25 ستمبر 2022ء  کو کہروڑ پکا میں دعوتِ اسلامی شعبہ رابطہ برائے شخصیات ملتان ڈویژن کےذمہ دارفدا علی عطاری کے ہمراہ ذمہ داران نے وفاقی وزیر مملکت برائے داخلہ عبد الرحمٰن خان کانجواور سابق صوبائی ٹکٹ ہولڈر و امیدوار MPA سعد خورشید خان کانجو سے ملاقات کی ۔

اس ملاقات میں 29 ستمبر2022ء کودعوت اسلامی کے تحت کہروڑپکا میں ہونیوالے عظیم الشان سنتوں بھرے اجتماع میں شرکت کی دعوت پیش کی نیز دعوت اسلامی کی دینی وفلاحی خدمات کے حوالےسےبھی انہیں بریف کیا اور ماہنامہ فیضان مدینہ انہیں تحفےمیں پیش کیا۔(رپورٹ: مجلسِ رابطہ دعوتِ اسلامی ڈسٹرکٹ لودہراں ، کانٹینٹ:محمد مصطفی انیس) 

پچھلے دنوں دعوت اسلامی کے کوآرڈینیشن ڈیپارٹمنٹ کے تحت ذمہ داران نے سیکریٹری ہیلتھ بلوچستان حافظ محمد طاہر سے ملاقات کی ، اس ملاقات میں ذمہ داراسلامی بھائی نے دعوت اسلامی شعبہ  FGRF کی جانب سے سیلاب زدہ اضلاع میں امدادی کاموں کے ساتھ ساتھ اب تک لگائے جانے والے فری میڈیکل کیمپ کے حوالے سے گفتگو کی اور آئندہ فری میڈیکل کیمپ لگانے کے حوالے سے بھی اہداف دیئےجس کو سیکریٹری ہیلتھ بلوچستان نے سالانہ نے خوب سراہا۔

اس موقع پرصوبائی ذمہ دار شعبہ FGRF ذوالفقار علی عطاری بھی موجود تھے۔(رپورٹ: محمد وقار عطاری کوآرڈینیشن ڈیپارٹمنٹ دعوت اسلامی بلوچستان، کانٹینٹ:محمد مصطفی انیس) 

دعوتِ اسلامی کے زیرِ اہتمام 24 ستمبر 2022ء بروز  ہفتہ عالمی مدنی مرکز فیضان ِ مدینہ کراچی میں تربیتی سیشن منعقد ہوا جس میں بیرونِ ملک سے آئے ہوئے جامعۃالمدینہ بوائز کے اساتذۂ کرام و طلبۂ کرام نے شرکت کی۔

دورانِ سیشن مرکزی مجلسِ شوریٰ کے رکن حاجی محمد عقیل عطای مدنی نے ”امامت کی اہمیت“ کے موضوع پر سنتوں بھرا بیان کرتے ہوئے شرکا کی تربیت و رہنمائی کی۔

اس موقع پر شعبہ ائمہ مساجد کے ذمہ دار (بیرون ملک) مولانا شعبان عطاری مدنی اور یوکے ذمہ دار حافظ رفاقت عطاری بھی موجود تھے۔(رپورٹ:شعبان عطاری مدنی ، کانٹینٹ:غیاث الدین عطاری)

22 ستمبر 2022 بروز جمعرات سینئر سپرنٹنڈنٹ سعید میمن نے حیدرآباد میں قائم آن لائن قراٰن و سنت کی  تعلیم دینے والا دعوت اسلامی کا شعبہ فیضان آن لائن اکیڈمی کی برانچ کلاتھ مارکیٹ کا وزٹ کیا۔

اس موقع پر رابطہ برائے شخصیات کے اسلامی بھائیوں نے انہیں دعوتِ اسلامی کے دیگر شعبوں کے متعلق بریفنگ دی جبکہ شفٹ ناظم مولانا جنید زم زم عطاری مدنی نے شخصیت کو شعبہ فیضان آن لائن اکیڈمی کا تعارف کروایا نیز اس شعبے کےذریعے دنیا بھر میں دینِ اسلام کی خدمت کے بارے میں بتاتے ہوئے فیضان آن لائن اکیڈمی کے تحت ہونے والے مختلف کورسز کا مختصر تعارف پیش کیا۔

آخر میں سینئر سپرنٹنڈنٹ سعید میمن نے دعوت اسلامی کی کاوشوں کو سراہا اور شعبہ فیضان آن لائن اکیڈمی کے حوالے سے اپنی نیک خواہشات کا اظہار کیا۔(رپورٹ:علی حمزہ عطاری شب و روز ذمہ دار فیضان آن لائن اکیڈمی، کانٹینٹ:غیاث الدین عطاری)

پچھلے دنوں گجرات میں چوہدری ظہور الٰہی کی سالانہ برسی پر دعوت اسلامی کے ذمہ داران نے شرکت کی اور مرحوم کے ایصال ثواب کے لئے قرآن خوانی و دعائے مغفرت کی گئی ۔

اس موقع پر شعبہ رابطہ برائے شخصیات گجرات کے ڈسٹرکٹ ذمہ دار حاجی ضیاءالرحمن عطاری ودیگر ذمہ درانِ دعوتِ اسلامی اور وزیر اعلیٰ پنجاب چوہدری پرویز الہی ، ایم این اے حسین الٰہی، چوہدری وجاہت الٰہی، ایم پی اے رضوان ، ڈی پی او سید غضنفر، ڈی ایس پی سٹی پرویز گوندل، ڈپٹی کمشنر شہزاد کنگ، کمشنر گجرات احمد کمال مان، سابقہ ڈپٹی کمشنر طارق علی بسرا اور دیگر سیاسی و سماجی شخصیات بھی موجود تھیں۔(رپورٹ: رابطہ برائے شخصیات ڈسٹرکٹ گجرات، کانٹینٹ:محمد مصطفی انیس)

پچھلے دنوں شعبہ فیضان آن لائن اکیڈمی دعوتِ اسلامی کے تحت پاکستان بھر کے شفٹ ناظمین اور خادمین کے لئے آن لائن ٹریننگ سیشن منعقد ہوا جس میں رکنِ شعبہ فیضان آن لائن اکیڈمی مولانا غلام الیاس عطاری مدنی نے برانچ فیضانِ مدینہ کراچی سے بذریعہ آن لائن تربیت کی۔

معلومات کے مطابق مبلغِ دعوتِ اسلامی نے”S methodology 5“ کے موضوع پر شرکا کی تربیت کی جبکہ نگرانِ شعبہ مولانا یاسر رضا عطاری مدنی نے بھی برانچ فیضان مدینہ گجرات سے بذریعہ آن لائن مختلف مفید مدنی پھول دیئے۔

دورانِ ٹریننگ سیشن شعبے کے کاموں کو ترتیب دینے، صفائی اور دیگر کاموں کا معیار بنانے نیز اسے برقرار رکھنے کے حوالےسے مختلف نکات بیان کئے گئے۔(رپورٹ:علی حمزہ عطاری شب و روز ذمہ دار فیضان آن لائن اکیڈمی، کانٹینٹ:غیاث الدین عطاری)

پاکستان کے شہر لاہور میں دعوتِ اسلامی کے تحت لوگوں کے درمیان نیکی کی دعوت عام کرنے اور انہیں راہِ خدا عزوجل کا مسافر بنانے والے ذمہ داران کی تربیت کے لئے مدنی مرکز فیضانِ مدینہ جوہر ٹاؤن لاہور میں مدنی مشورے کا انعقاد ہوا جس میں ٹاؤن نگران اسلامی بھائیوں کی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے اسلامی بھائیوں کی تربیت کی اور انہیں 12 دینی کاموں کو بڑھانے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

عاشقانِ رسو ل کی دینی تحریک دعوت اسلامی دنیا بھر میں مختلف شعبہ ہائے زندگی سے تعلق رکھنے والے افراد کی تربیت کرتی رہتی ہے۔اسی سلسلے میں پچھلے دنوں مدنی مرکز فیضانِ مدینہ جوہر ٹاؤن لاہور میں سنتوں بھرا اجتماع منعقد کیا گیا جس میں شخصیات سمیت کثیر اسلامی بھائیوں نے شرکت کی۔

لوگوں کو علمِ دین سیکھانے اور اُن کی دینی و اخلاقی تربیت کرنے کے لئے ہر ہفتے بعد نمازِ عشاء عالمی مدنی مرکز فیضانِ مدینہ کراچی میں مدنی مذاکرے کا انعقاد کیا جاتا ہے جس میں کراچی کے عاشقان ِ رسول بالمشافہ جبکہ دیگر شہروں اور بیرونِ ملک سے کثیر اسلامی بھائی بذریعہ مدنی چینل شریک ہوتے ہیں۔

24 ستمبر 2022ء بروز ہفتہ عالمی مدنی مرکز فیضانِ مدینہ کراچی میں مدنی مذاکرہ کا انعقاد کیا گیا جس میں امیرِ اہلِ سنت دامت بَرَکَاتُہمُ العالیہ نے عاشقانِ رسول کی تربیت و رہنمائی کرتے ہوئے انہیں خوش گوار مدنی پھولوں سے نوازا۔

رکنِ مرکزی مجلسِ شوری حاجی یعفور رضا عطاری نے اقبال ٹاؤن کے علاقے سبزہ زار میں عاشقان رسول کےہمراہ بذریعہ مدنی چینل مدنی مذاکرے میں شرکت کی اور امیرِ اہلِ سنت دامت بَرَکَاتُہمُ العالیہ کے علم و حکمت سے بھرے فرامین سنے۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

پچھلے دنوں گوجرانوالہ ڈویژن  نارووال شہر میں حضرت پیر سید بابا شہسوار گیلانی قادری شمس غوث علیہ رحمہ کے مزار شریف پر ڈسٹرکٹ ذمہ دار اور ڈویژن ذمہ دار نے حاضری دی اور سجادہ نشین پیر سید اظہرالحسن شاہ گیلانی صاحب سے ملاقات کی۔

دوران ملاقات صوبائی ذمہ دار انعام عطاری نے انہیں دعوت اسلامی کے شعبہ جات بالخصوص شعبہ مزارات اولیاء کا تعارف کروایا اور ماہنامہ فیضان مدینہ پیش کیا جس پر انہوں نے دعوت اسلامی کی دینی خدمات کو سراہتے ہوئے اچھے جذبات کا اظہار کیا۔(رپورٹ: رپورٹ دانیال عطاری پاکستان مشاورت آفس ،کانٹینٹ:رمضان رضا عطاری) 

دعوت  اسلامی کے شعبہ مزاراتِ اولیاء کے تحت صوبائی ذمہ دار مولانا یاسر مدنی نے دینی کاموں کے سلسلے میں کے پی کے کا دورہ کیا جہاں حضرت عبدالشکور ملنگ بابا اور حضرت پیر سید عبدالقدوس شاہ علیہ الرحمہ کے مزارات پر حاضری دیں۔

زائرین سے ملاقات کی ا ورانفرادی کوشش کرتے ہوئے انہیں دینی تحریک دعوت اسلامی کی دینی خدمات کے حوالے سے معلومات دیں اور ہفتہ وار سنتوں بھرے اجتماع میں شرکت کرنے نیز مدنی مذاکرہ دیکھنے کی ترغیب دلائی۔ اس کے علاوہ شعبہ مزاراتِ اولیاء کا تعارف کروایا۔

ساتھ ساتھ مزار شریف میں سیکھنے سکھانے کے حلقے کا انعقاد کیا گیا جہاں مدرس کورس کے طلبہ نے شرکت کی۔ مبلغ دعوت اسلامی نے سنتوں بھرا بیان کیا اور شرکا کو شعبہ مزارات اولیاء پر دینی کام کرنے کے حوالے سے مدنی پھول پیش کئے۔ (رپورٹ: رپورٹ دانیال عطاری پاکستان مشاورت آفس ،کانٹینٹ:رمضان رضا عطاری)

ہفتہ وار اجتماع ، عالمی مدنی مرکز فیضانِ مدینہ کراچی میں  اسپیشل پرسنز (گونگے، بہرے اور نابینا افراد) نے شرکت کی۔ اس موقع پر اسپیشل پرسنز اوور سیز ذمہ دار محمد علی عطاری نے اسپیشل پرسنز کے درمیان اشاروں کی زبان میں سنتوں بھرے بیان کی ترجمانی کی اور انہیں دعوتِ اسلامی کے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔

بعدازاں شرکا کے لئے سیکھنے سکھانے کے حلقے کا سلسلہ بھی ہوا جس میں انہیں دینی کام کرنے کے بارے میں ٹریننگ دی گئی جس پر انہوں نے اچھی اچھی نیتوں کا اظہار کیا۔(رپورٹ: اسپیشل پرسنز ڈیپارٹمنٹ، کانٹینٹ:رمضان رضا عطاری)