دعوت اسلامی کی مجلس شعبہ تعلیم کے ریجن ذمہ دار محمد جنید عطاری، رکن کابینہ محمد رفیق عطاری اور مجلس پروفیشنلز حیدر آباد عبد الرشید عطاری نے لیاقت میڈیکل یونیورسٹی جامشورو میں ڈائریکٹر H.R، ایڈیشنل رجسٹرار حاجی محمد شیخ،ڈپٹی ڈائریکٹر Q.E.Cبابر کلہوڑو، ڈپٹی ڈائریکٹر اکیڈمک ڈاکٹر فہیم احمد میمن اور پروفیسر ڈیپارٹمنٹ فیز یالوجی منور عالم انصاری سے ملاقات کی۔ ذمہ داران نے انہیں دعوت اسلامی کا تعارف پیش کیا اور عالمی مدنی مرکز فیضان مدینہ کراچی کا وزٹ کرنے اور 12 ربیع الاوّل 1442ھ کی شب ہونے والے اجتماع میں شرکت کرنے کی دعوت دی۔

ذمہ داران انہیں ماہنامہ فیضان مدینہ اور رسالہ صبح بہاراں تحفے میں پیش کیا۔

مجلس مالیات دعوت اسلامی کے نگران محمد مزمل عطاری نے ذمہ داران کا مدنی مشورہ لیا جس میں مجلس مالیات کے اراکین ریجن اور اراکین زون نے شرکت کی۔ نگران مجلس نے مختلف امور پر شرکا کی تربیت کی اور شعبے کے حوالے سے مدنی پھول بیان کئے۔

دعوت اسلامی کے زیر اہتمام 29 اکتوبر 2020ء بمطابق  12 ربیع الاوّل 1442ھ کی شب عالمی مدنی مرکز فیضان مدینہ کراچی میں عظیم الشان اجتماع میلاد کا انعقاد کیا جائیگا۔

اس عظیم الشان اجتماع میں رات 9:00 بجے مرکزی مجلس شوریٰ کے نگران حاجی محمد عمران عطاری مَدَّظِلُّہُ الْعَالِی ”شان مصطفیٰ صلَّی اللہ علیہ واٰلہٖ وسلَّم“پر سنتوں بھرا بیان فرمائیں گے۔

اجتماع میلاد کا آغاز تلاوت قرآن پاک سے کیا جائیگا، اس کے بعد نعت رسول مقبول صلَّی اللہ علیہ واٰلہٖ وسلَّم بیان اور مدنی مذاکرے کا سلسلہ ہوگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کو مدنی پھول ارشاد فرمائیں گے ۔ مدنی مذاکرے کے اختتام پر سحری کا اہتمام، اس کے بعد روحانی محفل ”صبح بہاراں“ کی تقریب کا انعقاد کیا جائیگا۔ صلوٰۃ و سلام پر اجتماع میلاد کا اختتام ہوگا۔

تمام عاشقان رسول اپنے اپنے علاقے میں ہونے والے اجتماع میلاد میں ضرور شرکت کریں ۔

واضح رہے کہ یہ اجتماع مدنی چینل پر براہ راست بھی نشر کیا جائیگا۔

دعوت اسلامی کے زیر اہتمام ڈویژن زیدی میں ماہانہ مدنی مشورہ ہوا جس میں مقامی سطح کے ذمہ داران نے شرکت کی۔ نگران کابینہ عبد الشکور عطاری نے تقرری کے حوالے سے بات چیت کی اور مدنی کام کو بڑھانے کا ذہن دیا۔

بعد ازاں نگران کابینہ اور نگران ڈویژن نے زیدی ڈویژن میں دربار شاہ کمال پر اسلامی بھائیوں کو نیکی کی دعوت دی اور مدنی کاموں میں شرکت کرنے کی ترغیب دلائی۔

مجلس وکلاء دعوت اسلامی کے زیر اہتمام چشتیاں بار ایسوسی ایشن میں میلاد اجتماع کا انعقاد کیا گیا جس میں کثیر تعداد میں وکلاء اور کورٹ کے اسٹاف نے شرکت کی۔

مبلغ دعوت اسلامی نے سنتوں بھرا بیان کیا شرکا کو مدرسۃ المدینہ بالغان ، ہفتہ وار اجتماع میں شرکت کرنے کی ترغیب دلائی اور اپنے گھروں پر مدنی چینل دیکھنے کا ذہن دیا۔

قرآن و سنت کی روشنی میں شرعی مسائل کا حل بتانے کے لئے آج 28 اکتوبر 2020ء  بروز بدھ شام 5:15 بجے دارالافتاء اہل سنت کے مولانا محمد کفیل عطاری مدنی، مدنی چینل کے آفیشل Facebook پیج پر لائیو سلسلہ فرمائیں گے ۔ اس سلسلے میں عاشقان رسول بذریعہ کمنٹ سوال کرکے اپنے شرعی مسائل کا حل جان سکیں گے۔

سلسلے میں شرکت کرنے کے لئے نیچے دیئے گئے لنک پر کلک کیجئے:

https://www.facebook.com/MadaniChannelOfficial

دعوت اسلامی کے زیر انتظام چلنے والے جامعۃ المدینہ ڈیفنس چرڑضلع بھکر میں سرپرست اجتماع کا انعقاد کیا گیا جس میں کثیر تعداد میں سرپرست، جامعۃ المدینہ کے اساتذہ اور طلباء نے شرکت کی۔

اس اجتماع میں مجلس پروفیشنلز کے نگران محمد ثوبان عطاری نے سنتوں بھرا بیان کیا۔

26اکتوبر 2020ء کو دعوت اسلامی کے زیر اہتمام لاہور پریس کلب میں اجتماع میلاد کا انعقاد کیا گیا جس میں لاہور پریس کلب کے صدر ارشد انصاری، سیکرٹری، عہدیداران اور صحافیوں نے شرکت کی۔ رکن شوریٰ حاجی یعفور رضا عطاری نے ”شان مصطفیٰ صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیااور شرکا کو 12 ربیع الاوّل 1442ھ کی شب ہونے والے اجتماع میلاد اور جلوس میلاد میں شرکت کرنے کی دعوت دی۔

مجلس رابطہ دعوت اسلامی کراچی ریجن کے ذمہ داران نے کمشنر کراچی سہیل راجپوت، ایڈیشنل کمشنر اسد علی خان، اسسٹنٹ کمشنر جنرل اعجاز حسین رند  اور دیگر افسران سے ملاقات کی۔ ذمہ داران نے انہیں دعوت اسلامی کی دینی خدمات سے آگاہ کیااور 12 ربیع الاوّل 1442ھ کی شب ہونے والے اجتماع میلاد اور جلوس میلاد کی سکیورٹی انتظامات کے حوالے سے بات چیت کی۔ 

مجلس مدنی قافلہ دعوت اسلامی کے تحت 25 اکتوبر 2020ء کو مدنی مرکز فیضان مدینہ کاہنہ، لاہور میں مدنی مشورہ ہوا جس میں ڈویژن سطح کے ذمہ داران نے شرکت کی۔ ریجن ذمہ دار مجلس قافلہ محمد شہباز عطاری نے ذمہ دار کی تقرری کرنےاور ٹیلی تھون میں بڑھ چڑھ کر حصہ لینے کا ذہن دیا۔ریجن ذمہ دار نے فیضان مدینہ میں قائم دارالسنہ کے roomsکا وزٹ کرتے ہوئے سمتوں کے حوالے سے مدنی پھول بیان کئے۔

دعوت اسلامی جہاں اسلامی بھائیوں میں مدنی کام کررہی ہے وہی اسلامی بہنوں میں بھی نیکی کی دعوت عام کی جارہی ہے۔

گزشتہ دنوں واہ کینٹ زون کے شہر واہ کینٹ اور فتح جھنگ کی اسلامی بہنوں کےلئے سنتوں بھرے اجتماع کا انعقاد کیا گیا۔

اس اجتماع میں مرکزی مجلس شوریٰ کے رکن حاجی وقار المدینہ عطاری نے سنتوں بھرا بیان فرمایا اور پردے میں موجود اسلامی بہنوں کی اخلاقی و تنظیمی تربیت کی۔ رکن شوریٰ نے اسلامی بہنوں کو ماہانہ جدول کو مضبوط کرنے، اسلامی بہنوں کے گھروں پر اجتماع میلاد کرنےاور مکتبۃ المدینہ کی کتاب ”سیرت رسول عربی“ اور سیرت مصطفیٰ صلَّی اللہ علیہ واٰلہٖ وسلَّم کوعام کرنے کی ترغیب دلائی ماہ نومبر 2020ء میں ہونے والے ٹیلی تھون میں بڑھ چڑھ کر حصہ لینے کا ذہن دیا۔ 

حقوق العباد اور ان کی معافی سے متعلق نفیس وعمدہ تحقیق پر مشتمل سیدی اعلیٰحضرت عَلَیْہِ رَحْمَۃُ الرَّحْمٰن کا ایک اہم رسالہ

أَعْجَبُ الإِمْدَادِ فِيْ مُکَفِّرَاتِ حُقُوْقِ الْعِبَادِ

کی تسہیل وتخریج بنام

حقوق العباد کیسے معاف ہوں

اِس رسالے کی چندخصوصیات:

اس ’’رسالہ‘‘ پر دعوت ِ اسلامی کی مجلس ’’المدینۃ العلمیۃ‘‘ کے مَدَنی علماء نے بڑی جانفشانی سے کام کیا جس کا اندازہ ذیل میں دی گئی کام کی تفصیل سے لگایا جاسکتا ہے :

٭آیات واحادیث اور دیگر عبارات کے حوالہ جات کی مقدور بھر تخریج کی گئی ہے ۔٭مشکل الفاظ کے معانی اور اُن کی تسہیل کا اہتمام کیا گیا ہے تاکہ عام قاری کو بھی یہ ’’رسالہ‘‘ پڑھنے میں دشواری محسوس نہ ہو ۔٭آیاتِ قرآنیہ کو منقش بریکٹ { }، متنِ احادیث کو ڈبل بریکٹ (( ))، کتابوں کے نام اور دیگر اہم عبارات کو Inverted commas ’’ ‘‘سے ممتاز کیا گیا ہے ۔ ٭نئی گفتگو نئی سطرمیں درج کی گئی ہے تاکہ پڑھنے والوں کو با آسانی مسائل سمجھ آسکیں ۔ ٭فہرست میں اہم نکات کو جدا جدا لکھ کر پورے رسالہ کا اجمالی خاکہ پیش کر دیا گیا ہے ۔٭آخر میں مآخذ ومراجع کی فہرست، مصنفین ومؤلفین کے نام بمع مطابع کے ذکر کر دی گئی ہے ۔

47صفحات پر مشتمل یہ رسالہ2010سے لیکر اردو زبان کے6 مختلف ایڈیشنز میں30ہزار سے زائد شائع ہوچکاہے۔

مکتبۃ المدینہ کی کسی بھی شاخ سے16روپے ہدیۃ پر حاصل کیجئے اوردوسرو ں کو بھی ترغیب دلائیے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now