پچھلے  دنوں رمضان صاحب رضائے الہی سے انتقال کرگئے۔

انتقال کی خبر ملنے پر امیر اہل سنت علامہ محمد الیاس عطار قادری دامت بَرَکَاتُہمُ العالیہ نے اپنے آڈیو پیغام کے ذریعے مرحوم کے گھر والوں سے تعزیت کی اور مرحومہ کو ایصالِ ثواب کرتے ہوئے دعائیں کیں۔

پیغام عطار!

بااخلاق مسلمان کی خوش قسمتی

ترمذی شریف، حدیث نمبر 218 فرمان مصطفٰے صلَّی اللہ علیہ واٰلہٖ وسلَّم”قیامت کے دن مجھے تم سے زیادہ پسند اور میرے زیادہ نزدیک بیٹھنے والے وہ لوگ ہونگےجو زیادہ اچھے اخلاق والے ہونگے“۔

سگِ مدینہ محمد الیاس عطار قادری رضوی عفی عنہ کی جانب سے السلام علیکم ورحمۃ اللہ وبرکاتہ

مجھے یہ ا فسوسناک خبر ملی کہ محمد سلطان، محمد حنیف، محمد رفیق، محمد صدیق عطاری، محمد امین اور غلام یٰسین کے ابوجان رمضان گردوں کے مرض میں مبتلا رہتے ہوئے 20 صفر المظفر 1443ھ، 28 ستمبر 2021ء کو تقریباً 90 سال کی عمر میں سرگودھا میں وفات پاگئے۔ اِنَّا لِلہِ وَاِنَّا اِلَیْہِ رٰجِعُوْن

میں تمام سوگواروں سے تعزیت کرتا ہوں اور صبر وہمت سے کام لینے کی تلقین کرتا ہوں۔

دعائے عطار

یا رب المصطفی جل جلالہ و صلی اللہ علیہ وآلہ وسلم رمضان کو غریقِ رحمت فرما، اے اللہ پاک انہیں اپنے جوار ِ رحمت میں جگہ نصیب فرما، مولائے کریم ان کے تمام چھوٹے بڑے چھپے ظاہر جانے انجانے ہونے والے گنا ہ معاف فرما۔ ربِ کریم ان کی قبر جنت کا باغ بنے ، رحمت کے پھولوں سے ڈھکے، تا حدِ نظر وسیع ہو، یا اللہ پاک ان کی قبر کی تنگی وحشت اور گھبراہٹ دور ہوجائے، مولائے کریم ان کی قبر کا اندھیرا دور ہوجائے، نورِ مصطفیٰ کا صدقہ ان کی قبر تاحشر روشن رہے، جگمگاتی رہے، یا اللہ پاک مرحوم کو بے حساب مغفرت سے نواز کر جنت الفردوس میں اپنے پیارے حبیب صلی اللہ علیہ وآلہ وسلم کا پڑوس نصیب فرما۔ مولائے کریم تمام سوگواروں کو صبر جمیل اور صبر جمیل پر اجر جزیل مرحمت فرمااے اللہ پاک میرے پاس جو کچھ ٹوٹے پھوٹے اعمال ہیں اپنےکرم کے شایانِ شان ان کا اجر عطا فرما، یہ سار ا اجرو ثواب جناب رسالت صلی اللہ علیہ وآلہ وسلم کو عنایت فرما بوسیلہ خاتم النبیین صلی اللہ علیہ وآلہ وسلم یہ سارا ثواب رمضان سمیت ساری امت کو عنایت فرما۔ امین بجاہ خاتم النبیین صلی اللہ علیہ وآلہ وسلم

تمام سوگوار صبر و ہمت سے کام لیں۔ اللہ پاک کی رضا پر راضی رہیں۔ وسوسے نہ پالیں کہ یہ ہوگیا، وہ ہوگیا، یوں ہوگیا جو ہوا اللہ پاک کی مرضی سے ہوا جس کا ٹائم پورا ہوتا ہے ایک سیکنڈ بھی دنیا میں رُک نہیں سکتا۔ اللہ پاک اگر کسی کا آنا نہیں چاہتا دنیا میں وہ آنہیں سکتا وہ جو چاہے وہ کرتا ہے وہ قادر مطلق ہے ۔ وہ جو بھی کرتا ہے بہتر کرتا ہے درست کر تاہے، صحیح کرتا ہے، بندہ اس کے تمام احکامات کا پابند ہے اس کو دم مارنے کی مجال نہیں ہے، بس اس کی بارگاہ میں بندہ جھکا رہے سرکشی کرنے والا دونوں جہاں میں ناکام ر ہتا ہے بے شک جانے والے کے لئے خوب ایصالِ ثواب کیجئے، مغفرت کی دعائیں کیجئے، صدقہ جاریہ کے کام کیجئے، مگر بے صبری مت کیجئے، بے صبری کرنے سے ویسے بھی جانے والوں کو کہاں پلٹ کر آنا ہے الٹا صبر کے ذریعے ہاتھ آنے والا جنت کا خزانہ ہاتھوں سے نکل جاتا ہے اور یہ خدا کی قسم بڑا نقصان ہے بہت بڑا نقصان ہے تومرنا تو سب نے ہے۔ ہمیں بھی دنیا سے رخصت ہونا ہے وقت ہمارا بھی جس دن پورا ہوا ہم نے ایک سیکنڈ بھی ٹھہرنا نہیں ہے اب ہماری باری ہے اتنے چلے گئے تو ہماری بھی باری ہے پیچھے ہم بھی لائن میں لگے ہوئے ہیں۔

چند روزہ ہے یہ دنیا کی بہاردل لگا نہ اس سے غافل ذی نہار

ہوشیار اے محو غفلت ہوشیار

جگہ جی لگانے کی دنیا نہیں ہے یہ عبرت کی جاہ ہے تماشا نہیں ہے

امیر اہل سنت دامت بَرَکَاتُہمُ العالیہ نے مزید مدنی پھول ارشاد فرمایا کہ تمام سوگواروں کی خدمت میں عرض ہے کہ نمازوں کی پابندی کرتے ہیں گناہوں سے پاک سنتوں بھری زندگی گزار یں دعوت اسلامی کے دینی ماحول سے ہردم وابستہ رہیں خاندان کے تمام اسلامی بھائی اپنے چہرے پر تھوڑ ی کے نیچے ایک مٹھی داڑھی سجائیں داڑھی منڈانا اور ایک مٹھی سے گھٹانا حرام اور جہنم میں لے جانے والا کام ہے۔ معاذ اللہ اب تک جس نے داڑھی منڈائی یا ایک مٹھی سے گھٹائی ہے اس پر واجب ہے فورا توبہ کریں اور پکا عہد کریں کہ نہ اب داڑھی کٹے اور نہ ایک مٹھی سے گھٹے۔

مردوں کے لیے زلفیں رکھنا سنت ہے اللہ کریم کے پیارے پیار ے آخری نبی مکی مدنی محمد عربی صلی اللہ علیہ وآلہ وسلم نے کبھی آدھے مبارک کان تک کبھی پورے مبار ک کان تک اور کبھی مبارک کندھوں تک بال شریف بڑھائے۔ زہے نصیب اس سنت پر بھی عمل کی سعادت نصیب ہو۔

یاد رہے کہ مرد کے لئے بالوں کو اتنا بڑھانا کہ کندھوں کے نیچے پہنچ جائے حرام اور گناہ ہے جب کہ عورت کے لئے بالوں کو کاٹ کر کندھے سے اوپر کرلینا حرام اور گناہ ہے اس مسئلے کی مزید تفصیل کے لیے ”فتاویٰ رضویہ شریف جلد 21 صفحہ نمبر 600“کا مطالعہ فرمائیں۔

ہر جمعرات کو سنتوں بھرے اجتماع میں اول تا آخر شریک ہوں، رات گزاریں، وہیں سوئیں تہجد کی سعادت حاصل کریں رقت انگیز دعائیں تہجد کی بھی برکتیں لوٹیں۔ سنتیں سیکھنے سکھانے کے لیے ہرماہ کم از کم تین دن مدنی قافلے میں عاشقانِ رسول کے ساتھ سنتوں بھرا سفر اختیار کرے گھر کی تمام اسلامی بہنیں بدھ کے روز دوپہر میں دعوت اسلامی کے اجتماع میں شریک ہوں گھر کے تمام ا فراد اچھی اچھی نیتوں کے ساتھ روزانہ اپنے اعمال کا جائزہ لے کر مکتبۃ المدینہ کے نیک اعمال نامی رسالے میں دیئے ہوئے خانے پُر کریں اور ہر ماہ پہلی تاریخ کو اپنے یہاں کے دعوت اسلامی کے شعبہ اصلاحِ اعمال کے ذمہ دار کو جمع کروائیں ان شاء اللہ الکریم تقویٰ کا انمول خزانہ ہاتھ آئے گا اور عشقِ رسول کے چھلکتے جام نصیب ہوں گے ہفتہ وار دینی رسالہ ضرور پڑھا یا سنا کریں اس ہفتہ کا رسالہ ہے ”بابا جی اور گھر کے جھگڑے“ اس کے صرف 17 صفحات ہیں ضرور پڑھیں چاہیں تو آڈیو میں سن بھی سکتے ہیں۔

دعوت اسلامی کے اکلوتے ”ماہنامہ فیضان مدینہ“ کی بکنگ نہ کروائی تو کروالیں اور عمر بھر یہ سلسلہ جاری رکھیں اور پڑھتے بھی رہیں معلومات کا ڈھیروں ڈھیر خزانہ ہاتھ آئے گا۔ اِن شااللہ الکریم

مزید کم از کم ایک فرد کو 12 ماہ کے لیے ماہنامہ فیضانِ مدینہ کی بکنگ کروانے کے لیے تیار کیجئے اور ثواب کا حقداد بنیں۔ ہوسکے تو 2500 یا اس سے زائد کے رسائل مکتبۃ المدینہ سے خرید کر تقسیم فرمادیجئے۔

زہے نصیب مرحوم کے ایصالِ ثواب کے لیے اللہ پاک کے دیئے ہوئے مال میں سے مسجد بنادیجئے یا مسجد کی تعمیر میں حصہ ہی لے لیجئے، مسجد بنانے کی بڑی فضیلت ہے فرمانِ مصطفٰے صلی اللہ علیہ وسلم جس نے اپنے حلال مال سے وہ گھر بنایا جس پر اللہ پاک کی عبادت کی جائے تو اللہ پاک اس کے لئے جنت میں موتی اور یعقوت کا گھر بنائے گا۔

نیکی کی دعوت کو عام کرنے کے جذبے کے تحت اسلامی بہنوں کے اکتوبر 2021ء  میں یوکے میں ہونے والے دینی کاموں کی چند جھلکیاں ملاحظہ فرمائیں:

اس ماہ انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد:248

روزانہ گھر درس دینے والی اسلامی بہنوں کی تعداد:813

ہفتہ وار امیراہل سنت دَامَتْ بَرْکَاتُہُمُ الْعَالِیَہْ کا مدنی مذاکرہ سننے والی اسلامی بہنوں کی تعداد: 1ہزار719

اسلامی بہنوں کے مدرسۃ المدینہ کی تعداد : 304

ان میں پڑھنے والی اسلامی بہنوں کی تعداد:1ہزار937

تعداد ہفتہ وار سنتوں بھرے اجتماعات: 185

ان میں شرکت کرنے والی اسلامی بہنوں کی تعداد: 5ہزار 459

ہفتہ وار علاقائی دورہ (شرکامدنی دورہ کی تعداد ):429

ہفتہ وار رسالہ پڑھنے / سننے والی اسلامی بہنوں کی تعداد : 17ہزار607

وصول ہونے والے نیک اعمال کے رسائل کی تعداد:1ہزار595

دعوتِ اسلامی کےشعبہ تعلیم کےذمہ داراسلامی بھائیوں نےپچھلےدنوں یونیورسٹی آف لاہورکادورہ کیاجس دوران انہوں نےیونیورسٹی کےپروفیسرز سےملاقات کی۔

ذمہ داران نےانہیں دعوتِ اسلامی کےزیرِاہتمام کراچی میں ہونےولےتین دن کےP.H.D اور M.Philاجتماع میں شرکت کرنے کی دعوت دی ۔

اسی طرح زنجانی کابینہ میں مختلف پروفیسرزولیکچرار کوبھی اس اجتماعِ پاک میں شرکت کرنے کی دعوت دی گئی جس پروہاں موجوداسلامی بھائیوں نےاپنی نیک خواہشات کااظہار کرتےہوئےاس اجتماعِ پاک میں شرکت کرنےکی اچھی اچھی نیتیں کیں۔(رپورٹ:شعبہ تعلیم،کانٹینٹ:غیاث الدین عطاری)

ماہ اکتوبر2021ء میں دعوت اسلامی کے شعبہ محبتیں بڑھاؤ کے زیر اہتمام یوکے کی اسکاٹ لینڈ، لندن اور مانچسٹرریجنز کی ذمہ داراسلامی بہنوں  کی جانب سے31 ایسی اسلامی بہنوں سے رابطہ کیا گیا جو پہلے رابطے میں تھیں مگر کچھ عرصے سے دعوتِ اسلامی کے دینی ماحول سے دور تھیں۔ ان میں سے22 اسلامی بہنوں نے ہفتہ وار سنتوں بھرے اجتماع میں شرکت کی۔7 اسلامی بہنوں نے ہفتہ وار مدنی مذاکرہ میں شرکت کی سعادت حاصل کی۔ 8اسلامی بہنوں نے مدرسۃ المدینہ میں پڑھا/ پڑھوایا، 6 اسلامی بہنوں نے شارٹ کورس کیا/ کروایا، 12 اسلامی بہنوں نے ہفتہ وار رسالہ پڑھا اور3 اسلامی بہنوں نےنیک اعمال کا رسالہ جمع کروایا۔

دعوت اسلامی کا دینی کام دنیا بھر میں جاری و ساری ہے اور روز بہ روز ترقی کی طرف گامزن ہے ۔دعوتِ اسلامی کے شعبہ جات میں سے ایک شعبہ” شب و روز (News Department) “ بھی ہے ۔

اس شعبے میں مختلف ممالک سے مختلف دینی کاموں کی مدنی خبریں موصول ہوتی ہیں جو دعوت اسلامی کی ویب سائٹ شب و روز پر اپلوڈ ہوتی ہیں ہے۔

اکتوبر 2021ء میں یوکے ریجن کےمختلف ممالک سے ملنے والی مدنی خبروں کی تعداد66 ہے۔ان ممالک میں لندن ، برمنگھم ، مانچسٹر ، بریڈ فورڈ ، اسکاٹ لینڈ اور آئرلینڈ شامل ہیں ۔

دعوت اسلامی کے شعبہ کفن دفن (اسلامی بہنیں) کے زیر اہتمام اکتوبر 2021ء میں یوکےمیں بذریعہ انٹر نیٹ غسل میت کی تربیت لینے والی اسلامی بہنوں کے ٹیسٹ کا سلسلہ رہا جس میں برمنگھم ریجن سے 4اسلامی بہنوں نے ٹیسٹ میں کامیابی حاصل کی۔ کامیاب ہونے والی اسلامی بہنوں نےنیت کی کہ وہ اللہ کی رضا کے لئے فی سبیل للہ میتوں کو غسل دیں گی۔

دین ِاسلام نے جہاں مردوں کے لئے زندگی گزارنے کے اصول بتائے ہیں ویسے ہی عورتوں کے لئے بھی رہنما اصول قائم کر رکھے ہیں۔ دعوت اسلامی کے دینی ماحول میں اسلامی بھائیوں کے ساتھ ساتھ اسلامی بہنوں کی بھی دینی و معاشرتی تربیت کی جاتی ہے۔

گزشتہ ہفتے جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی نے عاشقان رسول کو رسالہ ”امیر اہل سنت سے عورتوں کے بارے میں سوالات“پڑھنے/ سننے کی ترغیب دلائی تھی۔

اسی سلسلے میں یوکے ریجن کی تقریبًا 17 ہزار 741 اسلامی بہنوں نے رسالہ ”امیر اہل سنت سے عورتوں کے بارے میں سوالات“ پڑھنے/ سننے کی سعادت حاصل کی۔

اسی طرح امیر اہل ِسنت دَامَتْ بَرْکَاتُہُمُ الْعَالِیَہْ نے رسالہ”کس کس کو عیب بتاسکتے ہیں“پڑھنے یا سننے کی ترغیب دلائی تھی۔

اسی سلسلے میں یوکے ریجن کی تقریبًا 14 ہزار 404 اسلامی بہنوں نے رسالہ ”کس کس کو عیب بتاسکتے ہیں“ پڑھنے/ سننے کی سعادت حاصل کی۔ 

دعوتِ اسلامی کے شعبہ شارٹ کورسز کے زیرِ اہتمام یوکے  ریجن میں ہونے والے دینی کاموں کی ماہ اکتوبر 2021ء کی کارکردگی درجِ ذیل ہے:

اس ماہ ہونے والے کورسز کی تعداد: 19

مقامی مدرسات کے ذریعے لگنے والے درجوں کی تعداد: 14

کورسز میں شرکت کرنے والی اسلامی بہنوں کی تعداد: 401

پہلی بار کورسز میں شرکت کرنے والی اسلامی بہنوں کی تعداد: 60

ہفتہ وارسنتوں بھرے اجتماع میں شرکت کی نیت کرنے والی اسلامی بہنوں کی تعداد: 239

مدرسۃ المدینہ (اسلامی بہنوں کےلئے) میں پڑھنے کی نیت کرنے والی اسلامی بہنوں کی تعداد: 47

دعوتِ اسلامی کے شعبہ شارٹ کورسز کے زیرِ اہتمام گزشتہ دنوں  یوکے لندن ریجن کے ولزڈن گرین ڈویژن میں 4دن پر مشتمل ”شمائل مصطفیٰﷺکورس “کا انعقاد کیا گیا جس میں کم وبیش 32اسلامی بہنوں نے شرکت کی۔

کورس میں حضور اکرمﷺکی پیدائش مبارکہ سے لیکر وفات ظاہری تک حیات طیبہ کے حالات ،حسن و جمال کی باتیں ،خصائص و کمالات کے بارے میں بیان کے ساتھ ساتھ امت پر حقوق مصطفیٰﷺکے بارے میں مدنی پھول دیئے گئے۔

دعوت اسلامی کے زیر اہتمام لندن یوکے ریجن میں 14مختلف مقامات پر ہفتہ وارسنتوں بھرے اجتماعات  کا انعقاد کیا گیا جن میں کم وبیش 500اسلامی بہنوں نے شرکت کی۔

مبلغات دعوت اسلامی نے سنتوں بھرے بیانات کئےاور اجتماعات میں شریک اسلامی بہنوں کو دعوت اسلامی کے دینی کاموں کے بارے میں بریفنگ دیتے ہوئے دعوت اسلامی کے دینی ماحول سے وابستہ رہنے،ہفتہ وار اجتماع میں شرکت کرنے اور دینی کاموں میں عملی طور پر شرکت کرنے کی ترغیب دلائی۔

دعوت اسلامی کے شعبہ علاقائی دورہ (اسلامی بہنیں) کے زیر اہتمام یوکے لندن ریجن میں ذمہ دار اسلامی بہنوں کا مدنی مشورہ ہوا جس میں کابینہ سطح کی اسلامی بہنوں نے شرکت کی۔

شعبہ علاقائی دورہ کی ریجن ذمہ دار اسلامی بہن نے مدنی مشورے میں شریک اسلامی بہنوں کی کارکردگی کافالواپ کرتے ہوئے تربیت کی اور اچھی کارکردگی پر حوصلہ افزائی کی نیز دینی کاموں کو مزید بڑھانے اور اس میں بہتری لانے کے حوالے سے نکات فراہم کئے۔ 

شعبہ فیضانِ اسلام دعوتِ اسلامی کےتحت 21نومبر2021ءبروزاتوارنگرانِ مجلس نعمان عطاری نےذمہ داراسلامی بھائیوں کےہمراہ حیدرآباد بدین کابینہ ڈویژن گولارچی کادورہ کیاجس دوران انہوں نے نیومسلم آبادی میں ایک امام صاحب کے گھر کی تعمیرات کا جائزہ لیتےہوئےائمہ کرام کے ہمراہ مدنی مشورہ کیا۔