صوبۂ پنجا ب میں جن صوفیائے کرام نے اپنے علم و عمل اور حسنِ اخلاق سے ہزارہا لوگوں کو دائرہ اسلام میں داخل کیا، انہیں کفر کے اندھیروں سے نکال کر ان کے دلوں کو نورِ ایمان سے منور کیا، اسلامی تعلیمات کو عام کیا اورمخلوقِ خدا کو فائدہ پہنچایا ان میں عظیم المرتبت صوفی بزرگ برہان الواصلین، شمس السالکین، سلطان العارفین حضرت خواجہ سلطان باہو کا بھی شمار ہوتا ہے ۔یہی وجہ ہے کہ ان کے وصالِ پُرملال کو سینکڑوں سال گزر نے کے باوجود آج بھی ان کا نام زندہ و تابندہ ہے۔

آپ رحمۃ اللہ علیہ کا نام ”سلطان باہو“ ہے۔ صوفیائے کر ام رحمۃاللہ علیہم نے آپ کو”سلطان العارفین“ کے لقب دیا۔ آپ کا تعلق قبیلہ اعوان سے ہے۔ آپ کا شجرۂ نسب سلطان باہو بن بازیدمحمد بن فتح محمد بن اللہ دتہ جو آگے چل کر امیرالمومنین حضرت سیدنا علی المرتضیٰ کرم اللہ وجہہ الکریم تک جا پہنچتا ہے۔

پیدائش سے پہلے ولایت کی بشارت :

والدۂ ماجدہ حضرت بی بی راستی رحمۃ اللہ علیہا کو حضرت سلطان باہو رحمۃ اللہ تعالیٰ علیہ کی پیدائش سے پہلے ہی الہام ہوچکا تھا کہ ان کے شکم میں ایک ولیِ کامل پرورش پارہا ہے چنانچہ خود فرماتی ہیں: مجھے غیب سے یہ پتاچلا کہ میرے پیٹ میں جو لڑکا ہے وہ پیدائشی ولی اللہ اور تارکِ دنیا ہوگا۔

بچپن کی کرامات :

۱۔آپ رحمۃ اللہ علیہ شیر خواری کے دنوں میں جب رمضان المبارک آتاتو دن بھر والدہ ماجدہ کا دودھ نہ پیتے، افطار کے وقت پی لیا کر تے۔

۲۔ بچپن میں آپ رحمۃ اللہ علیہ کے سانس کے ساتھ ”ہو ہو“ کی آواز اس طرح نکلتی تھیں جیسے آپ رحمۃ اللہ علیہ ذکر الہٰی میں مشغول ہوں۔

۳۔آپ رحمۃ اللہ علیہ نہ تو کھلونوں سے کھیلا کر تے اور نہ ہی بچوں کے دیگر مشاغل اختیار کرتے۔(باہو عین باہو، ص ۱۱، ملخصاً)

آپ ر حمۃاللہ علیہ کی نظر کی کر امت :

آپ رحمۃ اللہ علیہ نظریں جھکا کر چلا کرتے تھےاگر راہ چلتے اچانک کسی مسلمان پر نظر پڑ جاتی تو اس کے جسم پر لرزہ طاری ہوجاتا اور وہ بے اختیار پکار اٹھتا: واللہ! یہ کوئی عام بچہ نہیں اس کی آنکھوں میں عجیب روشنی ہے جو براہِ راست دلوں کو متاثر کرتی ہےاگر آپ رحمۃ اللہ علیہ کی نظر کسی غیر مسلم پر پڑجاتی تو اس کی بگڑی سنور جاتی اور وہ اپنے آبائی باطل مذہب کو ترک کردیتا اور کلمۂ طیبہ پڑھ کر دائرہ اسلام میں داخل ہوجاتا ۔

جب سلطان العارفین حضرت سلطان باہو رحمۃ اللہ علیہ کی نظر ولایت سے غیر مسلموں کے قبول اسلام کے واقعات کئی مرتبہ پیش آئے تو مقامی غیر مسلموں میں کھلبلی مچ گئی چنانچہ وہ سب آپ رحمۃ اللہ علیہ کے والد محترم حضرت بازید محمد علیہ الرحمہ کی خدمت میں حاضر ہو کر آپ کے صاحبزادے حضرت سلطان باہو رحمۃ اللہ علیہ کی شکایت کرنے لگے، آپ رحمۃ اللہ علیہ کے والد محترم نے پوچھا: آخر میرے بیٹے کا قصو ر کیا ہے؟ یہ تو بہت چھوٹا ہے کسی پرہاتھ اٹھانے کے بھی قابل نہیں ہے۔ایک شخص نے کہا: اگر ہاتھ اٹھالیتا تو زیادہ اچھا تھا، والد ماجد نے حیران ہو کر پوچھا پھر کیا گلہ ہے؟

ان کے سر برا ہ نے کہا: آپ کا بچہ ہم میں جس پر بھی نظر بھرکر دیکھ لیتا ہے وہ مسلمان ہوجاتا ہے اس کی وجہ سے شور کوٹ کے لوگوں کا آبائی مذہب خطرے میں پڑ گیا ہے، بڑی عجیب شکایت تھی والد صاحب کچھ دیر تک سوچتے رہے۔ پھر فرمایا : اب تم ہی بتاؤ میں اس سلسلے میں کیا کرسکتا ہوں؟

سربراہ نے کہا، قصور تو بچے کی دایہ کا ہے جو اسے وقت بے وقت باہر لے جاتی ہے آپ سے ایک گزار ش ہے کہ آپ بچے کی سیر کا ایک وقت مقرر کرلیں، بالآخر حضرت بازید محمد رحمۃ اللہ علیہ نے سختی کے ساتھ دایہ کو ہدایت کردی کہ وہ ایک مقررہ وقت پر سلطان باہو کو باہر لے کرجایا کریں اس کے بعد شہر کے غیر مسلموں نےاس کام پر چند نوکر رکھ لئے کہ جب سلطان باہو رحمۃ اللہ علیہ باہر نکلیں تو بازاروں اور گلی کوچوں میں ان کی آمد کی خبر پہنچادی جائے لہذا جب نوکر آپ رحمۃ اللہ علیہ کی آمد کی خبر سنتے تو لوگ یعنی غیر مسلم اپنی اپنی دکانوں اور مکانوں میں چھپ جاتے۔(مناقب سلطانی، ص ۲۷ ، مخلصاًوغیرہ)

بارگاہِ رسالت سے فیوض و برکات:

حضرت سلطا ن باہو فرماتے ہیں: کہ میں بچپن میں ایک دن سڑک کے کنارے کھڑا تھا ایک با رُعب صاحب حشمت نورانی صورت والے بزرگ گھوڑے پر تشریف لائے اور میرا ہاتھ پکڑ کر اپنے پیچھے گھوڑے پر بٹھالیامیں نے ڈرتے اور کانپتے ہوئے پوچھاآپ کون ہیں؟ ارشاد فرمایا: میں علی بن ابی طالب ہوں۔ میں نے پھر عرض کی: مجھے کہاں لے جار ہے ہیں، فرمایا: پیارے آقاصلی اللہ تعالیٰ علیہ وسلم کے حکم سے تمہیں ان کی بارگاہ میں لے جارہا ہوں جب بارگاہِ رسالت میں حاضر ی ہوئی تو وہاں حضرت سیدنا ابوبکر صدیق ، حضرت سیدنا عمر فاروق اعظم اور سیدنا عثمانِ غنی رضی اللہ عنہم بھی جلوہ فرماتھے۔

دیکھتے ہی دیکھتے نبیوں کے سردار رحمتِ عالمیان صلی اللہ علیہ وسلم نے اپنے دونوں دستِ مبارک میری طرف بڑھائے اور ارشاد فرمایا: میر ے دونوں ہاتھ پکڑلو ، پھر دستِ اقدس پر بیعت لی اور کلمہ طیبہ کی تلقین فرمائی ۔حضرت سلطان باہو رحمۃ اللہ علیہ فرماتے ہیں: جب میں نے ”لا الہ الالہ محمد الرسول اللہ“ پڑھا تو درجات و مقامات کا کوئی حجاب باقی نہ رہا، اس کے بعد حضرت سیدنا صدیق اکبر رضی اللہ عنہ نے مجھ پر توجہ فرمائی جس سے میرے وجود میں صدق و صفا ( یعنی سچائی اور پاکیزگی ) پیدا ہوگئی،توجہ فرمانے کے بعد حضرت سیدنا ابوبکر صدیق رضی اللہ عنہ اس مجلس سے رخصت ہوگئے، پھر اس کے بعد حضرت سیدنا عمر فاروق اعظم رضی اللہ عنہ نے میری طرف توجہ فرمائی جس سے میرے وجود میں عدل و محاسبہ نفس پیدا ہوگیا۔ پھر آپ رضی اللہ عنہ بھی رخصت ہو گئے، ان کے بعد حضرت عثمان غنی رضی اللہ عنہ نے میری طرف توجہ فرمائی جس سے میرے اندر حیا اور سخاوت کا نور پیدا ہوگیا، پھر وہ بھی اس نورانی مجلس سے رخصت ہوگئے، اس کے بعد حضرت سیدنا علی المرتضیٰ کرم اللہ وجہہ الکریم نے مجھ پر توجہ فرمائی، تو میرا جسم علم، شجاعت اور حلم سے بھر گیا پھر پیارے آقا صلی اللہ علیہ وسلم میرا ہاتھ پکڑ کر حضرت سیدتنا فاطمہ زہرہ رضی اللہ عنہا کے پاس لے گئے تو آپ رضی اللہ عنہا نے فرمایا : تم میرے فرزند ہو پھر میں نے حسنین کریمین رضی اللہ عنہا کے قدمین شریفین کا بوسہ لیا اور ان کی غلامی کا پٹا اپنے گلے میں ڈال لیا، پھر حضور اکرم صلی اللہ علیہ وسلم نے پیردستگیر حضور غوث الاعظم شیخ عبدالقادر جیلانی الحسنی والحسینی رضی اللہ عنہ کے سپرد فرمادیا۔ حضور غوث پاک نے مجھے مخلوق خدا کی رہنمائی کا حکم ارشاد فرمایا، حضرت سلطا ن باہو رحمہ اللہ علیہ فرماتے ہیں: میں نے جو بھی دیکھا ظاہری آنکھوں سے دیکھا۔(باہو عین باہو،ص ۱۱۱تا ۱۱۳ ملخصاً وغیرہ)

سائلو دامن سخی کا تھام لو، کچھ نہ کچھ انعام ہوہی جائے گا

مفلسوں ان کی گلی میں جا پڑو باغ خلد اکرام ہو ہی جائے گا

مٹی سونا بن گئی :

تحصیل شور کوٹ (ضلع جھنگ پنجاب پاکستان) سے کئی میل دور ایک خاندانی رئیس مفلس ہوگیا، اس نے ایک مقامی بزرگ سے اپنی مفلسی و تنگدستی کا اظہار کرتے ہوئے اپنی حالت زار اس طرح بیان کی کہ حضور اب تو اکثر فاقوں نے گھیر رکھا ہے دروازے پر قرض خواہوں کا ہجوم رہتا ہے، مفلسی کی وجہ سے بچوں کی شادیاں اور دیگر ضروریات کی ادائیگی مشکل ہوگئی ہے سمجھ نہیں آتا کیا کروں؟ کہاں جاؤں؟ بزرگ نے فرمایا کہ دریائے چناب کے کنارے شور کورٹ جاؤ، وہاں سلطان العار فین حضرت سلطان باہو رحمۃ اللہ علیہ سے اپنی مشکلات بیان کرنا، جب اسے امید کی کوئی کرن نظر نہ آئی تو وہ اپنے چند دوستوں کے ساتھ سفر کرکے شور کوٹ پہنچا۔ آپ رحمۃ اللہ علیہ اس وقت کھیت میں ہل چلا رہے تھے، وہ شخص یہ دیکھ کر بہت مایوس ہوا اور سوچنے لگا جو شخص خود مفلسی کا شکار ہے اور ہل چلا کر گزر بسر کرتاہے وہ بھلا میری کیا مدد کرے گا، یہ سوچ کر جونہی پلٹا تو کسی نے اس کا نام لے کر پکارا وہ حیران ہوا کہ یہاں تو میں اجنبی ہوں پھر میرا نام پکارنے والا کون ہے؟، پلٹ کر دیکھا تو حضرت سلطان باہو رحمۃ اللہ علیہ اسے بلارہے تھے جب اس نے یہ ماجرا دیکھا تو دل میں امید پیدا ہوئی اور فورا آپ رحمہ اللہ علیہ کی بارگاہ میں باادب حاضر ہوگیا۔

حضرت سلطان باہو رحمہ اللہ علیہ نے فرمایا: تم نے سفر کی تکالیف برداشت کیں اتنا فاصلہ طے کیا پھر بھی ہم سے ملے بغیر جارہے ہو، اس نے گریہ زاری کرتے ہوئے اپنی خستہ حالی کی داستان سنائی ، حضرت سلطان باہو علیہ الرحمہ نے اسی وقت زمین سے مٹی کا ایک ڈھیلا اٹھایا اور اسے زمین پر دے مارا جب اس شخص نے زمین پر نظر ڈالی تو کھیت میں موجود تمام پتھر اور ڈھیلے سونا بن گئے۔ ولی کامل حضرت سلطا ن باہو رحمۃ اللہ علیہ نے بڑی بے نیازی سے فرمایا: اپنی ضرورت کے مطابق سونا اٹھا لو چنانچہ رئیس اور اس کے دوستوں نے وافر مقدار میں سونا اپنے اوپر لادا اور آپ رحمۃ اللہ علیہ کی اس کرم نوازی پر شکریہ ادا کرتے ہوئے رخصت ہوگئے۔(مناقبِ سلطان، ص ۶۸، ملخصا وغیرہ)

دل کی بات جان لی :

مغل بادشاہ اورنگ زیب عالمگیر رحمۃ اللہ علیہ نے حضرت سلطان باہو رحمۃ اللہ علیہ کی خدمت میں دو اشرفیوں کی تھیلیاں بھیجیں اس وقت آپ رحمۃ اللہ علیہ کنویں کے پاس بیٹھے کھیتوں کو پانی دے رہے تھے آپ رحمۃ اللہ علیہ نے دونوں تھیلیاں کنویں میں پھینک دیں وزیر کو بڑا تعجب ہوا اور اس کے دل میں یہ خواہش ہوئی کہ کاش یہ اشرفیاں مجھے مل جاتیں،آپ رحمۃ اللہ علیہ نے اس کے دل کی بات جان لی اور جب کنویں کی طرف نظر فرمائی تو اس سے پانی کی بجائے اشرفیاں نکلنے لگیں آپ رحمہ اللہ علیہ کی یہ کرامت دیکھ کر وزیر آپ رضی اللہ عنہ کے قدموں میں گر گیا، آپ رحمہ اللہ علیہ نے ایک بار پھر اس پر نظرِ کرم فرما کر عشق حقیقی کا جام پلایا اوروہ دونوں اشرفیوں سے بھری تھیلیاں ا س کے حوالے کر دیں۔(باہو عین باہو، ص ۳۲۶،ملخصاً)

دعوتِ اسلامی کا نعرہ ’’پودہ لگانا ہے درخت بنانا ہے‘‘ پر عمل کرتے ہوئے پچھلے دنوں ڈسٹرکٹ بار ایسوسی ایشن فیصل آباد میں شجر کاری مہم کا اہتمام کیا گیا جس میں کثیر وکلا کی شرکت رہی۔

اس موقع پر رکنِ شوریٰ و نگرانِ سرکاری ڈویژن لاہور حاجی یعفور رضا عطاری نے اسلامی بھائیوں کے ہمراہ پودہ لگا کر اس مہم کا آغاز کیا اور کثیر تعداد میں پودے لگائے۔اس دوران رکنِ شوریٰ نے ملک و قوم کی سلامتی کے لئے دعا کروائی۔

بعدازاں وہاں موجود وکلا سمیت عاشقانِ رسول نے دعوتِ اسلامی اس کاوش کو سراہتے ہوئے دعوتِ اسلامی کے ساتھ ہر ممکنہ تعاون کی یقین دہانی کروائی۔ (رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کے زیرِ اہتمام لاہور پنجاب کے عزیز بھٹی ٹاؤن میں مختلف شخصیات کے گھروں پر سیکھنے سکھانے کا حلقہ لگایا گیا جس میں مرکزی مجلسِ شوریٰ حاجی یعفور رضا عطاری کی آمد ہوئی۔

دورانِ حلقہ رکنِ شوریٰ نے سنتوں بھرا بیان کرتے ہوئے اسلامی بھائیوں کو دعوتِ اسلامی کے مختلف شعبہ جات کے لئے زیادہ سے زیادہ عطیات جمع کروانے کی ترغیب دلائی جس پر شخصیات نے مکمل طور پر دعوتِ اسلامی کے ساتھ تعاون کی یقین دہانی کروائی۔

بعدازاں بعض شخصیات نے ہاتھوں ہاتھ دعوتِ اسلامی کے لئے عطیات بھی دیئے۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

گزشتہ دنوں شعبہ رابطہ برائے وکلاء دعوتِ اسلامی کے تحت پنجاب کے شہر فیصل آباد میں قائم قائد اعظم ہال ڈسٹرکٹ بار ایسوسی ایشن میں شبِ براءت کے سلسلے میں ایک سیمینار کا انعقاد کیا گیا جس میں وکلا کی کثیر تعداد میں شرکت رہی۔

دورانِ سیمینار رکنِ مرکزی مجلسِ شوریٰ حاجی یعفور رضا عطاری نے وکلا کی تربیت و رہنمائی کرتے ہوئے مدنی پھولوں سے نوازا اور انہیں اپنے گناہوں سے توبہ کر کے اسلامی تعلیمات کے مطابق اپنی زندگی گزارنے کا ذہن دیا۔

اس کے علاوہ رکنِ شوریٰ نے اسلامی بھائیوں کو دعوتِ اسلامی کے دینی ماحول سے ہردم وابستہ رہنے کی ترغیب دلائی جس پر انہوں نے اچھی اچھی نیتوں کا اظہا رکیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

19 مارچ 2022ء بروز ہفتہ سندھ کے شہر ٹنڈوالہ یار کے گاؤں عبدالکریم درس کی ایک مسجد میں سنتوں بھرے اجتماع کا ہتمام کیا گیا جس میں علاقے کے اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی محمد فاروق جیلانی نے سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی۔

بعدازاں رکنِ شوریٰ نے عاشقانِ رسول کو پورے ماہِ رمضان کا روزہ رکھنے اور رمضانُ المبارک میں اعتکاف کرنے کا ذہن دیا جس پر عاشقانِ رسول نے اچھی اچھی نیتیں کیں۔(کانٹینٹ:غیاث الدین عطاری)

شعبہ پروفیشنلز ڈیپارٹمنٹ (دعوت اسلامی) کے زیر اہتمام20 مارچ 2022ء بروز اتوار عالمی مدنی مرکز فیضان مدینہ کراچی میں پروفیشنلز اجتماع کا انعقاد کیا گیا جس میں مختلف شعبے سے وابستہ پروفیشنلز حضرات نے شرکت کی۔

نگران شعبہ پروفیشنل محمد ثوبان عطاری نے ” Tracking Happiness “ کے موضوع پر بیان کیا اور شرکا کو سیرتِ مصطفٰے ﷺ کے مطابق زندگی گزارنے کی ترغیب دلائی۔

دعوت اسلامی کے زیر اہتمام 15 مارچ 2022ء کو واپڈا ٹاؤن گوجرانوالہ کے ایک میرج ہال میں تاجراجتماع کا انعقاد کیا گیا جس میں مختلف تاجران اور دیگر شخصیات نے شرکت کی۔

مرکزی مجلس شوریٰ کے رکن حاجی محمد اظہر عطاری نے سنتوں بھرا بیان کیا اور شرکا کو دینی کاموں کے لئے اپنا قیمتی وقت نکالنے کے ساتھ ساتھ دعوت اسلامی کے جملہ کاموں کے لئے جانی و مالی تعاون کرنے کی ترغیب دلائی۔

آخر میں شرکا نے اچھی اچھی نیتوں کا اظہار کیا۔

15 شعبان المعظم 1443ھ بمطابق 18 مارچ 2022ء بروز جمعہ جامع مسجد عید گاہ جی ٹی روڈ گجرات میں دعوتِ اسلامی کی جانب سےشبِ براءت اجتماع کا انعقاد کیا گیا جس میں کثیر عاشقانِ رسول کی شرکت رہی۔

اس موقع پر مرکزی مجلسِ شوریٰ کے رکن حاجی محمد جنید عطاری مدنی نے سنتوں بھرا بیان کرتے ہوئے عاشقانِ رسول کو پوری رات عبادت میں گزارنے کا ذہن دیا۔

اس کے علاوہ رکنِ شوریٰ نے عاشقانِ رسول کو اپنے گناہوں سے توبہ کرتے ہوئے اسلامی تعلیمات کے مطابق زندگی گزارنے کا ذہن دیا جس پر اجتماع میں شریک اسلامی بھائیوں نے اچھی اچھی نیتیں پیش کیں۔(رپورٹ:حافظ ساجد سلیم عطاری مدنی، کانٹینٹ:غیاث الدین عطاری)

دعوت اسلامی کے زیر اہتمام 16 مارچ 2022ء کو دی ایجوکیٹر اسکول گلشن اقبال خان پور اور میڈیکل کالونی بہاولپور میں سنتوں بھرے اجتماعات  کا انعقاد کیا گیا جس میں ڈاکٹرز، بلڈرز اور اساتذہ سمیت دیگر شخصیات نے شرکت کی۔

نگران شعبہ پروفیشنل محمد ثوبان عطاری نے سنتوں بھرےبیانات کئے اور شرکا کو اپنا قیمتی وقت دنیاوی کاموں کے ساتھ ساتھ دینی کاموں میں بھی صرف کرنے کا ذہن دیا۔

آخر میں شرکا نےاجتماع کے انعقاد پر خوشی کا اظہار کیا اور اچھی اچھی نیتیں کیں۔

شعبہ پروفیشنلز ڈیپارٹمنٹ دعوت اسلامی کے زیر اہتمام 16 مارچ 2022ء کو خواجہ فرید یونیورسٹی رحیم یار خان کے انجینئرنگ آڈیٹوریم میں سیمینار کا انعقاد کیا گیا جس میں یونیورسٹی کے اسٹوڈنٹس، ٹیچرز اور پرنسپل نے شرکت کی۔

نگران شعبہ پروفیشنلز محمد ثوبان عطاری نے ” design your life “ کے موضوع پر بیان کیا ۔

آخر میں یونیورسٹی کی جانب سے محمد ثوبان عطاری کو اعزازی شیلڈ بھی پیش کیا گیا۔

17 مارچ 2022 ء کو بروکلین نیویارک میں دعوت اسلامی کے تحت  سنتوں بھرا اجتماع بسلسلہ شب براءت منعقد ہوا جس میں مقامی اسلامی بھائیوں نے شرکت کی ۔

ذمہ دار اسلامی بھائی محمد مدثر عطاری نے قبر میں کام آنے والے اعمال کے بارے میں بتاتے ہوئے اس رات خوب صدقہ، تلاوت ، ذکر الہی کرنے کا ذہن دیا ۔

اسلامی بھائیوں نے نماز ِمغرب کے بعد 6 نوافل اور صلوۃ التسبیح بھی ادا کیں اور ساتھ ہی سحری اجتماع کا اہتمام کیا گیا ۔(رپورٹ: محمد طاہر عطاری سٹی بروکلین نیویارک ، کانٹینٹ : محمد مصطفی انیس )

18 مارچ 2022 ء بروز جمعہ پتوکی  لاہور میں دعوت اسلامی کے تحت سنتوں بھرااجتماع شبِ براءت کا انعقاد کیا گیا جس میں مختلف شعبہ ہائے زندگی سے تعلق رکھنے والے افراد نے شرکت کی ۔

مبلغ دعوت اسلامی حاجی نعیم خان عطاری نے ”فضائل شب براءت “ پر سنتوں بھرا بیان کرتے ہوئے توبہ کرنے ، لوگوں کو معاف کرنے اور شبِ براءت کی رات میں دیگر نوافل ادا کرنے کا ذہن دیا جس پر لوگوں نے باجماعت نوافل اداکیں۔(رپورٹ: علی ریاض عطاری تحصیل ذمہ دار سیکیورٹی ڈیپارٹمنٹ ، کانٹینٹ : محمد مصطفی انیس )