ڈسٹرکٹ شیخوپورہ، پنجاب کی تحصیل  مرید کے میں واقع جامع مسجد مہاجرین میں 2 جنوری 2026ء کو اسپیشل پرسنز ڈیپارٹمنٹ دعوتِ اسلامی کے تحت سنتوں بھرا اجتماع ہوا جس میں اسپیشل پرسنز کی کثیر تعداد نے شرکت کی۔

اجتماع کے آغاز میں تلاوتِ قراٰن کی گئی اور نعت شریف پڑھی گئی جس کے بعد صوبائی ذمہ دار محمد وقاص عطاری نے بیان کیا جس میں انہوں نے اسپیشل پرسنز کو اپنی عادتیں بدلنے، نیک اعمال کرنے اور نمازوں کی پابندی کرنے کی ترغیب دلائی۔

گیمبر، اوکاڑہ  کے عاشقانِ رسول کو دینِ اسلام کی تعلیمات سے آگاہ کرنے کے لئے دعوتِ اسلامی کے شعبہ کفن دفن کے تحت 6 جنوری 2026ء کونمازِ جنازہ کورس کا انعقاد کیا گیا جس میں مقامی اسلامی بھائیوں نے شرکت کی۔

کورس کی ابتدا میں اوکاڑہ ڈسٹرکٹ ذمہ دار لیاقت علی عطاری نے حاضرین کو نمازِ جنازہ کی سنتیں و اراکین یاد کروائیں جبکہ نمازِ جنازہ کا مکمل طریقہ بھی سکھایا۔

اس کے علاوہ ڈسٹرکٹ ذمہ دار نے دعوتِ اسلامی بالخصوص شعبہ کفن دفن کا تعارف کرواتے ہوئے پلے اسٹور میں موجود شعبے کی ایپلیکیشن ڈاؤن لوڈ کروائی جس پر انہوں نے اچھی اچھی نیتیں بھی کیں۔(رپورٹ: احمد ندیم عطاری شعبہ تعلیم، کانٹینٹ:غیاث الدین عطاری)

اسلام آباد G-11میں موجود مدنی مرکز فیضانِ مدینہ میں شعبہ فیضان آن لائن اکیڈمی بوائز دعوتِ اسلامی کے تحت راولپنڈی و اسلام آباد ڈویژن کے اسٹاف کے لئے ایک پروگرام کا انعقاد ہوا ۔

اس پروگرام میں نگرانِ شعبہ فیضان آن لائن اکیڈمی بوائز مولانا یاسر عطاری مدنی اور نگرانِ شعبہ فیضان آن لائن اکیڈمی گرلز مولانا سیّد غلام الیاس عطاری مدنی نے اسٹاف کے درمیان مختلف موضوعات پر کلام کرتے ہوئے اُن کی جانب سے ہونے والے سوالات کے جوابات دیئے۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

مدنی مرکز فیضانِ مدینہ G-11 اسلام آباد میں دعوتِ اسلامی کے شعبہ فیضان آن لائن اکیڈمی بوائز کے تحت راولپنڈی و اسلام آباد ڈویژن کے اسٹاف کا سیشن منعقد کیا گیا ۔

شعبہ فیضان آن لائن اکیڈمی بوائز  کے تحت دعوتِ اسلامی کے مدنی مرکز فیضانِ مدینہ G-11 اسلام آباد میں راولپنڈی و اسلام آباد ڈویژن کے مدرسین کے لئے ایک سیشن کا اہتمام کیا گیا ۔

دورانِ سیشن شعبے کے ڈویژن تعلیمی امور ذمہ دار محمد جواد عطاری نے مدرسین کی رہنمائی کرتے ہوئے مدرسین کی ماسٹر فائل اور اچھی نیتوں کے فوائد کے حوالے سے گفتگو کی۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے مدنی مرکز فیضانِ مدینہ G-11 اسلام آباد میں شعبہ فیضان آن لائن اکیڈمی بوائز کے تحت گزشتہ روز راولپنڈی و اسلام آباد ڈویژن کے مدرسین کا ٹریننگ سیشن منعقد کیا گیا ۔

اس ٹریننگ سیشن کے دوران رکنِ شعبہ تعلیمی امور سیّد انس عطاری نے مدرسین کے درمیان بیان کرتے ہوئے جدید تعلیمی نفسیات کے تعلق سے پریزنٹیشن پیش کی اور انہیں تعلیمی معاملات میں مزید بہتری لانے کا ذہن دیا۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ G-11 اسلام آباد میں شعبہ فیضان آن لائن اکیڈمی بوائز کے تحت پچھلے دنوں ایک ٹریننگ پروگرام منعقد ہوا جس میں راولپنڈی و اسلام آباد ڈویژن کے مدرسین نے شرکت کی۔

ٹریننگ پروگرام کے دوران صوبائی ذمہ دار مولانا عبد الوحید اعظم عطاری مدنی نے نمازوں کی حفاظت کے حوالے سے بیان کیا اور وہاں موجود مدرسین کی دینی و اخلاقی اعتبار سے تربیت کرتے ہوئے شعبے کے متعلق کلام کیا۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

4 جنوری 2026ء کو شعبہ معاونت برائے اسلامی بہنیں دعوتِ اسلامی کے تحت  دینی کاموں کے سلسلے میں نیو کراچی میں مدنی مشورہ ہوا جس میں محارم اسلامی بھائیوں کی شرکت ہوئی۔

شعبے کے ڈسٹرکٹ ذمہ دار عادل علی عطاری نے دینی کاموں کے متعلق کلام کرتے ہوئے مختلف نکات پر مشاورت کی جن میں سے بعض درج ذیل ہیں:

دعوتِ اسلامی کے آئی ٹی ڈیپارٹمنٹ کی جانب سے اسپیشل پرسنز کے لئے ایک جامع و منفرد موبائل ایپلیکیشن تیار کی گئی ہے جس کا نام”Special Persons Mobile Application“ ہے یہ ایپلیکیشن خصوصی طور پر اُن افراد کی سہولت کو مدنظر رکھتے ہوئے بنائی گئی ہے جونابینا، گونگے اور بہرے ہیں۔

نابینا افراد کے لئے سہولیات:

اس ایپلیکیشن میں نابینا اسلامی بھائیوں کے لئے آڈیو رسائل، دینی کُتُب کی صوتی شکل، نماز، اذکار اور اسلامی معلومات آڈیو میں موجود ہیں تاکہ وہ بغیر کسی مشکل کے دین سیکھ کر اُس پر عمل بھی کر سکیں۔

گونگے اور بہرے افراد کے لئے خصوصی مواد:

گونگے ، بہرے اسلامی بھائیوں اور بہنوں کے لئے اس ایپلیکیشن میں اشاروں کی زبان میں نماز کا طریقہ ، وضو کا مکمل طریقہ اشاروں کے ساتھ، حج و عمرے کے مناسک اشاروں کی زبان میں اور بنیادی اسلامی تعلیمات ویڈیوز کی صورت میں جبکہ تمام مواد نہایت آسان، واضح اور سمجھنے کے قابل انداز میں پیش کیا گیا ہے۔

نارمل افراد کے لئے بھی فائدہ:

یہ ایپلیکیشن صرف اسپیشل پرسنز ہی کے لئے نہیں بلکہ عام اسلامی بھائی بھی اس کے ذریعےاشاروں کی زبان سیکھ سکتے ہیں، اسپیشل پرسنز سے بہتر رابطہ قائم کر سکتے ہیں، خدمتِ خلق اور ہمدردی کے جذبے کو فروغ دے سکتے ہیں۔

ایپلیکیشن کی ایک نمایاں اور خوبصورت خصوصیت:

اینیمیٹڈ اشارے (Animated Sign Language)

اس کے ذریعے اشاروں کو نہایت آسان، دلچسپ اور یاد رکھنے کے قابل بنا دیا گیا ہےتاکہ سیکھنے والا جلدی و درست طور پر اشاروں کی زبان سمجھ سکے۔

دعوتِ اسلامی کا پیغام:

دینی، تبلیغی و اصلاحی سرگرمیوں کو منظم انداز میں دنیا بھر میں عام کرنے والی تحریک دعوتِ اسلامی کا نیٹ ورک تقریباً 175 سے زائد ممالک میں موجود ہےجو فلاحِ انسانیت اور فروغ علم دین کے 100 سے زائد شعبہ جات میں اپنی خدمات پیش کررہی ہے۔

دعوتِ اسلامی کے دینی کاموں کا جائزہ لینےاور دینی کاموں کو مزید وسعت دینے کے لئے اراکین شوریٰ و مبلغین دعوتِ اسلامی دنیا کے مختلف ممالک کا سفر کرتے رہتے ہیں۔

اسی سلسلے میں 10 تا 22 جنوری 2026ء خلیفۂ امیر اہل سنت مولانا حاجی عبید رضا عطاری مدنی مُدَّ ظِلُّہُ العالی مختلف ممالک کا دورہ کریں گے۔ اس دورے میں علما و مشائخ کرام اور دیگر شخصیات سے ملاقاتیں کرنا،اجتماعات میں بیانات کرنا، دعوتِ اسلامی کے تحت قائم مختلف اداروں کا وزٹ کرنا آپ کے شیڈول میں شامل ہے۔

مختلف ممالک کا شیڈول مع تاریخ:

٭10 تا 14 جنوری 2026ء: انڈونیشیا (Indonesia)

٭15 تا 19 جنوری 2026ء: ملائیشیا (Malaysia)

٭20 تا 22 جنوری 2026ء: تھائی لینڈ (Thailand)

سری لنکا (Sri Lanka) کے سٹی کولمبو(Colombo) میں قائم جامع مسجد المقبول میں 31 دسمبر 2025ء کو New Year Night کے موقع پر دعوت اسلامی کے تحت سنتوں بھرے اجتماع کا انعقاد کیا گیا قرب و جوار اور مختلف علاقوں سے اسٹوڈنٹس، بزنس کمیونٹی اور دیگر شعبے سے وابستہ افراد نے شرکت کی جبکہ سری لنکا مشاورت کے نگران و اراکین اور دیگر مبلغین دعوت اسلامی بھی موجود تھے۔ تلاوت قرآن پاک اور نعت رسول مقبول صلَّی اللہ علیہ واٰلہٖ وسلَّم سے سنتوں بھرے اجتماع کا آغاز ہوا۔

نگرانِ شوریٰ مولانا حاجی محمد عمران عطاری مُدَّ ظِلُّہُ العالی نےسنتوں بھرا بیان کیا۔ دورانِ بیان نگران شوریٰ نے معاشرتی برائیوں کی مذمت بیان کرتے ہوئے بڑی صحبت اور گناہوں سے بچنے، اللہ پاک کا خوف رکھنے اور نیکیوں بھری زندگی گزارنے کا ذہن دیا۔ شان و عظمت مصطفےٰ صلَّی اللہ علیہ واٰلہٖ وسلَّم بیان کرتے ہوئے اعلیٰ حضرت امام احمد رضا خان علیہ الرحمۃ کے لکھے ہوئے اشعار پڑھے۔ اجتماع کے دوران ہی عاشقانِ رسول نے درود و سلام اور ذکرو اذکار کی صداؤں میں نئے سال 2026ء کا استقبال کیا۔

نیو ایئر نائٹ کے موقع پر سنتوں بھرے اجتماع میں جامعۃ المدینہ سے فارغ التحصیل درس نظامی (عالم کورس) مکمل کرنے والے علمائے کرام کی دستار بندی کی گئی اور صلوۃ و سلام پر اجتماع کا اختتام ہوا۔

فار ایسٹ کے ملک ساؤتھ کوریا (South Korea) کے سٹی انچن (Incheon) کے علاقے Songdo مقامی ہال میں31 دسمبر 2026ء کو New Year Night کے موقع پر سنتوں بھرے اجتماع کا انعقاد کیا گیا جس میں قرب و جوار اور مختلف علاقوں سے اسٹوڈنٹس، بزنس کمیونٹی اور دیگر شعبے سے وابستہ افراد کی شرکت ہوئی جبکہ ساؤتھ کوریا مشاورت کے نگران و اراکین اور دیگر مبلغین دعوت اسلامی بھی موجود تھے۔ تلاوت قرآن پاک اور نعت رسول مقبول صلَّی اللہ علیہ واٰلہٖ وسلَّم سے سنتوں بھرے اجتماع کا آغاز ہوا۔

رکن شوریٰ مولانا حاجی عبد الحبیب عطاری نے سنتوں بھرا بیان کیا جس میں بُری صحبت، بُرے ماحول اور گناہوں سے بچنے کی ترغیب دلاتے ہوئے نیک اعمال کرنے کا ذہن دیا گیا۔ دورانِ بیان رکنِ شوریٰ نے شرکا کو اللہ پاک کے ذکر اور دُرود و سلام کے ورد سے اپنی زبان کو تر رکھنے کا ذہن دیتے ہوئے فرمایا کہ اللہ و رسو ل کے ذکر سے رزق میں برکت آجائے گی، گناہوں سے بھی بچیں گے، چہرے پر نور آجائے گا، ٹینشن فری ہوجائیں گے۔ اجتماع میں نیکی کی دعوت کو عام کرنے کے حوالے سے بھی گفتگو کی گئی۔

بیان کے بعد عاشقانِ رسول نے درود و سلام اور ذکرو اذکار کی صداؤں میں نئے سال 2026ء کا استقبال کیا۔ نیو ایئر نائٹ کے موقع پر ہونے والے سنتوں بھرے اجتماع کا اختتام صلوۃ و سلام اور دعا پر ہوا۔