دعوتِ اسلامی کے مدنی مرکز  فیضانِ مدینہ جوہر ٹاؤن لاہور میں مختلف کورسز کا سلسلہ جاری ہے جس میں وقتاً فوقتاً شرکائے کورس کی دینی و اخلاقی اعتبار سے تربیت و رہنمائی کی جاتی ہے۔

دورانِ کورس نگرانِ اسپیشل پرسنز ڈیپارٹمنٹ دعوت اسلامی پاکستان محمد حنیف عطاری نے مختلف کورسز کرنے والے شرکا کے درمیان سنتوں بھرا بیان کرتے ہوئے انہیں شعبےکے دینی کاموں کا تعارف پیش کیا۔

اس کے علاوہ نگرانِ شعبہ نے اشاروں کی زبان میں مدنی مقصد سکھاتے ہوئے شرکا کو چند اشارے بھی سکھائےنیز انہیں اشاروں کی زبان کا کورس کرکے اسپیشل پرسنز میں دینی کام کرنے کا ذہن دیا۔(رپورٹ:ابرار حسین عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ دعوتِ اسلامی کے وفد نے ضلع میانوالی کی تحصیل عیسیٰ خیل میں قائم اسپیشل ایجوکیشن اسکول کا وزٹ کیا جہاں انہوں نے اسکول کے پرنسپل اور اسٹاف سے ملاقات کی۔

اس دوران انہیں اسپیشل پرسنز ڈیپارٹمنٹ دعوت اسلامی کا تعارف پیش کیا گیا جبکہ بچوں کے درمیان سیکھنے سکھانے کا حلقہ منعقد ہوا جس میں مبلغِ دعوتِ اسلامی نے اشاروں کی زبان میں وہاں موجود بچوں کو وضو کا عملی طریقہ سکھاتے ہوئے نماز کی شرائط یاد کروائیں۔

اس موقع پر سرگودھا ڈویژن ذمہ دارابو بکر عطاری، فیضان مدینہ کے امام صاحب مولانا جعفر عطاری مدنی اور شہر ذمہ دار سمیع اللہ عطاری موجود تھے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے شعبہ مدرسۃ المدینہ بوائز کے تحت 31 جنوری2022ء بروز پیر گودھرا کالونی نیو کراچی میں مدنی مشورے کا اہتمام کیا گیا جس میں مدرسے کے ناظمین اور قاری صاحبان سمیت دیگر اسٹاف نے شرکت کی۔

نگرانِ ڈسٹرکٹ ویسٹ قاری محمد بغداد رضا عطاری نے رجب المرجب کے فضائل اور نفلی روزے رکھنے کے حوالے سے گفتگو کرتے ہوئے اسلامی بھائیوں کی ذہن سازی کی۔

اس دوران امیر اہلِ سنت دامت برکاتہم العالیہ کی طرف سے ماہ رجب المرجب میں 2، 4 اور 6 روزے رکھنے کی ترغیب پر مدرسۃ المدینہ گودھرا کالونی میں 13 فروری2022ء کو سحری و افطار اجتماع کا طے ہوا۔(رپورٹ:محمد شہمیر خان عطاری، کانٹینٹ:غیاث الدین عطاری)

پچھلے دنوں شعبہ کفن دفن دعوتِ اسلامی کے زیرِ اہتمام گوجرانوالہ کی ایک جامع مسجد غوثیہ غربی لدھیانہ وڑائچ میں کفن دفن کورس کا انعقاد کیا گیا جس میں علاقے کے مقامی اسلامی بھائیوں نے شرکت کی۔

اس دوران مبلغِ دعوتِ اسلامی نے وہاں موجود اسلامی بھائیوں کو میت کو غسل دینے، کفن کاٹنے اور پہنانے کا طریقہ بتاتے ہوئے چند ضروری مسائل بھی سکھائے۔

بعدازاں ذمہ دار نے شرکا کو شعبہ کفن دفن کا تعارف پیش کیا اور دعوتِ اسلامی کے 12 دینی کاموں میں عملی طور پر حصہ لینے کا ذہن دیا۔‫(رپورٹ:مستنصر عطاری مدنی، کانٹینٹ:غیاث الدین عطاری)

دعوتِ اسلامی کے شعبہ کفن دفن کے زیرِ اہتمام 30 جنوری 2022ء بروز اتوار گوجرانوالہ کی ایک جامع مسجد میں کفن دفن کورس کا انعقاد ہوا جس میں مقامی اسلامی بھائیوں نے شرکت کی۔

اس دوران مبلغِ دعوتِ اسلامی نے وہاں موجود اسلامی بھائیوں کو میت کو غسل دینے، کفن کاٹنے اور پہنانے کا طریقہ بتاتے ہوئے چند ضروری مسائل بھی سکھائے۔

بعدازاں ذمہ دار نے شرکا کو شعبہ کفن دفن کا تعارف پیش کیا اور دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔‫(رپورٹ:مستنصر عطاری مدنی، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ جوہر ٹاؤن لاہور میں گزشتہ دنوں  ایک نشست منعقد کی گئی جس میں 12 ماہ مدنی قافلے کے مسافر اسلامی بھائیوں سمیت ذمہ داران نے شرکت کی۔

اس دوران مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے مختلف امور پر عاشقانِ رسول کی تربیت و رہنمائی کی۔

بعدازاں رکنِ شوریٰ نے اسلامی بھائیوں کو دعوتِ اسلامی کے 12 دینی کاموں میں شمولیت اختیار کرنے کا ذہن دیا جس پر انہوں نے اچھی اچھی نیتوں کا اظہا رکیا۔ ‫(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کے تحت مدنی مرکز فیضانِ مدینہ آفندی ٹاؤن حیدرآباد میں مدنی مشورے کا انعقاد کیا گیا جس میں حیدرآباد مشاورت کے اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کے رکن حاجی قاری محمد ایاز عطاری نے ذمہ داران کی تربیت کرتے ہوئے دعوتِ اسلامی کے 12 دینی کاموں کی کارکردگی کا جائزہ لیا۔

اس کے علاوہ رکنِ شوریٰ نے ذمہ داراسلامی بھائیوں کو نئے اہداف دیتے ہوئے مختلف موضوعات پر کلام کیا جس پر ذمہ داران نے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے دینی کاموں کے سلسلے میں30 جنوری 2022ء بروز اتوار ماڈل کالونی ٹاؤن کراچی کا دورہ کیا جس دوران انہوں نے شعبہ روحانی علاج کے پرانے اسلامی بھائی صادق عطاری کی نمازِ جنازہ قطب مدینہ مسجد ماڈل کالونی میں پڑھائی۔رکنِ شوریٰ نے مرحوم کے گھر والوں سے تعزیت کرتے ہوئے انہیں صبر کی تلقین کی اور زیادہ سے زیادہ ایصالِ ثواب کرنے کا ذہن دیا۔

بعدازاں رکنِ شوریٰ نے مدنی چینل کے نعت خواں اسماعیل عطاری جو پچھلے دنوں کینسر کے مرض میں مبتلاہوئے اُن سے عیادت فرمائی اور اُن کی صحتیابی کےلئے دعا کروائی۔اس موقع پر نگران ٹاؤن عرفان عطاری سمیت دیگر اراکینِ ٹاؤن بھی موجود تھے۔(کانٹینٹ:غیاث الدین عطاری)

نگران شعبہ اسپیشل پرسنز ڈیپارٹمنٹ ، دعوت اسلامی محمد حنیف عطاری کا دینہ میں 3دن مدنی قافلے میں سفر ہوا جس میں ان کے ہمراہ گونگے بہرے اسپیشل پرسنز  اور صوبائی ذمہ دار پنجاب محمد عمیر ہاشمی عطاری اور ڈسٹرکٹ ذمہ دار عبدالقیوم عطاری نےبھی شرکت کی۔ اس موقع پر علاقائی دورہ اور سیکھنے سکھانے کا حلقہ ہوا ، نیکی کی دعوت کا سلسلہ اور اسپیشل پرسنز کا مدرسۃ المدینہ بالغان بھی ہوا ، نگران شعبہ کا جامعۃ المدینہ میں بیان اور شعبے کا تعارف پیش کیا گیا اور بچوں کو اشارے بھی سکھائے گئے ، پچھلے دنوں فوت ہونے والے ڈیف کے والد کے پاس تعزیت اور فاتحہ خوانی کا سلسلہ بھی ہوا۔(رپورٹ: محمد سمیر ہاشمی عطاری)

دعوت اسلامی کے تحت سمسانی کھوئی جوہر ٹاؤن میں اسپیشل پرسنز کی مدنی مذاکرے میں شرکت ہوئی  جس میں مولانا مدثر مدنی عطاری نے اسپیشل پرسنز کی آسانی کے لیے مدنی مذاکرے کی اشاروں کی زبان میں ترجمانی کی اور اقبال ٹاؤن لاہور کے ذمہ دار ابرار حسین عطاری بھی اس حلقے میں شریک ہوئے۔ (رپورٹ: محمد سمیر ہاشمی عطاری)

دعوت اسلامی کے شعبہ اسپیشل پرسنز ڈیپارٹمنٹ کے تحت گونگے ، بہرے اسلامی بھائیوں کا تین دن مدنی قافلہ فیضان مدینہ جوہر ٹاؤن لاہور سے فیضان مدینہ کوٹ رادھا کشن ضلع قصور میں سفر کیا جس میں اسپیشل پرسنز کے لئے  مدرسۃالمدینہ لگایا گیا اور فجر کی نماز کے لئے جگایا گیا، نمازوں کے بعد درس کا سلسلہ رہا، رکن شوریٰ حاجی یعفور رضا عطاری کے ساتھ اجتماعی مدنی مذاکرے میں شرکت ہوئی نیز علاقائی دورہ برائے نیکی کی دعوت اور سیکھنے سیکھانے کا حلقہ بھی ہواجس میں اشاروں کی زبان میں ترجمانی سہیل رضا عطاری ڈسٹرکٹ ذمہ دار قصور نے فرمائی۔(رپورٹ: محمد سمیر ہاشمی عطاری)

پچھلے دنوں سرگودھا،  ڈویژن ذمہ دارابو بکر عطاری کا میانوالی میں ایک اسپیشل اسلامی بھائی کے گھر پر چہلم کی محفل میں بیان کا سلسلہ ہوا جس میں انہوں نے نیک اعمال کرنے کے حوالے سے بیان کیا ،بعد ازاں ڈیف اسلامی بھائیوں کو ہفتہ وار اجتماع میں شرکت کی دعوت دی اور مدنی قافلے میں سفر کرنے کے حوالے سے بھی ذہن دیا جس پر اسلامی بھائیوں نےاپنی اچھی اچھی نیتوں کا اظہار کیا۔ (رپورٹ: محمد سمیر ہاشمی عطاری)