حضرت الیاس علیہ السّلام حضرت ہارون علیہ السّلام کی اولاد میں سے ہیں، قراٰنِ پاک میں آپ علیہ السّلام کا نام اِلْ یاسین بھی ہے، یہ بھی الیاس کی ایک لغت ہے جیسے سِینا اور سِیْنِین دونوں طورِ سینا کے نام ہیں ایسے ہی الیاس اور اِلْ یاسین دونوں ایک ہی ذات کے نام ہیں۔ آیئے! حضرت الیاس علیہ السّلام کی قراٰنِ کریم میں مذکور6 صفات پڑھتے ہیں:

(1)کامل ایمان والے: آپ علیہ السّلام اعلیٰ درجے کے کاملُ الایمان بندوں میں سے ہیں۔ فرمانِ باری تعالیٰ ہے:﴿ اِنَّهٗ مِنْ عِبَادِنَا الْمُؤْمِنِیْنَ(۱۳۲)﴾ ترجمۂ کنزالایمان: بےشک وہ ہمارے اعلیٰ درجہ کے کاملُ الایمان بندوں میں ہے۔(پ23، الصّٰٓفّٰت: 132)

(2)رسالت کی گواہی: قراٰنِ پاک میں آپ علیہ السّلام کی رسالت کی گواہی دی گئی ہے، چنانچہ ارشاد باری تعالیٰ ہے: ﴿وَاِنَّ اِلْیَاسَ لَمِنَ الْمُرْسَلِیْنَؕ(۱۲۳)﴾ترجمۂ کنزالایمان: اور بےشک الیاس پیغمبروں سے ہے۔(پ23، الصّٰٓفّٰت: 123)

(3)بعد والی امتوں میں ذکرِ خیر کی بقا: اللہ پاک نے بعد میں آنے والی اُمتوں میں آپ علیہ السّلام کا ذکرِ خیر باقی رکھا، جیسا کہ قراٰنِ پاک میں ہے: ﴿وَتَرَكْنَا عَلَیْهِ فِی الْاٰخِرِیْنَۙ(۱۲۹)﴾ ترجمۂ کنزُالایمان: اور ہم نے پچھلوں میں اس کی ثنا باقی رکھی۔(پ23، الصّٰٓفّٰت: 129)

(4)خصوصی سلام: اللہ پاک نے آپ علیہ السّلام کا نام مبارک لے کر آپ پر خصوصی سلام بھیجا، چنانچہ ارشادِ باری تعالیٰ ہے: ﴿سَلٰمٌ عَلٰۤى اِلْ یَاسِیْنَ(۱۳۰)﴾ ترجمۂ کنزُالایمان: سلام ہو الیاس پر۔(پ23، الصّٰٓفّٰت: 130)

(5)بعثت اور قوم کی تبلیغ: اللہ پاک نے حضرت الیاس علیہ السّلام کو بَعلَبک والوں کی طرف رسول بنا کر بھیجا تو آپ علیہ السّلام نے قوم کو نصیحت کرتے ہوئے فرمایا: ﴿اِذْ قَالَ لِقَوْمِهٖۤ اَلَا تَتَّقُوْنَ(۱۲۴) اَتَدْعُوْنَ بَعْلًا وَّتَذَرُوْنَ اَحْسَنَ الْخَالِقِیْنَۙ(۱۲۵) اللّٰهَ رَبَّكُمْ وَرَبَّ اٰبَآىٕكُمُ الْاَوَّلِیْنَ(۱۲۶)﴾ ترجمۂ کنزالایمان: جب اس نے اپنی قوم سے فرمایا کیا تم ڈرتے نہیں کیا بعل کو پوجتے ہو اور چھوڑتے ہو سب سے اچھا پیدا کرنے والے اللہ کو جو رب ہے تمہارا اور تمہارے اگلے باپ دادا کا۔ (پ23، الصّٰٓفّٰت: 124تا 126)

(6)قوم کا جھٹلانا: قوم نے حضرت الیاس علیہ السّلام کی نصیحت قبول کرنے کی بجائے اللہ پاک کی وحدانیت اور آپ علیہ السّلام کی رسالت کو جھٹلایا۔ قیامت کے دن اس قوم کے کفار ضرور عذابِ الٰہی میں مبتلا ہوں گے اور ہمیشہ جہنم میں رہیں گے اور ان کے برعکس اللہ پاک کے وہ برگزیدہ بندے جو حضرت الیاس علیہ السّلام پر ایمان لائے، یہ عذاب سے نجات پائیں گے۔ قراٰنِ پاک میں ہے: ﴿فَكَذَّبُوْهُ فَاِنَّهُمْ لَمُحْضَرُوْنَۙ(۱۲۷) اِلَّا عِبَادَ اللّٰهِ الْمُخْلَصِیْنَ(۱۲۸)﴾ ترجمۂ کنزالعرفان: پھر انہو ں نے اسے جھٹلایا تو وہ ضرور پیش کئے جائیں گے مگر اللہ کے چنے ہوئے بندے ۔(پ23، الصّٰٓفّٰت:127، 128)

اللہ پاک نے آپ علیہ السّلام کو بہت سے معجزات سے نوازا جیسے پہاڑوں اور حیوانات کو آپ کےلئے مسخر فرما دیا، آپ علیہ السّلام کو ستر انبیائے کرام کی طاقت بخش دی غضب و جلال اور قوت و طاقت میں حضرت موسیٰ علیہ السّلام کا ہم پلہ بنا دیا۔

(صاوی، الصّٰٓفّٰت، تحت الآیۃ:123، ص1749)

حضرت خضر علیہ السّلام کی طرح آپ علیہ السّلام بھی زندہ ہیں مؤرخین اور مفسرین نے اس بات پر تفصیل سے کلام کیا ہے کہ آپ علیہ السّلام زندہ ہیں اور قربِ قیامت وصال فرمائیں گے۔

اللہ پاک ہمیں انبیائے کرام کی سیرت پڑھنے سمجھنے اور اس پر عمل پیرا ہونے کی توفیق عطا فرمائے۔اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

دعوت اسلامی شعبہ رابطہ برائے شخصیات کی  طرف سے 18 اپریل 2024ء کو ذمہ دار اسلامی بھائیوں نے سندھ سیکریٹریٹ میں اتھارٹی پرسنز (سیکرٹری لینڈ یوٹیلائزیشن بی او آر سندھ قمر رضا بلوچ، ڈپٹی سیکرٹری بورڈ آف ریونیو سندھ عبدالفتاح پنہور، ڈپٹی سیکرٹری لوکل گورنمنٹ ڈیپارٹمنٹ قربان علی سومرو، سیکشن آفیسر (آرمز) علی رضا شاہ، سیکشن آفیسر (جیل خانہ) محکمہ داخلہ میر محمد چنہ، اسٹاف آفیسربورڈ آف ریونیو سندھ شاہد مغل اورسیکشن آفیسر (L.U) بورڈ آف ریونیو سندھ فیصل نظامانی) سے ملاقات کی۔

دعوت اسلامی کے وفد نے افسران سے ملاقات کی اور انہیں دعوت اسلامی کے شعبہ جات کا تعارف پیش کیا اور ضروری گفتگو کے بعد افسران کو فیضان مدینہ کراچی کا وزٹ کرنے کی یاددھانی کرائی جس پر انہوں نے جلد وزٹ کرنے کی نیت کا اظہار کیا۔ (رپورٹ:شعبہ رابطہ براے شخصیات عطاری مجلس کراچی، کانٹینٹ:رمضان رضا عطاری)

دعوت اسلامی  کی جانب سے 18 اپریل 2024ء کو مدنی مرکز فیضان مدینہ شیخوپورہ میں ہفتہ وار اجتماع منعقد ہوا جس میں مقامی ذمہ داران اور عاشقانِ رسول شریک ہوئے۔

رکن مرکزی مجلس شوریٰ حاجی یعفور رضا عطاری نے ”صبح کس حال میں کی۔۔۔؟“ کے موضوع پر بیان کیا جس میں اللہ پاک کے پسندیدہ بندے،کامل مؤمن کون؟ صدیق اکبر رضی اللہُ عنہ کی نرالی صبح اور صبح کے وقت کرنے کے 10 کام کے حوالے سے بتایا ۔) کانٹینٹ:رمضان رضا عطاری)

مرکزی مجلس شوریٰ کے رکن حاجی یعفور رضا عطاری نے جامعۃ المدینہ  بوائز فیضان مدینہ شیخوپورہ میں پڑھنے والے طلبۂ کرام اور اساتذہ ٔکرام کا مدنی مشورہ لیا ۔

مدنی مشورے میں رکن شوریٰ نے طلبہ ٔکرام کو 12 ماہ مدنی قافلے میں سفر کرنے کا ذہن دیا نیز جن طلبہ نے 12 ماہ مدنی قافلے میں سفر کی نیتیں کیں انہیں عمامہ، تسبیح وغیرہ تحائف بھی دیئے۔) کانٹینٹ:رمضان رضا عطاری)

شعبہ رابطہ برائے وکلاء  دعوت اسلامی کے زیرِ اہتمام مؤرخہ 17 اپریل بروز بدھ2024ء کو نگران شعبہ رابطہ برائے وکلاء پاکستان حاجی عبدالواحد عطاری نے ڈسٹرکٹ کورنگی کراچی سٹی میں واقع ملیر کورٹ میں وکلا سے ملاقاتیں کیں۔

عبدالواحد عطاری نے وکلا کو دنیا بھر میں جاری دعوت اسلامی کے دینی،فلاحی اور سماجی کاموں کے حوالےسے بتایا اور انہیں مدنی مرکز فیضانِ مدینہ کا وزٹ کرنے کی دعوت دی جس پر انہوں نے بھلے جذبات کا اظہار کیا۔

٭اس دوران ڈسٹرکٹ اٹارنی ملیر سے بھی ان کے آفس میں ملاقات ہوئی اور ان کو ماہ رمضان میں عمرے کی سعادت حاصل کرنے پر مبارکباد پیش کی۔

٭دوسری جانب ملیر بار ایسوسی ایشن کے کمیٹی روم میں ملیر بار کے صدر ناصر رضا رند، جنرل سیکریٹری شیر خان راہوجو اور دیگر عہدیداران سے بھی ملاقات کا سلسلہ رہا ۔

نگران مجلس عبدالواحد عطاری نے ان کو نیکی کی دعوت دیتے ہوئے فیضانِ مدینہ کراچی کے وزٹ کی دعوت پیش کی۔ اس موقع پر ڈسٹرکٹ ساؤتھ، ڈسٹرکٹ کورنگی اور ڈسٹرکٹ ملیر 2 کے ڈسٹرکٹ ذمہ داران بھی ان ملاقاتوں میں شریک تھے۔

٭بعد ازاں جامع مسجد چراغِ عطار باغ ابراہیم سوسائٹی میں شعبے کے دینی کاموں کے حوالے سے مدنی مشورہ ہوا جس میں صوبائی ذمہ دار سمیت ڈسٹرکٹ ذمہ داران نے شرکت کی ۔(رپورٹ: محمد صہیب یوسف عطاری ایڈووکیٹ معاون شعبہ رابطہ برائے وکلاء کراچی سٹی، کانٹینٹ:رمضان رضا عطاری)

دعوتِ  اسلامی کے زیرِ اہتمام 20اپریل 2024ء بروزجمعۃ المبارک تحصیل کامونکی میں یادِ رمضان اجتماع ہواجس میں مقامی عاشقان رسول نے شرکت کی۔

مرکزی مجلس شوری ٰکے رکن عبدالوہاب عطاری نے یادِ رمضان اجتما ع میں بیان کیا جس میں شرکا کو مسلکِ اعلیٰ حضرت پر گامزن رہنے اور 12دینی کاموں کو کرنے کے حوالے سے مدنی پھول دیئے۔ اس موقع پر نگران ڈسٹرکٹ مشاورت گوجرانوالہ مولاناخوشی محمد عطاری مدنی بھی موجود تھے۔) کانٹینٹ:رمضان رضا عطاری)

دعوتِ اسلامی  کے شعبہ اجتماعی قربانی کے تحت 19اپریل 2024ء بروجمعۃ المبارک میٹروپولیٹن گوجرانوالہ میں مدنی مشورہ ہوا جس میں شعبے کے ذمہ دار اسلامی بھائیوں نے شرکت کی۔

ڈسٹرکٹ نگران مولاناخوشی محمد عطاری مدنی نے اجتماعی قربانی کے تعلق سے اسلامی بھائیوں کو نکات بتائے اور اہداف دیئے جس میں جانوروں کی خریداری نیز ان کی کھلائی، پلائی ،دیکھ بھال اور رکھنے کی جگہ کے حوالے سے گفتگو ہوئی۔(کانٹینٹ:رمضان رضا عطاری)

شعبہ  تحفظ اوراق مقدسہ دعوت اسلامی کے زیرِ اہتمام 17 اپریل 2024ء بروز بدھ بعد نمازِ عشا رات تقریباً 9 بجے شاہی مسجد ناظم آباد نمبر 2 نزد یونین آفس یادِ رمضان و ماہانہ گیارہویں شریف اجتماع کا انعقاد ہوا جس میں مقامی عاشقانِ رسول نے شرکت کی۔

یادِ رمضان اجتماع میں رکن شوریٰ ابو ماجد حاجی محمد شاہد عطاری مدنی نے ” یادِ رمضان “کے موضوع پر بیان کیا اور آخر میں اسلامی بھائیوں کو شعبہ اوراقِ مقدسہ کے متعلق ذہن دیا اور اچھی اچھی نیتیں کروائی ۔

بعداز بیان رکن شوریٰ نے اسلامی بھائیوں سے ملاقات بھی کی اور دعاؤں سے نوازا۔(رپورٹ :حافظ نسیم عطاری سوشل میڈیا آف ڈیپارٹمنٹ پاکستان، کانٹینٹ: رمضان رضا عطاری)

اصلاحِ معاشرے کا درس دینے والی عاشقانِ رسول کی دینی تحریک دعوتِ اسلامی کے تحت 5 اپریل 2024ء کو صوبہ پنجاب کی ملتان     ڈویژن کی اسلامی بہنوں کا آن لائن مدنی مشورہ ہواجس میں صوبہ پنجاب کی نگران، ملتان ڈویژن ، ڈسٹرکٹ اور میٹروپولیٹن کی نگران اسلامی بہنوں نے شرکت کی۔

نگرانِ پاکستان مجلسِ مشاورت اسلامی بہن نے اپنی گفتگو کے دوران مختلف شعبہ جات کی سالانہ ڈونیشن کارکردگی کا جائزہ لیا جبکہ ڈونیشن ریکوری کو جلد از جلد مکمل کرنے اور شخصیات سے رابطے کرنے کی ترغیب دلائی۔ 

صوبہ پنجاب کی گوجرانوالہ    ڈویژن میں دعوتِ اسلامی کے تحت ہونے والے دینی کاموں کے حوالے سے 5 اپریل 2024ء کو آن لائن مدنی مشورے کا انعقاد کیا گیا جس میں صوبہ پنجاب کی نگران، گوجرانوالہ ڈویژن ، ڈسٹرکٹ اور میٹروپولیٹن نگران اسلامی بہنوں نے شرکت کی۔

اس مدنی مشورے میں نگرانِ پاکستان مجلسِ مشاورت اسلامی بہن نے مختلف شعبہ جات کی سالانہ ڈونیشن کارکردگی کا جائزہ لیا اور اپنے شعبے کے ڈونیشن کو جلد از جلد مکمل کرنے نیز شخصیات سے رابطے کرنے کی ترغیب دلائی۔

اس کے علاوہ نگرانِ پاکستان مجلسِ مشاورت نے دعوتِ اسلامی کے شعبہ جات کے لئے زیادہ سے زیادہ عطیات جمع کرنے اور دیگر دینی کاموں میں حصہ لینے کا ذہن دیا۔

دعوتِ اسلامی کے دینی کاموں کا جائزہ لینے کے لئے 5 اپریل 2024ء کو شعبہ  مکتبۃ المدینہ للبنات، شعبہ تقسیم رسائل للبنات، شعبہ کفن دفن للبنات اور شعبہ اصلاح اعمال للبنات کی ذمہ دار اسلامی بہنوں کا آن لائن مدنی مشورہ ہوا۔

معلومات کے مطابق اس مدنی مشورے میں شعبہ جات کی ملک و صوبائی سطح کی ذمہ داراسلامی بہنوں نے شرکت کی جبکہ نگرانِ پاکستان مجلسِ مشاورت اسلامی بہن نے اُن سے شعبہ جات کی سالانہ ڈونیشن کارکردگی کا جائزہ لیا اور ڈونیشن اہداف کو جلد از جلد مکمل کرنےکی ترغیب دلائی۔

بعدازاں نگرانِ پاکستان مجلسِ مشاورت نے دعوتِ اسلامی کے دیگر دینی کاموں کے حوالے سے کلام کیا جس پر ذمہ دار اسلامی بہنوں نے اچھی اچھی نیتوں کا اظہار کیا۔

عالمی سطح کی دینی تحریک دعوتِ اسلامی کے تحت 4 اپریل 2024ء کو  شعبہ روحانی علاج للبنات کی ذمہ داران کا آن لائن مدنی مشورہ منعقد کیا گیاجس میں شعبے کی ملک ، صوبہ اور ڈویژن سطح کی ذمہ داران سمیت پاکستان مجلس مشاورت کی اسلامی بہنوں نے شرکت کی۔

دعوتِ اسلامی کی نگرانِ پاکستان مجلسِ مشاورت اسلامی بہن نے شعبے کی متفرق ماہانہ کارکردگیوں کا جائزہ لیا اور مختلف اہم امور پر گفتگو کی نیزذمہ دار اسلامی بہنوں کو تقرری مکمل کرنے کے اہداف بھی دیئے۔

اس کے علاوہ نگرانِ پاکستان مجلسِ مشاورت نے سالانہ ڈونیشن کارکردگی پر کلام کیا جس پر اسلامی بہنوں نے اپنی اپنی رائے پیش کی۔