دعوت اسلامی کے شعبہ تعلیم کے تحت 16دسمبر2021ءکو   نگران شعبہ ذمہ دار اسلامی بہن نے کراچی ریجن کی ذمہ دار اسلامی بہنوں کا بذریعہ کال مدنی مشورہ کیا جس میں رکن ریجن ،اراکین زون ذمہ دار اسلامی بہنوں نے شرکت کی۔

نگران شعبہ تعلیم ذمہ دار اسلامی بہن نے اجلاس میں ماہانہ کارکردگی کا بغور جائزہ لینے کے ساتھ ساتھ کارکردگی جدول و پیشگی جدول و دیگر مدنی پھول بیان کئے گئے نیز شعبے کے دینی کام مزید بڑھانے کی ترغیب دلائی گئی جس پر ذمہ داران نے اچھی اچھی نیتوں کا اظہار کیا ۔ 

پچھلے دنوں دعوتِ اسلامی کے شعبہ رابطہ برائے شخصیات کے تحت  عالمی مدنی مرکز فیضان مدینہ کراچی میں ڈائریکٹر صولڈ ویسٹ ڈسڑکٹ کورنگی سلیم رضا، ڈپٹی ڈائریکٹر صولڈ ویسٹ کورنگی ندیم، ڈپٹی ڈائریکٹر صولڈ ویسٹ شاہ فیصل، نثار احمد، اسسٹنٹ ڈائریکٹر وہیکل پرویز، ڈپٹی ڈائریکٹر وہیکل عرفان، ڈپٹی ڈائریکٹر وہیکل یونس، کوآرڈینیٹر سعد اور اکاؤنٹ آفیسر آصف کی حاضری ہوئی۔

اس موقع پر ذمہ دارانِ دعوت اسلامی نے انہیں دعوتِ اسلامی کی دینی وفلاحی خدمات کے بارے میں بتاتے ہوئے مختلف شعبہ جات کا وزٹ بھی کروایا جس پر انہوں نے دعوت اسلامی کی کاوشوں کو سراہتے ہوئے مدنی چینل کو اپنے تاثرات دئیے۔(رپورٹ:شعبہ رابطہ برائے شخصیات ، کانٹینٹ:غیاث الدین عطاری)

پچھلے دنوں سبی میں 16 دسمبر سانحہ آرمی پبلک اسکول پشاور کے شہدا کے لئے ایصالِ ثواب کا سلسلہ ہوا جس میں قبائلی رہنما ملک اسفند سیلاچی کی جانب سے آفیسر کلب سبی میں ایک تقریب کا انعقاد کیا گیا جس میں دعوتِ اسلامی کے شعبہ رابطہ برائے شخصیات کے صوبائی ذمہ دار، سبی ڈویژن کے ڈویژنل نگران حاجی غلام حیدر عطاری ،جامعۃ المدینہ بوائز کے طلبۂ کرام، مختلف اسکولوں کے اسٹوڈنٹس، گورنمنٹ افسران اور قبائلی شخصیات سمیت سبی پریس کلب میڈیا کے نمائندوں نے شرکت کی۔

اس تقریب میں مہمانِ خصوصی کمانڈنٹ سبی سکاؤٹس کرنل حافظ شاہد ندیم لاشاری موجود تھے۔ دورانِ تقریب شہدا کے ایصالِ ثواب کے لئے قراٰن خوانی اور نعت خوانی کا بھی سلسلہ رہا۔

بعدازاں ڈویژنل نگران سبی ڈویژن دعوت اسلامی حاجی غلام حیدر عطاری نے ملک و قوم کی امن و سلامتی اور شہدا کے درجات کی بلندی کے لئے دعا بھی کروائی۔

مزید ذمہ داراسلامی بھائیوں نے کرنل شاہد ندیم لاشاری سمیت مختلف شخصیات سے ملاقات کی اور انہیں دعوتِ اسلامی کی دینی وفلاحی خدمات کے بارے میں بریفنگ دی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے شعبہ رابطہ برائے شخصیات کے ذمہ داران نےگزشتہ دنوں رخشان ڈویژن کا دورہ کیا جہاں انہوں نے خاران ڈسڑک کے اسسٹنٹ کمشنر عبدالمجید جونجو سے ملاقات کی۔

ذمہ دارانِ دعوتِ اسلامی نے اسسٹنٹ کمشنر کو دعوتِ اسلامی کے تحت کی جانے والی دینی خدمات کے بارے میں بتاتے ہوئے خاران کے مدنی مرکز فیضانِ مدینہ کا وزٹ کرنے کی دعوت دی۔

اسسٹنٹ کمشنر نے دعوت قبول کرتے ہوئے دعوتِ اسلامی کے ساتھ ہر ممکنہ تعاون کی یقین دہانی کروائی۔بعدازاں ذمہ داراسلامی بھائیوں نے اسسٹنٹ کمشنر کو دعوتِ اسلامی کے شعبے مکتبۃ المدینہ سے شائع ہونے والے رسائل تحفے میں دیئے جس پر انہوں نے اظہارِ تشکر کیا۔(رپورٹ:شعبہ رابطہ برائے شخصیات، کانٹینٹ: غیاث الدین عطاری)

پچھلے دنوں دعوتِ اسلامی کے شعبہ رابطہ برائے شخصیات کے تحت ذمہ داران نے سیالکوٹ میں مختلف شخصیات سے ملاقات کی جن میں ADCG فاروق اکمل، اسسٹنٹ کمشنر مرتضی ہاشمی، سپرینٹنڈ DC اسد سندھو، PA ٹو DC نثار احمد، ڈسٹرکٹ آفیسر اکسائز اینڈ ٹیکسیشن عاصم بشیر سدھو، SP میاں فاروق اکمل، DSP لگل قیصر امین بٹ، DSP سٹی سیالکوٹ رانا ندیم طارق، DSP سی آئی اے رانا جمیل اور DSP سمبریال طارق شامل تھے۔

ذمہ داراسلامی بھائیوں نے انہیں دعوتِ اسلامی کے مختلف شعبہ جات سمیت دعوتِ اسلامی کی عالمی سطح پر ہونے والی دینی وفلاحی خدمات بیان کیں جس پر شخصیات نے دعوتِ اسلامی کی کاوشوں کو سراہا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

شعبہ رابطہ برائے تاجران دعوتِ اسلامی کے زیرِ اہتمام پچھلے دنوں شاہ عالم مارکیٹ لاہور کے تاجر چوہدری شفیق کے گھر پر گیارہویں شریف کے سلسلے میں سنتوں بھرے اجتماع کا انعقاد کیا گیا جس میں تاجران سمیت مقامی اسلامی بھائیوں نے شرکت کی۔

پاکستان سطح کے ذمہ دار ونگرانِ شعبہ ندیم عطاری نے سنتوں بھرا بیان کرتے ہوئے اس اجتماعِ پاک میں شریک عاشقانِ رسول کی دینی اور اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں شمولیت اختیار کرنےکا ذہن دیا۔(رپورٹ:شعبہ رابطہ برائے تاجران، کانٹینٹ: غیاث الدین عطاری)

دعوتِ اسلامی کے تحت پچھلے دنوں عالمی مدنی مرکز فیضانِ مدینہ کراچی میں ہفتہ وار مدنی مذاکرے کا اہتمام ہوا جس میں کراچی کے مقامی اسلامی بھائیوں سمیت بذریعہ مدنی چینل ملک و بیرونِ ملک سے کثیر عاشقانِ رسول نے شرکت کی۔

اس سلسلے میں شعبہ رابطہ برائے تاجران دعوتِ اسلامی کے تحت مدنی مرکز فیضانِ مدینہ جوہر ٹاؤن لاہور میں رکنِ مرکزی مجلسِ شوریٰ حاجی یعفور رضا عطاری نے نگرانِ شعبہ ندیم عطاری،تمام زون و اراکینِ کابینہ اور ڈویژن ذمہ داران کے ہمراہ اجتماعی طور پر بذریعہ مدنی چینل مدنی مذاکرے میں شرکت کی۔(رپورٹ:شعبہ رابطہ برائے تاجران، کانٹینٹ:غیاث الدین عطاری)

دعوتِ اسلامی کے شعبہ رابطہ برائے تاجران کے تحت گزشتہ دنوں شعبہ ذمہ داران کا مدنی مشورہ منعقد ہوا جس میں اراکینِ کابینہ اورڈویژن سمیت دیگر اسلامی بھائیوں نے شرکت کی۔

اس مدنی مشورے میں رکنِ مرکزی مجلسِ شوریٰ حاجی یعفور رضا عطاری اور نگرانِ شعبہ ندیم عطاری نے شعبے کے دینی کاموں کا فالواپ لیتے ہوئے ذمہ داران کی دینی، اخلاقی اور تنظیمی اعتبار سے تربیت ورہنمائی کی۔

رکنِ شوریٰ نے ذمہ داراسلامی بھائیوں کو احسن انداز میں دعوتِ اسلامی کے 12 دینی کاموں کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ رابطہ برائے تاجران، کانٹینٹ:غیاث الدین عطاری) 

گزشتہ دنوں کورنگی کے علاقے الیاس گوٹھ میں قائم عطیہ نثار مسجد میں دعوتِ اسلامی کے تحت سنتوں بھرے اجتماع کا اہتمام کیا گیا جس میں مقامی اسلامی بھائیوں سمیت کثیر عاشقانِ رسول نے شرکت کی۔

اس اجتماعِ پاک میں رکنِ مرکزی مجلسِ شوریٰ حاجی محمد امین عطاری نے سنتوں بھرا بیان کرتے ہوئے اسلامی بھائیوں کی دینی اوراخلاقی اعتبار سے تربیت فرمائی۔

بعدازاں دعااور صلوٰۃ و سلام کا بھی سلسلہ رہا نیز دو بزرگ اسلامی بھائیوں نے رکنِ شوریٰ کے ہاتھوں عمامہ شریف سجانے کی سعادت حاصل کی۔

رکنِ شوریٰ نے اسلامی بھائیوں کو ترغیب دلانے کے لئے چوک درس دیا اور وہاں موجود اسلامی بھائیوں کو اسے جاری رکھنے کی نیت بھی کروائی۔

اس موقع پر مرکزی مجلسِ شوریٰ کے رکن حاجی امین قافلہ عطاری سمیت دیگر اہم ذمہ داران اس اجتماعِ پاک میں شریک تھے۔( کانٹینٹ:غیاث الدین عطاری)

پچھلے دنوں دعوتِ اسلامی کے شعبہ مزاراتِ اولیاء کے زیرِ اہتمام حضرت سیّدنا غلام نبی شاہ المعروف سمندری سرکار رحمۃ اللہ علیہ کے 30ویں سالانہ عرس کےموقع پر لنک روڈ کاٹھوڑ کراچی میں سنتوں بھرے اجتماع کا انعقاد ہوا جس میں ذمہ داران سمیت کثیر اسلامی بھائیوں نے شرکت کی۔

اس موقع پر مرکزی مجلسِ شوریٰ کے رکن ابوماجد حاجی محمد شاہد عطاری مدنی نے سنتوں بھرا بیان کرتے ہوئے آپ رحمۃ اللہ علیہ کی سیرتِ مبارکہ کے حوالے سے بتایا۔

ذمہ داران سمیت مقامی اسلامی بھائیوں نے مزار شریف پر قراٰن خوانی کی اور فاتحہ خوانی کا اہتمام کیا۔اس کے علاوہ صاحبزادہ جوہر مجید شاہ کی رکنِ شوریٰ سے ملاقات بھی ہوئی جس پر صاحبزادہ نے اظہارِ مسرت کیا۔بعدازاں رکنِ شوریٰ نے ذمہ داران کے ہمراہ آپ رحمۃ اللہ علیہ کے مزار پر حاضری دی۔(رپورٹ:شعبہ مزارات اولیاء، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے زیرِ اہتمام گزشتہ دنوں مانگا منڈی لاہور ریجن میں ایک اسپیشل پرسنز کے گھر پر فاتحہ خوانی کے سلسلے میں سیکھنے سکھانے کا حلقہ منعقد کیا گیا۔

اس فاتحہ خوانی میں MNA افضل کھوکھر اور MPA احمد سعید سمیت دیگر سیاسی وسماجی شخصیات نے شرکت کی۔اس موقع پر اسپیشل پرسنز ڈیپارٹمنٹ دعوت اسلامی پھول نگر کے ذمہ دار سہیل عطاری نے اشاروں کی زبان میں سنتوں بھرا بیان کیا اور دعا کروائی۔

بعدازاں سہیل عطاری نے MNA اور MPA کو اسپیشل پرسنز ڈیپارٹمنٹ سمیت دعوت اسلامی کے دیگر شعبہ جات کے ذریعےکی جانے والی دینی و فلاحی خدمات کے حوالے سے بریف کیا جس پر ان شخصیات نے دعوت اسلامی کی کاوشوں کو سراہا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں عالمی مدنی مرکز فیضان مدینہ کراچی میں منعقد ہونے والے ہفتہ وار مدنی مذاکرے  میں اسپیشل پرسنز نے شرکت کی جس میں اسپیشل پرسنز ڈیپارٹمنٹ دعوت اسلامی کے تحت ان کی آسانی کے لئے سیکھنے سکھانے کا حلقہ لگایاگیا۔

اس دوران اسپیشل پرسنز ڈیپارٹمنٹ کے ذمہ داران نے اشاروں کی زبان میں مدنی مذاکرے کی ترجمانی کرتے ہوئے وہاں موجود اسپیشل پرسنز کی دینی اور اخلاقی تربیت کی۔ (رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)