دعوت اسلامی کے زیرِ اہتمام مانگا منڈی اقبال ٹاؤن لاہور میں اسپیشل پرسنز کی تربیت کے لئے سنتوں بھرا اجتماع منعقد کیا گیا جس میں خصوصی طور پر  مانگا منڈی ڈیف سوشل ویلفیئر کلب کے صدر رانا مبشر علی، جنرل سیکرٹری ملک سخی احمد، اقبال ٹاؤن لاہور کے ذمہ دار ابرار حسین عطاری اور لاہور ڈویژن کے ذمہ دار محمد علی عطاری نے شرکت کی۔

اس اجتماعِ پاک میں نعت و بیان اور اشاروں کی زبان میں اسپیشل پرسنز کی دینی و اخلاقی اعتبار سے تربیت کی گئی اور آخر میں دعا کا بھی سلسلہ رہا۔

اس موقع پر مانگا ڈویژن کے نگران مولانا نعیم مدنی عطاری نے ڈیف صدر رانا مبشر علی کو مکتبۃ المدینہ سے شائع ہونے والا رسالہ ’’باتصویر نماز ‘‘ تحفے میں پیش کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کی جانب سے دنیا بھر میں  قراٰنِ پاک کی تعلیم کو عام کرنے اور عاشقانِ رسول کو دینی تعلیمات سے آگاہ کرنے کے لئے مدرسۃ المدینہ کا اہتمام کیا جاتا ہے جس میں بچوں اور بڑوں کو صحیح تلفظ کے ساتھ قراٰنِ پاک کی تعلیم دی جاتی ہے۔

اسی سلسلے میں پچھلے دنوں لاہور کے نواحی علاقے مراکہ میں بڑی عمر کے اسلامی بھائیوں کے لئے مدرسۃ المدینہ کا اہتمام کیا گیا جس میں ڈیری فارم کے اسلامی بھائیوں نے شرکت کی۔

اس دوران مبلغِ دعوتِ اسلامی نے وہاں موجود اسلامی بھائیوں کے درمیان قرآنِ پاک کے فضائل بیان کرتے ہوئے اُن کی دینی و اخلاقی اعتبار سے تربیت کی۔(رپورٹ:ندیم عطاری مدنی ڈویژن ذمہ دار، کانٹینٹ:غیاث الدین عطاری)

گزشتہ دنوں رابطہ برائے ایگریکلچر اینڈ لائیو اسٹاک ڈیپارٹمنٹ دعوتِ سلامی کے ذمہ داران نے سندھ پاکستان کےضلع ٹنڈو الہ یار اور ایگریکلچر یونیورسٹی حیدر آباد کا دورہ کیا جہاں انہوں نے مختلف ڈیپارٹمنٹس کے اسلامی بھائیوں سے ملاقات کی جن میں ڈپٹی ڈائریکٹر لائیو اسٹاک ڈاکٹر مظہر رند، ایگریکلچر ایکسٹینشن ایڈیشنل ڈائریکٹر سلیم سہاگ اور سندھ ایگریکلچر یونیورسٹی ٹنڈوجام کے HOD، Poultry Department، Livestock، Soil Science Dept اور رجسٹرآر شامل تھے۔

اس دوران صوبائی ذمہ دار ڈاکٹر امید علی عطاری نے اسلامی بھائیوں کو نیکی کی دعوت دیتے ہوئے انہیں دعوتِ اسلامی کی عالمی سطح پر ہونے والی دینی و فلاحی خدمات سے آگاہ کیا نیز امیر اہلِ سنت دامت برکاتہم العالیہ کی ترغیب پر 15 رجب المرجب کو کونڈوں کی نیاز کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:ڈاکٹر عادل آرائیں ڈسٹرکٹ ٹنڈوالہ یار ذمہ دار، کانٹینٹ:غیاث الدین عطاری)

پاکستان کے شہر لاہور میں ڈونیشن بکس ڈیپارٹمنٹ دعوت اسلامی کے تحت مدنی مشورے کا انعقاد ہوا جس میں ڈویژن اور ضلع ذمہ داراسلامی بھائیوں نے شرکت کی۔

نگرانِ ضلع قصور حاجی نعیم عطاری نے ذمہ داران سے 12 دینی کاموں کے حوالے سے گفتگو کرتے ہوئے ہر گھر میں اور ہر دوکان پر صدقہ بکس رکھنے کا ذہن دیا۔

بعدازاں نگرانِ ضلع قصور نے شعبہ اسلامی بھائیوں کے مدرستہ المدینہ کو ہر گاؤں اور شہر میں کم و بیش 30ہزار باکسز رکھنے کا ہدف دیا جس پر انہوں نے اچھی اچھی نیتوں کا اظہارکیا۔(رپورٹ:صغیر عطاری ضلع قصور ذمہ دار، کانٹینٹ:غیاث الدین عطاری)

گزشتہ دنوں دعوتِ اسلامی کے رابطہ برائےٹرانسپورٹ ڈیپارٹمنٹ کے ذمہ دار اسلامی بھائیوں نے سہراب گوٹھ کراچی میں سیکھنے سکھانے کا حلقہ لگایا جس میں مقامی دوکانداروں نے شرکت کی۔

دورانِ حلقہ پاکستان سطح کے ذمہ و نگرانِ شعبہ محمد اسما عیل عطاری نے سنتوں بھرا بیان کرتے ہوئے وہاں موجود اسلامی بھائیوں کو فیضان نماز کورس کرنے کی ترغیب دلائی جس پر انہوں نے اچھی اچھی نیتوں کا اظہا رکیا۔

اس موقع پر ٹرانسپورٹ ڈسٹرکٹ سینٹر ل ذمہ دار عبد الوہاب عطاری بھی موجود تھے۔(رپورٹ:رابطہ برائےٹرانسپورٹ ڈیپارٹمنٹ ، کانٹینٹ:غیاث الدین عطاری)

پچھلے دنوں سندھ پاکستان کے ضلعے میر پور خاص میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں کثیر تعداد میں عاشقانِ رسول کی شرکت رہی۔

اس اجتماعِ پاک میں ڈویژن نگران حافظ زین عطاری نے سنتوں بھرا بیان کرتے ہوئے شرکائے اجتماع کو ایک ماہ کے مدنی قافلے میں سفر کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:شایان عطاری دفتر ذمہ دار ڈویژن نگران، کانٹینٹ:غیاث الدین عطاری)

دعوتِ اسلامی کے شعبہ کفن دفن کے تحت میٹرو پولیٹن گوجرانوالہ میں قائم الحرام ہائی اسکول میں نمازِ جنازہ کورس کا انعقاد ہوا جس میں اسکول کے اسٹوڈنٹس نے شرکت کی۔

مبلغِ دعوتِ اسلامی نے اسٹوڈنٹس کے درمیان سنتوں بھرا بیان کرتے ہوئے نمازِ جنازہ کی چند ضروری باتیں بتائیں اور شعبہ کفن دفن کا تعارف پیش کیا۔

اس کے علاوہ ذمہ دار نے انہیں دعوتِ اسلامی کے ہفتہ وار سنتوں بھرے اجتماع میں شرکت کرنے کی ترغیب دلائی۔(رپورٹ:مستنصر عطاری مدنی، کانٹینٹ:غیاث الدین عطاری)

گزشتہ دنوں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے دینی کاموں کے سلسلے میں سادھوکی لاہور میں قائم جامعۃ المدینہ بوائز کا وزٹ کیا جہاں انہوں نے طلبۂ کرام اور اساتذۂ کرام کے درمیان سیکھنے سکھانے کا حلقہ لگایا۔

دورانِ حلقہ رکنِ شوریٰ نے سنتوں بھرا بیان کرتے ہوئے طلبۂ کرام کی دینی و اخلاقی اعتبار سے تربیت و رہنمائی کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔ (رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

13 رجب المرجب کو اسلام کے چوتھے خلیفہ   امیر المؤمنین ، دامادِ رسول حضرت سیدنا مولا علی شیرِ خدا کرم اللہ وجہہ الکریم کا یومِ ولادت ہے۔ اسی مناسبت سے آج رات 14 فروری 2022ء ، 13 رجب المرجب 1443ھ کو ”جشن ولادت مولاعلی مشکل کشا رضی اللہُ عنہ“کے پُرمسرت موقع پر عالمی مدنی مرکز فیضان مدینہ کراچی میں سنتوں بھرے اجتماع کا انعقاد کیا جائیگا۔

اجتماع کا آغاز تلاوت قرآن مجید سے کیا جائیگا جبکہ نعت خواں اسلامی بھائی بارگاہ مصطفٰے صلَّی اللہ علیہ واٰلہٖ وسلَّم میں ہدیۂ نعت پیش کرتے ہوئے مولا علی رضی اللہُ عنہ کی شان میں منقبتیں بھی پڑھیں گے۔ دوران اجتماع مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی ”مولانا علی کی شان“ میں سنتوں بھرا بیان فرمائیں گے۔ بیان کے بعد مدنی مذاکرے کا سلسلہ بھی ہوگا جس میں شیخ طریقت امیر اہل سنت علامہ محمد الیاس عطار قادری دامت بَرَکَاتُہمُ العالیہ سیرت مولا علی رضی اللہُ عنہ پر گفتگو فرماتے ہوئے مدنی پھول ارشاد فرمائیں گے۔

اجتماع کے آغاز میں جلوس علویہ جبکہ اختتام پر لنگر علویہ کا بھی اہتمام کیا جائیگا۔

رب کائنات نے انسان کو اَن گنت نعمتیں عطا فرمائی ہیں،جن میں سے ہر ایک کی خاص اہمیت و افادیت ہے۔ان نعمتوں میں سے کئی نعمتیں ایسی ہیں کہ جن کا درست استعمال کئی دوسری نعمتوں کے حصول کا سبب بن سکتا ہے،اور ان کی قدر نہ کرتے ہوئے انہیں ضائع کردینا کئی   ناکامیوں اور محرومیوں کا باعث ہوسکتا ہے۔

ان نعمتوں میں سےایک قابل ذکر نعمت ”وقت“ بھی ہے۔ ”وقت “رب العالمین عزوجل کی عطا کردہ انمول نعمت ہے۔دنیا میں جن جن اشخاص نےبھی ” وقت“ کا اچھا استعمال کیا انہیں اپنی منزل پر پہنچنا اور اپنے مقاصد میں کامیاب ہونا نصیب ہوا۔

وقت کا استعمال تو ہر شخص ہی کرتا ہے،لیکن اس معاملے میں بعض افراد تو اپنی ذات کو یکسر فراموش کرکے یہ وقت صرف دوسروں کیلئے صرف کردیتے ہیں۔شب و روز دوسروں کی خواہشات کی تکمیل میں مصروف رہنا،ان کی ہر طرح کی توقعات پر پورا اترنے کی جستجو میں لگے رہنا اور سب کو خوش رکھنے کی فکر کرتے رہنا ، یہ تمام چیزیں انسان کو اپنی شخصیت سنوارنے،ذاتی صلاحیتیں بڑھانے اور دینی و دنیوی کامیابیاں اور منافع حاصل کرنے سے مشغول کئے رکھتا ہے۔

گھر اور معاشرے کے جن جن افراد کی ذمہ داریاں بندے پر ہیں،انہیں نبھانے اور جو جو حقوق لازم ہیں،ان کی ادائیگی کرنے کے ساتھ ساتھ انسان کو اپنی ذات کیلئے بھی کچھ ، بلکہ بہت سا وقت نکالنا چاہیئے۔ جس میں خاص طور پر(فرائض و واجبات شرعیہ کی بجا آوری کے ساتھ ساتھ) رب تعالیٰ کی(نفلی)عبادت کرکے ، اس کے پیارے محبوب صلی اللہ علیہ وسلم کی سنتوں کو ادا کرکے دارین کی سعادتمندی کا حقدار بننا چاہئے۔(اگرچہ بندہ مومن کی زندگی کے اکثر لمحات کا انہیں کاموں میں گزرنا عین سعادتمندی ہے)۔

اسی طرح انسان کو ذاتی و شخصی اعتبار سے اپنی چھپی ہوئی صلاحیتوں کو پہچان کر انہیں کام میں لانے اور بڑھانے کیلئے کوشاں رہنا چاہئے۔خدا داد صلاحیتوں کو تلاش کرکےانہیں مزید تراشنا اور ان کا درست و بر محل استعمال کرنا انسان کو ترقیوں اور کامیابیوں کی منازل طے کروا سکتا ہے اور سعادت دارین کا مستحق بنا سکتا ہے۔

اللہ کریم ہمیں اپنے محبوب اعظم صلی اللہ علیہ وسلم کے صدقے میں وقت کا اچھا استعمال کرنے،اپنے آپ کو وقت دینے اور اپنی صلاحیتوں کو تلاش کرکے ان کو درست انداز میں استعمال کرنے کی توفیق عطا فرمائے اور یوں ہمیں دینی و دنیوی کامیابیاں پانے کی سعادت دے۔

آمین بجاہِ طٰہ ویٰس

از: ابو الحقائق راشد علی رضوی عطاری مدنی

6 فروری 2022 ء کو قصور لاہور  میں نگران شعبہ حکیم حسان عطاری اور پنجاب کے صوبائی ذمہ دار نے ملکر شہر کے مختلف اطباء سے ملاقاتیں کیں جس میں دعوت اسلامی کےشعبہ جات کا مختصر تعارف پیش کیا، اطباء کو جامعۃ المدینہ میں فری طبی کیمپ لگانے اور فیضان مدینہ جوہر ٹاون وزٹ کرنے کی دعوت دی ۔

8 فروری 2022 ء کو ضلع بھکر کے شہر جنڈانوالہ ضلعی  ذمہ دار کے گھراجتماع خواجہ غریب نواز کا انعقاد کیا گیا جس میں شہر کے اطباء و دواساز ادارے کے ملازمین اور شخصیات نے شرکت کی ،اس اجتماع پاک میں شعبہ نگران حکیم حسان عطاری نے ” چھٹی شریف غریب نواز اور رجب کے فضائل “پر بیان کیا۔ اس کے علاوہ دعوت اسلامی اور اس کے شعبے جات کا تعارف پیش کیا ، اجتماع پاک کا اختتام دعا اور صلوٰۃو سلام پر ہوا۔(رپورٹ: حکیم محمد نعیم عطاری )