پچھلے دنوں عالمی سطح پر دینِ اسلام کی تبلیغ کرنے والی عاشقانِ رسول کی دینی تحریک دعوتِ اسلامی کے زیرِ اہتمام بیئرا شہر، موزمبیق کے علاقے Baxia میں ”آیئے دینی کام سیکھئے“ کورس کا انعقاد کیا گیا۔

اس کورس میں نگرانِ عالمی مجلسِ مشاورت اسلامی بہن نے علاقائی دورہ کا طریقۂ کار، سیکھنے سکھانے کے حلقے، تقرری اور ماہانہ دینی کام سکھانے کے متعلق شرکا کو مدنی پھولوں سے نوازا۔

گزشتہ روز عاشقانِ رسول کی دینی تحریک دعوتِ اسلامی کےتحت بیئرا شہر، موزمبیق کے مختلف علاقوں میں  دینی کام شروع کرنے کے سلسلے میں ایک میٹ اپ ہوا جس میں ذمہ دار اسلامی بہنوں سمیت مقامی اسلامی بہنوں کی شرکت رہی۔

اس میٹ اپ میں نگرانِ عالمی مجلسِ مشاورت اسلامی بہن نے اسلام کی اہمیت، مذہبِ اسلام کی فرضیت اور دینِ اسلام کی تعلیمات کے مطابق زندگی گزارنے کے متعلق شرکا کو مدنی پھول دیئے۔

نگرانِ عالمی مجلسِ مشاورت نے وہاں موجود اسلامی بہنوں کو دعوتِ اسلامی کے تحت منعقد ہونے والے ماہانہ اجتماعات اور آن لائن اجتماعات میں شرکت کرنے کی ترغیب دلائی۔

بیئرا شہر، موزمبیق کے علاقے Ponta Gea میں عاشقانِ رسول کی دینی تحریک دعوتِ اسلامی کے زیرِ اہتمام اسلامی بہنوں کا ہفتہ وار سنتوں بھرا اجتماع منعقد ہوا جس میں کثیر اسلامی بہنوں نے شرکت کی۔

اس اجتماعِ پاک میں نگرانِ عالمی مجلسِ مشاورت اسلامی بہن نے ”کس کی بنی ہے عالَمِ ناپائیدار میں؟“ کے موضوع پر بیان کیااور اسلامی بہنوں کی دینی و اخلاقی اعتبار سے تربیت کی۔

نگرانِ عالمی مجلسِ مشاورت نے اسلامی بہنوں کو ہفتہ وار سنتوں بھرے اجتماع میں پابندی کے ساتھ شرکت کرنے اور مدرسۃالمدینہ بالغات میں پڑھنے کی ترغیب دلائی۔

افریقی ملک موزمبیق صوبہ سافولا کے شہر بیئرا میں دعوتِ اسلامی کے زیرِ اہتمام اسلامی بہنوں کے درمیان ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔

معمول کے مطابق اجتماع کا آغاز تلاوتِ کلامِ پاک و نعتِ رسولِ مقبول صلی اللہ علیہ و سلم سے کیا گیا اور نگرانِ عالمی مجلسِ مشاورت اسلامی بہن نے دینِ اسلام کی اہمیت پر بیان کرتے ہوئے اسلامی تعلیمات کے مطابق اپنی زندگی گزارنے کا ذہن دیاجبکہ مقامی ذمہ دار اسلامی بہن نے نگرانِ عالمی مجلسِ مشاورت کے بیان کی انگلش زبان میں ترجمانی کی۔

نگرانِ عالمی مجلسِ مشاورت نے حاضرین کو دیگر اسلامی بہنوں کے ہمراہ اجتماعات میں شرکت کرنے اور مدرسۃالمدینہ بالغات میں داخلہ لینے کا ذہن دیا۔بعدازاں مقامی اسلامی بہن نے اختتامی دعا کروائی اور شرکا اسلامی بہنوں نے نگرانِ عالمی مجلسِ مشاورت سے ملاقات کی۔

عاشقانِ رسول کی دینی تحریک دعوتِ اسلامی کے تحت گزشتہ روز ذمہ دار اسلامی بہنوں نے افریقی ملک موزمبیق کے شہر بیئرا میں سابقہ ذمہ دار اسلامی بہن سے ملاقات کی۔

اس دوران ذمہ داران میں موجود نگرانِ عالمی مجلسِ مشاورت اسلامی بہن نے دعوتِ اسلامی کے دینی کاموں کے سلسلے میں گفتگو کرتے ہوئے اسلامی بہن کو دینی کاموں میں شرکت کرنے کا ذہن دیا۔

پچھلے دنوں بیرونِ ملک کی سابقہ ذمہ دار اسلامی بہن سے ملاقات کرنے کے سلسلے میں دعوتِ اسلامی کی ذمہ دار اسلامی بہنوں نے بیئرا شہر، موزمبیق کے علاقے ایسٹریو (Estrio) کا دورہ کیا۔

30 جون  2023ء بروز منگل عاشقانِ رسول کی دینی تحریک دعوت ِاسلامی کی طرف سے نیکی کی دعوت دینے کے سلسلے میں خالد بن ولید روڈ پر قائم کار شوروم میں سیکھنے سکھانے کے حلقے کاانعقاد ہوا جس میں کار شوروم مالکان نے شرکت کی ۔

سٹی ذمہ دار محمد ذیشان عطاری مدنی نے’’ عبادت‘‘ کے موضوع پر بیان کیا اور شرکا کو عالمی مدنی مرکز فیضانِ مدینہ کراچی میں 17 اور 18 جون 2023ء کو ٹرانسپورٹ سے وابستہ اسلامی بھائیوں کے ہونے والے دو دن کے تربیتی اجتماع میں شرکت کرنے کی دعوت پیش کی جس پر انھوں نے خوشی کا اظہار کرتے ہوئے اجتماع میں آنے کی اچھی اچھی نیتیں کیں۔(کانٹینٹ:رمضان رضا عطاری) 

1 جون 2023ء کو  مدنی مرکز فیضانِ مدینہ نیو سیٹلائٹ ٹاؤن سرگودھا میں دعوتِ ا سلامی کا ہفتہ وار سنتوں بھر ااجتماع منعقد ہوا جس میں سرگودھا کے قرب و جوار سے مقامی عاشقانِ رسول نے شرکت کی۔

اجتماع پاک میں نگرانِ پاکستان مشاورت ورکنِ شوریٰ حاجی محمد شاہد عطاری نے’’انبیا کی مقبول دعائیں‘‘ کے موضوع پر بیان کیا جس میں شرکا کوقبولیت کی امید سے دعا کرنے کا ذہن دیا نیز نیکی کی دعوت دیتے ہوئے انھیں مدنی قافلے میں سفر کرنے اور مدنی مذاکرہ دیکھنے کی ترغیب دلائی جس پر اسلامی بھائیوں نے نیک خیالات کا اظہار کیا۔(کانٹینٹ:رمضان رضا عطاری)

دعوتِ اسلامی کے زیرِ اہتمام برمنگھم یوکے کے فیضانِ مدینہ میں مدنی مشورے کا انعقاد ہوا جس میں یوکے ریجن اور ڈیپارٹمنٹ کے ذمہ داران نے شرکت کی۔

مدنی مشورے میں رکنِ شوریٰ حاجی یعفوررضا عطاری نے برطانیہ میں دعوتِ اسلامی کی موجودہ پیش رفت اور قومی سطح پر دعوتِ اسلامی کی سرگرمیوں کو بہتر بنانے کے لئے درکار اگلے اقدامات پر ذمہ داران سے تبادلہ خیال کرتے ہوئے اسلامی بھائیو ں کو اہداف دیئے۔ (کانٹینٹ:رمضان رضا عطاری)

ان  دنوں ا راکین شوریٰ حاجی محمد امین عطاری اور حاجی جنید عطاری دینی کاموں کے سلسلے میں کولمبو سری لنکا کے دورے پر ہیں جہاں دورانِ سفر قبرستان میں ا راکین شوریٰ نے دیگر ذمہ داران کے ہمراہ امیر اہل سنت دامت برکاتہم العالیہ کی ہمشیرہ کی قبر پر حاضری دی اور فاتحہ خوانی کی اور مرحومہ کی مغفرت و ترقی درجات کے لئے دعائے خیر کروائی ۔(کانٹینٹ:رمضان رضا عطاری)

دنیا بھر میں  دینِ متین کا پیغام عام کرنے والی عاشقانِ رسول کی مذہبی تحریک دعوتِ اسلامی کی جانب سے کولمبو سری لنکا کی فیضانِ رمضان مسجد میں 3 دن کا فرض علوم کورس منعقد کیا گیا جس میں مقامی افراد نے شرکت کی ۔

مرکزی مجلسِ شوریٰ کے رکن حاجی محمد امین عطاری نے کورس میں شریک اسلامی بھائیوں کو نماز کی شرائط اور اس کے فرائض سکھائے۔ ساتھ ہی ساتھ دعوتِ اسلامی کے 12 دینی کاموں کا تعارف کرواتے ہوئے اس کے متعلق رہنمائی کی اور 12 دینی کاموں میں عملی طور پر حصہ لینے کا ذہن دیا جس پر انھوں نے اچھی اچھی نیتیں کیں۔آخر میں رکنِ شوریٰ سے ملاقات بھی کی۔(کانٹینٹ:رمضان رضا عطاری)

دینِ اسلام کے اراکین میں سے ایک رکن حج کرنا بھی ہے ۔  ہر مسلمان مرد و عورت کی دلی خواہش ہوتی ہےکہ اپنے زندگی میں کم از کم ایک مرتبہ اپنی آنکھوں سے مکہ مکرمہ میں موجود مقدس مقامات کی زیارت کرے۔

ہر سال لاکھوں مسلمان (جو صاحبِ استطاعت ہوں) حج یا عمرہ کرنے کی سعادت حاصل کرنے کے لئے مکہ مکرمہ سفر کرتے ہیں اور اللہ عزوجل کے نیک بندوں کی اطاعت گزاری کو اراکینِ حج و عمرہ کی صورت میں ملاحظہ کرتے ہیں۔

اسی سلسلے میں دعوتِ اسلامی کے آئی ٹی ڈیپارٹمنٹ (انفارمیشن ٹیکنالوجی) نے حج و عمرہ کرنے والے افراد کے لئے ”حج و عمرہ ایپلیکیشن “متعارف کروائی ہے جس کے ذریعے حج و عمرہ کرنے والے باآسانی حج و عمرہ اور طوافِ کعبہ کو ادا کرسکتے ہیں۔

اس ایپلی کیشن میں آپ جان سکیں گے:٭حج و عمرہ کا مکمل طریقہ٭مسنون دعائیں٭نماز کے اوقات٭3D ویڈیوز ٭Location/مقامات٭چیک لسٹ۔

اس کے علاوہ یہ ایپلیکیشن آپ کو ہر قدم پر صحیح طریقے سے رہنمائی کرتی ہے اور آپ کو حج و عمرہ کے اراکین ادا کرنے میں مددگار ثابت ہوتی ہے۔ابھی اس ایپلیکیشن کو پلے اسٹور سے ڈاؤن لوڈ کریں۔