مسلمانوں  کے عقائد و نظریات کی حفاظت کرنے والی عاشقانِ رسول کی دینی تحریک دعوت ِاسلامی کے تحت اسلامی بہنوں میں 8 دینی کاموں کی تربیت کے ساتھ شرعی مسائل پر بھی تربیت کا سلسلہ ہوتا رہتا ہے۔

مارچ2023 ء سے جولائی 2023ء تک اسلامی بہنوں میں آڈیو لنک کے ذریعے شرعی مسائل پر مشتمل 5 سلسلے ہوچکے ہیں جن میں دعوتِ اسلامی کے مفتیانِ کرام نےمختلف موضوعات پر شرعی رہنمائی کے ساتھ ساتھ اسلامی بہنوں کی جانب سے پوچھے جانے والےسوالات کے جوابات عطا فرمائے۔مذکورہ سلسلوں کی تفصیل درج ذیل ملاحظہ ہوں:

٭4مارچ2023 ء کو مفتی سجاد عطاری مدنی صاحب نے بذریعہ آڈیو لنک ’’روزے کے احکام‘‘ کے متعلق رہنمائی کی اور اسلامی بہنوں کی جانب سے موصول ہونے والے سوالات کے جوابات دیئے جس میں’’ 2 ہزار 196 ‘‘اسلامی بہنوں نے شرکت کی ۔

٭11مارچ 2023 ءکو مفتی حسان عطاری مدنی صاحب نے بذریعہ آڈیو لنک ’’زکوۃ و فطرے کے احکام ‘‘کے متعلق رہنمائی کی اور موصول ہونے والےسوالات کے جوابات دیئے جس میں’’ 161 ‘‘اسلامی بہنوں نے شرکت کی ۔

٭23مئی 2023 کو مفتی نوید عطاری مدنی صاحب نے بذریعہ آڈیو لنک’’ زینت کے شرعی احکام ‘‘کے متعلق رہنمائی کی اور پہلے سے ملنے والے سوالات کے جوابات دیئے جس میں’’209 ‘‘ اسلامی بہنوں نے شرکت کی ۔

٭17جون 2023 کو مفتی نویدعطاری مدنی صاحب نے بذریعہ آڈیو لنک ’’شرعی سفر‘‘ کے موضوع پر رہنمائی کی اور سوالات کے جوابات دیئے جس میں’’177 ‘‘ اسلامی بہنوں نے شرکت کی ۔

٭24جون 2023ءکو مفتی سجاد عطاری مدنی صاحب نے بذریعہ آڈیو لنک ’’اجارہ کے مسائل‘‘ کے موضوع پر رہنمائی کی اور اسلامی بہنوں کی جانب سے بھیجے گئے سوالات کے جوابات دیئے جس میں’’ 6 ہزار751 ‘‘اسلامی بہنوں نے شرکت کی ۔ 

4جولائی 2023ء  بروز منگل گوجرانوالہ کے ذمہ دار اسلامی بھائی خوشی محمد عطاری مدنی کے چچا کے انتقال پر سٹی مشاورت کے نگران محمد یعقوب عطاری اور ڈویژن ذمہ دار مولانا عبدُالرحمٰن عطاری مدنی نے ان سے رہائش گاہ پر جاکر ملاقات کی ۔

اس موقع پر ذمہ داران نے خوشی محمد عطاری مدنی سے چچا کے انتقال پر تعزیت کی نیز مرحوم کےایصال ثواب کے لئے فاتحہ خوانی کی اور ان کے لئے دعائے مغفرت کروائی ۔(رپورٹ: عبدالرحمن عطاری مدنی،کانٹینٹ:رمضان رضا عطاری)

دنیا بھر میں دینِ اسلام کی  تعلیمات عام کرنے والی عاشقانِ رسول کی دینی تحریک دعوتِ اسلامی کی جانب سے 5 جولائی 2023ء کو مدنی مرکز فیضانِ مدینہ، مدینہ ٹاؤن 213 سوساں روڈ فیصل آباد میں بذریعہ ویڈیو لنگ مدنی مشورہ ہوا جس میں نگران شعبہ قاری محمدسعیدعطاری، محمداعجازعطاری مدنی، محمداحمدسیالوی عطاری اور حافظ قاری محمد ندیم عطاری سمیت حافظ محمد اویس عطاری نے شرکت کی ۔

مدنی مشورے میں رکنِ شوریٰ حاجی محمد فضیل عطاری نے شرکا کو شعبے کے اپ ڈیٹ نکات بتائے اور معلمین کی ٹریننگ کروانے کے بارے میں مدنی پھول دیئے جس پر نگران اسلامی بھائیوں نے اچھی اچھی نیتوں کااظہار کیا۔

ا س کے علاوہ 15 جولائی 2023ء سے عالمی مدنی مرکز فیضانِ مدینہ کراچی میں شروع ہونے والے مدنی تربیتی کورس میں تعداد بڑھانے کے سلسلے میں اہداف دیئے ۔(رپورٹ: محمداحمدسیالوی عطاری رکن مجلس مدنی کورسز،کانٹینٹ:رمضان رضا عطاری)

جلالپورپیروالا میں  5 جولائی 2023ء کو دعوتِ اسلامی کے شعبہ رابطہ برائے شخصیات ملتان ڈویژن کےذمہ دارفداعلی عطاری نے تحصیل نگران ماسٹرمحمدنعیم عطاری کےہمراہ ایس ڈی پی اوجلالپورسرکل Dspمہربشیراحمدہراج سےملاقات کی۔انہیں ڈی ایس پی رینک میں ترقی ملنےپرمبارکبادپیش کی۔

ساتھ ہی ذمہ داران نے ہفتہ واراجتماع میں شرکت کرنے اورمدنی مرکز فیضانِ مدینہ کا وزٹ کرنے کی دعوت دی جس پر انہوں نے خوش ہوکر نیک خواہشات کا اظہار کیا۔آخر میں انہیں اسلامی بھائی نے امیراہل سنت دامت برکاتہم العالیہ کا رسالہ بنام ’’احترام ِمسلم‘‘ تحفےمیں پیش کیا ۔(رپورٹ : شعبہ رابطہ برائے شخصیات دعوت اسلامی ڈسٹرکٹ ملتان،کانٹینٹ:رمضان رضا عطاری) 

شعبہ رابطہ برائے شخصیات  دعوتِ اسلامی کے تحت کراچی سٹی ذمہ دار محمد یعقوب عطاری نے ڈی جی آفس کراچی میں محکمہ باغات DG پارک جنیدُ اللہ اور انوائرمنٹ ڈائریکٹر امین الطاف سے ملاقات کی ۔

دورانِ گفتگو یعقوب عطاری نے اتھارٹی پرسنز کو دعوتِ اسلامی کا تعارف کروایا اور کراچی میں پلانٹیشن بڑھانے کے حوالے سے میٹنگ کی جس پر انہوں نے مکمل تعاون کرنے کی یقین دہانی کروائی ۔ (کانٹینٹ:رمضان رضا عطاری)

دعوتِ اسلامی کے شعبہ رابطہ برائے شخصیات  کے تحت ایبٹ آباد ہزارہ میں شعبے کے ذمہ دار اسلامی بھائیوں نے 4 جولائی 2023ء کو ایڈیشنل ڈپٹی کمشنر جبریل رضا سے ان کےآفس میں ملاقات کی ۔

دورانِ ملاقات اسلامی بھائیوں نے شخصیات کو دعوتِ اسلامی کے مختلف شعبہ جات کا تعارف کروایا نیز ان شعبہ جات کے ذریعے دنیا بھر میں ہونے والی دینی و فلاحی خدمات کے بارے میں بتایا اور انہیں مدنی مرکز فیضانِ مدینہ آنے کی دعوت دی جس پر انہوں نے اچھی نیت کا اظہار کیا۔(کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے زیر اہتمام آج رات مؤرخہ 6 جولائی 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات فیضِ مدینہ مسجد کریلا اسٹاپ نارتھ کراچی سے براہِ راست مدنی چینل پر ہونے والے ہفتہ وار اجتماع میں مرکزی مجلس شوریٰ کے رکن حاجی محمد امین عطاری سنتوں بھرا بیان فرمائیں گے۔

اس کے علاوہ جامع مسجد کلثوم ڈرگ کالونی کراچی میں رکن شوریٰ مولانا حاجی ابوماجد محمد شاہد عطاری مدنی، الشریف میرج ہال دیپال پور روڈ قصور میں رکن شوریٰ حاجی یعفور رضا عطاری، جامع مسجد حسینی مین جیٹی جزیرہ بابا بھٹ شاہ کیماڑی کراچی میں رکن شوریٰ حاجی فضیل عطاری اور مدنی مرکز فیضان مدینہ، مدینہ ٹاؤن فیصل آباد میں رکن شوریٰ حاجی محمد علی عطاری سنتوں بھرا بیان فرمائیں گے۔

اس کے ساتھ ساتھ رکنِ شوریٰ مولانا حاجی عبد الحبیب عطاری دینی کاموں کے سلسلے میں ان دنوں ساؤتھ افریقہ کے دورے پر ہیں۔ اس دوران ساؤتھ افریقہ کی فیضان مدینہ مسجد لوڈیم پریٹوریا میں ہونے والے ہفتہ وار سنتوں بھرے اجتماع میں حاجی عبد الحبیب عطاری ساؤتھ افریقہ کے وقت کے مطابق رات 7:35 جبکہ پاکستانی وقت کے مطابق 10:35 پر سنتوں بھرا بیان فرمائیں گے جسے انگلش مدنی چینل پر Liveنشر کیا جائیگا۔

تمام عاشقان رسول سے اپنے علاقے/شہر میں ہونے والے ہفتہ وار اجتماع میں شرکت کرنے کی درخواست ہے۔ 

پچھلے دنوں دعوتِ اسلامی کی مرکزی مجلسِ شوریٰ کے رکن حاجی محمد اظہر عطاری کی سیالکوٹ میں D.P.O حسن اقبال، S.P انویسٹی گیشن ضیاء اللہ اور D.S.P C.T.D شاہد اکرام سے ملاقات ہوئی۔

رکنِ شوریٰ حاجی محمد اظہر عطاری نے افسران سے ملاقات کے دوران چند اہم نکات پر گفتگو کی نیز عیدِ قرباں میں دعوتِ اسلامی کے دینی و فلاحی کاموں کے لئے قربانی کی کھالیں جمع کرنے میں تعاون کرنے پر افسران کا شکریہ ادا کیا۔

3 جولائی 2023ء بروز پیر شعبہ رابطہ برائے شخصیات کے تحت ذمہ دارانِ دعوتِ اسلامی نے سندھ سیکریٹریٹ شیڈول کے دوران مختلف آفیسرز سے ملاقات کی جن میں ندیم الرحمٰن میمن (Secretary, Information Department)، منصور راجپوت (Director, Information Department)، عبد الستار میمن (Director Private Institutions Education Department ) اور ظفر اللہ ملاح (Information Officer) شامل تھے ۔

اس موقع پر ذمہ دار اسلامی بھائیوں نے تمام آفیسرز کو دعوتِ اسلامی کے مختلف شعبہ جات کا تعارف کروایا اور ان شعبہ جات کے ذریعے دنیا بھر میں ہونے والی دینی و فلاحی خدمات کے بارے میں بتایا۔

گزشتہ روز ڈسٹرکٹ مستونگ، صوبہ بلوچستان میں دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے دینی کاموں کے سلسلے میں S.P مستونگ میر راشد زہری اور D.S.P مستونگ انور گیشکوری سے ملاقات کی۔

صوبہ بلوچستان کے ڈسٹرکٹ مستونگ میں شعبہ رابطہ برائے شخصیات دعوتِ اسلامی کے تحت ذمہ دار اسلامی بھائیوں کی S.H.O سٹی زبیر علی علیزئی اور ہیڈ محرر نور اللہ سمیت اسٹاف کے دیگر اسلامی بھائیوں سے ملاقات ہوئی۔

اس موقع پر مبلغِ دعوتِ اسلامی نے S.H.O سمیت اسٹاف میں موجود تمام اسلامی بھائیوں کو نیکی کی دعوت دیتے ہوئے انہیں دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

ڈسٹرکٹ سوارب، صوبہ بلوچستان کے علاقے گیدر میں عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے سردار موسیٰ خان ریکی سمیت دیگر شخصیات سے ملاقات کی۔

دورانِ ملاقات ذمہ دار اسلامی بھائیوں نے شخصیات کو نیکی کی دعوت پیش کی اور انہیں دعوتِ اسلامی کے شعبہ جات کے ذریعے دنیا بھر میں ہونے والی دینی و فلاحی خدمات کے بارے میں بتایا جس پر انہوں نے دعوتِ اسلامی کی خدمات کو سراہا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)