سینٹرل افریقہ میں  دعوت اسلامی کے تحت نیکی کی دعوت کو عام کرنے کے جذبے کے تحت اسلامی بہنوں کے جون2022 ءکے دینی کاموں کی چند جھلکیاں ملاحظہ فرمائیے۔۔۔

اس ماہ انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد: 7

روزانہ گھر درس دینے والی اسلامی بہنوں کی تعداد: 60

تعداد مدرسۃ المدینہ بالغات : 16

مدرسۃ المدینہ بالغات میں پڑھنے والی اسلامی بہنوں کی تعداد: 86

ہفتہ وار سنتوں بھرے اجتماعات کی تعداد: 17

ان میں حاضر ہونے والی اسلامی بہنوں کی تعداد: 223

ہفتہ وار مدنی مذاکرہ سننے والی اسلامی بہنوں کی تعداد: 85

ہفتہ وار علاقائی دوروں میں شرکت کرنے والی اسلامی بہنوں کی تعداد:36

ہفتہ وار رسالہ پڑھنے/ سننے والی اسلامی بہنوں کی تعداد: 176

وصول ہونے والے نیک اعمال کے رسائل کی تعداد: 77

دعوت اسلامی کی جانب سے 15 جولائی 2022ء  کو بذریعہ انٹر نیٹ نارتھ امریکہ کی ریجن و ڈویژن نگران اسلامی بہنوں کا مدنی مشورہ ہوا۔ مدنی مشورے میں نگران عالمی مجلس مشاورت اسلامی بہن نے افرادی قوت بڑھانے اور تقرریوں میں اضافہ کرنے پر نکات بتائے نیز نئے اسٹرکچر کے مطابق تقرریوں کی معلومات پر بات چیت ہوئی اور اہداف دیئے گئے ۔

دعوتِ  اسلامی کے زیر اہتمام 13جولائی 2022ء کو پی آئی بی میں ہفتہ وار سنتوں بھرے اجتماع کاانعقاد ہوا جس میں نگران عالمی مجلس مشاورت سمیت مقامی اسلامی بہنوں نے شرکت کی ۔

نگران عالمی مجلس مشاورت اسلامی بہن نے ’’سیرتِ عثمان غنی رضی اللہ عنہ‘‘ کے موضوع پر سنتوں بھرا بیان کیا اور اجتماع پاک میں شریک اسلامی بہنوں کو ان کی سیرت کو اپناتے ہوئے شرم و حیا کو اختیار کرنے کا ذہن دیتے ہوئے شرعی پردہ کرنے کی ترغیب دلائی ۔

٭ علاوہ ازیں نگران عالمی مجلس مشاورت اسلامی بہن نے اجتماع سے قبل پی آئی بی میں گھر گھر جا کر اسلا می بہنوں پر انفرادی کوشش کرتےہوئے انہیں ہفتہ وار اجتماع میں شرکت کا ذہن دیا اور اسلامی بہنوں سے نیتیں کروائیں ۔

٭اجتماع کے بعد پاکستان چوک کی ایک ذمہ دار اسلامی بہن کے بیٹے کی شادی کے سلسلے میں ان کو گھر جاکر مبارک بادیتے ہوئے ہفتہ وار سنتوں بھرے اجتماع میں آنے اور مدنی مذاکرہ دیکھنے کی دعوت دی جس پر انہوں نے اچھی اچھی نیتیں پیش کیں ۔

پنجاب پاکستان کی تحصیل دینہ ضلع جہلم میں دعوتِ اسلامی کے اسپیشل پرسنز ڈیپارٹمنٹ کے زیرِا ہتمام ایک اسپیشل پرسنز کی رہائش گاہ پر سنتوں بھرے اجتماع کا انعقاد کیا گیا۔

اس اجتماعِ پاک میں ڈسٹرکٹ ذمہ دار عبدالقیوم عطاری نے سنتوں بھرا بیان کرتے ہوئےاسپیشل پرسنز کو دعوتِ اسلامی کے دینی ماحول سے ہر دم وابستہ رہنے کا ذہن دیا۔

بعدازاں ذمہ دار نے ڈیف (معذور) اسلامی بھائیوں کو 12 دن اور ایک ماہ کے مدنی قافلے میں سفر کرنے کی دعوت دی جس پر انہوں نے اچھی اچھی نیتوں کا اظہا کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت آگرہ تاج کالونی کراچی میں مدرسۃ المدینہ بالغان(برائے اسپیشل پرسنز) لگایا گیا جس میں گونگے بہرے اسلامی بھائیوں نے شرکت کی۔

اس موقع پر مبلغِ دعوتِ اسلامی نے سنتوں بھرا بیان کرتے ہوئے وہاں موجود اسپیشل پرسنز کی دینی و اخلاقی اعتبار سے تربیت کی اور انہیں دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی۔

آخر میں امیِر اہلِ سنت دامت بَرَکَاتُہمُ العالیہ کے والد ِمحترم کے لئے فاتحہ خوانی کا اہتمام کیا گیا جس میں ڈسٹرکٹ ذمہ دار سید عامر عطاری نے اشاروں کی زبان میں دعا کروائی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ دعوتِ اسلامی کے ذمہ دار اسلامی بھائیوں کا  بستی خانقاہ بہاولپور میں شیڈول رہا جس دوران انہوں نے بستی خانقاہ کے علاقے بستی گوہر شاہ کا وزٹ کیا۔

اس دوران بہاولپور ڈویژن ذمہ دار مظفر عطاری مدنی نے وہاں موجود اسپیشل پرسنز اور ان کے سرپرستوں سے ملاقات کرتے ہوئے انہیں دعوتِ اسلامی کے ہفتہ وار سنتوں بھرےاجتماع میں شرکت کرنے کی دعوت دی۔

اس کے علاوہ ڈویژن ذمہ دار نے ایک ماہ کے مدنی قافلے کے لئے اسپیشل پرسنز کی ذہن سازی کی جس پر اسپیشل پرسنز نے اپنی اپنی نیتوں کا اظہار کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

16 جولائی 2022ء بروز ہفتہ دعوتِ اسلامی کے تحت پاکستان کے شہر لاڑکانہ میں قائم مدرسہ منور الاسلام میں 12 دن کا فیضانِ قراٰن و حدیث کورس شروع کیا گیا جس میں قرب و جوار کے اسلامی بھائیوں کی شرکت ہوئی۔

اس موقع پر شعبہ تعلیم کے ڈویژن ذمہ دار مولانا منصور احمد عطاری مدنی نے اسلامی بھائیوں کو کورس کی ابتدائی باتیں بتاتے ہوئے اُن کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر شرکا نے اچھی اچھی نیتیں کیں۔واضح رہے اس کورس میں کم و بیش 30 اسلامی بھائیوں سمیت دعوتِ اسلامی کے ذمہ داران نے بھی شرکت کی۔(کانٹینٹ:غیاث الدین عطاری)

دعوتِ اسلامی کے تحت 17جولائی 2022ء بروز اتوار صوبۂ پنجاب پاکستان کے شہر لیہ میں قائم مدنی مرکز فیضانِ مدینہ میں میٹنگ کا انعقاد ہوا جس میں شعبہ ڈونیشن بکس ڈویژن ڈی جی خان کی تمام مینجمینٹ ٹیم نے شرکت کی۔

اس میٹنگ میں صوبائی ذمہ دار محمد زاہد بغدادی عطاری نے اسلامی بھائیوں کی 12دینی کاموں کے حوالے سے تربیت کرتے ہوئے مدنی قافلوں میں سفر کرنے اور کروانے کا ذہن دیا نیز صوبائی ذمہ دار نے عملی طور پر 16جولائی 2022ء بروز ہفتہ ہونے والے مدنی مذاکرے میں ذمہ داران کے ہمراہ اجتماعی طور پر شرکت کی اور ہر ہفتے معمول کے ساتھ خود اور دوسروں کو شرکت کروانے کے حوالے سے تمام مینجمنٹ ٹیم کی تربیت کی۔

صوبائی ذمہ دار نے گفتگو کرتے ہوئے سابقہ کاکردگیوں کا جائزہ لیتے ہوئے شعبے کو مضبوط کرنے کے لئے مختلف اہم امور پر تبادلۂ خیال کیا اور ذمہ داران کو نئے اہداف بھی دیئے۔بعدازاں اسلامی بھائیوں کی کارکردگیوں پر اُن کی حوصلہ افزائی کرتے ہوئے انہیں تحائف تقسیم کئے گئے۔(رپورٹ:شہریار عطاری سوشل میڈیا شعبہ عطیات بکس پنجاب ، کانٹینٹ:غیاث الدین عطاری)

دعوتِ اسلامی کے شعبہ ڈونیشن بکس کے تحت 14جولائی 2022ء کو ڈسٹرکٹ ڈی جی خان، 15 جولائی 2022ء کو ڈسٹرکٹ مظفر گڑھ اور 16جولائی 2022ء کو ڈسٹرکٹ لیہ میں تربیتی سیشن ہوا۔

اس تربیتی سیشن میں پنجاب کے صوبائی ذمہ دار زاہد بغدادی عطاری نے ذمہ دار اسلامی بھائیوں کی تربیت کرتے ہوئے اپنی کوالٹیز کو مزید بہتر کرنے اور بڑھانے کے حوالے سے اُن کی ذہن سازی کی نیز ذمہ داران کو دعوتِ اسلامی کے 12 دینی کاموں میں عملی طور پر شرکت کرنے کا ذہن دیا۔مزید گفتگو کرتے ہوئے صوبائی ذمہ دار نے شعبے کو ترقی کس طرح دلائی جا سکتی ہے اس پر کلام کیا اور اس کی پلاننگ کے اہداف دیئے۔(رپورٹ:شہریار عطاری میٹرو پولیٹن ذمہ دار شعبہ عطیات بکس گوجرانولہ، کانٹینٹ:غیاث الدین عطاری)

دعوتِ اسلامی کے تحت جوہر ٹاؤن لاہور میں قائم مدنی مرکز فیضانِ مدینہ میں مرکزی مجلسِ شوریٰ کے رکن حاجی یعفور رضا عطاری نے شالیمار ٹاؤن کے ذمہ دار اسلامی بھائیوں کا مدنی مشورہ کیا جس میں ٹاؤن مشاورت سمیت یوسی نگرانوں کی شرکت رہی۔

رکنِ شوریٰ حاجی یعفور رضا عطاری نے دعوتِ اسلامی کے 12 دینی کاموں کے حوالے سے اہم امور پر گفتگو کرتے ہوئے انہیں مضبوط کرنے کا ذہن دیا نیز محرم الحرام 1444ھ میں ایک ماہ کے مدنی قافلے میں سفر کرنے کے متعلق ذہن سازی کی۔بعدازاں وہاں موجود اسلامی بھائیوں نے 12 دینی کاموں میں ترقی کے لئے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ جوہر ٹاؤن لاہور میں شعبہ مدرسۃ المدینہ بالغان کے تحت 3 دن پر مشتمل سنتوں بھرے اجتماع کا انعقاد کیا گیا جس میں قاری صاحبان، ناظمین، ڈسٹرک ذمہ داران اور لاھور ڈویژن ذمہ دار نے شرکت کی۔

تفصیلات کے مطابق دورانِ اجتماع مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے اسلامی بھائیوں کی دینی، اخلاقی اور تنظیمی اعتبار سے تربیت کی۔

اس کے علاوہ رکنِ شوریٰ نے شرکائے اجتماع کو دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوتِ اسلامی کے عالمی مدنی مرکز فیضانِ مدینہ کراچی میں مجلسِ تعمیرات اور اثاثہ جات کے ذمہ دار اسلامی بھائیوں کا مدنی مشورہ ہوا جس میں مرکزی مجلسِ شوریٰ کے اراکین حاجی محمد امین عطاری، حاجی برکت علی عطاری، کراچی سطح کے ذمہ دار حاجی علی عطاری اور مولانا وسیم عطاری مدنی سمیت دیگر اسلامی بھائی شریک ہوئے۔

دورانِ مدنی مشورہ رکنِ شوریٰ حاجی محمد امین عطاری نے ذمہ داران سے گفتگو کرتے ہوئے مختلف موضوعات پر کلام کیا اور شعبہ جات کے دینی کاموں کی کارکردگی کا جائزہ لیا۔

اس موقع پر ذمہ دار اسلامی بھائیوں نے رکنِ شوریٰ کو شعبے کے دینی کاموں کےمتعلق بتایا جس پر انہوں نے ذمہ داران کی حوصلہ افزائی کی اور دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا۔(کانٹینٹ:غیاث الدین عطاری)