11 دسمبر 2021ء کو دعوت اسلامی کے نگران ریجن برمنگھم یوکے حاجی سید فضیل رضا عطاری نے بریمپٹن، اونٹاریو کینیڈا میں (Brampton, Ontario Canada) کینیڈا کے نگران عابد عطاری، ذمہ دار اسلامی بھائی عبد القادر عطاری اور دیگر اسلامی بھائیوں سے ملاقات کی۔

ملاقات میں دینی کاموں کے حوالے سے گفتگو کرتے ہوئے آئندہ کے اہداف طے کئے گئے۔

اولیائے کرام کے مزارات کی زیارت کرنا باعث خیروبرکت اور اُن کے وسیلے سے دعائیں مانگنا قبولیت کا سبب ہے۔اسی سلسلے میں 11دسمبر 2021ء بروز ہفتہ مرکزی مجلسِ شوریٰ کے رکن حاجی محمد امین عطاری نے دیگر ذمہ داران کے ہمراہ صوبۂ سندھ پاکستان کے شہر سیہون شریف ضلع جامشورو میں واقع سیّدنا لعل شہباز قلندر رحمۃاللہ علیہ کے مزار پر حاضری دی۔رکنِ شوریٰ نے مزار شریف پر فاتحہ خوانی اور دعا کا اہتمام بھی کیا۔(کانٹینٹ:غیاث الدین)

دعوت اسلامی کے ماہانہ اسلامی میگیزین ”ماہنامہ فیضان مدینہ“ کے نگران مولانا مہروز عطاری مدنی نے 12 دسمبر 2021ء کو لاہور میں ڈاکٹر وسیم احمد خان عطاری سے ملاقات کی۔

مولانا مہروز عطاری مدنی نے انہیں ماہنامہ فیضان مدینہ کا تعارف پیش کیا اور دعوت اسلامی کے دینی کاموں میں حصہ ملانے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: محمد فاروق عطاری، شعبہ تقسیم رسائل لاہور)

گزشتہ دنوں دعوتِ اسلامی کے تحت اطراف وزیرِ آباد میں  شعبہ عشر اورشعبہ اسلامی بھائیوں کے مدرسۃ المدینہ کے ذمہ داراسلامی بھائیوں کا مدنی مشورہ منعقد ہوا جس میں اہم ذمہ داران نے شرکت کی۔

اس مدنی مشورے میں نگرانِ کابینہ محمد امتیاز عطاری نے ذمہ داران کی تربیت و رہنمائی کرتے ہوئےمختلف اہم نکات پر گفتگو کی نیز دعوتِ اسلامی کے 12 دینی کاموں میں عملی طور پر حصہ لینے کا ذہن دیا۔

پچھلے دنوں دعوتِ اسلامی کے اسپیشل پرسنز ڈیپارٹمنٹ کے تحت ایک مدنی قافلہ اٹک کے گاؤں شکر درہ میں گیا جہاں انہوں نےمقامی اسلامی بھائیوں کے درمیان  نیکی کی دعوت کا سلسلہ کیا۔

اس دوران دعوتِ اسلامی کے ذمہ داران نے اسپیشل پرسنز کے ہمراہ چوک درس دیتے ہوئے انہیں دعوتِ اسلامی کے ہفتہ وار سنتوں بھرے اجتماع اور مدنی مذاکرے میں شرکت کرنے کی دعوت دی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ،کانٹینٹ:غیاث الدین)

گزشتہ دنوں دعوتِ اسلامی کے تحت پنجاب پاکستان کے شہر پاکپتن میں ہفتہ وار سنتوں بھرے اجتماع کا انعقاد کیا گیا جس اسپیشل پرسنز(گونگے اور بہرے) سمیت مقامی اسلامی بھائیوں نے بھی شرکت کی۔

اس دوران اسپیشل پرسنز کی آسانی کے لئے ہفتہ وار سنتوں بھرے اجتماع کی اشاروں کی زبان میں رکنِ زون ندیم عطاری نے ترجمانی کی۔اجتماع کے اختتام پر نگرانِ شہر حافظ امین عطاری نےاسپیشل پرسنز سے ملاقات کی اور انہیں دعوتِ اسلامی کے تحت راہِ خد میں سفر کرنے والے مدنی قافلوں میں سفر کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ،کانٹینٹ:غیاث الدین)

پنجاب پاکستان کے قصبے گیلے والاضلع لودھراں میں قائم  مدنی مرکز فیضان مدینہ میں پچھلے دنو ں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں اسپیشل پرسنز سمیت مقامی اسلامی بھائیوں نے شرکت کی۔

اس موقع پر اسپیشل پرسنز کی تربیت ورہنمائی کے لئے رکنِ ملتان ریجن عابد عطاری نے اجتماع کی اشاروں کی زبان میں ترجمانی کی نیز انہیں دعوتِ اسلامی کے 12 دینی کاموں میں حصہ لینے کا ذہن دیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ،کانٹینٹ:غیاث الدین)

پچھلے دنوں دعوتِ اسلامی کے شعبہ روحانی علاج کےتحت مدنی مرکز فیضانِ مدینہ فیصل آباد میں مدنی مشورے کا انعقاد ہوا جس میں فیصل آباد ریجن کے اراکین ِزون نے شرکت کی۔

دعوتِ اسلامی کے زیر اہتمام 9 دسمبر 2021ء  کو جڑانوالہ زون، جڑانوالہ کابینہ کی ڈویژن جڑانوالہ کے علاقہ 28 ستیانہ روڈ کے ذیلی حلقے میں محفل نعت کا انعقاد ہواجس میں زون نگران اسلامی بہن نے ’’ بچوں کی تربیت‘‘ کے موضوع سنتوں بھرا بیان کیا۔

اس میں اسلامی بہنوں کو مدنی چینل دیکھنے اور شرعی پردہ کرنے کا ذہن دیتے ہوئے برقع پہننے کی نیتیں کروائی ، پھر دعا اور صلوٰة وسلام پر اختتام ہوا۔ 

دعوتِ اسلامی کے زیر اہتمام 8 دسمبر 2021ء کو جڑانوالہ زون کی ذمہ داراسلامی بہنوں کا مدنی  مشورہ ہوا جس میں کابینہ نگران اور اراکین زون ذمہ داراسلامی بہنوں نے شرکت کی۔

زون ذمہ دار اسلامی بہن نے اسلامی بہنوں کی 8 دینی کاموں کو مضبوط کرنے کے حوالے سے تربیت کی۔ اس کے علاوہ ہفتہ وار سنتوں بھرے اجتماع کےحوالے سے اہم نکات پر کلام کیا جس پر ذمہ داراسلامی بہنوں نے اجتماع پاک کے اہم مدنی پھول کو لکھا ۔

دعوتِ اسلامی کے شعبہ مدرسۃ المدینہ کے زیر اہتمام10 دسمبر2021 ء کو فیصل آباد ریجن میں بذریعہ کال مدنی مشورے کا انعقاد ہوا جس میں ٹوبہ زون اور فیصل آباد زون کی مدرسات نے شرکت کی ۔

اس موقع پر پاکستان ذمہ دار اسلامی بہن نے کلاس کاشیڈول ،تعلیمی تکمیلی شیڈول سمجھایا اور مدرسات کی انداز تدریس میں بہتری لانے کے حوالے سے تربیت کی نیز مدرسات کے تدریسی امتحان کے حوالے سے اہداف لے جس پر مدرسات نے اچھی اچھی نیتیں پیش کیں۔