صوبۂ سندھ کے نواب شاہ ڈویژن میں دعوتِ اسلامی کے تحت مدنی مشورہ ہوا جس میں جامعۃالمدینہ و مدرسۃالمدینہ بوائز کے ناظمین، شعبہ مدرسۃالمدینہ بالغات کے ڈسٹرکٹ ذمہ داران و ناظمین، شعبہ فیضانِ مدینہ کے ڈسٹرکٹ ذمہ دار اور تحصیل نگران سمیت نگرانِ ٹاؤن کے اسلامی بھائیوں نے شرکت کی۔

تفصیلات کے مطابق دورانِ مدنی مشورہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران سے گفتگو کرتے ہوئے دعوتِ اسلامی کے12 دینی کاموں اورشعبہ جات کی کارکردگی کا جائزہ لیا۔

نگرانِ پاکستان مشاورت نے ذمہ دار اسلامی بھائیوں کی تربیت و رہنمائی کرتے ہوئے انہیں قیمتی مدنی پھولوں سے نوازا اور دعوتِ اسلامی کے دینی کاموں کو بڑھانے کا ذہن دیا۔

بعدازاں نگرانِ پاکستان مشاورت حاجی محمد شاہد عطاری نے اختتامی دعا کروائی جبکہ وہاں موجود اسلامی بھائیوں نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی  دینی تحریک دعوتِ اسلامی کی جانب سے 12 جنوری 2023ء کو مدنی مرکز فضانِ مدینہ کاہنہ نو لاہور میں ہفتہ وار سنتوں بھرے اجتماع کا انعقاد ہوا جس میں کثیر تعداد میں عاشقانِ رسول نے شرکت کی۔

مرکزی مجلسِ شوریٰ کے رکن حاجی یعفور رضا عطاری نے ’’شانِ ایمانِ صدیق‘‘کے موضوع پر سنتوں بھرا بیان کیا جس میں ایمانِ صدیق کے کمالات بتاتے ہوئے آپ رضی اللہ عنہ کا مختصر تعارف پیش کیا اور شرکائے اجتماع کو نماز وں کی پابندی کرنے اور دعوتِ اسلامی کے دینی ماحول سے وابستہ ہونے کا ذہن دیا جس پر انہوں نے نیک خواہشات کا اظہار کیا۔ (کانٹینٹ: رمضان رضا عطاری)

8 جنوری 2023ء بروز اتوار دعوتِ اسلامی کے ڈونیشن سیل ڈیپارٹمنٹ  کا عالمی مدنی مرکز فیضانِ مدینہ کراچی میں ٹریننگ سیشن ہواجس میں نگرانِ شعبہ ڈاکٹر عبدُالقیوم عطاری، کراچی سٹی ذمہ دار سید شفیقُ الرحمن عطاری سمیت کراچی سٹی کے ڈونیشن کاؤنٹر ذمہ داران نے شرکت کی۔

سیشن میں شریک اسلامی بھائیوں کی رکنِ شوریٰ حاجی محمد امین عطاری نے دینی، اخلاقی اور تنظیمی اعتبار سے تربیت کی۔اس کے علاوہ شرکا کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا نیز شعبے کےنظام کومزید مضبوط کرنے کے حوالے سے اہم نکات فراہم بیان کیا۔

ساتھ ساتھ اسلامی بھائیوں کو مسکرا کر ملنے اور آسانی پیدا کرنے کے حوالے سے مدنی پھول دیئے جبکہ امانت میں خیانت کرنے کی وعیدیں بھی بتائی ۔آخر میں نمایا ں کارکردگی والے اسلامی بھائیوں میں تحائف تقسیم کئے گئے۔(رپورٹ : محمد ارشد ہارون عطاری ساؤتھ ڈسٹرکٹ ذمہ دار ، کانٹینٹ: رمضان رضا عطاری)

دعوتِ اسلامی کے  رابطہ برائے ہومیوپیتھک ڈیپارٹمنٹ کی طرف سے 12 جنوری 2023ء کو مدنی مرکز فیضانِ مدینہ حیدرآباد میں فری طبی کیمپ کا اہتمام کیا گیا جس میں حیدرآباد سندھ کے ڈاکٹروں نے 12 ماہ مدنی قافلے کے عاشقانِ رسول کا چیک اپ کرتے ہوئے انہیں ادویات دیں۔

٭بعدازاں ہومیوپیتھک ڈاکٹر میں سیکھنے سکھانے کا حلقہ لگایا گیا جس میں ڈاکٹرز حضرات کو ہفتہ وار سنتوں بھرے اجتماع و مدنی مذاکرے میں شرکت کرنے کا ذہن دیا نیز مدنی قافلوں میں سفر کرنے کی دعوت بھی دی جس پر انہوں نے اچھی اچھی نیتیں کیں۔ (رپورٹ : محمد محسن عطاری مدنی صوبہ سندھ، کانٹینٹ: رمضان رضا عطاری)

پچھلے دنوں فیضان آن لائن اکیڈمی کی برانچ فیضانِ مدینہ کراچی میں چئیرمین سیلانی ویلفیئر ٹرسٹ  مولانا محمد بشیر فاروقی صاحب کے صاحبزادے مدنی رضا نے دورہ کیا۔

اس موقع پر رکنِ شعبہ غلام الیاس عطاری مدنی اور تبریز عطاری مدنی نے مدنی رضا صاحب کو فیضان آن لائن اکیڈمی میں ہونے والے دینی کاموں کا تعارف کروایا۔ ساتھ ہی انہیں تعلیمی و انتظامی معاملات پر مشتمل ڈاکیو منٹری بھی دکھائی جس پر انہوں نے دعوتِ اسلامی کی خدمات کو سراہتے نیک خواہشات کا اظہار کیا۔(رپورٹ: علی حمزہ عطاری فیضان آن لائن اکیڈمی ، کانٹینٹ:رمضان رضا عطاری)

دعوتِ اسلامی کے شعبہ اسپیشل پرسنز کے تحت 6 جنوری تا 12 جنوری 2023ء  پھول نگر تحصیل پتوکی میں قائم جامعۃ ُالمدینہ بوائز میں 7 دن پر مشتمل اشاروں کی زبان (Sign Language ) کا کورس منعقد ہوا ۔

کورس میں جامعۃُ المدینہ بوائز کے طلبۂ کرام کو ڈسٹرکٹ ذمہ دار محمد سہیل عطاری نے اسپیشل پرسنز (گونگے بہرے) سےگفتگو کا طریقہ سکھایا نیز اسلامی معلومات پر مشتمل اشارے بتائے اور گونگے بہرے افراد کو نیکی کی دعوت پیش کرتے ہوئے انہیں ہفتہ وار اجتماع میں لانے کا ذہن دیا جس پر طلبہ ٔکرام نے اچھی اچھی نیتوں کا اظہار کیا۔(رپورٹ:علی ریاض عطاری، کانٹینٹ:رمضان رضا عطاری)

پچھلے دنوں ملتان میں قائم  دعوتِ اسلامی کے مدنی مرکز فیضانِ مدینہ ملتان میں شعبہ ہفتہ وار اجتماع و مدنی مذاکرہ کے صوبائی ذمہ داران کا مدنی مشورہ ہوا۔

مدنی مشورے میں رکنِ شوریٰ حاجی فضیل رضا عطاری اور نگرانِ شعبہ حاجی محمد شاہد عطاری نے درج ذیل چیزوں پر گفتگو کی۔

موجودہ کارکردگی کے مطابق اہداف طے کئے گئے، دونوں شعبوں کی تقرری مکمل کرنے اور اس کے اہداف پر کلام ہوا ، ہفتہ وار اجتماع و مدنی مذاکرہ کی تنظیمی اہمیت بتائی گئی، ہفتہ وار اجتماع کے انتظامات کو بہتر کرنے، تمام ہفتہ وار اجتماع گاہ کی 4 رکنی مجلس کا ریکارڈ منظم کرنے، ان کی اور ان کے تحت ذیلی مجالس کی تربیت کے حوالے سے بات چیت ہوئی۔ (کانٹینٹ:رمضان رضا عطاری)

عاشقانِ رسول  وطلبۂ کرام کو دینی تعلیم و تربیت سے آگاہ کرنے کے لئےجامعۃُ المدینہ (دعوتِ اسلامی ) مختلف اجتماعات و ورکشاپس کرتی رہتی ہے جس میں اسلامی عقائد ، انبیائے کرام وصالحین کی سیرت ، حسن معاشرت اور اخلاقیات جیسے کئی معلومات سننے اور سیکھنے کو ملتی ہے ۔ اسی سلسلے میں دعوتِ اسلامی 14 جنوری 2023ء بروز ہفتہ عالمی مدنی مرکز فیضانِ مدینہ کراچی میں یومِ صدیقِ اکبر کے موقع پر سنتوں بھرے اجتماع کا اہتمام کیا جائے گا ۔

اس محفل پاک میں جامعاتُ المدینہ کے اساتذہ کرام ، طلبہ کرام اور مدنی عملہ کے افراد شرکت کرین گے جبکہ مرکزی مجلسِ شوریٰ کے نگران مولانا عمران عطاری ”شانِ صدیقِ اکبر “ کے عنوان پر اپنے خیالات کا اظہار فرمائیں گے ۔

اجتماع کا آغاز پاکستانی ٹائم کے مطابق صبح 08:30 بجے اور بیان کاآغاز 08:45 ہوگا ، یہ اجتماع مدنی چینل پر براہِ راست نشر کیا جائےگا ۔ (کانٹینٹ : محمد مصطفیٰ انیس) 

12 جنوری 2023ء  بروز جمعرات سویڈن کے علاقے مالمو میں سیکھنے سکھانے کے حوالے سے مدنی حلقے کا اہتمام کیا گیا جس میں علاقے کے اسلامی بھائیوں نے شرکت کی۔

ذمہ دار ڈاکٹر اعظم شیخ عطاری نے نیکی کی دعوت پیش کی اور انہیں ” Moral Development“ یعنی خیر و شر میں تمیز کی صلاحیت اور شعور کا حصول کے حوالے سے تبادلۂ خیال کیا ، اس کے علاوہ حاضرین کو ہفتہ وار سنتوں بھرے اجتماعات میں شرکت کرنے اور دعوتِ اسلامی کے دینی ماحول سے وابستہ رہنے کاذہن دیا ۔(کانٹینٹ : محمد مصطفیٰ انیس)

10 جنوری 2023ء کو شعبہ رابطہ برائے شخصیات  کے ذمہ دار اسلامی بھائیوں نے کوہاٹ ڈویژن خیبر پختونخواہ میں ڈپٹی کمانڈنٹ شاہجہان درانی ، اے ایس آئی حبیب اللہ خان ، اے ایس آئی توصیف ہزاروی اور دیگر اسٹاف سے ملاقاتیں کیں ۔

دورانِ ملاقات دعوتِ اسلامی کی دینی و فلاحی خدمات بالخصوص FGRF کی جانب سے سیلاب زدگان کی امداد کے بارے میں بھی بتایا اس کے علاوہ ذمہ داران نے شخصیات کو نیکی کی دعوت پیش کی اور کتب و رسائل تحفے میں دیا ۔ (رپورٹ: کوآرڈینیشن ڈیپارٹمنٹ دعوت اسلامی خیبرپختونخواہ / کانٹینٹ : محمد مصطفیٰ انیس) 

دعوتِ اسلامی کی مرکزی مجلسِ شوریٰ کے رکن حاجی اظہر عطاری نے چیمبر آف کامرس اینڈ انڈسٹری سیالکوٹ  میں سنتوں بھرا بیان کیا۔

تفصیلات کے مطابق پچھلے دنوں ڈی ایس پی ٹریفک پولیس قیصر امین بٹ نے رکن شوریٰ سے ان کے گھر پر ملاقات کی اور ان کے ہمراہ چیمبر آف کامرس اینڈ انڈسٹری سیالکوٹ میں آمد ہوئی جہاں چیمبر صدر عبد الغفور ملک ، نائب صدر عامر مجید شیخ ، چئیر مین ایونٹ میاں خلیل ، چئیر مین کمیٹی برائے مذہبی امور میاں محسن گل اور دیگر ایگزیکیوٹیو ممبران نے رکن شوریٰ کا استقبال کیااور ان سے ملاقات کی ۔

رکن شوریٰ حاجی اظہر عطاری نے حاضرین کو اسلامی اصولوں کے مطابق تجارت کرنے کاذہن دیتے ہوئے انہیں دعوتِ اسلامی کا تعارف اور اس کی دینی و فلاحی خدمات بیان کی، بعد بیان رکن شوریٰ نے سوال و جواب کا سیشن بھی کیا اور شرکا کی طرف سے کئے گئے سوالوں کا خوش اسلوبی کے ساتھ جواب دیا۔ (رپورٹ: شعبہ رابطہ برائے شخصیات و تاجران ڈسٹرکٹ سیالکوٹ / کانٹینٹ : محمد مصطفیٰ انیس) 

12 جنوری 2023ء بروز جمعرات ضلع لودہراں کے علاقے گیلے والا میں شعبہ رابطہ برائے شخصیات کے ذمہ داران فدا علی عطاری ، قاری محمد وسیم عطاری اور  طارق منیر عطاری نے نئے تعینات ہونیوالے ایس ایچ او نزاکت علی سے ملاقات کی اور انہیں مبارک باد پیش کی ۔

ذمہ داران نے شخصیات کو نیکی کی دعوت پیش کرتے ہوئے ہفتہ وار اجتماع میں شرکت کرنے کا ذہن دیا نیز امیر اہل سنت دامت بَرَکَاتُہمُ العالیہ کی تصانیف تحفے میں پیش کی ۔(رپورٹ: شعبہ رابطہ برائے شخصیات لودہراں / کانٹینٹ : محمد مصطفیٰ انیس)