دعوتِ اسلامی کے شعبہ مدنی کورسز کے تحت پچھلے دنوں کھوڑا شریف تحصیل گمبٹ میں ’’رہائشی فیضانِ نماز کورس‘‘ کا انعقاد کیا گیا جس میں شرکا کو نماز کے شرائط و فرائض سمیت دیگر اہم مسائل سکھائے گئے۔

30 دسمبر 2021ء بروز جمعرات اس کورس کے اختتام پر ایک نشست کا اہتمام کیا گیا جس میں شرکائے کورس سمیت دعوتِ اسلامی کے ذمہ داران نے شرکت کی۔

اس موقع پر رکنِ زون شعبہ مدنی کورسز جنید رضاعطاری مدنی نے ’’علم دین کے فضائل‘‘ کے موضوع پر سنتوں بھرا بیان کرتے ہوئے کورس میں شریک اسلامی بھائیوں کو جامعۃ المدینہ بوائز میں داخلہ لینے اور دعوتِ اسلامی کے 12 دینی کاموں میں عملی طور پر شرکت کرنے کا ذہن دیا جس پر انہوں نے اچھی اچھی نیتوں کا اظہار کیا۔ (رپورٹ:شعبہ مدنی کورسز، کانٹینٹ:غیاث الدین عطاری)

قرآن مجید کی روشنی میں:

(1)صداقت صدیق اکبر کی جانب قرآن پاک کا اشارہ: قرآن حکیم کی سورۃ الزمر میں اللہ پاک نے حضرت سیدنا صدیق اکبر رضی اللہ عنہ کی شان میں ارشادفرمایا:وَ الَّذِیْ جَآءَ بِالصِّدْقِ وَ صَدَّقَ بِهٖۤ اُولٰٓىٕكَ هُمُ الْمُتَّقُوْنَ(۳۳)اور وہ جویہ سچ لے کر تشریف لائے اور وہ جنہوں نے ان کی تصدیق کی یہی ڈروالے ہیں ۔(پ 24،الزمر:33)

اس آیت کی تشریح و توضیح میں حضرت سید ناعلی المرتضی رضی اللہ عنہ فرماتے ہیں:والذي جاء بالحق محمد وصدق به ابوبكر الصديق”وہ جوحق یعنی دین اسلام لے کر آئے حضرت محمد صلی اللہ علیہ وسلم ہیں اور جنہوں نےان کی تصدیق کی وہ ابو بکر صدیق ہیں‘‘۔

حضرت علی المرتضی رضی اللہ عنہ برسرمنبرعلی الاعلان حضرت سیدنا صدیق اکبر رضی اللہ عنہ کے مقام صدیقیت کا تذکرہ فرماتے تھے۔ چنانچہ ابویحیی کہتے ہیں: لاَ أُحْصِى كَم سَمِعْت عـليـا يـقـول عَلَى الْمِنْبَرِ : إنَّ اللَّهَ سَمَّى ابوبکر على لسان نبيه صديقاً۔ ”میں نے بار ہا حضرت علی رضی اللہ عنہ کومنبر پر یہ فرماتے سنا ہے کہ اللہ پاک نے اپنے رسول صلی اللہ علیہ وسلم کی زبان سے حضرت ابوبکر رضی اللہ عنہ کا نام صدیق رکھا‘‘۔

یونہی حکیم بن سعد روایت کرتے ہیں کہ میں نے حضرت علی رضی اللہ عنہ کو ایک بار قسم اٹھا کریہ فرماتے ہوئے سنا:أَنْزَلَ اللَّهُ اسْمُ أَبِي بَكْرٍ مِنْ السَّمَاءِ الصِّدِّيق’’اللہ پاک نے حضرت ابوبکر صدیق رضی اللہ عنہ کانام صدیق آسمان سے نازل فرمایا ہے۔

شان صدیق اکبر رضی اللہ عنہ بزبان فتح خیبر رضی اللہ عنہ ازقلم حافظ محمدعطاءالرحمن رضوی صفحہ نمبر 9 مکتبہ اعلی حضرت حدیث کی روشنی میں:

(1)عن الشعبي عن علی رضی الله عنہ عَنِ الشَّعْبِيِّ ، عَنِ الْحَارِثِ ، عَنْ عَلِيٍّ ، عَنِ النَّبِيِّ صَلَّى اللَّهُ عَلَيْهِ وَسَلَّمَ، قَالَ : " أَبُو بَكْرٍ، وَعُمَرُ سَيِّدَا كُهُولِ أَهْلِ الْجَنَّةِ مِنَ الْأَوَّلِينَ وَالْآخِرِينَ، مَا خَلَا النَّبِيِّينَ وَالْمُرْسَلِينَ، لَا تُخْبِرْهُمَا يَا عَلِيُّ اخرجه في كشف الاستار عن زوائد البزار

امام شعبی مولی علی رضی اللہ عنہ سے راوی کہ حضور نبی کریم علیہ افضل الصلوۃ والتسلیم نے ارشاد فرمایا''ابوبکروعمر انبیاء و مرسلین کے اور تمام اگلے پچھلے جنتی بوڑھوں کے سردار ہیں ۔اے علی! آپ ان کو اس بات سے باخبر نہ کیجئے گا۔ اس کو کشف الاستارعن زوائد البزار میں روایت کیا۔( کشف الاستارعن زوائد البزار : 2492، مناقب ابی بکر الصدیق رضی اللہ عنہ )

افضلیت صدیق اکبر رضی اللہ عنہ مصنف محمد ہاشم ٹھٹوی سندھی رحمۃ اللہ علیہ صفحہ نمبر 198میں امام احمد رضا خان رحمۃ اللہ علیہ حدیث کی طرف اشارہ کرتے ہوئے لکھتے ہیں: فرماتے ہیں ۔( شان صدیق اکبر بزبان فتح خیبر، ص11)

یہ دونوں ہیں سردار دو جہاں

اے مرتضی عتیق و عمر کو خبر نہ ہو

حضرت علی شیر خدا نے خبر غیب دیتے ہوئے فرمایا :جو مجھے ابوبکر وعمر سے افضل کہے گا میں ایسے شخص کو کوڑے لگا کر دردناک سزادوں گا۔ عنقریب آخر زمانہ میں ایسے لوگ ہوں گے جو ہماری محبت کا دعوی کر یں گے۔(والتشيع فينا)

اور ہمارے گروہ میں ہونا ظاہر کر یں گے دولوگ اللہ پاک کے شریربندوں میں سے ہیں جو ابوبکر وعمر کو برا کہتے ہیں۔(شان صدیق اکبر بزبان فتح خیبر عطاء الرحمن رضوی، ص: 30)

دعوتِ  اسلامی کےزیراہتمام دسمبر 2021 کے تیسرے ہفتے جرمنی میں دو مقامات پربذریعہ انٹر نیٹ سنتوں بھرے اجتماعات کا انعقاد کیا گیا جس میں فرینکفرٹ(Frankfurt) ڈیٹزن باخ (Dietzenbach) اور کوبلنز(Koblenz) کی تقریباً 26 اسلامی بہنوں نے شرکت کی اور اوفن باخ (offenbach)میں فیس ٹو فیس اجتماع ہواجس میں 13 اسلامی بہنوں نے شرکت کی۔

مبلغات دعوتِ اسلامی نے ’’ سیرتِ حضرت ابراہیم علیہ السلام‘‘ کے موضوع پر سنتوں بھرے بیانات کئے جس میں انہوں نے حضرت ابراہیم علیہ السلام کی پیدائش کا واقعہ، تعمیر کعبہ اور مقامِ ابرہیم کے بارے میں اہم معلومات فراہم کیں نیز اسلامی بہنوں کو باقاعدگی سے ہفتہ وار سنتوں بھرے اجتماع میں شرکت کرنے اور رسالہ نیک اعمال میں موجود خانے پُر کرنے کا ذہن بھی دیا۔

پیارے پیارے اسلامی بھائیو یقیناً صحابہ کرام علیہم الرضوان کا مقام و مرتبہ ساری امت سے افضل واعلیٰ ہے۔ اب قیامت تک چاہے کوئی کتنی ہی عبادت وریاضت کرے، ان کے برابر نہیں ہوسکتا۔  یہ شان ہر صحابی کوحاصل ہے تو پھر ذرا سوچئے کہ امام الصحابہ حضرت سیدنا ابوبکر صدیق اکبر رضی اللہ عنہ کے برابرکون ہوسکتا ہے؟ جنہوں نے مردوں میں سب سے پہلے اسلام قبول کیا۔ پھر دعوت اسلام کی راہ میں آنے والی مشکلات کو خندہ پیشانی سے برداشت کیا۔ سفر ہجرت میں سرکار دو عالم صلی اللہ علیہ وسلم کی رفاقت و معیت کا شرف حاصل کیا۔

صداقت صدیق اکبر کی جانب قرآن پاک کا اشارہ:

قرآن حکیم کی سورۃ الزمر میں اللہ پاک نے حضرت سیدنا صدیق اکبر رضی اللہ عنہ کی شان میں ارشاد فرمایا:وَ الَّذِیْ جَآءَ بِالصِّدْقِ وَ صَدَّقَ بِهٖۤ اُولٰٓىٕكَ هُمُ الْمُتَّقُوْنَ(۳۳)ترجمہ کنز العرفان: اور وہ جو یہ سچ لے کر تشریف لائے اور وہ جس نے ان کی تصدیق کی یہی پرہیزگار ہیں۔(پ 24،الزمر:33)

اس آیت کی تشریح و توضیح میں حضرت سیدناعلی المرتضی رضی اللہ عنہ فرماتے ہیں: والذي جاء بالحق محمد وصدق به ابوبكر الصديق ترجمہ:وہ جو حق یعنی دین اسلام لے کر آئے حضرت محمد صلی اللہ علیہ وسلم ہیں اور جنہوں نےان کی تصدیق کی وہ ابو بکر صدیق ہیں ۔

شان غار یار احادیث مبارکہ سے:

حضرت سیدنا صدیق رضی اللہ عنہ کی شان میں وارد ہونے والی احادیث پاک کی تعدادتقریبا 316 ہے۔ یہاں پر موضوع کی مناسبت سے ہم صرف وہی احادیث پاک نقل کر رہے ہیں جو حضرت علی المرتضی رضی اللہ عنہ کی بیان کردہ ہیں ۔

اہل جنت کے سردار:

(1) حدیث پاک میں ہے کہ حضرت علی رضی اللہ عنہ فرماتے ہیں کہ میں نبی کریم صلی اللہ علیہ وسلم کے ہمراہ تھا تو حضرت ابوبکر صدیق و فاروق رضی اللہ عنہما اچانک آتے نظر آئے تو نبی کریم صلی اللہ علیہ وسلم نے ان کے بارے میں فرمایا:هذان سيدا كهول أهل الجنة من الأولين والآخرين إلّا النّبيين والمرسلين لا تخبرهما يا عليّترجمہ: یہ دونوں نبیوں اور رسولوں کے سوا سب اولین و آخرین ادھیڑ عمر جنتیوں کے سردار ہیں۔ اے علی ! تم انہیں نہ بتانا۔کلام الامام امام کلام ، امام احمد رضا خان ، اس حدیث پاک کی طرف اشارہ کرتے ہوئے لکھتے ہیں:

فرماتے ہیں یہ دونوں ہیں سردار دوجہاں

اے مرتضی عتیق و عمر کو خبر نہ ہو

دعائے مصطفیٰ صلی اللہ علیہ وسلم:

(2) حضرت علی المرتضی روایت کرتے ہیں کہ رسول اللہ صلی اللہ علیہ وسلم نے فرمایا:

رحم الله ابابكر زوجنى بنته، و حملني إلى دار الهجرة واعتق بلالاً من ماله،ترجمہ:اللہ پاک ابوبکر پر رحم فرمائے کہ انہوں نے اپنی بیٹی کا نکاح مجھ سے کیا، اور دارالہجرت یعنی مدینہ تک پہنچایا اور اپنے مال سے بلال کو آزاد کروایا۔

اللہ کو سب سے پیارے صدیق اکبر:(3)حضرت علی شیر خدا رضی اللہ عنہ ایک مرتبہ حضرت ابوبکر صدیق ان کے پاس سے گزرےاس حالت میں کہ حضرت ابو بکر رضی اللہ عنہ پر صرف ایک کپڑا تھا۔ یہ عالم دیکھ کر حضرت علی المرتضی رضی اللہ عنہ نے فرمایا: ما احد لقى الله بصحيفة أحب من هذا المسجى،ترجمہ: کوئی صحیفہ والا اللہ کواتنا محبوب نہیں جتنا یہ ایک کپڑے والا اس کومحبوب ہے۔

اسی کوڑوں کی سزا:(4) حضرت علی شیر خدا نے اعلان فرمایا:لا يفضلني أحد على ابی بکر و عمر إلا جلدته حد المفتریترجمہ: جو شخص بھی مجھے ابوبکر وعمر پرفضیلت دے گا۔ میں اس کو مفتری کی سزا ( اسی کوڑے) لگاؤں گا۔

سب سے بڑے بہادر ،سیدنا صدیق اکبر:

ایک مرتبہ حضرت علی رضی اللہ عنہ نے لوگوں سے دریافت کیا : بتاؤ کہ سب سے زیادہ بہادرکون ہے؟ حاضرین نے جواب دیا: کہ آپ سب سے زیادہ بہادر ہیں ۔ آپ نے فرمایا:میں تو ہمیشہ اپنے برابر کے جوڑ سے لڑتا ہوں پھر میں سب سے بہادر کیسے ہوا؟ تم یہ بتاؤ کہ سب سے زیادہ بہادر کون ہے؟ لوگوں نے کہا: جناب ہمیں نہیں معلوم آپ ہی ارشادفرمائیں ۔ جواباً حضرت علی رضی اللہ عنہ نے فرمایا کہ سب سے زیادہ بہادر (اشجع الناس ) حضرت ابوبکر رضی اللہ عنہ ہیں ۔سنو! جنگ بدر میں ہم نے رسول خدا صلی اللہ علیہ وسلم کیلئے ایک سائبان بنایا۔ ہم نےآپس میں مشورہ کیا کہ ( اس سائبان کے نیچے) رسول اللہ صلی اللہ علیہ وسلم کے ساتھ کون رہے گا۔ کہیں ایسا نہ ہو کہ کوئی مشرک رسول اللہ صلی اللہ علیہ وسلم پر حملہ کر دے۔ خدا کی قسم ! ہم میں سے کوئی بھی آگےنہیں بڑھا تھا کہ اتنے میں حضرت ابو بکر صدیق رضی اللہ عنہ شمشیر برہنہ ہاتھ میں لے کر رسول اللہ صلی اللہ علیہ وسلم کے پاس کھڑے ہو گئے اور پھر کسی مشرک کو آپ کے پاس آنے کی جرات نہ ہوسکی۔اگر کسی نے ایسی جرات کی بھی تو آپ فورا اس پر ٹوٹ پڑے۔اس لئے آپ ہی سب سےزیادہ بہادر تھے۔

شیر خدا نے اس کو کہا اشجع الناس

کیا اس سے بڑھ کے اس کی شجاعت کی ہو سند

اس کے ثبات و عزم پر قربان جائیے

دین مبیں پہ آنے نہ دی جس نے کوئی زد

(بحوالہ شان صدیق اکبر بزبان فاتح خیبر)

دعوتِ اسلامی کے شعبہ کفن دفن کے زیرِ اہتمام 30 دسمبر 2021ء بروز جمعرات پاکستان کے شہر پنوعاقل ضلع سکھر میں کفن دفن کورس کا انعقاد کیا گیا جس میں علاقے کے تاجران اور ائمہ ٔ کرام سمیت دیگر اسلامی بھائیوں نے شرکت کی۔

اس دوران مبلغِ دعوتِ اسلامی نے شرکائے کورس کو غسلِ میت دینے، کفن کاٹنے اور پہنانے کا طریقہ بتایا نیز نمازِ جنازے کا مکمل طریقہ بھی سکھایا۔(رپورٹ:محمد اقبال عطاری شعبہ كفن دفن، کانٹینٹ:غیاث الدین عطاری)

صحابۂ کرام علیہمُ الرّضوان کے مابین محبّت و الفت کی بہت پیاری فضا تھی، اسی کا ایک مظہر خلیفۂ اوّل حضرت سیدنا ابوبکر صدّیق رضی اللہُ عنہ اور خلیفہ ٔ چہارم حضرت سیّدنا علیُّ المرتضیٰ رضی اللہُ عنہ کے درمیان محبت کا رشتہ تھا اس کا اندازہ اس بات سے لگایا جاسکتا ہے کہ حضرت سیدنا علیُّ المرتضیٰ رضی اللہُ عنہ کئی مواقع پر شانِ صدّیقِ اکبر بیان فرمایا کرتے تھے جیسا کہ ایک موقع پر حضرت علی رضی اللہُ عنہ حضرت ابوبکر صدیق رضی اللہُ عنہ کی بہادری کے بارے میں فرماتے ہیں:

بدر کے روز ہم نے حضورِ اکرم صلَّی اللہ علیہ واٰلہٖ وسلَّم کی خدمت اور حفاظت کے لئے سائبان بنایا، ہم میں سے کوئی بھی آگے نہ بڑھا سوائے حضرت ابو بکر صدیق رضی اللہُ عنہ کے جوننگی تلوار لئے حضور نبیِّ کریم صلَّی اللہ علیہ واٰلہٖ وسلَّم کے پاس کھڑے ہو گئے اور کوئی کافر آپ صلَّی اللہ علیہ واٰلہٖ وسلَّم کے قریب نہ پھٹکا اسی لئے ہم میں سب سے زیادہ بہادر حضرت سیدنا ابوبکر صدیق رضی اللہُ عنہ ہیں۔ ( کنز العمال، 6/235،حدیث:35685 ملخصاً)

حضرت علی رضی اللہُ عنہ حضرت ابوبکر صدیق رضی اللہُ عنہ کے جذبہ ٔ ایمان کے بارے میں فرماتے ہیں:خدا کی قسم حضرت ابوبکر صدیق رضی اللہُ عنہ کی حیاتِ طیّبہ کا ایک لمحہ آلِ فرعون کے مؤمن جیسے شخص کے ہزاروں لمحات سے بہتر ہے۔ ارے وہ شخص (آل فرعون کا مؤمن) تو اپنے ایمان کو چھپایا کرتا تھا اور یہ پاکیزہ ہستی اپنے ایمان کا علانیہ اظہار کرتی تھی۔

( مسند البزار،3/15،حدیث:761 ملخصاً)

دینی اور دنیاوی معاملات میں بھی حضرت علی رضی اللہُ عنہ حضرت ابوبکر صدیق رضی اللہُ عنہ کو فوقیت دیتے تھے چنانچہ فرماتے ہیں کہ حضور نبیِّ کریم صلَّی اللہ علیہ واٰلہٖ وسلَّم نے حضرت ابوبکر صدیق رضی اللہُ عنہ کو لوگوں کی امامت کا حکم دیا جبکہ میں اس وقت موجود تھا اور بیمار بھی نہیں تھا، ہم دنیاوی امور کے لئے اس شخصیت کے انتخاب پر راضی ہوگئےجس پر حضور نبیِّ کریم صلَّی اللہ علیہ واٰلہٖ وسلَّم نے ہمارے لئے دینی امور میں رضا مندی کا اظہار فرمایا۔

(کنز العمال،6/230،حدیث:35665)

جب خلافت کی بات آئی تو حضرت سیدنا علیُّ المرتضیٰ رضی اللہُ عنہ نے واضح طور پر ارشاد فرمایا:غور سے سُن لو! ہم نے حضرت ابوبکر صدیق رضی اللہُ عنہ کو ہی خلافت کا اہل سمجھا ہے۔

(المستدرک4/27،حدیث:4519ملخصاً)

شیرِ خدا کے بیٹے حضرت سیدنا محمد بن حنفیہ رضی اللہُ عنہ فرماتے ہیں کہ میں نے اپنے والد گرامی سے پوچھا: نبیِّ کریم صلَّی اللہ علیہ واٰلہٖ وسلَّم کے بعد لوگوں میں سب سے افضل کون ہے ارشاد فرمایا :ابوبکر رضی اللہُ عنہ۔ (بخاری،2/522،حدیث:3671)

ظاہر ہے کہ کسی کی محبت دل میں ہو تو ہی تعریف کی جاتی ہے اور ان پاک ہستیوں سے تو جھوٹی تعریف کا گمان ہی نہیں کیا جا سکتا لہٰذا ان تمام فرامینِ شیرِ خدا سے واضح ہوتا ہے کہ حضرت سیّدنا علیُّ المرتضیٰ کو حضرت سیّدنا صدیق اکبر سے بےپناہ محبت تھی جو حضرت صدّیقِ اکبر کی شان بیان کرنے پر ابھارتی تھی۔ رضی اللہُ عنہما

اللہ پاک ہمیں ان دونوں ہستیوں اور تمام صحابہ واہلِ بیت کی پکی سچی محبت عطا فرمائے۔

اٰمِیْن بِجَاہِ خَاتَمِ النَّبِیّٖن صلَّی اللہ علیہ واٰلہٖ وسلَّم

دعوتِ اسلامی کے شعبہ علاقائی دورہ (اسلامی بہنیں) کے زیر اہتمام 25 دسمبر 2021ء کو دہلی ریجن جموں زون کے شہر پونچھ،راجوری اور بھٹھنڈی میں 19 مختلف مقامات پر علاقائی دوروں کا سلسلہ ہوا جن میں کم و بیش 60 اسلامی بہنوں نے شرکت کی۔

ذمہ دار اسلامی بہنوں نے مقامی اسلامی بہنوں کےہمراہ گھر گھر جا کر علاقائی دورہ کیا جس میں اسلامی بہنوں کو ہفتہ وار سنتوں بھرے اجتماع میں شرکت کرنے کی دعوت دی۔

گزشتہ دنوں ڈونیشن سیل ڈیپارٹمنٹ دعوتِ اسلامی کے تحت ریجن ذمہ دار شکیل عطاری نے دینی کاموں کے سلسلے میں کوٹ رادھا کشن کا دورہ کیا جہاں انہوں نے ڈونیشن کاؤنٹر زکا وزٹ کیا۔

اس دوران ریجن ذمہ دار نے کاؤنٹرز ذمہ داران سے گفتگو کرتے ہوئےعطیات بڑھانے کے حوالے سے مدنی پھول دیئے نیز مینول و سافٹ ویئر کے نظام کے بارے میں بتایا۔اس کے علاوہ ذمہ دار نے دعوتِ اسلامی کے 12 کاموں میں شمولیت اختیار کرنے کا ذہن بھی دیا۔

اسی طرح رکنِ زون جنوبی لاہور غلام جیلانی عطاری نے دینی کاموں کے سلسلے میں جوہر ٹاؤن کابینہ کے بستے کا وزٹ کیاجہاں انہوں نے ذمہ دار اسلامی بھائیوں سے شعبے کے متعلق گفتگو کرتے ہوئے 12 دینی کاموں اور رسالہ مطالعہ کارکردگی کا جائزہ لیا۔(رپورٹ:عبدالرحمٰن حسن عطاری ڈونیشن سیل ڈیپارٹمنٹ سپروائزر، کانٹینٹ:غیاث الدین عطاری) 

پچھلے دنوں شعبہ اسلامی بھائیوں کے مدرسۃ المدینہ دعوتِ اسلامی کے تحت قصور کابینہ میں قائم جامع مسجد تاج میں  مدنی مشورے کا انعقاد ہوا جس میں رات کے ناظمین نےشرکت کی۔

اس دوران ضلع ذمہ دارصغیر عطاری نے مساجد کے مدارس اور نئےمدرسین کے حوالے سے اہم امور پر گفتگو کرتےہوئے دعوتِ اسلامی کے 12 دینی کاموں کو بڑھانے کا ذہن دیا جس پر ناظمین نے اچھی اچھی نیتوں کا اظہار کیا۔اس مدنی مشورے میں قصور تحصیل کے ذمہ دار علی رضا عطاری سمیت دیگر ذمہ داران بھی موجود تھے۔(رپورٹ:شعبہ اسلامی بھائیوں کے مدرسۃ المدینہ، کانٹینٹ:غیاث الدین عطاری)

کُتُب بینی یا مطالعہ کا شوق انسا ن کو کبھی تنہا نہیں کرتا کیونکہ کتاب انسان کی بہترین دوست ہے جو تنہائی کی وحشت میں لذت وصال کا کام دیتی ہے۔اسی لئے ہر دور میں مطالعۂ کُتُب ہر صاحبِ علم حضرات کا بہترین مشغلہ رہا ہے۔

اسی سلسلے میں آئی ٹی ڈیپارٹمنٹ دعوت اسلامی نے بھی اس کُتُب بینی کے مشغلے کو اسلامی مطالعۂ کُتُب سانچے میں ڈھال کر المدینہ لائبریری ویب بیس سافٹ ویئر متعارف کروایا ہے۔اس سافٹ ویئر میں اہل ِعلم حضرات اور طالبِ علم کے ذوق کے پیش نظر کتابوں کو مختلف اسلامی موضوعات کے تحت رکھا گیا ہےنیز ہر موضوع سے متعلق اسلامک ریسرچ سینٹر دعوت اسلامی (المدینۃ العلمیہ) کی پیش کردہ کتابوں کو حروف تہجی کےمطابق ترتیب وار پیش کیاگیا ہے۔

سینکڑوں کُتُب پر مشتمل اردو زبان میں پہلا ویب بیس سافٹ ویئر کی سب سے بڑی خوبی اس کا سرچنگ آپشن ہے جہاں آپ کسی بھی اسلامی موضوع پر نا صرف کتاب سرچ کرسکتے ہیں بلکہ کسی بھی موضوع سے متعلق کوئی لفظ بھی سرچ کریں تو بےشمار الفاظ کا ذخیرہ آپ کے مطلوبہ سرچ کے ساتھ سیکنڈوں میں ظاہر ہوجائےگا۔

واعظین، خطبا، علمائے کرام، طلبۂ کرام نیز مدرسین کے لئے بھی اب موبائل کے ذریعے اس سافٹ ویئر کا استعمال کرنا آسان ہوگیا ہے۔گوگل پر جاکر www.dawateislami.net/bookslibraryلکھ کر علمی خزانے سے خود بھی مستفید ہویں اور دیگر عاشقانِ رسول کو بھی اس کارِ خیر کی دعوت دیں۔(رپورٹ:نعمان عطاری شعبہ آئی ٹی، ویب ڈیسک رائٹر:غیاث الدین عطاری)

دعوتِ اسلامی کے تحت  29نومبر بروز بدھ پاکستان مجلس مشاورت نگران نے پاک سطح شعبہ ذمہ داران کے ساتھ بذریعہ انٹرنیٹ مدنی مشورہ کیا۔ ”نئی تنظیمی پالیسی کے حوالے سے ذمہ داران کی تقرریاں کیسے کی جائیں، فعال اسلامی بہنوں کو آگے لایا جائے“ اس حوالے سے تربیت فرمائی ۔ 

دعوتِ اسلامی کے تحت  28 نومبر 2021 ءبروز منگل پاکستان مجلس مشاورت نگران نے راولپنڈی اڈیالہ میں قائم دارالسنہ میں کورس کرنے والی اسلامی بہنوں کے درمیان ” ریاکاری “کے موضوع پر بیان کرنے کی سعادت حاصل کی ۔ اسلامی بہنوں کو آٹھ دینی کام کرنے کی ترغیب دلائی ۔