار نے 03 دن، 12 دن اور ایک ماہ کے مدنی قافلے میں سفر کرنے اور ہفتہ وار سنتوں بھرے اجتماع میں شرکت کرنے کی دعوت دی۔ بعد ازاں ڈویژن ذمہ دار نے گونگے بہرے اسلامی بھائیوں کو نماز کا عملی طریقہ اشاروں کی زبان میں سکھایا جس پر ڈیف اسلامی بھائیوں نے دعوتِ اسلامی اور بالخصوص امیر اہلِ سنت دامت برکاتہم العالیہ کا شکریہ ادا کرتے ہوئے نیک تمناؤں کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

29 مئی 2023ء بروز پیر دعوتِ اسلامی کے تحت شعبہ فیضان آن لائن اکیڈمی بوائز کی برانچ فیضانِ مدینہ کراچی میں مدنی مشورہ ہوا جس میں متعلقہ شعبے کے ذمہ داران اور شعبہ FGRF کے اسلامی بھائی شریک تھے۔

ڈونیٹ قربانی کے ذمہ دار سیّد غلام الیاس عطاری، ہوم ڈلیوری قربانی کے ذمہ دار مولانا تبریز عطاری مدنی اور FGRF کے ذمہ دار شفاقت عطاری نے ذمہ دار اسلامی بھائیوں کی تربیت و رہنمائی کرتے ہوئے ہوم ڈلیوری کی ذمہ داری کس انداز میں کی جائے اور ڈونیٹ قربانی کے متعلق چند اہم نکات پر مشاورت کی۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

25 مئی2023ء کو دعوتِ اسلامی کے اسپیشل پرسنز ڈیپارٹمنٹ کے تحت رکنِ مجلس اسپیشل ایجوکیشن  ذمہ دار احمد اویس عطاری (پاکستان) نے کشمیر کے علاقے باغ میں واقع ڈسٹرکٹ سوشل ویلفیئر آفس کا وزٹ کیا،جہاں ان کی سوشل ویلفیئر آفیسر اور ایک پرائیویٹ این جی او( NGO )کے سربراہ سے ملاقات ہوئی۔

دورانِ ملاقات ذمہ دار نے دعوتِ اسلامی کے مختلف شعبہ جات کا تفصیلی تعارف کروایا اور اسپیشل پرسنز ڈیپارٹمنٹ کے تحت ہونے والی سرگرمیوں پر بریفنگ دی نیز ڈسٹرکٹ آفس میں نابینا افراد کا ڈیٹا حاصل کر کے انہیں مدرسۃ المدینہ برائے نابینا افراد اور جامعۃ المدینہ برائے نابینا افراد میں داخلوں کے لئے تیار کرنے ،این جی او (NGO ) کےتحت چلنے والے اسکولز میں موجود اسپیشل پرسنز(گونگے بہرے، نابینا اور معذور افراد) کی تربیت کرنے اور ان میں مختلف سرگرمیاں کرنے پر پلاننگ کی گئی۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

اشاعتِ دین کا کام بھرپور انداز میں کرنے والے دعوتِ اسلامی کے شعبہ فیضان آن لائن اکیڈمی بوائز کے تحت ماہانہ آن لائن میٹنگ ہوئی جس میں پاکستان بھرکے شفٹ و برانچ ناظمین، ڈویژن ذمہ داران اور اراکینِ شعبہ کے اسلامی بھائیوں کی کثیر تعداد میں شرکت رہی۔

تفصیلات کےمطابق ابتداءً نگرانِ شعبہ مولانا یاسر عطاری مدنی نے شرکا کی تربیت کرتے ہوئے منصب پر فائز ہونے پر اللہ عزوجل کا شکر ادا کرنے اور ذمہ داری کے تقاضے پورے کرنے کا ذہن دیا۔

نگرانِ شعبہ کا کہنا تھا کہ احساسِ ذمہ داری سے کسی کا مستقبل روشن ہو سکتا ہے اور احساسِ ذمہ داری نہ ہو نے پر غلط فیصلہ بھی ہو سکتا ہے، احساسِ ذمہ داری سے مالِ وقف کی حفاظت بہترین انداز میں ہو سکتی ہے، ذمہ دار اگر حساس طبیعت کا ہوگا تو شرعی اصولوں پر عمل کرنے اور کروانے میں کامیاب ہو جائے گا۔

اس کے علاوہ نگرانِ شعبہ فیضان آن لائن اکیڈمی گرلز سیّد غلام الیاس عطاری نے قربانی کے حوالے سے گفتگو کرتے ہوئے کہا کہ دعوتِ اسلامی کے تحت 3 طرح سے اجتماعی قربانی کی جاتی ہے۔1)علاقے میں قربانی۔2)ڈونیٹ قربانی۔3) ہوم ڈلیوری قربانی ۔

دعوت ِاسلامی کے اسپیشل پرسنز ڈیپارٹمنٹ کی جانب سے  24 مئی2023 ء کو اسپیشل ایجوکیشن ذمہ دار احمد اویس عطاری نے صوبائی ذمہ دار سلیمان عطاری کے ہمراہ راولا کوٹ ،کشمیر میں واقع سوشل ویلفیئر آفس میں ڈسٹرکٹ آفیسر سمیت وہاں موجود دیگر افسران سے ملاقات کی ۔

دورانِ ملاقات ذمہ داران نے افسران کو دعوتِ اسلامی اور اسپیشل پرسنز ڈیپارٹمنٹ کے تحت ہونے والی دینی ،فلاحی اور تعلیمی سرگرمیوں پر بریفنگ دی جس پر انہوں نے دعوت اسلامی کی دینی خدمات کو خوب سراہا اور نیک خواہشات کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)