پچھلے دنوں سویڈن کے شہر مالمو میں دعوتِ اسلامی کے تحت ہفتہ وار سنتوں بھرے اجتماع کا اہتمام کیا گیا جس میں پاکستانی کمیونیٹی اوراسٹوڈنٹس سمیت دیگر اسلامی بھائیوں نے شرکت کی۔

اس اجتماعِ پاک میں رکن یورپی یونین ریجن محمد رضوان حسین عطاری نے ’’حرص کے نقصانات اور قناعت کی برکات‘‘ کے موضوع پر سنتوں بھرا بیان کرتے ہوئے عاشقانِ رسول کو حرص و قناعت کے متعلق اہم باتیں بتائیں۔(رپورٹ:مستنصر عطاری مدنی، کانٹینٹ:غیاث الدین عطاری)

پچھلے دنوں دعوتِ اسلامی کے شعبہ کفن دفن کے زیرِ اہتمام جامعۃ المدینہ سمن آباد میں نمازِ جنازہ کورس کا انعقاد کیا گیا جس میں مقامی اسلامی بھائیوں نے کثیر تعداد میں شرکت کی۔

دورانِ کورس مبلغِ دعوتِ اسلامی نے نمازِ جنازہ کے اراکین اور سنتیں بتاتے ہوئے وہاں موجود اسلامی بھائیوں کو شعبہ کفن دفن کا تعارف پیش کیا نیز انہیں دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی۔(رپورٹ: مستنصر عطاری مدنی، کانٹینٹ:غیاث الدین عطاری)

دعوتِ اسلامی کے شعبہ ڈونیشن بکس کے تحت پچھلے دنوں کراچی میں ایک میٹنگ ہوئی جس میں ڈونیشن بکس ڈیپارٹمنٹ کے سپروائزرز سمیت دیگر ذمہ داران نے شرکت کی۔

اس موقع پر کراچی مشاورت کے رکن کاشف عطاری نے ذمہ داراسلامی بھائیوں سے گفتگو کرتے ہوئےشعبے کے دینی کاموں کا فالواپ لیا نیز ڈویشن بکس ڈیپارٹمنٹ کے ذریعے دعوت اسلامی کی جانب سے کی جانے والی خدمات کے حوالے سے اہم امور پر تبادلۂ خیال کیا۔

بعدازاں شرکا نے شعبے اور دعوتِ اسلامی کی ترقی کے لئے اچھی اچھی نیتوں کااظہار کیا۔(رپورٹ:محمد فیضان عطاری، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں ڈسٹرکٹ اینڈ سیشن کورٹ ملیر کے بالمقابل سابق فیملی جج کے چیمبر میں ہفتہ وار سیکھنے سکھانے کا حلقہ منعقد ہوا جس میں ملیر بار کے سابق نائب صدراور اوتھ کمشنر سمیت دیگر اسلامی بھائیوں نے شرکت کی۔

اس حلقے میں شعبہ رابطہ برائے وکلاء ڈسٹرکٹ ملیر 1 کے ذمہ دار نے سنتوں بھرا بیان کرتے ہوئے وہاں موجود اسلامی بھائیوں کی تربیت و رہنمائی کی اور دعا کروائی۔(رپورٹ:محمد صہیب یوسف عطاری ایڈووکیٹرابطہ برائے وکلاء ڈسٹرکٹ کورنگی، کانٹینٹ:غیاث الدین عطاری)

گزشتہ دنوں دعوتِ اسلامی کے شعبہ کفن دفن کے زیرِ اہتمام پاکستان کے شہر دینہ کے کنڈ پنڈوری مقام میں کفن دفن کورس کا انعقاد کیا گیا جس میں مقامی اسلامی بھائیوں نے کثیر تعداد میں شرکت کی۔

دورانِ کورس رکنِ ریجن اسلام آباد شعبہ کفن دفن محمد دانش تفسیر عطاری نے غسل میت کی فضیلت بیان کرتے ہوئے غسل میت کا پریکٹیکل، کفن کاٹنے،  پہنانے اور نمازے جنازہ کا طریقہ سکھایا۔اس کے علاوہ غسل میت میں ہونے والی عوامی غلطیوں کے حوالے سے شرکا کو بتایا۔

بعدازاں شرکائے قافلہ کے درمیان مکتبۃ المدینہ سے شائع کردہ رسالہ’’ میت کے غسل و کفن کا طریقہ‘‘ تقسیم کیاگیا۔(رپورٹ:امتیاز احمد عطاری رکن ِزون چکوال شعبہ کفن دفن، کانٹینٹ:غیاث الدین عطاری)

دعوتِ اسلامی کے تحت 9 دسمبر 2022ء بروز اتوارمرکزی مجلسِ شوریٰ کے نگران مولانا حاجی محمد عمران عطاری نے رکنِ شوریٰ حاجی محمد امین عطاری کے ہمراہ  شعبہ کفن دفن کے ذمہ دار (جو کہ پچھلے دنوں بیمار ہوگئے تھے)سے اُن کے گھر جا کرعیادت فرمائی۔

اس دوران نگرانِ شوریٰ نےذمہ داراسلامی بھائی سے گفتگو کرتے ہوئے اُن کی صحت یابی کےلئے دعا کروائی جس پر اسلامی بھائی نے اظہارِ تشکر کیا۔(رپورٹ:عزیر عطاری رکن شعبہ کفن دفن، کانٹینٹ:غیاث الدین عطاری) 

دعوتِ اسلامی کے تحت پچھلے دنوں  عالمی مدنی مرکز فیضانِ مدینہ کراچی میں ہفتہ وار مدنی مذاکرے کا اہتمام کیا گیا جس میں کثیر عاشقانِ رسول نے شرکت کی۔

اس موقع پر رکن شعبہ کفن دفن عزیر عطاری سمیت دیگر ذمہ داران نے بستہ(اسٹال) لگایااور وہاں موجود اسلامی بھائیوں کو شعبے کے دینی کاموں کے حوالے سے آگاہ کیا جس پر اسلامی بھائیوں نے دعوتِ اسلامی کی کاوشوں کو سراہا۔(رپورٹ:شعبہ کفن دفن، کانٹینٹ:غیاث الدین عطاری)

دعوت اسلامی کے زیر اہتمام جامع مسجد فیضان بسم اللہ شومارکیٹ گارڈن ٹاؤن میں بعد نماز فجر  ہونےوالے دینی حلقے میں صراط الجنان کی پہلی جلد ختم ہونے 10 جنوری 2022ء کو دینی حلقے کا سلسلہ ہوا جس میں علاقے کے عاشقان رسول نے شرکت کی۔

رکن شوریٰ حاجی محمد امین عطاری نے سنتوں بھرا بیان کیا اور شرکا کو قرآن پاک کی تعلیمات پر عمل کرنےکی ترغیب دلائی۔

پچھلے دنوں دعوتِ اسلامی کےتحت ذمہ داراسلامی بھائیوں نے ڈسٹرکٹ شہید بینظیر آباد میں پریس کلب 60 میل کا وزٹ کیا جہاں انہوں پریس کلب کے صدر و دھرتی TV کے رپورٹر حاکم علی لُنڈ اور فنانشل سیکرٹری احمد رضا ڈھراج سے ملاقات کی۔

اس دوران ڈسٹرکٹ ذمہ دار قاری محمد راشد عطاری نے صحافیوں کو دعوتِ اسلامی کی دینی وفلاحی سرگرمیوں کے حوالے سے بتایا نیزانہیں عالمی مدنی مرکز فیضان مدینہ کراچی کا وزٹ کرنے کی دعوت دی جس پر انہوں نے دعوت قبول کرتے ہوئے اپنی نیک خواہشات کا اظہار کیا۔ بعدازاں ذمہ داران نے صحافیوں کو ماہنامہ فیضانِ مدینہ تحفے میں پیش کیا۔(رپورٹ:میڈیا ڈیپارٹمنٹ دعوتِ اسلامی ڈسٹرکٹ شہید بینظیر آباد، کانٹینٹ:غیاث الدین عطاری)

دعوت اسلامی کے زیر اہتمام9 جنوری 2022ء کو انڈس شادی ہال کنری روڈ، عمر کوٹ سندھ میں سنتوں بھرے اجتماع کا انعقاد کیا گیا جس میں کثیر تعداد میں عاشقان رسول نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے ”خطرناک زلزلہ آنے والا ہے (سورۃ الزلزال)“ کے موضوع پر سنتوں بھرا بیان کیااور شرکا کو دل میں خوفِ خدا پیدا کرنے کی ترغیب دلائی۔

پچھلے دنوں دعوت اسلامی کے مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں چار اضلاع لاہور، قصور، شیخوپورہ اور ننکانہ کے ضلع ، کابینہ، ڈویژن اور علاقہ نگران اسلامی بھائیوں نے شرکت کی۔

مرکزی مجلس شوریٰ کے رکن حاجی یعفور رضا عطاری نے شرکا کی تربیت کی اور اپنے اپنے علاقے میں 12 دینی کاموں کو بڑھانے کے حوالے سے گفتگو کی۔

گزشتہ دنوں اسپیشل پرسنز کے ہمراہ تین دن کا مدنی قافلہ مدنی مرکز فیضانِ مدینہ  پاکپتن سے اڈا رنگ شاہ رحمت العالمین مسجد چک نمبر 1ای بی عارف والا میں سفر پر روانہ ہواجس میں دعوتِ اسلامی کے ذمہ داران سمیت بلائنڈ اور اسپیشل پرسنز (گونگے اور بہرے اسلامی بھائیوں )نے شرکت کی۔

دورانِ مدنی قافلہ معاون رکنِ زون محمد ندیم عطاری نے قافلے میں شریک اسلامی بھائیوں کی تربیت کرتے ہوئے انہیں وضو، غسل، نماز کی شرائط و فرائض اور آقا کریم ﷺ کی بہت سی سنتیں اشاروں کی زبان میں سکھائیں۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)