دعوتِ  اسلامی کے زیرِ اہتمام 3 نومبر 2022ء کو گلشنِ اقبال ٹاؤن یوسی 4 میں قائم جائےنماز بنام فیضان ِبغداد میں کفن دفن تربیتی سیشن کا انعقاد ہوا جس میں ٹاؤن ذمہ دار شعبہ کفن دفن بلال عطاری، فیضان بغداد جائے نماز کے یوسی اور وارڈ ذمہ داران نے شرکت کی۔

اس سیشن میں رکنِ مجلس شعبہ کفن دفن ذمہ دار عزیر عطاری نے ’’غسلِ میت کی فضیلت اور نمازِ جنازہ کی اہمیت‘‘ کے موضوع پر سنتوں بھرا بیان کیا اور غسلِ میت دینے و نمازِ جنازہ کا طریقہ سکھایا نیز فکرِ آخرت کا ذہن دیتے ہوئے شرکا کو دعوتِ اسلامی کے دینی کاموں میں حصہ لینے اور مدنی مذاکرہ دیکھنے کی نیتیں کروائیں ۔( رپورٹ: عزیر عطاری رکنِ مجلس کفن دفن ، کانٹینٹ:رمضان رضا عطاری)

لوگوں کو دینِ اسلام کی تعلیما ت سے آگاہ کرنے والی عاشقانِ رسول کی دینی تحریک دعوتِ اسلامی کے تحت 2 نومبر 2022ء بروز بدھ کراچی کے علاقے لیاقت آباد یو سی 3 کی جامع مسجد حنفیہ میں کفن دفن کورس کا انعقاد کیا گیا جس میں مقامی عاشقانِ رسول سمیت ذمہ دار اسلامی بھائیوں نے شرکت کی۔

رکنِ شعبہ عزیر عطاری نے شرکائے کورس کو غسلِ میت کی فضیلت بیان کرتے ہوئے انہیں غسلِ میت کا عملی طریقہ نیز کفن کاٹنے اور پہنانے کا طریقہ بھی سکھایا۔

اس کے علاوہ رکنِ شعبہ نے عاشقانِ رسول کو دعوتِ اسلامی کے دینی کاموں میں شمولیت اختیار کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:شعبہ کفن دفن، کانٹینٹ:غیاث الدین عطاری)

25 اکتوبر 2022ء بروز منگل عاشقانِ رسول کی دینی تحریک دعوتِ اسلامی کے تحت  لیاری ٹاؤن ریکسر لائن کی جامع مسجد حنفیہ میں سیکھنے سکھانے کا حلقہ لگایا گیا جس میں مقامی عاشقانِ رسول اور وارڈ ویوسی ذمہ داران نے شرکت کی۔

شعبہ کفن دفن کے ٹاؤن ذمہ دار معراج عطاری نے اسلامی بھائیوں کو غسلِ میت دینے کی فضیلت بیان کرتے ہوئے انہیں غسلِ میت کا عملی طریقہ نیز کفن کاٹنے اور پہنانے کا بھی طریقہ سکھایا۔بعدازاں ٹاؤن ذمہ دار نے اپنے اپنے علاقوں میں شرکا کو غسل میت دینے کی نیتیں کروائیں۔(رپورٹ:عزیر عطاری رکن شعبہ کفن دفن ، کانٹینٹ:غیاث الدین عطاری)

بچوں کو دین کی باتیں سکھانے اور انہیں دینِ اسلام کی تعلیمات سے آگاہ کرنے کے لئے پچھلے دنوں فیصل آباد سوساں روڈ مدینہ ٹاؤن کی جامع مسجد زینب کے قریب واقع مدرسۃالمدینہ بوائز میں سیکھنے سکھانے کا حلقہ لگایا۔

دورانِ حلقہ مبلغِ دعوتِ اسلامی محمد شیراز عطاری نے مدرسۃالمدینہ بوائز کے بچوں کو نمازِ جنازہ کے چند ضروری مسائل سکھائے نیز نمازِ جنازہ کا پریکٹیکل بھی کروایا۔

مزید مبلغِ دعوتِ اسلامی نے بچوں کو حفظِ قراٰن مکمل کرنے کے بعد درسِ نظامی (عالم کورس) میں داخلہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ کفن دفن، کانٹینٹ: غیاث الدین عطاری)

دعوت اسلامی  کے شعبہ کفن دفن کے تحت 18 اکتوبر 2022ء کو ناظم آباد ٹاؤن نظامیہ مسجد کے اسلامی بھائیوں کو غسل میت کا عملی طریقہ سکھایا گیا جس میں عزیر عطاری رکن مجلس نے کفن کاٹنے اور پہنانے کا طریقہ سکھایا۔

اس کے بعد نماز جنازہ اور تدفین کا طریقہ بتایا۔ ساتھ ساتھ شرکا کو غسل میت کی فضیلت بتاتے ہوئے غسل میت دینے کی نیت کرائی نیز نیکی کی دعوت پیش کرتے ہوئے اسلامی بھائیوں کو ہر ماہ تین دن مدنی قافلے میں سفر کرنے اور مدنی مذاکرہ دیکھنے کا ذہن دیا ۔ اس موقع پر ٹاؤن ذمہ دار شعبہ کفن دفن نعیم عطاری ، نظامیہ مسجد کےاسلامی بھائی ، یوسی اور وارڈ ذمہ دار بھی موجود تھے۔ (رپورٹ: عزیر عطاری رکن مجلس کفن دفن ، کانٹینٹ:رمضان رضا عطاری) 

15 اکتوبر 2022ء  دعوت اسلامی کے عالمی مدنی مرکز فیضان مدینہ کراچی میں ہفتہ وار مدنی مذاکرے سے پہلے غسل میت کا عملی طریقہ سکھایا گیا۔اس میں عالمی مدنی مرکز میں مختلف مقام سے آئے ہوئےاسلامی بھائیوں کی شرکت ہوئی۔

اس تربیتی سیشن میں یاسر عطاری مدنی سٹی ذمہ دار شعبہ کفن دفن نے شرکا کی تربیت کرتے ہوئے انہیں غسل میت کی فضیلت اور اہمیت بیان کرتے ہوئے غسل میت دینے اور کفن پہنانے کا طریقہ بتایا۔ (رپورٹ: عزیر عطاری رکن مجلس کفن دفن ، کانٹینٹ:رمضان رضا عطاری)

دعوتِ اسلامی کے زیرِ اہتمام پچھلے دنوں فیصل آباد کی کلیم شہید کالونی غلام آباد میں قائم مدرسۃ المدینہ شفیع مختار میں بچوں کے درمیان سیکھنے سکھانے کا حلقہ لگایا گیا۔

مبلغِ دعوتِ اسلامی محمد شیراز عطاری مدنی نے دورانِ حلقہ بچوں کی دینی، اخلاقی اور تعلیمی اعتبار سے تربیت کرتے ہوئے انہیں نمازِ جنازہ کا پریکٹیکل کروایا نیز اپنی تعلیم میں مزید بہتری لانے کے لئے حوالے سے بچوں کی ذہن سازی کی۔(رپورٹ:شعبہ کفن دفن، کانٹینٹ:غیاث الدین عطاری) 

11 اکتوبر 2022ء کو نیو کراچی فیصل کالونی ٹاؤن میں زیر تعمیر جمال مصطفی مسجد میں کفن دفن تربیتی اجتماع کا انعقاد ہوا جس میں جمال مصطفی مسجد کے ذمہ دار اسلامی بھائیوں اور نمازی حضرات نے شرکت کی۔

دوران تربیت ریاض عطاری ڈسٹرکٹ ذمہ دار شعبہ کفن دفن نے غسل میت کی فضیلت و اہمیت بیان کرتے ہوئے غسل میت دینے اور کفن پہنانے کا طریقہ سکھایا نیز نمازِ جنازہ ادا کرنے کے حوالے سے تربیت کی ۔ بعدازاں فکر آخرت کا ذہن دیتے ہوئے شرکا کو نمازوں کی پابندی کرنے، ہر ماہ تین دن سنتوں کی تربیت کے مدنی قافلوں میں سفر کرنے اور مدنی مذاکرہ دیکھنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ: عزیر عطاری رکن مجلس کفن دفن ، کانٹینٹ:رمضان رضا عطاری)

فیصل آبا دکے علاقے چوہڑ ماجرا غلام آباد میں قائم دعوتِ اسلامی کے مدرسۃالمدینہ بوائز میں 11 اکتوبر 2022ء بروز منگل تربیتی سیشن ہوا جس میں مدرسۃالمدینہ بوائز کے بچوں سمیت قاری صاحبان نے شرکت کی۔

اس تربیتی سیشن میں فیصل آباد میٹروپولیٹن کے ذمہ دار محمد شیراز عطاری مدنی نے بچوں کی تربیت کرتے ہوئے اُن کی دینی و اخلاقی اعتبار سے تربیت کی اور انہیں نمازِ جنازہ کا پریکٹیکل کروایا۔

اس کے علاوہ ذمہ دار نے بچوں کو دعوتِ اسلامی کے اجتماعات میں اپنے سرپرستوں کے ہمراہ شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:شعبہ کفن دفن، کانٹینٹ:غیاث الدین عطاری)

دعوتِ اسلامی کے زیرِاہتمام 9 اکتوبر 2022ء بروز اتوار عید میلادالنبی ﷺ کے موقع پر  نارتھ ناظم آباد ٹاؤن میں جلوسِ میلاد کا اہتمام کیا گیا جس میں کثیر عاشقانِ رسول نے شرکت کی۔

جلوسِ میلاد کے اختتام پر نارتھ ناظم آباد ٹاؤن کے علاقے شادمان میں قائم جامع مسجد خضریٰ میں شعبہ کفن دفن دعوتِ اسلامی کے تحت سیکھنے سکھانے کا حلقہ لگایا گیا جس میں جلوسِ میلاد کے عاشقانِ رسول سمیت نمازی حضرات نے شرکت کی۔

مبلغِ دعوتِ اسلامی عزیر عطاری نے شرکائے حلقہ کو غسلِ میت دینے کی فضیلت بیان کرتے ہوئے نمازِ جنازہ پڑھنے کی اہمیت بتائی اور انہیں اپنے علاقوں میں غسلِ میت میں شریک ہونے کا ذہن دیا۔(رپورٹ:شعبہ کفن فن ، کانٹینٹ:غیاث الدین عطاری)

8 اکتوبر 2022ء بروز ہفتہ فیصل آباد مدینہ ٹاؤن میں واقع گیسٹ پوسٹنگ میں شعبہ کفن دفن دعوتِ اسلامی کے تحت سیکھنے سکھانے کا حلقہ لگایا گیا جس میں دفتر کے عملے نے شرکت کی۔

شعبے کے تحت فیصل آبا دکے میٹروپولیٹن ذمہ دار محمد شیراز عطاری نے حلقے میں شریک عاشقانِ رسول کی دینی و اخلاقی اعتبار سے تربیت کی اور انہیں نمازِ جنازہ کا پریکٹیکل کروایا۔(رپورٹ:شعبہ کفن دفن، کانٹینٹ:غیاث الدین عطاری)

7 اکتوبر 2022ء بروز جمعہ پاکستان کے شہر فیصل آباد میں واقع مدنی مرکز فیضانِ مدینہ میں سیکھنے سکھانے کا حلقہ لگایا گیا جس میں نمازی حضرات سمیت دیگر عاشقانِ رسول نے شرکت کی۔

مبلغِ دعوتِ اسلامی محمد شیراز عطاری مدنی نے شرکائے حلقہ کو نمازِ جنازہ کے چند ضروری مسائل بتاتے ہوئے اس کا عملی طریقہ کروایااور انہیں دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی۔

اس موقع پر مدنی مرکز فیضانِ مدینہ کے امام صاحب عبدالرحمٰن عطاری اور مدینہ ٹاؤن کے نگران مزمل عطاری بھی موجود تھے۔ (رپورٹ:شعبہ کفن دفن عطاری، کانٹینٹ:غیاث الدین عطاری)