دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی 22 تا 25 مئی 2023ء اور رکن شوریٰ حاجی محمد امین عطاری 13 تا 28 مئی 2023ء سری لنکا (Sri Lanka) کے دورے پر تھیں۔

٭دورانِ دورہ نگرانِ شوریٰ مولانا حاجی محمدعمران عطاری مُدَّ ظِلُّہُ العالی اور رکن شوریٰ حاجی محمد امین عطاری نے سری لنکا (Sri Lanka) کولمبو (Colombo)میں مقامی ایڈوکیٹ سے ملاقات کی اور ان سے عیادت کرتے ہوئے ان کی جلد صحتیابی کے لئے دعائیں کیں۔ ٭نگران شوریٰ اور رکن شوریٰ نے پٹٹا مارکیٹ کولمبو(Colombo) سری لنکا (Sri Lanka)میں بزنس کمیونٹی سے ملاقات کی اور انہیں نیکی کی دعوت دیتے ہوئے مدنی پھولوں سے نوازا۔ ٭اسی طرح نگران شوریٰ مولانا حاجی محمد عمران عطاری اور رکن شوریٰ نے کولمبو (Colombo) سری لنکا (Sri Lanka) میں مفتی مصطفٰے رضا مصباحی صاحب مُدَّ ظِلُّہُ العالی سے ملاقات کی اور انہیں دعوت اسلامی کے دینی و فلاحی کا موں کا تعارف پیش کیا۔ ٭مولانا حاجی محمد عمران عطاری اور حاجی محمد امین عطاری نے کولمبو (Colombo) سری لنکا میں قائم فیضانِ رمضان مسجد کا وزٹ کیا، مقامی ذمہ داران و دیگر اسلامی بھائیوں سے ملاقات کی اور دینی کاموں کے حوالے سے مدنی مشورہ لیا۔ نگران شوریٰ نے نیکی کی دعوت کو عام کرنے کے حوالے سے ان کی رہنمائی کی اور مدنی پھول ارشاد فرمائے۔ آخر میں مناجات اور دعا کا سلسلہ بھی ہوا۔ ٭اسی مسجد میں رکن شوریٰ حاجی محمد امین عطاری نے تین دن کا ”فرض علوم کورس“کروایا جس میں شرکا کو نماز، روزہ، وضو، غسل اور دیگر مسائل کے بارے میں معلومات فراہم کی گئیں۔ (Content: محمد حسین عطاری)

دعوتِ اسلامی کے تحت گزشتہ روز ذمہ دار اسلامی بہنوں نے دینی کاموں کے سلسلے میں سابقہ ذمہ دار اسلامی بہن (جو پہلے دینی کام کرتی تھیں)سے اُن کی رہائش گاہ پر جاکر ملاقات کی۔

بیرونِ ملک میں دعوتِ اسلامی کے تحت اسلامی بہنوں کے درمیان ہونے 8 دینی کاموں کے سلسلے میں موزمبیق کے شہر بیئرا کی ذمہ دار اسلامی بہنوں کا ایک میٹ اپ ہوا۔

اس میٹ اپ میں نگرانِ عالمی مجلسِ مشاورت اسلامی بہن نے بیئرا (Beira)موزمبیق میں دعوتِ اسلامی کے تنظیمی اسٹرکچر کے حوالے سے گفتگو کی اور جہاں جہاں دینی کام ہو رہے ہیں اُن کے بارے میں مشاورت کی۔

نیکی کی دعوت دینے کے سلسلے میں گزشتہ روز دعوتِ اسلامی کے تحت ذمہ دار اسلامی بہنوں نے بیئرا (Beira)شہر ،موزمبیق میں ہونے والے علاقائی دورہ برائے نیکی کی دعوت میں شرکت کی۔

اس موقع پر نگرانِ عالمی مجلسِ مشاورت اسلامی بہن نے ذمہ دار ان کے ہمراہ گھر گھر جاکر اسلامی بہنوں کو نیکی کی دعوت پیش کی اور دعوتِ اسلامی کے تحت منعقد ہونے والے نیک اجتماعات سمیت دیگر دینی کاموں میں شرکت کرنے کا ذہن دیا۔

عاشقانِ رسول کی دینی تحریک دعوتِ اسلامی کے تحت پچھلےدنوں ذمہ دار اسلامی بہنوں نے ایک شخصیت اسلامی بہن  سمیت اُن کی قریبی رشتہ داروں سے ملاقات کی جنہوں نے موزمبیق کے شہر بیئرا(Beira) میں جامعۃالمدینہ گرلز بنا کر دیا تھا۔

دورانِ ملاقات دعوتِ اسلامی کی نگرانِ عالمی مجلسِ مشاورت اسلامی بہن نے شخصیت کو نیکی کی دعوت دیتے ہوئے انہیں دعوتِ اسلامی کے دینی کاموں میں حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔

لوگوں کو علمِ دین سکھانے اور انہیں اسلامی تعلیمات سے آگاہ کرنے والی عاشقانِ رسول کی دینی تحریک دعوتِ اسلامی کے تحت نگرانِ عالمی مجلسِ مشاورت اسلامی بہن نے دیگر ذمہ دار اسلامی بہنوں کے ہمراہ موزمبیق کے شہر بیئرا   (Beira) میں قائم جامعۃالمدینہ گرلز کا وزٹ کیا۔

اس دوران نگرانِ عالمی مجلسِ مشاورت نے جامعۃالمدینہ گرلز کی طالبات کو سیکھنے سکھانے کے حلقوں میں شرکت کرنے کا ذہن دیتے ہوئے اگلے سال نئی طالبات کو جامعۃالمدینہ گرلز میں داخلہ کروانے کی ترغیب دلائی۔

بعدازاں نگرانِ عالمی مجلسِ مشاورت نے مقامی اسلامی بہنوں میں دینی کام کرنے اور پرانی طالبات کو فیضانِ آن لائن اکیڈمی گرلز میں داخلہ دلواکر درسِ نظامی مکمل کرنے کے حوالے سے حاضرین کی ذہن سازی کی۔

پچھلے دنوں عاشقانِ رسول کی دینی تحریک  دعوتِ اسلامی کے تحت ذمہ دار اسلامی بہنوں نے افریقی ملک موزمبیق کے شہر بیئرا (Beira) کی امِ میمونہ بلڈنگ میں لگنے والے مدرسۃالمدینہ گرلز کا وزٹ کیا۔

اس موقع پر ذمہ داران کے ہمراہ نگرانِ عالمی مجلسِ مشاورت اسلامی بہن نے وہاں موجود بڑی عمر کی طالبات کو قراٰنِ پاک پڑھانے کا ذہن دیا نیز چھوٹی بچیوں سے مختلف سوالات بھی کئے۔

افریقی ملک موزمبیق کے شہر بیئرا (Beira)میں دعوتِ اسلامی کی ذمہ دار اسلامی بہنوں نے تعزیت کے سلسلے میں ایک اسلامی بہن کی رہائش گاہ پر اُن سے ملاقات کی۔

دورانِ ملاقات نگرانِ عالمی مجلسِ مشاورت اسلامی بہن نے اہلِ خانہ سے تعزیت کرتے ہوئے انہیں صبر کی تلقین کی اور اپنے مرحومین کے ایصالِ ثواب کے لئے دینی کاموں میں حصہ لینے کا ذہن دیا۔

لوگوں کو علمِ دین کے زیور سے آشنا کرنے کے لئے دعوتِ اسلامی کا شعبہ مکتبۃالمدینہ آسان اور دلچسپ انداز میں خوب صورت سرورق کے ساتھ کُتُب و رسائل شائع کرتا  رہتاہے۔

ان کُتُب و رسائل کے حصول کی آسانی کے لئے ممکنہ صورت میں ذیلی حلقوں میں ہونے والے اسلامی بہنوں کے سنتوں بھرے اجتماعات، سیکھنے سکھانے کے حلقے، دارالسنہ اور مدرسۃالمدینہ بالغات میں مکتبۃالمدینہ کے بستے (اسٹال) لگائے جاتے ہیں۔

اپریل 2023ء کی کارکردگی کے مطابق بیرونِ ملک میں اسلامی بہنوں کے درمیان لگائے بستوں کی کارکردگی درج ذیل رہی۔

اسلامی بہنوں کے ہفتہ وار سنتوں بھرے اجتماع میں لگائے بستوں (اسٹال) کی تعداد:551

مدرسۃالمدینہ بالغات میں لگائے گئے بستوں (اسٹال) کی تعداد:80

ماہانہ ڈویژن سیکھنے سکھانے کے حلقوں میں لگائے گئے بستوں (اسٹال) کی تعداد:81

دارالسنہ میں لگائے گئے بستوں (اسٹال) کی تعداد:01

مکتبۃالمدینہ للبنات سے فروخت کئے گئے کُتُب و رسائل کی تعداد:3 لاکھ 55 ہزار 755

دعوت اسلامی کے زیر اہتمام آج مؤرخہ یکم جون 2023ء بروز جمعرات بعد ِنماز مغرب دنیا بھر میں ہفتہ وار سنتوں بھرے اجتماع کا انعقاد کیا جائیگا جن میں تلاوت و نعت کے بعد مبلغین دعوت اسلامی واراکین شوریٰ سنتوں بھرے بیانات فرمائیں گے۔

تفصیلات کے مطابق رات 9:15 بجے مدنی چینل پر لائیو شروع ہونے والے ہفتہ وار اجتماع میں مرکزی مجلس شوریٰ کےرکن حاجی محمد اظہر عطاری مدنی مرکز فیضان مدینہ نکیال کشمیر سے سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی محمد علی عطاری، مدنی مرکز فیضان مدینہ نیو سیٹلائٹ ٹاؤن سرگودھا میں نگران پاکستان مشاورت حاجی محمد شاہد عطاری، مسجد فیضان مدینہ کوٹلہ عرب علی خان میں مولانا حاجی محمد اسد عطاری مدنی، مدنی مرکز فیضان مدینہ ایبٹ آباد میں رکن شوریٰ مولانا حاجی ابو ماجد محمد شاہد عطاری مدنی، مدنی مرکز فیضان مدینہ شاہ ابو البرکات مغلپورہ لاہور میں رکن شوریٰ حاجی منصور عطاری، فیضان اسلام مسجد خیابان سحر فیز7 ڈیفنس کراچی میں رکن شوریٰ مولانا حاجی عبد الحبیب عطاری،جامع مسجد فیضان جیلان کلفٹن کراچی میں رکن شوریٰ حاجی فضیل عطاری اور میمن مسجد میمن نگر15 اے گلزار ہجری کراچی میں رکن شوریٰ حاجی سید ابراہیم عطاری سنتوں بھرا بیان فرمائیں گے۔

تمام عاشقان رسول سے آج رات ہونے والے ہفتہ وار اجتماع میں شرکت کرنے کی درخواست ہے۔

دعوتِ اسلامی کے شعبہ حج و عمرہ کراچی سٹی کے زیرِا ہتمام کریم آباد کراچی پر واقع Orchid banquet میں پرائیویٹ کاروان کے ذریعے حج کی سعادت حاصل کرنے والے زائرین کے لئے حج تربیتی اجتماع کا انعقاد کیا گیا۔

ابتداءً مبلغِ دعوتِ اسلامی عابد عطاری نے اجتماع میں شریک اسلامی بھائیوں کو احرام باندھنے، عمرہ کرنے کا طریقہ اور اس کی چند ضروری احتیاطیں بتائیں۔

کشمیر کے علاقے راولا کوٹ میں  واقع گورنمنٹ اسپیشل ایجوکیشن اسکول میں 24 مئی 2023ء کو دعوتِ اسلامی کے شعبہ اسپیشل پرسنز کے تحت اسٹوڈنٹس میں ٹریننگ سیشن منعقد ہوا ۔

ٹریننگ سیشن میں اسپیشل ایجوکیشن ذمہ دار احمد اویس عطاری نے طلبہ کو’’ ذکرُ اللہ کی برکات ‘‘بیان کرتے ہوئےذکرُ اللہ کرنے کی ترغیب دلائی ،بعدازاں اسکول اسٹاف سے میٹنگ کرتے ہوئے طلبہ میں اس طرح کے تربیتی سیشن رکھنے کے بارے میں تبادلہ ٔخیال کا سلسلہ رہا جس پر انھوں نے بھر پور تعاون کرنے کی اچھی نیت کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)