پچھلے دنوں دعوتِ اسلامی کے تحت کراچی کے علاقے کیماڑی منوڑہ کے مابین سمندر میں جشنِ عید میلاد النبی صلَّی اللہ علیہ واٰلہٖ وسلَّم کے سلسلے میں لانچ جلوس کا سلسلہ ہوا جس میں ساحل سمندر کے اطراف میں موجود عاشقانِ رسول اور ماہی گیروں نے شرکت کی ۔

لانچ جلوس میں موجود عاشقانِ میلاد نے سرکار کی آمد کی خوشی میں نعرے لگائے اور نعت شریف کے نذرانے پیش کئے جبکہ اختتام پر مرکزی مجلس شوری ٰکے رکن حاجی محمد عقیل عطاری مدنی نے دعا کروائی۔

اس جلوس میں کراچی سٹی مشاورکت کے نگران و رکن شوریٰ حاجی سید فضیل عطاری نے بھی خصوصیت کے ساتھ شرکت کی اور دورانِ ملاقات اسلامی بھائیوں کو مبارک باد پیش کی۔( کانٹینٹ:رمضان رضا عطاری) 

امیر اہل سنت دامت برکاتہم العالیہ ہر مہینے کی پہلی پیر شریف اتوار مغرب تا پیر مغرب تک یوم قفل مدینہ منانے کا ذہن دیتے ہیں نیز رسالہ خاموش شہزادۂ پڑھنے اور اپنی زبان کو فضولیات سے بچانے کی ترغیب دلاتے ہیں۔

اسی سلسلے میں مدنی مرکز فیضانِ مدینہ جوہر ٹاؤن لاہور میں یوم قفل مدینہ اجتماع ہوا جس میں مبلغ دعوت اسلامی حاجی محمد شہزاد عطاری نے ’’جنت کی بہاروں اور نعمتوں‘‘ کے موضوع پر بیان کیا۔

دورانِ بیان شہزاد عطاری نے بتایا کہ اگر ہم چاہتے ہیں کہ ہم بھی جنت کی دائمی نعمتیں پانے میں کامیاب ہو جائیں تو ہمیں چاہئےکہ بالخصوص اپنی زبان کی اور بالعموم اپنے تمام تر اعضا کو گناہوں سے بچاتے ہوئے نیکیوں میں استعمال کریں نیز ہر ماہ رسالہ خاموش شہزادۂ کا مطالعہ کریں۔

آخر میں اسلامی بھائیوں کو امیر اہل سنت دامت برکاتہم العالیہ کا دیا ہوا بہت پیارا رسالہ’’ 72نیک اعمال‘‘سے اپنے اعمال کا جائزہ لیتے ہوئے روزانہ اس میں موجود خانے Fillکرنے کا ذہن دیا۔(رپورٹ :غلام شبیر عطاری شعبہ اصلاح اعمال لاہور ڈویژن،کانٹینٹ:رمضان رضا عطاری)

دعوتِ اسلامی جہاں ملک و بیرونِ ملک میں دینی و فلاحی کام کرنے میں مصروفِ عمل ہے وہیں ڈیجیٹل طریقے سے بھی لوگوں تک علمِ دین کا فیضان پہنچا رہی ہے۔

اسی سلسلے میں آئی ٹی ڈیپارٹمنٹ دعوتِ اسلامی کی جدید پیشکش فیضانِ حدیث ایپلیکیشن جو مزید اپڈیٹ کر دی گئی ہے۔اس موبائل ایپلیکیشن میں 2 کتابوں کا اضافہ کردیا گیا ہے 01)فیضانِ ریاض الصالحین 02)اربعینِ نووی۔

اس کے علاوہ اس ایپلیکیشن میں میڈیا سیکشن کا آپشن بھی موجود ہے جس میں حدیث سے تعلق رکھنے والے پروگرامز مثلاً درسِ بخاری، حدیثِ قدسی، درسِ مسلم، درسِ صحاحِ ستہ، انوارِ حدیث، درسِ شمائلِ ترمذی اور قصص الحدیث شامل کئے گئے ہیں۔

اس ایپلیکیشن سے فائدہ حاصل کرنے اور علمِ دین حاصل کرنے کے لئے ابھی پلے اسٹور سے ڈاؤن لوڈ کریں یا دعوتِ اسلامی کی ویب سائٹ www.dawateislami.net کا وزٹ کریں۔( کانٹینٹ:غیاث الدین عطاری)

گڑھا موڑ،وہاڑی پنجاب میں دعوت اسلامی کے  شعبہ تعلیم کے تحت پچھلے دنوں اجتماع میلاد منعقد ہوا جس میں کالج کے اسٹوڈنٹس اور پروفیسر زنے شرکت کی۔

نگران تحصیل میلسی زم زم رضا عطاری نے ’’اخلاق مصطفیٰ ‘‘کے موضوع پر بیان کیا جس میں اسٹوڈنٹس کو اساتذہ ٔاور والدین کے ادب و احترام کرنے کا ذہن دیا نیز ہفتہ وار سنتوں بھرے اجتماع میں شرکت کرنے اور مدنی مذاکرہ دیکھنے کی ترغیب بھی دلائی جس پر شرکائے اجتماع نے نیک خیالات کا اظہار کیا۔(رپورٹ: محمد قاسم عطاری ڈسٹرکٹ وہاڑی شعبہ تعلیم ذمہ دار، کانٹینٹ:رمضان رضا عطاری)

ربیع الاول  شریف کے ماہ کی نورانیت نے چہار سُو اُجالا کررکھا ہے۔ گلی گلی، کوچہ کوچہ سے مرحبا یامصطفی کے دلکش ترانے کانوں میں رس گھولتے ہیں۔

اسی مبارک ماہ کی مزید برکتیں حاصل کرنے کے لئے دعوتِ اسلامی کے تحت لاہور، واہگہ ٹاؤن، ہڈیارہ میں سنتوں بھرے اجتماع کا اہتمام کیا گیا جس میں مرکزی مجلس شوری کے رکن حاجی یعفور رضا عطاری نے’’ اخلاقِ مصطفی صلَّی اللہ علیہ واٰلہٖ وسلَّم‘‘ کے موضوع پر سنتوں بھرا بیان کیا جس میں کثیر عاشقان رسول نے شرکت کی۔( کانٹینٹ:رمضان رضا عطاری)

عاشقانِ رسول کی دینی تحریک دعوت اسلامی کی جانب سے 2 اکتوبر 2023ء  بروز پیر ڈسٹرکٹ بدین میں قائم مدنی مرکز فیضان مدینہ میں کاشتکاروں کا سنتوں بھرا اجتماع ہوا جس میں بھنبھور ڈویژن کے کاشتکار اور گاؤں کے ذمہ داران نے شرکت کی۔

رکن شوری حاجی محمد فاروق جیلانی عطاری نے سنتوں بھرا بیان کیا اور شرکا کی مختلف امور پر تربیت کرتے ہوئے دعوت اسلامی کا تعارف پیش کیا اور انہیں اپنے عشر دعوت ا سلامی کو دینے کا ذہن دیا جس پر کاشتکاروں نے اچھے خیالات کا اظہار کیا۔

٭دوسری جانب مدنی مرکز فیضان مدینہ نواب شاہ میں1 اکتوبر2023ء بروز اتوار عشر اجتماع کا انعقاد ہوا جس میں نواب شاہ ڈویژن کے کاشتکار اور گاؤں کے ذمہ داران کی شرکت رہی۔

رکن شوری حاجی محمد فاروق جیلانی عطاری نے ’’عُشر دینے کے فضائل ‘‘ کے موضوع پر بیان کیا اور دنیا بھر میں ہونے والے دعوت اسلامی کے دینی اور فلاحی کاموں کے متعلق بتاتے ہوئے دعوت اسلامی کو اپنے عشر دینے کا ذہن دیا۔ ( کانٹینٹ:رمضان رضا عطاری)

2 اکتوبر2023ء  بروز پیر دعوت اسلامی کی مرکزی مجلس شوریٰ کے ارکین مولانا محمد اسد عطاری مدنی اور حاجی قاری محمد ایاز عطاری نے حیدرآباد سٹی کے جامعۃ ُالمدینہ بوائز کے ناظمین و اساتذہ کا مدنی مشورہ مدنی مرکز فیضان مدینہ آفندی ٹاؤن میں فرمایا ۔

اراکین شوریٰ نے ناظمین کو ٹیلی تھون مہم میں زیادہ سے زیادہ پونٹس جمع کرنے کے حوالے سے تربیتی مدنی پھول دیئے نیز اپنے اہداف مکمل کرنے ذہن دیا اور اسلامی بھائیوں کی جانب سے کئے گئے سوالات کے جوابات بھی دیئے۔( کانٹینٹ:رمضان رضا عطاری)

شعبہ ربطہ برائے وکلاء دعوتِ اسلامی کےتحت ڈسٹرکٹ بار ایسوسی ایشن لاڑکانہ سندھ میں میلاداجتماع منعقد ہوا جس میں صدر ایڈووکیٹ رفیق احمد ابڑو، جنرل سیکریٹری ایڈوکیٹ امان اللہ، ایڈووکیٹ نثار احمد ابڑو، ایڈووکیٹ علی اکبر ڈہر، ایڈووکیٹ ظفر سومرو، ایڈوکیٹ غوث بخش لاشاری اور دیگر وکلا کی شرکت ہوئی۔

نگران شعبہ ربطہ برائے وکلا نے سنتوں بھرا بیان کیا جس میں انہوں نے وکلا کو 12 ربیع الاول کی مناسبت سے چند واقعات بتائے اور انہیں پیارے آقا صلی اللہ علیہ و سلم کی سیرتِ طیبہ کے مطابق زندگی گزارنے کا ذہن دیا جس پر انہوں نے اچھی اچھی نیتیں کیں۔

دعوت اسلامی کے زیرِ اہتمام  ساؤتھ کوریا میں بنگلہ دیشی اسلامی بھائیوں کے درمیان سیکھنے سکھانے کے حلقے کا انعقاد ہوا جس میں رکن شوری حاجی محمدامین عطاری نے بیان کیا اور شرکا کی دینی و اخلاقی اعتبار سے تربیت کرتے ہوئے انہیں ہفتہ وار سنتوں بھرے اجتماع میں شرکت کرنے کی دعوت دی جس پر انہوں نے بھلےجذبات کا اظہار کیا ۔(کانٹینٹ:رمضان رضا عطاری)

عاشقانِ رسول کی دینی تحریک دعوت اسلامی کے زیرِ اہتمام ساؤتھ کوریا  کے شہراعتوان میں قائم عثمانیہ ریسٹورینٹ میں محفل میلاد کا انعقاد کیا گیا جس میں بزنس کمیونٹی سے وابستہ افراد نے شرکت کی ۔

محفلِ میلاد میں مرکزی مجلسِ شوریٰ کے رکن حاجی محمد امین عطاری نے ’’سیرت ِ مصطفی صلَّی اللہ علیہ واٰلہٖ وسلَّم‘‘ کے موضوع پر بیان کیاجس میں نبی کریم علیہ السلام کی سیرت کےمختلف پہلوں کو بیان کیا اور حاضرینِ محفل کو دعوت اسلامی کےدینی ماحول سے وابستہ ہونے کا ذہن دیا جس پر انہوں نے اچھی اچھی نیتیں کیں۔(کانٹینٹ:رمضان رضا عطاری)

دعوتِ اسلامی  کے تحت ساؤتھ کوریا کے شہر اِنچَھن کےمدنی مرکز فیضان مدینہ اِنچَھن مسجد میں اجتماع میلاد کا سلسلہ ہوا جس میں تلاوت و نعت کے بعد رکن شوری حاجی محمد امین عطاری نے’’ جشن ولادت‘‘ کے موضوع پر بیان کیا۔

دوران ِ بیان رکنِ شوریٰ نے شرکائے اجتماع کو آمد مصطفٰی کا مقصد بیان کرتے ہوئے انہیں اسلامی تعلیمات کی روشنی میں اپنی زندگی کے شب و روزگزارنے کا ذہن دیا۔

اجتماع کے بعد فیضانِ مدینہ میں صلوة التسبیح بھی ادا کی گئی اور اسلامی بھائیوں نے سحری کرکے روزہ رکھنے کی سعادت حاصل کی ۔ بعدازاں صبح بہاراں کی خصوصی محفل کا اہتمام بھی ہوا۔(کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے زیرِا ہتمام حضور خاتم النبیین حضرت محمد صلی اللہ علیہ و سلم کی ولادت کا جشن پاکستان سمیت دنیا کے کئی ممالک میں بڑی عقیدت و احترام کے ساتھ منایا جاتا ہے۔

اسی سلسلے میں پچھلے دنوں برمنگھم UK میں جشنِ میلاد النبی کے سلسلے میں نگرانِ ویلز UK سیّد فضیل رضا عطاری اور سیّد عمار عطاری نےدیگر اہم ذمہ داران سمیت مقامی عاشقانِ رسول کے ہمراہ مل کر جلوسِ میلاد میں شرکت کی۔

اس موقع پر تمام عاشقانِ رسول نے جھنڈوں کے ساتھ ”مرحبایا مصطفیٰ“ کی صدائیں لگاتے ہوئےنبیِ کریم صلی اللہ علیہ و سلم کی نعت شریف پڑھی۔( کانٹینٹ:غیاث الدین عطاری)