پچھلے دنوں منڈی بہاؤالدین  میں رکنِ شوریٰ حاجی محمد اظہر عطاری نے شعبہ رابطہ بالعلماء ڈویژن ذمہ دار محمد ظہیر عباس عطاری مدنی اور ڈسٹرکٹ نگران حاجی رفعت عباس عطاری کے ساتھ ملکر مولانا سید حافظ انور علی چشتی صاحب( امام و خطیب جامع مسجد حنفیہ رضویہ )سے ملاقات کی۔

رکنِ شوریٰ حاجی محمد اظہر عطاری نے عالمی سطح پر ہونے والی دعوتِ اسلامی کی دینی و فلاحی خدمات کے بارے میں معلومات فراہم کیں اور انہیں ماہِ دسمبر 2022ء کا ماہنامہ فیضان ِمدینہ تحفے میں پیش کیا جس پر شاہ صاحب نے دعوتِ اسلامی کی دینی خدمات کو بہت سراہا۔ ( کانٹینٹ:رمضان رضا عطاری)

گزشتہ روز اقبال ٹاؤن لاہور میں شعبہ رابطہ برائے شخصیات دعوتِ اسلامی کے ذمہ داران خواجہ سلیم عطاری اور کامران غازی عطاری نے شہباز دُرّانی (سابق نائب صدر لاہور PPP) سے ملاقات کی ۔

دورانِ ملاقات دعوتِ اسلامی کے دینی کاموں پر تفصیلی تبادلۂ خیال کیا بالخصوص سوشل میڈیا ڈیپارٹمنٹ پر گفتگو ہوئی ، اسکے علاوہ دعوتِ اسلامی کی مختلف اسلامک ایپس کا تعارف کرواتے ہوئے فیضانِ مدینہ جوہر ٹاؤن وزٹ کی دعوت دی اور مکتبۃُ المدینہ کی شائع کردہ کتب تحفے میں پیش کی ۔(رپورٹ: حافظ احتشام الحق عطاری ، کارکردگی ذمہ دار ،شعبہ رابطہ برائے شخصیات ،علامہ اقبال ٹاؤن/زون، ڈسٹرکٹ لاہور ڈویژن / کانٹینٹ : محمد مصطفیٰ انیس) 

21 دسمبر 2022ء بروز بدھ بہاولپور ڈویژن نگران قاری احمد رضا عطاری ، محمد مظفر عطاری اور دیگر ذمہ داران نے پرنس رائل فیملی نواب بہاول خان عباسی سے صادق گڑھ پیلس ، ڈیرہ نواب احمد پور شرقیہ میں ملاقات کی۔

ذمہ داران نے دعوتِ اسلامی کی دینی ، فلاحی و تعلیمی خدمات بیان کیا اور انہیں فیضانِ مدینہ جوہر ٹاؤن وزٹ کرنےکی دعوت پیش کی جسے قبول کرتے ہوئے نواب بہاول خان نے جلد وزٹ کرنے کی یقین دہانی کروائی۔(رپورٹ: شعبہ رابطہ برائے شخصیات بہاولپور ڈویژن / کانٹینٹ : محمد مصطفیٰ انیس)

دعوتِ اسلامی اسلامی کے شعبہ رابطہ بالعلماء کے ذمہ  داران نے گوجرانوالہ میں مرکزی مجلسِ شوریٰ کے رکن حاجی محمد اظہر عطاری کے ہمراہ پیر سید مزّمل عمرکاظمی قادری صاحب سے ملاقات کی ۔

دورانِ گفتگو رکنِ شوریٰ نے سید مزّمل عمرکاظمی صاحب کو احیائے سنت کے سلسلے میں دعوتِ اسلامی کی دینی کاوششوں کے بارے میں معلومات فراہم کیں اور ماہنامہ فیضانِ مدینہ تحفتاً پیش کرتے ہوئے انہیں مدنی مرکز فیضانِ مدینہ وزٹ کرنے کی دعوت دی جس پر انہوں نے خوشی کا اظہار کرتے ہوئے خدماتِ دعوتِ اسلامی کو خوب سراہا۔

اس موقع پر شعبہ رابطہ بالعلماء ڈویژن ذمہ دار محمد ظہیر عباس عطاری مدنی اورڈسٹرکٹ نگران حاجی رفعت عباس عطاری بھی موجود تھے۔( کانٹینٹ:رمضان رضا عطاری)

عاشقانِ رسول کی دینی تحریک  دعوتِ اسلامی کے زیرِ اہتمام ڈسٹرکٹ میرپورخاص تحصیل میرواہ گورچانی میں قائم مدنی مرکز فیضانِ مدینہ میں ٹیچرز میٹ اپ کا انعقاد ہوا جس میں 3اسکولز پرنسپل، 3ہیڈ ماسٹرز اور ہائی اسکولز،مڈل اسکولزاورپرائمری اسکولز کے اساتذہ کی شرکت ہوئی۔

شعبہ تعلیم صوبائی ذمہ دار نے سنتوں بھرا بیان کیا اور فکرِ آخرت کا ذہن دیتے ہوئے اساتذہ کو ہفتہ وار سنتوں بھرے اجتماع میں شرکت کرنے اور مدنی قافلوں میں سفر کرنے کا ذہن دیاجس پر اساتذہ نے نیک خیالات کا اظہار کیا۔

آخر میں تمام اساتذہ سے ملاقات کا سلسلہ رہا اور انہیں امیرِاہل سنت دامت برکاتہم العالیہ کی تحریر کردہ اصلاحی بکس تحفے میں پیش کئے گئے۔(رپوٹ: شعبہ تعلیم نواب شاہ ڈویژن ، کانٹینٹ:رمضان رضا عطاری)

دینی کاموں  کے سلسلے میں شعبہ تعلیم دعوتِ اسلامی کے تحت قائد عوام یونیورسٹی نواب شاہ میں مدنی مشورہ ہوا جس میں ہاسٹل میں پڑھنے والے ذمہ داران سمیت دیگر طلبہ نے شرکت کی۔

ذمہ دار اسلامی بھائی نے ہاسٹل میں دینی کام کرنے کے بارے میں ذہن دیتے ہوئے ہفتہ وارسنتوں بھرے اجتماع میں شرکت کرنے اور مدنی مذاکرہ دیکھنے کی ترغیب دلائی نیز ہاسٹل میں دینی کام کو مزید بڑھانے کے لئے تقرری بھی کی۔ ساتھ ساتھ 12 دن کے مدنی قافلے میں سفر کرنے کی دعوت دی اور رہائشی کمروں میں درس دینے کا ہدف دیا۔(رپوٹ: شعبہ تعلیم نواب شاھ ڈویژن ، کانٹینٹ:رمضان رضا عطاری)

دعوتِ اسلامی کے شعبہ تعلیم  کے تحت تحصیل دادو کے ایک اسکول میں سیکھنے سکھانے کے حلقے کا انعقاد ہوا جس میں طلبہ واساتذہ نے شرکت کی ۔

اس موقع پر ذمہ داراسلامی بھائی نے سنتوں بھرا بیان کیا اور نیکی کی دعوت دیتے ہوئے طلبہ اور اساتذہ کو نماز کے بارے میں بنیادی معلومات حاصل کرنے کے لئے 12دن کے مدنی قافلے میں سفر کرنے کا ذہن دیا جس پر 16 اسٹوڈینٹس نے ہاتھوں ہاتھ سفر کرنے کی اچھی نیت پیش کی۔( کانٹینٹ:رمضان رضا عطاری)

19 دسمبر 2022ء بروز پیر شعبہ فیضان آن لائن اکیڈمی کے تحت حیدرآباد  میں ڈویژن اور برانچ سطح کے تمام ذمہ داران کا ڈویژن نگران مولانا عابد حسین عطاری مدنی نے برانچ کلاتھ مارکیٹ میں مدنی مشورہ کیا۔

جس میں ڈویژن نگران نے تعلیمی کیفیت کو بہتر بنانے، طلباکی طرف سے آنے والی کمپلین پر گرفت کرنے اور ناظمین کا طلباسے رابطہ بہتر بنانے کے حوالے سے تربیت کی۔

نیز 4 جنوری 2023ء کو ہونے والے حیدرآباد ڈویژن کے سہ ماہی اجتماع کی تیاری کے حوالے سے مشورہ کرتے ہوئے اسکے متعلق انتظامات کی مختلف امور پر ذمہ داران کی ذمہ داری مقرر کی۔(رپورٹ: شعبہ فیضان آن لائن اکیڈمی ،حیدرآباد / کانٹینٹ: محمد مصطفیٰ انیس) 

پچھلے دنوں دعوت اسلامی کے شعبہ فیضان آن لائن اکیڈمی کے زیرِ اہتمام حیدرآباد میں قائم  برانچ کلاتھ مارکیٹ میں عطاری شفٹ کے تمام مدرسین کے درمیان مدنی مشورہ ہوا۔

اس مدنی مشورے میں حیدرآباد ڈویژن ذمہ دار عابد حسین عطاری مدنی نے دینی کاموں کا فالواپ لیتے ہوئے 12 دینی کاموں سمیت مدرسین کے مسائل پر تبادلہ خیال کیا۔

نیز ڈویژن ذمہ دار نے مختلف موضوعات پر گفتگو کرتے ہوئے مدرسین کو آئندہ کے اہداف دیئے جس پر مدرسین نے اچھی اچھی نیتوں کا اظہار کیا۔(رپورٹ: شعبہ فیضان آن لائن اکیڈمی ،حیدرآباد / کانٹینٹ: محمد مصطفیٰ انیس) 

20دسمبر 2022ء کو عالمی مدنی مرکز فیضانِ مدینہ کراچی میں قائم شعبہ فیضانِ آن لائن اکیڈمی میں رکن مجلس غلام الیاس عطاری مدنی اور کراچی سٹی ذمہ دار تبریز حسین عطاری مدنی نے کراچی سٹی کے تمام شفٹ ناظمین کا مدنی مشورہ کیا۔

اس مدنی مشورے میں تنظیمی ذمہ داری لینے، زیادہ سے زیادہ مدنی کام کرنے اور تعلیمی امور میں بہتری لانے کے حوالے سے ذہن سازی کی نیز 3 جنوری 2023ء کو ہونے والے تربیتی اجتماع کے حوالے سے بھی تربیت کی اور سابقہ کارکردگی کا جائزہ لیتے ہوئے اچھی کارکردگی پر اسلامی بھائیوں کو تحائف بھی پیش کئے ۔ (رپورٹ: شعبہ فیضان آن لائن اکیڈمی/ کانٹینٹ: محمد مصطفیٰ انیس) 

22 دسمبر 2022ء بروزجمعرات فیضانِ مدینہ سوساں روڈ فیصل آباد میں دعوتِ اسلامی کے تحت  ہفتہ وار سنتوں بھرا اجتماع ہوا جس میں بچے ، نوجوان اور بزرگ اسلامی بھائیوں نے شرکت کی ۔

نگرانِ پاکستان حاجی محمد شاہد عطاری نے حاضرین سے ”سورہ رحمٰن کی عظیم شان “ پر گفتگو کی اور حاضرین کی دینی و اخلاقی اعتبار سے تربیت کرتے ہوئے انہیں دینِ اسلام کی باتیں سیکھائیں اور اپنے نفس کی اصلاح کرنے کا ذہن دیا جس پر حاضرین نے اچھی اچھی نیتیں کیں۔(رپورٹ: عبدالخالق عطاری ، نیوز فالو اپ ذمہ دار نگران پاکستان مشاورت آفس/ کانٹینٹ: محمد مصطفیٰ انیس) 

گزشتہ روز مدنی مرکز فیضانِ مدینہ فیصل آباد میں نگران پاکستان مشاورت و مرکزی مجلسِ شوریٰ کے رکن حاجی محمد شاہد عطاری  نے شعبہ ائمہ مساجد اور فنانس ڈیپارٹمنٹ کے اسلامی بھائیوں کا مدنی مشورہ کیا۔

اس مدنی مشورے میں شعبہ آئمہ مساجد کے متعلقہ رکنِ شوریٰ حاجی محمد عقیل عطاری ، نگرانِ مجلس و ذمہ داران اور فنانس ڈیپارٹمنٹ کے اسلامی بھائیوں نے شرکت کی ۔

نگرانِ پاکستان مشاورت نے شعبے کی سابقہ کارکردگی کا جائزہ لیتے ہوئے اپنے قیمتی مدنی پھولوں سے نوازا نیز شعبہ آئمہ مساجد کا تعارف بھی کروایا اور نیز شعبہ آئمہ مساجد کس طرح کام کرتا ہے اس کے بارے میں بھی بتایا جبکہ مدنی مشورے کے آخر میں اسلامی بھائیوں نے نگران پاکستان مشاورت سے ملاقاتیں بھی کیں۔ (رپورٹ: عبدالخالق عطاری ، نیوز فالو اپ ذمہ دار نگران پاکستان مشاورت آفس/ کانٹینٹ: محمد مصطفیٰ انیس)