عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں شعبہ مدنی کورسز کا مدنی مشورہ منعقد ہوا جس میں اراکین اور صوبائی ذمہ دار اسلامی بھائیوں نے شرکت کی۔

عاشقانِ رسول کی دینی تحریک دعوتِ اسلامی کے شعبہ مدنی کورسز کے تحت  سیلانی ویلفیئر انٹرنیشنل ٹرسٹ کے ہیڈ آفس کراچی میں چیئرمین مولانا بشیر فاروق قادری کے بیٹے مولانا مدنی رضا اور ٹریننگ ڈیپارٹمنٹ ٹیم کی شعبہ مدنی کورسز کے اراکین کے ساتھ میٹنگ ہوئی جس میں پاکستان و کراچی سطح کے ذمہ داران شریک تھے۔

میٹنگ کے دوران نگرانِ شعبہ قاری محمد سعید عطاری نے دعوتِ اسلامی کے تحت ہونے والے کورسز کا تعارف کروایا اور شعبے کی دینی خدمات پر بریفنگ دی نیز سیلانی ویلفیئر کے ورکرز، عملہ، وابستگان کو مدنی کورسز بالخصوص رہائشی فیضانِ نماز کورس،اصلاحِ اعمال کورس اور 12 دینی کام کورس کروانے کے حوالے سے چند اہم نکات پر مشاورت کی۔

میٹنگ میں طے شدہ مدنی پھولوں کے مطابق سیلانی ویلفیئر کے ورکرز کا رہائشی فیضانِ نماز کورس مدنی مرکز فیضان مدینہ صحرائےمدینہ ٹول پلازہ کراچی میں منعقد کیا جائے گا جبکہ ماہانہ کورسز پاکستان بھر کے مختلف مقامات پر ہوں گے ۔

اس موقع پر پاکستان وکراچی سٹی کے ذمہ داران محمدصابرعطاری، مولانا محمدحاشرعطاری مدنی، قاری محمد ندیم عطاری، حافظ محمد اویس عطاری اور مولانا محمداحمدسیالوی عطاری مدنی بھی موجود تھے ۔(رپورٹ:محمداحمدسیالوی عطاری رکن شعبہ مدنی کورسزواعتکاف، کانٹینٹ:غیاث الدین عطاری)

صوبۂ پنجاب پاکستان کے ضلع گجرات میں شعبہ رابطہ برائے شخصیات دعوتِ اسلامی کے ذمہ داران کی مختلف افسران اور شخصیات سے ملاقات ہوئی جن میں ڈپٹی کمشنر صفدر حسین ورک، ایڈیشنل ڈپٹی کمشنر ریونیو خضرحیات بھٹی، ایڈیشنل ڈپٹی کمشنر جنرل افضل حیات تارڑ، اسسٹنٹ کمشنر گجرات راجہ حیدر عباس، اسسٹنٹ کمشنر کھاریاں زوہیب ممتاز گوندل، ڈسٹرکٹ انچاچ فوڈ ظفر اقبال، ڈسٹرکٹ سیکیورٹی انچاچ امجد، ایس ایچ او تھانہ سول لائن عدنان شامل تھے۔

دورانِ ملاقات گجرات ڈویژن ذمہ دار محمد سفیان عطاری نے دعوتِ اسلامی کے تحت ہونے والی عالمی سطح کی دینی و فلاحی خدمات پرکلام کیا اور تمام اسلامی بھائیوں کو گجرات میں ہونے والے ہفتہ وار اجتماع میں شرکت کرنے کی دعوت دی۔

لودہراں کی معروف سماجی شخصیت و بزنس ٹائیکون سہیل رحمانی کے چھوٹے بھائی محمد وقاص رحمانی کی شادی کے سلسلے میں دعوتِ اسلامی کے تحت اجتماعِ میلاد کا انعقاد کیا گیاجس میں ذمہ داران اور شخصیات سمیت  دیگر اسلامی بھائیوں نے شرکت کی۔

شعبہ جامعۃ المدینہ  دعوت اسلامی کے تحت کچہ ڈیرہ اسماعیل خان پاکستان میں 26نومبر2023ء کو سالانہ کسان اجتماع ہوا جس میں کسان و ذمہ داران و اساتذہ کرام اور جامعہ مدینہ کے طلباء کرام نے شرکت کی ۔

کسان اجتماع میں مبلغ دعوت اسلامی نے حاضرین کو دعوت اسلامی کے تحت ہونے والے دنیا بھر میں دینی اور فلاحی کاموں سے آگاہ کیا اور راہ خدا میں مدنی قافلے کے ذریعے مسافر بنے کی دعوت دی نیز ہفتہ وار اجتماع کی دعوت دیتے ہوئے آخر میں سیکھنے سکھانے کے حلقے بھی لگائے ۔(رپورٹ:حسنین عطاری ، کانٹینٹ:شعیب شاہ عطاری) 

 ڈسٹرکٹ میانوالی میں SDO واپڈا کلورکوٹ انجینئر محمد شہریار خان نے واپڈا آفیسر سائٹ ثناء اللہ ندیم کے ہمراہ گزشتہ روز دعوتِ اسلامی کے مدنی مرکز فیضانِ مدینہ کلور کوٹ کا وزٹ کیا جہاں اُن کی ملاقات ڈویژن ذمہ دار اور ناظمِ جامعۃ المدینہ بوائز سے ہوئی۔

ڈسٹرکٹ میانوالی، پنجاب میں دعوتِ اسلامی کے تحت اجتماعِ میلاد کا انعقاد کیا گیا جس میں پولیس کے اعلیٰ عہدیداران و  افسران، شخصیات اور دیگر اسلامی بھائیوں نے شرکت کی۔

اجتماع کے آغاز میں تلاوت و نعت پڑھی گئی اور سرگودھا ڈویژن ذمہ دار شان حسنین عطاری نے سنتوں بھرا بیان کیا جس میں انہوں نے شرکا کو دینِ اسلام کے بارے میں بتایا۔

بعد اجتماع ذمہ دار اسلامی بھائیوں نے شرکا اسلامی بھائیوں پر انفرادی کوشش کرتے ہوئے انہیں دینی کاموں میں شرکت کرنے کی ترغیب دلائی اوراُن کے درمیان مکتبۃ المدینہ کے رسائل تقسیم کئے۔

19,20,21نومبر 2023فیضان آن لائن اکیڈمی  کےپاکستان بھرکےڈویژن تعلیمی ذمہ داران کالاہورشیرانوالہ گیٹ برانچ میں تربیتی سیشن ہوا جس میں پاکستان بھرکےڈویژن تعلیمی ذمہ داران نے شرکت کی ۔

اس تربیتی سیشن میں ڈویژن تعلیمی ذمہ دار فیصل ایازعطاری مدنی اور ڈویژن تعلیمی ذمہ دار حافظ جوادعلی عطاری نےتعلیمی امور کے متعلق پی پی ٹی کےذریعےپریزینٹ کیا جبکہ ڈویژن تعلیمی ذمہ دار مصطفی گلزارعطاری مدنی نےشفٹ ذمہ داران کی ٹریننگ کےطریقہ کار،مقاصد اوراس سےمتعلقہ دیگرمعاملات پہ پی پی ٹی کےذریعےپریزینٹ کیا۔ (رپورٹ: وقار یعقوب مدنی برانچ ناظم فیضان آن لائن اکیڈمی ، کانٹینٹ:شعیب شاہ عطاری) 

ڈسٹرکٹ میانوالی، پنجاب میں واقع سالٹ ریسٹ ہاؤس کالا باغ میں عاشقانِ رسول کی دینی تحریک دعوتِ اسلامی کے تحت اجتماعِ میلاد کا انعقاد کیا گیا جس میں پولیس کے اعلیٰ عہدیداران و  افسران، شخصیات اور دیگر اسلامی بھائیوں کی شرکت رہی۔

اس اجتماعِ پاک میں مبلغِ دعوتِ اسلامی سیّد محمد ساجد عطاری نے سنتوں بھرا بیان کیا جس میں انہوں نے شرکا کو دینِ اسلام کی تعلیمات کے بارے میں بتایا۔

بعد اجتماع ذمہ دار اسلامی بھائیوں نے شرکا اسلامی بھائیوں پر انفرادی کوشش کرتے ہوئے انہیں دینی کاموں میں شرکت کرنے کی ترغیب دلائی اور مکتبۃ المدینہ کے رسائل تقسیم کئے۔

شعبہ معاونت برائے اسلامی بہنیں دعوت اسلامی کے تحت فیضان مدینہ کوٹ جیمل آزاد کشمیر میں 24 نومبر2023 ء کو مدنی مشورہ ہوا جس میں  ڈویژن معاونت ذمہ دار محمد اسلم عطاری، ڈسٹرکٹ نگران ، تحصیل معاونت ذمہ داراور تحصیل نگران سمیت دیگر ذمہ داران نے شرکت کی ۔

مدنی مشورے میں نگران شعبہ معاونت برائے اسلامی بہنیں غلام الیاس عطاری فیضان صحابیات کا قیام اور اسلامی بہنوں کا دینی کام بڑھانے میں معاونت کرنے کے متعلق گفتگو کی نیز اسلامی بہنوں کا لرننگ سیشن کروانے پر مشاورت کی ۔( کانٹینٹ:شعیب شاہ عطاری) 

بہاولپور ڈویژن میں پچھلے دنوں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے مختلف افسران اور شخصیات(ساؤتھ پنجاب ایڈیشنل سیکریٹری فنانس تنویر جھنڈیر، ایڈیشنل سیکریٹری ساؤتھ پنجاب محکمہ لائیو اسٹاک ناصر جمال ہوتیانہ ، PA ٹو سیکریٹری گل حسن ، فنانس آفیسر ضلع کونسل ظفر ، SDO واپڈا صابر کانجو ، اسسٹنٹ کمشنر صدر عدیل خان ، دیگر اسٹاف) سے ملاقاتیں کیں۔

اس ملاقات میں بہاولپور ڈویژن کے ذمہ دار محمد اقبال عطاری نے دعوتِ اسلامی کے شعبہ جات کے ذریعے ہونے والے مختلف دینی و فلاحی کاموں کے حوالےسے بریفنگ دی اور مدنی مرکز فیضانِ مدینہ کا وزٹ کرنے کی دعوت دی۔

شعبہ معاونت برائے اسلامی بہنیں دعوت اسلامی کے تحت فیضان مدینہ گجرات میں 23 نومبر2023ء کو مدنی مشورہ ہوا جس میں ڈویژن نگران محمد اقبال عطاری، ڈسٹرکٹ نگران، ڈویژن معاونت ذمہ دار، ناظم الامور فیضان صحابیات، صوبائی معاونت ذمہ دار عبدالماجد عطاری نے شرکت کی ۔

مدنی مشورے میں نگران شعبہ معاونت برائے اسلامی بہنیں غلام الیاس عطاری نے فنانس ڈیپارٹمنٹ، گلی گلی مدرسۃالمدینہ گرلز، ڈونیشن بکس کی کارکردگی اور شعبے میں بہتری کے متعلق گفتگو کی نیز2 دن کے لرننگ سیشن پر مشاورت کے ساتھ ساتھ گجرات میں ماہ جنوری 2024 کو ہونے والے فیضان صحابیات کی افتتاحی تقریب رکھنے پر مشاورت کی مدنی مشورے کے بعد ہفتہ وار اجتماع میں معاونت برائے اسلامی بہنیں کا مکتب بھی لگایاگیا ۔( کانٹینٹ:شعیب شاہ عطاری)