نام و نسب: آپ علیہ السّلام کا مبارک نام داؤد “ اور نسب نامہ یہ ہے : داؤد بن ایشا بن عوید بن عابر بن سلمون بن نحشون بن عویناذب بن ارم بن حصرون بن فارص بن یہودابن حضرت یعقوب بن حضرت اسحاق بن حضرت ابراہیم علیہم السّلام ۔

زبور شریف: زبور شریف وہ آسمانی کتاب ہیں جو اللہ پاک نے حضرت داؤد علیہ السّلام پر نازل فرمائی۔ ارشادِ باری تعالٰی ہے:﴿ وَ اٰتَیْنَا دَاوٗدَ زَبُوْرًا(۵۵)﴾ ترجمۂ کنزُالعِرفان: اور ہم نے داؤد کو زبور عطا فرمائی۔(پ15، بنٓی اسرآءیل:55) آپ علیہ السلام کے چند مزید اوصاف جانئے:

(1) حضور اکرم صلَّی اللہ علیہ واٰلہٖ وسلَّم فرماتے ہیں کہ حضرت داؤد علیہ السّلام بہت عبادت گزار انسان تھے۔ (2) حضرت داؤد علیہ السّلام عبادت و ریاضیت میں بھی اعلیٰ مقام رکھتے تھے (3) حضرت داؤد علیہ السّلام بہت زیادہ خوفِ خدا رکھنے والے تھے۔ (4) حضرت داؤد علیہ السّلام خشیتِ الہی میں مبتلا رہنے والے تھے۔ (5) حضرت داؤد علیہ السّلام خوفِ خدا میں غور و فکر رکھنے والے تھے (6) حضرت داؤد علیہ السّلام عاجزی اور انکساری رکھنے والے تھے (7) عاجزی اور انکساری حضرت داؤد علیہ السّلام کا ایک خاص حصہ تھی (8) قراٰنِ پاک میں بھی حضرت داؤد علیہ السّلام کے کچھ اوصاف بیان ہوئے ہیں:(1) وہ عبادت پر بہت قوت والے تھے (3) اپنے رب کی طرف بہت رجوع کرنے والے تھے:﴿وَ اذْكُرْ عَبْدَنَا دَاوٗدَ ذَا الْاَیْدِۚ-اِنَّهٗۤ اَوَّابٌ(۱۷)﴾ ترجمۂ کنزُالعِرفان: اور ہمارے نعمتوں والے بندے داؤد کو یاد کرو بیشک وہ بڑا رجوع کرنے والا ہے۔(پ23،صٓ:17)

(9) نیک اعمال کے ساتھ ساتھ حضرت داؤد علیہ السّلام سنت سیرت انبیا کے مطابق ہمیشہ حلال اور طیب چیزیں کھاتے پیتے اور اس کا خاص اہتمام فرماتے تھے (10) آپ علیہ السّلام بہت خوبصورت تھے (11) آپ علیہ السّلام سرخ چہر ے والے تھے۔ (13) نرم اور ملائم بالوں والے تھے (13) سفید جسم والے (14) اور طویل داڑھی والے تھے۔ (15) جسمانی خوبصورتی کے ساتھ آپ کی آواز بھی بہت دلکش تھی(16) جب حضرت داؤد علیہ السّلام ترنم کے ساتھ زبور شریف کی تلاوت کرتے تو پرندے ہوا میں ٹھہر کر آپ کی آواز کے ساتھ آواز نکالتے اور تسبیح کرتے تھے (17) آپ علیہ السّلام کی آواز سُن کر پرندے اور جنگلی جانور آپ کے اِرد گرد جمع ہو جاتے تھے۔

الله پاک نے ابنِ آدم کی ہدایت کیلئے کم و بیش ایک لاکھ چوبیس ہزار انبیائے کرام علیہم السّلام کو اس دنیا میں بھیجا اور ان عظیم ترین ہستیوں کو اعلیٰ اوصاف اور کردار کا مالک بنایا جن میں بعض کے اوصاف کا ذکر خود اللہ پاک نے قراٰنِ مجید میں بھی فرمایا ، انہیں اعلیٰ ترین ہستیوں میں سے ایک حضرت داؤد علیہ الصلوۃ و السّلام ہیں جن کو اللہ پاک نے کئی بہترین صفات سے نوازا تھا اب میں نے ان کی صفات قراٰنِ کریم سے پیش کرنے کی سعی کرتا ہوں :حضرت داؤد علیہ السّلام کی صفات: الله پاک نے قراٰنِ کریم میں کئی جگہ حضرت داؤد علیہ السّلام کی صفات کو ذکر فرمایا ہے۔ چنانچہ

(1) آپ علیہ السّلام کی سلطنت و نبوت: الله پاک سورۃُ البقرہ میں ارشاد فرماتا ہے: ﴿ وَ اٰتٰىهُ اللّٰهُ الْمُلْكَ وَ الْحِكْمَةَ ﴾ترجَمۂ کنزُالعرفان: اور اللہ نے اسے سلطنت اور حکمت عطا فرمائی ۔(پ2،البقرۃ:251)تفسیر جمل میں ہے۔ یہ آپ علیہ السّلام کی خاصیت ہے کہ حضرت یوسف علیہ السّلام کے بعد آپ ہی وہ پہلے شخص ہیں جو سلطنت و نبوت دونوں عہدوں پر ایک ساتھ فائز ہوئے اور ستّر برس تک دونوں عہدے پر فائز رہے ۔

(2) عبادت و ریاضت: آپ علیہ السّلام عبادت پر بہت قوت والے اور اپنے رب کی طرف بہت رجوع کرنے والے تھے۔ ارشادِ باری ہے: ﴿وَ اذْكُرْ عَبْدَنَا دَاوٗدَ ذَا الْاَیْدِۚ-اِنَّهٗۤ اَوَّابٌ(۱۷)﴾ ترجمۂ کنزُالعِرفان: اور ہمارے نعمتوں والے بندے داؤد کو یاد کرو بیشک وہ بڑا رجوع کرنے والا ہے۔(پ23،صٓ:17) حضرت عبد الله بن عباس رضی اللہ عنہما فرماتے ہیں : ذَا الْاَیْدِ سے مراد یہ ہے کہ حضرت داؤد علیہ السّلام عبادت میں بہت قوت والے تھے ۔ (صراط الجنان، 8/ 376)

(3) اللہ پاک کا خلیفہ (نائب): اللہ پاک پارہ 23 سورہ صٓ میں ارشاد فرماتا ہے: ﴿یٰدَاوٗدُ اِنَّا جَعَلْنٰكَ خَلِیْفَةً فِی الْاَرْضِ﴾ ترجمۂ کنزُالعِرفان: اے داؤد! بیشک ہم نے تجھے زمین میں (اپنا) نائب کیا۔( پ23،صٓ:26)تفسیر صراط الجنان میں مفتی قاسم دامت بَرَکَاتُہمُ العالیہ لکھتے ہیں: اس آیت میں ان کی زمینی خلافت کا ذکر فرمایا ہے کہ : اے داؤد! بے شک ہم نے تجھے زمین میں اپنا نائب مقرر کیا اور مخلوق کے کاموں کا انتظام کرنے پر آپ کو مامور کیا۔

(4) حق و باطل میں فرق کرنے والے: حضرت داؤد علیہ السّلام بڑے زہد و تقوی کے ساتھ حق و باطل میں فرق کرنے والے بھی تھے۔ ارشاد ربانی ہے : ﴿ وَ اٰتَیْنٰهُ الْحِكْمَةَ وَ فَصْلَ الْخِطَابِ(۲۰)﴾ ترجمۂ کنزُالعِرفان: اور اسے حکمت اور حق و باطل میں فرق کر دینے والا علم عطا فرمایا۔(پ23،صٓ:20) تفسیر صراط الجنان میں ہے: یہاں قولِ فیصل سے قضا کا علم مراد ہے جو حق و باطل میں فرق و تمیز کر دے۔۔( جمل، صٓ، تحت الآیۃ: 20، 6 / 377)

(5) آپ علیہ السّلام کا علم: اللہ پاک ارشاد فرماتا ہے : ﴿ وَ لَقَدْ اٰتَیْنَا دَاوٗدَ وَ سُلَیْمٰنَ عِلْمًاۚ ﴾ ترجمۂ کنزُالعِرفان: اور بیشک ہم نے داؤد اور سلیمان کو بڑا علم عطا فرمایا۔ (پ19،النمل:15)تفسیر خزائن العرفان میں صدر الافاضل سید محمد نعیم الدین مراد آبادی رحمۃُ اللہِ علیہ بیان کرتے ہیں کہ : علمِ قضا و سیاست اور حضرت داؤد کو پہاڑوں اور پرندوں کی تسبیح کا علم عطا فرمایا۔

(6) آپ علیہ السّلام کیلئے لوہے کا نرم ہو جانا: آپ علیہ السّلام نے بارگاہِ الٰہی میں دعا کی کہ ان کیلئے کوئی ایسا سبب بنا دیا جائے جس سے آپ علیہ السّلام اپنے اہل و عیال کا گزارہ کر سکیں اور بیتُ المال (شاہی خزانے) سے آپ علیہ السّلام بے نیاز ہو جائے، تو اللہ پاک نے آپ علیہ السّلام کی دعا قبول کی۔ چنانچہ ارشادِ باری ہے: ﴿ وَ اَلَنَّا لَهُ الْحَدِیْدَۙ(۱۰) ﴾ ترجمۂ کنزُالعِرفان: اور ہم نے اس کے لیے لوہا نرم کردیا۔(پ22،سبا:10) تفسیر خزائن العرفان میں ہے کہ لوہا آپ کے دستِ مبارک میں آکر مثلِ موم یا گوندھے ہوئے آٹے کے نرم ہوجاتا اور آپ اس سے جو چاہتے بغیر آگ کے اور بغیر ٹھونکے پیٹے بنا لیتے ۔

الله پاک سے دعا ہے کہ اللہ ہمیں ان عظیم ہستیوں کے اوصاف کردار اور اخلاق سے حصہ عطا فرمائے۔ اٰمین

اللہ پاک نے بنی نوع انسان کی ہدایت کے لیے انبیا بھیجے ۔ ان میں سے ایک نام حضرت داؤد علیہ السّلام کا بھی ہے ۔ آپ علیہ السّلام نبوت و سلطنت کے جامع پیغمبر تھے ۔ خوفِ خدا ، تقوی، عاجزی و انکساری اور عبادت و ریاضت کے اوصاف حمیدہ سے مالا مال تھے ۔ قراٰنِ کریم میں اللہ پاک نے آپ علیہ السّلام کے کئی اوصاف بیان فرمائے ہیں ۔ ان میں سے چند درج ذیل ہیں:

(1) عبادت پر بہت قوت والے اور اپنے رب کی طرف بہت رجوع کرنے والے : ﴿وَ اذْكُرْ عَبْدَنَا دَاوٗدَ ذَا الْاَیْدِۚ-اِنَّهٗۤ اَوَّابٌ(۱۷)﴾ ترجمۂ کنزُالعِرفان: اور ہمارے نعمتوں والے بندے داؤد کو یاد کرو بیشک وہ بڑا رجوع کرنے والا ہے۔(پ23،صٓ:17) حضرت عبد اللہ ابن عباس رضی الله عنہما فرماتے ہیں : ذَا الْاَیْدِ سے مراد یہ ہے کہ حضرت داؤد علیہ السّلام عبادت میں بہت قوت والے تھے ۔ (صراط الجنان، 8/ 376)

(2) اللہ پاک کے خلیفہ : فرمان باری تعالیٰ ہے: ﴿یٰدَاوٗدُ اِنَّا جَعَلْنٰكَ خَلِیْفَةً فِی الْاَرْضِ﴾ ترجمۂ کنزُالعِرفان: اے داؤد! بیشک ہم نے تجھے زمین میں (اپنا) نائب کیا۔( پ23،صٓ:26)اس آیت مبارکہ کی تفسیر یہ ہے کہ اے داؤد بے شک ہم نے تجھے زمین میں اپنا نائب کیا اور مخلوق کے کاموں کا انتظام فرمانے پر آپ کو مامور کیا اور آپ کا حکم ان میں نافذ کیا ۔ (صراط الجنان ، 8 / 387 )

(3) آپ علیہ السّلام کثیر علم والے ہیں : ارشادِ باری تعالیٰ ہے : ﴿ وَ لَقَدْ اٰتَیْنَا دَاوٗدَ وَ سُلَیْمٰنَ عِلْمًاۚ ﴾ ترجمۂ کنزُالعِرفان: اور بیشک ہم نے داؤد اور سلیمان کو بڑا علم عطا فرمایا۔ (پ19،النمل:15) تفسیر صراط الجنان میں اس آیت کے تحت ہے کہ ہم نے داؤد اور سلیمان کو قضاء اور سیاست کا علم دیا ۔ اور حضرت داؤد علیہ السّلام کو پہاڑوں اور پرندوں کی تسبیح کا علم عطا کیا ۔

(4) اللہ پاک نے حضرت داؤد علیہ السّلام کو صاحبِ فضل بنایا : ارشادِ باری تعالیٰ ہے: ﴿وَ لَقَدْ اٰتَیْنَا دَاوٗدَ مِنَّا فَضْلًاؕ﴾ترجمۂ کنزُالعِرفان: اور بیشک ہم نے داؤد کو اپنی طرف سے بڑا فضل دیا۔(پ22،سبا:10)اس آیت میں بڑے فضل سے مراد نبوت اور کتاب ہے اور کہا گیا ہے کہ اس سے مراد ملک ہے اور ایک قول یہ ہے کہ اس سے آواز کی خوبصورتی وغیرہ وہ تمام چیزیں مراد ہیں جو آپ علیہ السّلام کو خصوصیت کے ساتھ عطا فرمائی ۔ (صراط الجنان،8/120)

(5) آپ علیہ السّلام کے لیے لوہا نرم کر دیا گیا: فرمان باری تعالیٰ ہے: ﴿ وَ اَلَنَّا لَهُ الْحَدِیْدَۙ(۱۰) ﴾ ترجمۂ کنزُالعِرفان: اور ہم نے اس کے لیے لوہا نرم کردیا۔(پ22،سبا:10) حضرت داؤد علیہ السّلام کے لئے اللہ پاک نے لوہا نرم کردیا کہ جب آپ علیہ السّلام کے دستِ مبارک میں آتا تو موم یا گندھے ہوئے آٹے کی طرح نرم ہو جاتا اور آپ علیہ السّلام اس سے جو چاہتے بغیر آگ کے اور بغیر ٹھونکے پیٹے بنا لیتے ۔ ( صراط الجنان، 8/120 )

(6) اللہ پاک نے آپ علیہ السّلام کو زرہ بنانا سکھائی: فرمانِ باری تعالٰی ہے: ﴿وَ عَلَّمْنٰهُ صَنْعَةَ لَبُوْسٍ لَّكُمْ ﴾ ترجمۂ کنزُالعِرفان: اور ہم نے تمہارے فائدے کیلئے اسے ایک خاص لباس کی صنعت سکھا دی (پ17،الالانبیآء:80)اس آیت کی تفسیر یہ ہے کہ اللہ پاک نے حضرت داؤد علیہ السّلام کو زرہ بنانا سکھا دیا جسے جنگ کے وقت پہنا جائے تا کہ وہ جنگ میں دشمن سے مقابلہ کرنے میں تمہارے کام آئے اور دوران جنگ تمہارے جسم کو زخمی ہونے سے بچائے۔ (صراط الجنان، 6/ 354 )

آخر میں اللہ پاک سے دعا ہے کہ وہ ہمیں انبیائے کرام علیہم السّلام کی سیرت پڑھنے اور اس پر عمل کرنے کی توفیق عطا فرمائے اور ہمیں فیضانِ انبیا سے مالا مال کرے ۔ اٰمین بجاہ النبی الامین صلَّی اللہ علیہ واٰلہٖ وسلَّم 

اللہ پاک نے دنیا بنائی اس میں حیوانات جنات کو آباد کیا اس کے بعد حضرت آدم علیہ السّلام کی تخلیق فرمائی اس کے بعد حضرت آدم علیہ السّلام کو زمین پر اتارا اور یہاں سے انسانوں کی آبادی شروع ہوئی۔پھر ان لوگوں کی ہدایت اور صراط مستقیم پر چلانے کے لیے کثیر انبیائے کرام و مرسلین کو اس دنیا میں بھیجا تاکہ وہ لوگوں کو ہدایت اور صراط مستقیم پر چلائے۔ سب سے پہلے نبی حضرت آدم علیہ السّلام ہے یکِ بعد دیگر ایک کے بعد انبیا و مرسلین لوگوں کی ہدایت اور ان کو صراط مستقیم پر چلانے کے لیے دنیا میں تشریف لائے اور یہ سلسلہ ہمارے پیارے آقا ( صلَّی اللہ علیہ واٰلہٖ وسلَّم) تک آکر مکمل ہوا ان کے بعد کوئی نبی نہیں آئے گا۔ ان حضرات انبیائے کرام کی صفات قراٰنِ کریم میں بیان ہوئی جن میں سے ایک حضرت داؤد (علیہ السّلام) کی صفات اللہ پاک نے قراٰنِ کریم میں بیان فرمائی۔الله پاک قراٰنِ پاک میں فرماتا ہے:﴿ فَغَفَرْنَا لَهٗ ذٰلِكَؕ-وَ اِنَّ لَهٗ عِنْدَنَا لَزُلْفٰى وَ حُسْنَ مَاٰبٍ(۲۵) یٰدَاوٗدُ اِنَّا جَعَلْنٰكَ خَلِیْفَةً فِی الْاَرْضِ فَاحْكُمْ بَیْنَ النَّاسِ بِالْحَقِّ وَ لَا تَتَّبِـعِ الْهَوٰى فَیُضِلَّكَ عَنْ سَبِیْلِ اللّٰهِؕ ﴾ترجمہ کنز الایمان : اور رجوع لایا تو ہم نے اسے یہ معاف فرما دیا اور بےشک اس کے لیے ہماری بارگاہ میں ضرور قرب اور اچھا ٹھکانا ہے اے داؤد بےشک ہم نے تجھے زمین میں نائب کیا (ف۴۱) تو لوگوں میں سچا حکم کر اور خواہش کے پیچھے نہ جانا کہ تجھے اللہ کی راہ سے بہکا دے گی ۔ (پ 23،صٓ:26،25)

اللہ پاک نے حضرات انبیائے کرام علیہم السّلام کی شان بہت ہی عظیم و بلند رکھی ہے اس لئے بہت معمولی اور چھوٹی چھوٹی باتوں پر ان کو آگاہ کر دیا جاتا ہے۔ اللہ پاک ان سب کے صدقہ وسیلہ سے ہم تمام مسلمانوں پر رحمت کی نظر فرمائے۔ اٰمین

اللہ پاک نے مخلوق کی ہدایت اور رہنمائی کے لیے مختلف انبیائے کرام علیہم السّلام کو دنیا میں مبعوث فرمایا ۔ جن میں سے سب سے آخری نبی حضرت محمد صلَّی اللہ علیہ واٰلہٖ وسلَّم ہیں ۔ ان ہی انبیائے کرام علیہم السّلام میں سے حضرت داؤد علیہ السّلام بھی اللہ پاک کے پیارے نبی ہیں ۔ جن کا ذکر بھی اللہ پاک نے قراٰنِ پاک میں مختلف مقامات پر فرمایا۔ چنانچہ اللہ پاک نے پارہ نمبر 6 سورةُ المائدہ آیت نمبر 78 میں فرمایا: ﴿لُعِنَ الَّذِیْنَ كَفَرُوْا مِنْۢ بَنِیْۤ اِسْرَآءِیْلَ عَلٰى لِسَانِ دَاوٗدَ وَ عِیْسَى ابْنِ مَرْیَمَؕ-ذٰلِكَ بِمَا عَصَوْا وَّ كَانُوْا یَعْتَدُوْنَ(۷۸)﴾ ترجمۂ کنزُالعِرفان: بنی اسرائیل میں سے کفر کرنے والوں پر داؤد اور عیسیٰ بن مریم کی زبان پرسے لعنت کی گئی۔ یہ لعنت اس وجہ سے تھی کہ انہوں نے نافرمانی کی اور وہ سرکشی کرتے رہتے تھے۔ (پ6،المآئدۃ:78)اس کی تفسیر میں آتا ہے کہ ایلہ کے رہنے والوں کو ہفتہ کے دن شکار منع تھا ۔ انہوں نے جب اس حکم کو نہ مانا اور شکار سے نہ رکے تو داؤد علیہ السّلام نے ان پر لعنت کی اور ان کے خلاف دعا کی اور ان سب کو بندر اور خنزیر کی شکل میں مسخ کر دیا گیا۔ اور ایک قول یہ ہے کہ حضرت داؤد اور حضرت عیسی نے نبی اکرم صلَّی اللہ علیہ واٰلہٖ وسلَّم کی جلوہ افروزی کی بشارت دی اور حضور علیہ السّلام پر ایمان نہ لانے اور کفر کرنے والوں پر لعنت فرمائی۔ اسی طرح اللہ پاک نے پارہ 15 سورہ بنی اسرائیل آیت نمبر 55 میں ارشاد فرماتا ہے:﴿وَ لَقَدْ فَضَّلْنَا بَعْضَ النَّبِیّٖنَ عَلٰى بَعْضٍ وَّ اٰتَیْنَا دَاوٗدَ زَبُوْرًا(۵۵)﴾ ترجمۂ کنزُالعِرفان: اور بیشک ہم نے نبیوں میں ایک کو دوسرے پر فضیلت عطا فرمائی اور ہم نے داؤد کو زبور عطا فرمائی۔(پ15، بنٓی اسرآءیل:55) اس آیت میں الله پاک داؤد علیہ السّلام کو زبور عطا کیے جانے کا ذکر فرمایا ہے ۔

زبور یہ اللہ پاک کی کتاب ہے جو کہ حضرت داؤد علیہ اسلام پر نازل ہوئی۔ اس میں ایک سو پچاس سورتیں ہیں۔ اسی طرح الله پاک نے پارہ 22 سورہ سبا آیت نمبر 10 میں ارشاد فرمایا: ﴿ وَ لَقَدْ اٰتَیْنَا دَاوٗدَ مِنَّا فَضْلًاؕ-یٰجِبَالُ اَوِّبِیْ مَعَهٗ وَ الطَّیْرَۚ-وَ اَلَنَّا لَهُ الْحَدِیْدَۙ(۱۰) ﴾ ترجمۂ کنزُالعِرفان: اور بیشک ہم نے داؤد کو اپنی طرف سے بڑا فضل دیا۔ اے پہاڑو اور پرندو! اس کے ساتھ (اللہ کی طرف) رجوع کرو اور ہم نے اس کے لیے لوہا نرم کردیا۔(پ22،سبا:10)

اس آیت میں حضرت داؤد علیہ السّلام کے تین فضائل بیان فرمائے ۔ (1)حضرت داؤد علیہ السّلام کو اپنی طرف سے بڑا فضل دیا۔(2) پہاڑوں اور پرندوں کو حضرت داؤد کے تسبیح کا حکم دیا ۔(3) اور اللہ پاک نے حضرت داؤد علیہ السّلام کے لیے لوہا نرم کرنے کا ذکر فرمایا۔

اولیائے کرام رحمۃُ اللہِ علیہم کی تعلیمات اور ان کی سیرت سے عاشقان رسول کو وابستہ کرنے اور اس کے مطابق زندگی گزارنے کی ترغیب دلانے کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے اس ہفتے 15 صفحات کا رسالہ ”ارشادات سَری سَقطی رحمۃُ اللہِ علیہ“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 15 صفحات کا رسالہ”ارشادات سَری سَقطی رحمۃُ اللہِ علیہ“ پڑھ یا سن لے اُسے بُرے خاتمے سے بچا اور اُس کی ماں باپ سمیت بے حساب مغفرت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

پچھلے دنوں کوئٹہ میں   قبائلی سیاسی و سماجی شخصیت حاجی میرُ اللہ بخش راہیجہ سے دعوتِ اسلامی کے شعبہ رابطہ برائے شخصیات کے صوبائی ذمہ دار محمد وقار عطاری اور کوئٹہ ٹاؤن نگران حاجی نورُالعین عطاری نے ملاقات کی۔

دورانِ ملاقات ذمہ داران نے انہیں دعوتِ اسلامی کے دینی کاموں کے حوالے سے بتایا اور دینی ماحول کو اپنانےکا ذہن دیا جس پر میرُ اللہ راہیجہ نے خدماتِ دعوتِ اسلامی کو سراہتے ہوئے نیک خواہشات کا اظہار کیا۔آخر میں انہیں مکتبۃ ُالمدینہ کا مطبوعہ اصلاحی رسالہ تحفے میں پیش کیا۔ (رپوٹ: شعبہ رابطہ برائے شخصیات، کانٹینٹ:رمضان رضا عطاری)

21 دسمبر 2022ء کو لودہراں کہروڑپکاکےنواحی علاقے چیلے واہن میں  محفلِ نعت کا سلسلہ ہوا جس میں پولیس افسران سمیت مقامی عاشقانِ رسول نے شرکت کی ۔

شعبہ رابطہ برائےشخصیات کے ذمہ دار فداعلی عطاری نے سنتوں بھرا بیان کیا اور فکرِ آخرت کا ذہن دیتے ہوئے شرکائے اجتماع کو دعوتِ اسلامی کی علمی،دینی وفلاحی خدمات کےحوالےسےبتایا اور ہفتہ وار سنتوں بھرے اجتماع میں شرکت کرنے نیز مدنی مذاکرہ دیکھنے کی ترغیب بھی دلائی ۔(رپوٹ: شعبہ رابطہ برائے شخصیات ڈسٹرکٹ لودہراں، کانٹینٹ:رمضان رضا عطاری) 

دعوتِ اسلامی کے شعبہ رابطہ برائے شخصیات کے  ذمہ داران نے 21 دسمبر 2022ء کو سندھ اسمبلی کا دورہ کیا جہاں اسدُاللہ بھٹو ،ایڈیشنل سیکرٹری ڈاکٹر لیاقت علی بھٹی،ڈپٹی سیکرٹری عبدالرحمن مری اورسیکشن آفیسر انور علی سمو سے ملاقات کی۔

ذمہ دارا ن نے شخصیات کو نیکی کی دعوت دیتے ہوئے انہیں ملک و بیرونِ ملک میں ہونے والےدعوتِ اسلامی کے دینی کاموں کے بارے میں بریفنگ دی نیز انہیں عالمی مدنی مرکز فیضانِ مدینہ کراچی کے وزٹ کرنے کی دعوت دی جس پر شخصیات نے وزٹ کرنے کی اچھی نیت کا اظہار کیا۔

اس کے علاوہ ڈپٹی سیکریٹری صاحب کو مکتبۃُ المدینہ کی مطبوعہ قرآن پاک کی تفسیر ’’صراطُ الجنان ‘‘پڑھنے کی ترغیب دلائی اور اس کی موبائل اپلیکیشن ڈاؤن لوڈ کروائی۔(رپوٹ: شعبہ رابطہ برائے شخصیات عطاری مجلس کراچی، کانٹینٹ:رمضان رضا عطاری)

گزشتہ روز فیضانِ مدینہ سوساں میں دعوتِ اسلامی کے تحت سنتوں بھرا اجتماع ہوا جس میں ایس ۔ایس۔ پی آپریشنز فیصل آباد محمد عبد اللہ نے شرکت کی ، بعد اجتماع دعوتِ اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری سے محمد عبد اللہ نے ملاقات بھی کی ۔

اسکے علاوہ ذمہ داران نے محمد عبد اللہ کو فیضان آن لائن اکیڈمی اور مدنی چینل کی دوسری برانچ دکھائی اور مدنی مذاکرہ کے لئے اپنا سوال ریکارڈ کروایا نیز مکتبۃُ المدینہ کے اسٹال کا وزٹ کیا اور دعوتِ اسلامی کی خدمات کو خوب سراہا۔(رپورٹ: کوآرڈینیشن ڈیپارٹمنٹ میٹرو پولیٹن و ڈویژن فیصل آباد / کانٹینٹ : محمد مصطفیٰ انیس)

دعوتِ اسلامی کے تحت  22دسمبر 2022ءبروز جمعرات رضوی بلڈنگ کراچی میں شعبہ ایچ آر ڈیپارٹمنٹ کا ماہانہ مدنی مشورہ ہوا جس میں اراکین مجلس ایچ آر ڈیپارٹمنٹ اور صوبائی ایچ آر ذمہ داران نے شرکت کی۔

نگرانِ شعبہ ایچ آر ڈیپارٹمنٹ اسد عطاری نے ’’حوصلہ افزائی‘‘ کے موضوع پر سنتوں بھرا بیان کیا اور اسلامی بھائیوں کے 12دینی کاموں کا جائزہ لیتے ہوئے انہیں ماہِ دسمبر میں مدنی قافلے میں سفر کرنے کا ذہن دیا نیز آئندہ سال کے اہداف پیش کئے ۔(رپوٹ: سید محمد رضوان عطاری مدنی ، کانٹینٹ:رمضان رضا عطاری)

23 دسمبر 2022ء کو شعبہ رابطہ برائے شخصیات دعوتِ اسلامی کے ذمہ داران کا سندھ سیکریٹریٹ میں شیڈول  ہوا جہاں مختلف شخصیات سے ملاقاتیں کیں ان میں محمد سلیم جلبانی (senior chief environment P&D department)، محمد خالد خان (additional secretary labour department)، آصف راجپوت(deputy secretary labour department)، شمس الدین شیخ (additional secretary education department)، زین لغاری (deputy secretary education department)، عبدالخالق سومرو(head master govt boys high school) اور محمد خالد(P.S to secretary labour) شامل تھے۔

دورانِ ملاقات ذمہ داران نے دعوتِ اسلامی کا تعارف پیش کیااور انہیں عالمی مدنی مرکز فیضانِ مدینہ کراچی آنے کی دعوت دی جسے قبول کرتے ہوئے سلیم جلبانی اور زین لغاری نے فیضانِ مدینہ وزٹ کرنے کا اردہ ظاہر کیا۔(رپورٹ: شعبہ رابطہ برائے شخصیات کراچی / کانٹینٹ : محمد مصطفیٰ انیس)