پچھلے دنوں ڈی ایس پی پٹرولنگ پولیس ملک محمد امین کے برادر نسبتی ملک محمد مقصودکا انتقال ہو گیا۔اسی سلسلے میں دعوتِ اسلامی کے شعبہ رابطہ برائے شخصیات کے ذمہ داران نے ڈی ایس پی سے اظہارِ تعزیت کرتے ہوئے انہیں صبر کی تلقین کی۔

بعدازاں دعوتِ اسلامی کے ذمہ داران اورمدرسۃ المدینہ بوائز کے طلبہ و ناظم سمیت سرکاری افسران (جن میں ایم پی اے ڈاکٹر خالد امتیاز بلوچ، ایس ایس پی پٹرولنگ پولیس مرزا انجم کمال بیگ، ٹاؤن ناظم اقبال ٹاؤن سجاد حیدر چیمہ اورایم ایس چلڈرن ہسپتال حبیب احمد بٹر شامل تھے)نے کثیر تعداد میں مرحوم کی نمازِ جنازہ میں شرکت کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوت اسلامی کےزیراہتمام   دسمبر 2021ء کے دوسرے ہفتے یورپین یونین ریجن کے ملک جرمنی میں دو مقامات پربذریعہ انٹر نیٹ سنتوں بھرے اجتماعات کا انعقاد کیا گیا جن میں فرینکفرٹ(Frankfurt) ڈیٹزن باخ (Dietzenbach) اور کوبلنز(Koblenz) کی 26 اسلامی بہنوں نے شرکت کی۔

اس کےعلاوہ أوفن باخ (offenbach)میں اجتماع پاک ہواجس میں 15 اسلامی نے شرکت کی۔ مبلغات دعوت اسلامی نے ”اوراد و وظائف کی برکتیں“ اور’’جھگڑے کی مذمت‘‘کے موضوعات پر بیانات کئے اور اپنے مخارج درست کرنے کے لئے اسلامی بہنوں کے مدرسۃ المدینہ میں داخلہ لینے کا ذہن دیا۔

ہفتہ وار مدنی مذاکرے میں امیر اہل ِسنت  دَامَتْ بَرَکَاتُہُ الْعَالِیَہ کسی ایک دینی رسالہ کے مطالعے کی ترغیب ارشاد فرماتے ہیں اوررسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے / سننے والے خوش نصیبوں کی کارکردگی امیر اہلِ سنت دَامَتْ بَرَکَاتُہُمُ الْعَالِیَہ کی بارگاہ میں بھی پیش کی جاتی ہے۔

پچھلے ہفتے امیر اہل ِسنت دَامَتْ بَرَکَاتُہُمُ الْعَالِیَہ نے رسالہ’’ کھانے کی پانچ سُنّتیں‘‘پڑھنے / سننے کی ترغیب دلائی اسں سلسلے میں یورپین یونین ریجن کی تقریبًا’’ 2 ہزار 937 ‘‘اسلامی بہنوں نے رسالہ کھانے کی پانچ سُنّتیں پڑھنے / سننے کی سعادت حاصل کی۔

دعوتِ  اسلامی کے تحت 13 دسمبر 2021ء کو اجمیر ریجن چندن نگر ڈویژن، گیتا نگر ڈویژن اور گوالیار کابینہ کے بھوڑاپور ڈویژن میں محافل نعت کا انعقاد ہواجن میں کابینہ ذمہ دارسمیت کثیر اسلامی بہنوں نے شرکت کی۔

محافل نعت میں مبلغات دعوت اسلامی نے ’’سیرت غوث پاک رحمۃ اللہ علیہ‘‘ کے موضوع پر سنتوں بھرے بیانات کرتے ہوئے غوث پاک رحمۃ اللہ علیہ کی سیرت پر عمل کرنے ذہن دیا نیز اسلامی بہنوں کو دینی ماحول اور مختلف دینی کاموں کے فوائد بتاتے ہوئے ہفتہ وار سنتوں بھرے اجتماع میں شرکت کرنے کا ذہن دیا ۔ محافل نعت کے آخر میں ہفتہ وار رسالہ بھی سنایا گیا۔

پچھلے دنوں اسپیشل پرسنز ڈیپارٹمنٹ دعوتِ اسلامی  کے تحت پاکستان سطح کے ذمہ دار قاری محمد خالد عطاری نے دینی کاموں کے سلسلے میں ضلع میاں والی کا دورہ کیا جہاں انہوں نے رکنِ زون محمد ابوبکر عطاری سے ملاقات کی اور اسپیشل پرسنز کے درمیان ہونے دینی کاموں کے حوالے سے گفتگو کی۔

اس دوران ذمہ داران نے اسپیشل پرسنز ( نابیناافراد) سے ملاقات کی اور اُن کے درمیان سیکھنے سکھانے کا حلقہ لگایاجس میں اسپیشل پرسنز کی دینی اور اخلاقی اعتبار سے تربیت ورہنمائی کی گئی۔

بعدازاں کالاباغ میانوالی میں قائم دعوتِ اسلامی کے شعبہ مدرسۃ المدینہ برائے نابینا افراد کے وزٹ کا بھی سلسلہ رہا جہاں انہوں نے زیرِ تعلیم طلبۂ کرام و اساتذۂ کرام سے ملاقات کی اور ان میں سیکھنے سکھانے کا حلقہ لگایا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ  اسلامی کے شعبہ کفن دفن(اسلامی بہنیں) کے زیر اہتمام 14 دسمبر2021ء بروز منگل اجمیر کابینہ ڈویژن لونگیامیں کفن دفن تربیتی اجتماع کا انعقاد کیا گیا جس میں 21 اسلامی بہنوں نے شرکت کی۔

اجتماع پاک میں غسل میت دینے اور کفن پہنانے کا طریقہ سکھایا گیا نیز اسلامی بہنوں کو مزید علم دین حاصل کرنے کا ذہن دیتے ہوئے شعبہ شارٹ کورسز کے تحت ہونے والے فرض علوم کورسز میں داخلہ لینے کی ترغیب دلائی ۔اس کے علاوہ اسلامی بہنوں کو کفن دفن ٹیسٹ دینے کی نیتیں بھی کروائی ۔

دعوتِ  اسلامی کے شعبہ شب و روز کے تحت اجمیر ریجن کی سوراشٹر زون میں بذریعہ انٹر نیٹ مدنی مشورے کا انعقاد ہواجس میں شعبہ شب و روز کی کابینہ ذمہ دار اسلامی بہنوں نے شرکت کی۔

دعوتِ اسلامی کے شعبہ کفن دفن(اسلامی بہنیں) کے تحت 16 دسمبر2021ء کو اجمیر ریجن کے سوراشٹر زون میں مدنی مشورے کا انعقاد ہوا جس میں کابینہ ذمہ دار اور ڈویژن مشاورت ذمہ دار اسلامی بہنوں نے شرکت کی۔

زون ذمہ داراسلامی بہن نے کفن دفن کے اجتماعات منعقد کرنے کے حوالے سے نکات بتائے اور اس سے متعلق اہداف دیئے نیز سابقہ دینی کام کی کارکردگی کےحوالے سے فالو اپ کیا اور کارکردگی میں مزید اضافے کا ذہن دیا۔

دعوتِ اسلامی کے شعبہ رابطہ برائے شخصیات کے زیر اہتمام 14 دسمبر2021ء بروز منگل اجمیر زون میں بذریعہ انٹر نیٹ مدنی مشورے کا انعقاد کیا گیا جس میں کابینہ تا ڈویژن سطح تک کی ذمہ دار اسلامی بہنوں نے شرکت کی۔

زون ذمہ دار اسلامی بہن نے ذمہ دار اسلامی بہنوں کو شخصیات اسلامی بہنوں کے گھروں میں گھر درس کرنے کا ہدف دیا اور شخصیات میں دینی کام کرنے کے حوالے سے نکات بتائے۔

دعوتِ  اسلامی کے شعبہ تعلیم (اسلامی بہنیں)کے زیر اہتمام 13 دسمبر2021ء بروز پیر اجمیر ریجن گرین پارک ڈویژن میں قائم 2 اسکولز میں سیکھنے سکھانے کے حلقوں کا انعقاد ہوا جس میں طالبات سمیت اسکول ٹیچرز نے شرکت کی ۔

سیکھنے سکھانے کے حلقوں میں مبلغات دعوت اسلامی نے سنتوں بھرے بیانات کئے اور دعوت اسلامی کی دینی و فلاحی خدمات کے حوالے سے بریفنگ دیتے ہوئے اسلامی بہنوں کو ہفتہ وار سنتوں بھرے اجتماع میں شرکت کرنےکا ذہن دیا ۔

دعوتِ اسلامی کے شعبہ اصلاح اعمال (اسلامی بہنیں) کے زیر اہتمام اجمیر ریجن اندور زون کی مندسور کابینہ میں مدنی مشورہ ہوا جس میں اصلاح اعمال کی ڈویژن تا ذیلی سطح تک کی ذمہ داراسلامی بہنوں نے شرکت کی۔

کابینہ ذمہ دار اسلامی بہن نے مدنی مشورے میں شریک اسلامی بہنوں کو شعبہ اصلاح اعمال کے متعلق مدنی پھول سمجھائے نیز دینی کام بڑھانے کا ذہن دیا اور اصلاح اعمال اجتماع کا انعقاد کرنے کا ذہن دیا۔

نامور نعت خواں، مداحِ درِ حبیب، عاشقِ رسول جناب خالد حسنین خالد صاحب  دل کے عارضے میں مبتلا رہنے کے بعد 18 دسمبر 2021ء کو 43 سال کی عمر میں اپنے خالق حقیقی سے جاملے۔اِنَّا لِلہِ وَاِنَّا اِلَیْہِ رٰجِعُوْن۔

ضلع چکوال سے تعلق رکھنے والے مرحوم خالد حسنین خالد کی نماز جنازہ آستانہ عالیہ بھیرہ شریف کے سید امین الحسنات شاہ صاحب کی امامت میں ریلوے گراؤنڈ میں ادا کردی گئی۔ ایک رپورٹ کے مطابق نماز جنازہ میں تقریباً سوا لاکھ عاشقان رسول شریک ہوئے جس میں پیر حسنین فاروق شاہ صاحب سجادہ نشین آستانہ عالیہ چورہ شریف، صاحبزادہ ندیم سلطان قادری صاحب سجادہ نشین جھونگل شریف، پیر سید عاشق حسین شاہ صاحب میال شریف، پیر سید سلطان شاہ ہمدانی میال شریف، خلیفہ مجاز کھمکول شریف اسلام آباد رانا شیر خان صاحب سمیت بڑی تعداد میں نعت خوان حضرات اور دیگر سیاسی ، سماجی، مذہبی و روحانی شخصیات نے شرکت کی۔

مرحوم ثناءخوان مصطفٰے صلَّی اللہ علیہ واٰلہٖ وسلَّم خالد حسنین خالد کو انہیں کے بنائے ہوئے اور انہیں کے زیر انتظام چلنے والے جامعۃ المصطفٰے چوآچوک چکوال میں سپردِ خاک کردیا گیا۔

معروف نعت خواں خالد حسنین خالد کا تعلق ایک پسماندہ اور متوسط گھرانے سے تھا اور انہوں نے نورِ مجسم نعت اکیڈمی بنا کر نعت خوانی کا آغاز کیاتھا۔ مرتضیٰ ہوٹل کے عقب میں نور مجسم نعت اکیڈمی بنائی گئی جہاں سے خالد حسنین خالد کے متعدد شاگردوں نے نعت خوانی کی تربیت حاصل کی اور پھر ان کاشمار بھی معروف نعت خوانوں میں ہونے لگا تھا۔خالد حسنین خالد کو دنیا بھر کے اسلامی ممالک کے علاوہ برطانیہ میں بھی حضور صلَّی اللہ علیہ واٰلہٖ وسلَّم کی شان اقدس میں نعتیں پڑھنے کا اعزاز حاصل ہوا اور وہ عالمی سطح پر نعت خوانی میں اپنا ایک خاص مقام رکھتے تھے۔

ان کے انتقال سے قبل کی ایک ویڈیو کافی وائرل ہوئی ہے جس میں اللہ کا ذکر کرتے ہوئے دکھائی جارہے ہیں۔ جب یہ ویڈیو مدنی مذاکرے میں بھی چلائی گئی تو امیر اہلسنت دامت بَرَکَاتُہمُ العالیہ نے مدنی پھول ارشاد فرماتے ہوئے فرمایا کہ آخری لمحے میں اللہ کا ذکر کرنا بڑی خوش نصیبی ہے۔ حدیث پاک میں ہے کہ ”جس کا آخری کلام لاالہ الا اللہ ہو، وہ جنت میں داخل ہوگا“۔سبحان اللہ ، اللہ پاک خالد حسنین خالدصاحب کے صدقے ہمیں بھی کلمہ نصیب فرمائے۔ اٰمین

آپ دامت بَرَکَاتُہمُ العالیہ نے مزید مدنی پھول ارشاد فرماتے ہوئے کہا کہ آقا کے ثناء خوانوں کی چاندی ہی چاندی ہے، نعت خوانی کوئی معمولی شرف نہیں ہے۔ جس کو ملے ملے، مگر نعت اللہ کی رضا کے لئے پڑھی جائے ، اگر بالفرض کوئی پیسوں کے لئے پڑھتا ہےکہ اگر پیسے نہیں ملیں گے تو نہیں پڑھیں گےتو پھر ایسے نعت خوانوں کے لئے کوئی فضیلت نہیں ہے بلکہ پیسے کے لئے پڑھنا گناہ ہے۔ جو نعت خواں اللہ کی رضا کے لئے نعت پڑھے گا تو ان شاء اللہ اس کا بیڑہ پار ہوگا۔ سرکار کی نعت خوانی یہ بہت بڑا شرف ہے۔ اللہ ہم سب کو نصیب فرمائے۔ اٰمین ۔

نعت خوانی موت بھی ہم سے چھڑا سکتی نہیں

قبر میں بھی مصطفٰے کے گیت جاتے جائیں گے