تبلیغِ دین کے جذبے کے تحت پچھلے دنوں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے حیدرآباد کمشنر بلال احمد میمن سے ملاقات کی۔

ذمہ داران نے کمشنر کو دعوتِ اسلامی کے شعبہ جات کے ذریعے دنیا بھر میں ہونے والی دینی و فلاحی خدمات کے بارے میں بریفنگ دی نیز آئندہ ڈویژنل حکومت کے ساتھ مل کر دینی کاموں میں مزید بہتری لانے کے لئے چند اہم امور پر تبادلۂ خیال کیا۔

بعدازاں حیدرآباد کمشنر نے دعوتِ اسلامی کے مدنی مرکز فیضانِ مدینہ کا وزٹ کرنے کی خواہش کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

25 جنوری 2023ء بروز بدھ صوبہ خیبرپختونخوامیں مانسہرہ کے ڈپٹی کمشنر راؤ بلال شاہد سے شعبہ رابطہ برائے شخصیات کے ذمہ دار اسلامی بھائیوں کی ملاقات ہوئی۔

اس موقع پر مبلغِ دعوتِ اسلامی حاجی شفاعت علی عطاری نے ڈپٹی کمشنر کو دعوتِ اسلامی کے مختلف شعبہ جات کا تعارف کروایا بالخصوص شعبہ FGRF کے فلاحی کاموں کے بارے میں تفصیلی گفتگو کی۔

بعدازاں دعوتِ اسلامی کی جانب سے سیلاب زدگان کے لئے اب تک ہونے والے امدادی کاموں کےحوالے سے ڈپٹی کمشنر راؤ بلال شاہد نے خراجِ تحسین پیش کرتے ہوئے اپنے نیک خواہشات کا اظہار کیا۔(رپورٹ:شعبہ رابطہ برائے شخصیات، کانٹینٹ : غیاث الدین عطاری)

پچھلے دنوں پنجاب پاکستان کے شہر دنیاپور میں ٹریفک پولیس ایجوکیشن یونٹ کے وفد نے دعوتِ اسلامی کے مدنی مرکز فیضانِ مدینہ میں قائم جامعۃالمدینہ بوائز کا وزٹ کیا۔

گزشتہ روز شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے دینی کاموں کے سلسلے میں صوبہ خیبر پختونخوا میں واقع PDMA (Provincial Disaster Management Authority) آفس کا وزٹ کیا۔

دورانِ وزٹ ذمہ دار اسلامی بھائیوں نے ڈائریکٹر ریلیف آپریشن اینڈ کوآرڈینشن عبد الرحمٰن، پرسنل اسسٹنٹ ٹو ڈائریکٹرریلیف عظمت علی اور پرسنل اسسٹنٹ DG PDMA علی محمد خان سے ملاقات کی۔

عاشقانِ رسول کی دینی تحریک دعوتِ اسلامی کے تحت پچھلے دنوں شعبہ رابطہ برائے شخصیات کے ذمہ دار اسلامی بھائیوں نے ڈویژن ڈیرہ اسماعیل خان صوبہ خیبرپختونخوا میں پرسنل اسسٹنٹ ٹو منسٹر لوکل گورنمنٹ آصف زمان اور سیاسی کارکن محمد سعید سمیت دیگر سیاسی و سماجی شخصیات سے ملاقات کی۔

دورانِ ملاقات ذمہ دار اسلامی بھائیوں نے شخصیات کو نیکی کی دعوت دیتے ہوئے علمِ دین سیکھنے سکھانے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ رابطہ برائے شخصیات، کانٹینٹ: غیاث الدین عطاری)

نیکی کی دعوت کا جذبہ رکھنے والی عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات کے وفد نے صوبہ خیبرپختونخوا کے شہر پشاور میں قائم آئی جی آفس کا دورہ کیا۔

اس دوران وفد میں موجود اسلامی بھائیوں نے Addl شوکت عباس، پرسنل اسسٹنٹ حامد خان اور APSO to IG انسپکٹر طاہر خان سمیت دیگر اسٹاف سے ملاقات کی۔

گزشتہ دنوں دعوتِ اسلامی کے شعبہ خدام المساجد و المدارس کے تحت  واربرٹن کے محلہ نظام پورہ میں جامع مسجد انوارِ مدینہ کا سنگِ بنیاد رکھا گیا ۔

26 جنوری 2023ء کو مبلغ دعوت اسلامی حاجی نصر اقبال عطاری نے زیر تعمیر مسجد کا وزٹ کیا اور تعمیراتی کاموں کے سلسلے میں ٹھیکدار سے ملاقات کی اور تعمیراتی کاموں کے حوالے سے مشاورت کی ۔ (رپورٹ: محمد رمضان عطاری مدنی امام و خطیب جامع مسجد فیضانِ غوث اعظم و مدرس جامعۃ المدینہ امینیہ رضویہ واربرٹن / کانٹینٹ : محمد مصطفیٰ انیس ) 

پچھلے دنوں لاہور ڈویژن ڈسٹرکٹ قصور میں شعبہ مدنی کورسز (دعوت اسلامی ) کے تحت مدنی مشورہ ہوا جس میں تحصیل و یو سی ذمہ داران  اور جزوقتی معلمین نے شرکت کی ۔

ڈویژن ذمہ دار شعبہ مدنی کورسز نے شرکا کا مدنی مشورہ لیتے ہوئے انہیں اپنی ٹیچنگ اسکلز مزید بڑھانے کا ذہن دیا اور دیگر تعلیمی اداروں میں مدنی کورسزکروانے کے حوالے سے تربیت کی۔ (رپورٹ: محمد زمان رضا عطاری ڈسٹرکٹ قصور ذمہ دار شعبہ مدنی کورسز / کانٹینٹ : محمد مصطفیٰ انیس ) 

پچھلے دنوں شعبہ مدرسۃ المدینہ بالغان (دعوتِ اسلامی ) کے تحت فیصل آبا د کے علاقے اقبال ٹاؤن جامع مسجد ابرار مدینہ میں مدسۃ المدینہ بالغان کا آغاز کیا گیا جس میں ٹاؤن نگران ، سب ٹاؤن نگران ا ور دیگر ذمہ داران و اہل علاقہ نے شرکت کی ۔

ذمہ دارا سلامی بھائی نے شرکا کو نیکی کی دعوت پیش کی اور دعوت اسلامی بالخصوص مدرسۃ المدینہ بالغان کا تعارف پیش کرتے ہوئے شرکا کو مدرسۃ المدینہ بالغان میں پابندی کیساتھ شرکت کرتے رہنے کا ذہن دیا ۔ (رپورٹ: مدرسۃ المدینہ بالغان / کانٹینٹ : محمد مصطفیٰ انیس )

24 جنوری 2023ء بروز منگل خانیوال میں نئے تعینات ہونے والے ڈپٹی کمشنر ذیشان شبیر رانا سے شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے ملاقات کی۔

اس دوران شعبے کے ملتان ڈویژن ذمہ دار فدا علی عطاری اور ڈسٹرکٹ ذمہ دار عبد الرحمٰن نے خانیوال تعیناتی پر ڈپٹی کمشنر کو مبارک باد دیتے ہوئے انہیں شعبہ FGRF سمیت دعوتِ اسلامی کے دیگر شعبہ جات کے حوالے سے بریفنگ دی۔

ڈویژن ذمہ دار نے ڈپٹی کمشنر کو دعوتِ اسلامی کی مایہ ناز بین الاقوامی شہرت یافتہ کتاب ”آخری نبی کی پیاری سیرت“ تحفے میں دیتے ہوئے انہیں دعوتِ اسلامی کے مدنی مرکز فیضانِ مدینہ کا وزٹ کرنے کی دعوت دی جس پر انہوں نے خوشی کا اظہار کیا۔

بعدازاں ذمہ داران نے PA to Dc رانا عبد الجبار، ڈسٹرکٹ آفیسر ٹریفک پولیس اشرف خان اور Pro to Dpo محمد حسن سمیت دیگر سے بھی ملاقات کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

عالمی سطح پر علمِ دین کا فیضان عام کرنے اور اسلامی بھائیوں کی دینی و اخلاقی تربیت کرنے کے جذبے کے تحت اسٹچفورڈ برمنگھم یوکے میں دعوتِ اسلامی کے ذمہ دار اسلامی بھائیوں کی میٹنگ ہوئی جس میں شعبہ ہفتہ وار سنتوں بھرااجتماع ویسٹ مڈلینڈز یو کے ریجن  کے ذمہ داران، مبلغین، قاری صاحبان اور نعت خواں اسلامی بھائیوں نے شرکت کی۔

معلومات کے مطابق اس میٹنگ میں نگرانِ مڈلینڈز یوکے سیّد عمار عطاری، نگرانِ برمنگھم یوکے مولانا طارق عطاری مدنی اور نگرانِ ویلز یوکے سیّد فضیل رضا عطاری نے اسلامی بھائیوں سے مختلف امور پر گفتگو کرتے ہوئے ہفتہ وار اجتما ع میں ہونے والے دینی کاموں کے بارے میں مشاورت کی۔

ذمہ داران نے دورانِ میٹنگ سنتوں بھرے اجتماع میں تلاوتِ قراٰن، نعتِ رسولِ مقبول صلی اللہ علیہ و سلم، دعا صلوٰۃ و سلام سمیت دیگر شیڈول پر تبادلۂ خیال کیا۔

اس کے علاوہ میٹنگ میں شریک اسلامی بھائیوں کو ویسٹ مڈلینڈز یوکے ہفتہ وار سنتوں بھرے اجتماع میں تعاون کرنے اور شرکت کرنے والے عاشقانِ رسول سے ملاقات کرنے کا ذہن دیا گیا۔(رپورٹ:سمیر عطاری شعبہ مدنی چینل یوکے، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ  کی جانب سے 25 جنوری2023 ءبروز بدھ میرپورکشمیر میں ذیلی شعبہ معذور افراد پاکستان کے ذمہ د ار خالد محمود عطاری نےزوبیا اسپیشل پرسنزسینٹر کا دورہ کیا اور پرنسپل و اساتذہ سے ملاقات کی ۔

دورانِ ملاقات خالدمحمود عطاری نے پرنسپل و اساتذہ کو دعوتِ اسلامی کی معذور افراد کےلئےکی جانے والی دینی کاوشوں کے بارے میں بریفنگ دی۔ مزید آئندہ کے اہداف کے بارے میں بتایا جس پر پرنسپل صاحب نے دعوتِ اسلامی کے شعبہ اسپیشل پرسنز کی دینی خدمات کو سراہتے ہوئے خوشی کا اظہار کیا ۔

٭دوسری جانب میرپور کشمیر میں اسپیشل ایجوکیشن انسٹیٹیوٹ کے پرنسپل ڈاکٹر امجد انصاری سے معذور افراد پاکستان ذمہ د ار خالد محمود عطاری نے ملاقات کی اور انہیں دعوتِ اسلامی کی جانب سے معذور افراد میں کئے جانے والےدینی کاموں کے بارے میں معلومات دی۔(رپورٹ : محمد عمیر ہاشمی عطاری،ایچ او ڈی اسپیشل پرسنز ڈیپارٹمنٹ پاکستان ، کانٹینٹ: رمضان رضا عطاری)