7 جولائی 2022ء بروز جمعرات پنجاب پاکستان کی تحصیل نوشہرہ ورکاں ضلع گوجرانوالہ میں دعوتِ اسلامی کے تحت مدنی مشورہ ہوا جس میں شعبہ تحفظِ اوراقِ مقدسہ کے ذمہ داران سمیت مدرسین اور ناظم صاحب نے شرکت کی۔

اس مدنی مشورے میں گوجرانوالہ ڈسٹرکٹ کے شعبہ ذمہ دار محمد آفتاب عطاری نے شعبے کے دینی کاموں کے متعلق گفتگو کرتے ہوئے اوراق مقدسہ کی حفاظت کے لئے لگے ہوئےباکسز کو بروقت خالی کرنے اور دوسروں کو اس کی ترغیب دلانے کا ذہن دیا۔اس کے علاوہ شعبے کے دینی کاموں سمیت 12 دینی کاموں کو مضبوط کرنے کے حوالے سے ذمہ داران کی ذہن سازی کی۔(رپورٹ:شعبہ تحفظ اوراق مقدسہ، کانٹینٹ:غیاث الدین عطاری)

دعوت اسلامی کے شعبہ تحفظ اوراق مقدسہ کے زیر اہتمام5 جولائی 2022 ء بروز منگل والٹن کیولری گراؤنڈ ڈیفینس لاہور  میں مدنی مشورے کا انعقاد ہوا جس میں ڈسٹرک قصور ذمہ دار ، ڈسٹرکٹ ذمہ دار شیخوپورہ نے شرکت کی۔

ڈسٹرک ذمہ دار محمد عالم عطاری نے مختلف سطح ذمہ داران کی تربیت کی اور انہیں شعبے کے دینی کام کو بڑھانے کا ذہن دیتے ہوئے نئے تنظیمی طریقہ کار کے مطابق کام کرنے کی ترغیب دی ۔

مزید خود کفالت کے حوالے سے مدنی پھول دیتے ہوئے مدنی عطیات بکس اور مدنی بستوں کی تعداد بڑھانے کا ہدف دیا جس پر ذمہ داران نے اچھی اچھی نیتوں کے ساتھ اپنے شعبے کے کام کو بڑھانے کے عزم کا اظہار کیا۔ (رپورٹ: قاری فیاض احمد عطاری شعبہ تحفظ اوراق مقدسہ ڈسٹرکٹ ، کانٹینٹ: رمضان رضا عطاری)

4 جولائی 2022 ء کو علی پور چٹھہ میں شعبہ تحفظ اوراق مقدسہ کے تحت مدنی مشورہ  ہوا جس میں تحصیل ذمہ دار اور اوراق مقدسہ کے محافظ نے شرکت کی ۔

ذمہ دار محمد آفتاب عطاری شعبہ تحفظ اوراق مقدسہ گوجرانوالہ ڈسٹرکٹ نےنماز کی اہمیت اور فضائل پر سنتوں بھرا بیان کیا اور انداز گفتگو کے متعلق مدنی پھول دیئے نیز تحفظ اوراق مقدسہ کے ذمہ داران کو ادب کرنے کے حوالے سے ترغیب دلائی ساتھ ہی ہفتہ وار اجتماع میں آنے کی دعوت دی جس پر اسلامی بھائیوں نے خوشی کا اظہار کیا اور کام کو مزید مضبوط کرنے اور بڑھانے کا اظہار کیا ۔(رپورٹ : محمد آفتاب عطاری شعبہ تحفظ اوراق مقدسہ گوجرانوالہ ڈسٹرکٹ کانٹینٹ: محمد مصطفی انیس )

3 جولائی 2022 ءبروز  اتوار پاکستان کے شہر سادھوکی میں شعبہ تحفظ اوراق مقدسہ کے تحت مدنی مشورہ ہوا جس میں تحصیل ذمہ دار اور محافظ اوراق مقدسہ نے شرکت کی ۔

ذمہ دار محمد آفتاب عطاری نے انداز گفتگوکے مدنی پھول دیئے اور پچھلے ماہ کی کارکردگی کا جائزہ لیا اور آئندہ ماہ کے اہداف طے کئے ساتھ ہی قربانی کی کھالوں کے حوالے سے گفتگو کی او ر12 دینی کام کرنے کاذہن دیا ۔(رپورٹ: محمد آفتاب عطاری شعبہ تحفظ اوراق مقدسہ گوجرانوالہ ، کانٹینٹ: محمد مصطفی انیس) 

پچھلے دنوں دعوتِ اسلامی کے عالمی مدنی مرکز فیضانِ مدینہ کراچی میں مدنی مشورے کا انعقاد ہوا جس میں شعبہ تحفظِ اوراقِ مقدسہ کے ذمہ دار اسلامی بھائیوں کی شرکت رہی۔

تفصیلات کے مطابق اس مدنی مشورے میں مرکزی مجلسِ شوریٰ کے رکن حاجی محمد امین عطاری نے اسلامی بھائیوں کی تربیت کرتے ہوئے شعبے کے دینی کاموں کے متعلق گفتگو کی اور انہیں اوراقِ مقدسہ کے تحفظ کے لئے مدنی پھولوں سے نوازا۔(کانٹینٹ:غیاث الدین عطاری)

پچھلے دنوں شیخوپورہ ، فیضان مدینہ گوجرانوالہ میں شعبہ تحفظ اوراق مقدسہ کے تحت سیکھنے سکھانے کا مدنی حلقہ لگایا گیاجس میں فیضان مدینہ کورس کے شرکاء نے شرکت کی ۔

اس مدنی حلقے میں مبلغ دعوت اسلامی محمد عثمان عطاری نے نماز کی اہمیت کے موضوع پر گفتگو کی جس میں نماز نہ پڑھنے کی وعید یں بتائی اور 12 دینی کام کرنے کاذہن دیا ۔(رپورٹ: محمد آفتاب عطاری شعبہ تحفظ اوراق مقدسہ گوجرانوالہ ڈسٹرکٹ ، کانٹینٹ: محمد مصطفی انیس) 

29 جون 2022ء بروز بدھ دعوت اسلامی کے شعبہ کے تحت شیخوپورہ موڈ، نزد بس اسٹاپ فیضان مدینہ گوجرانوالہ میں مدنی مشورہ ہوا جس میں ڈسٹرکٹ ، تحصیل ، میٹروپولیٹن اور ٹاؤن ذمہ داران نے شرکت کی۔

صوبائی ذمہ دار حاجی رضا عطاری نے ’’ سادگی‘‘ کے موضوع پر سنتوں بھرا بیان کرتے ہوئے شرکا کو شعبہ کو مضبوط کرنے کے حوالے سے مدنی پھول دیئےاور اپنے علاقوں میں دینی کام بڑھانے کےمتعلق ان کی ذہن سازی کی نیز پچھلے ماہ کی کارکردگی کا جائزہ لیا اور آئندہ ماہ کے اہداف بھی دیئے۔(رپورٹ:محمد آفتاب عطاری شعبہ تحفظ اوراق مقدسہ گوجرانوالہ ڈسٹرکٹ،کانٹینٹ:رمضان رضا عطاری)

دعوتِ اسلامی کے زیرِ اہتمام 19 جون 2022ء بروز اتوار شاہدرہ لاہور میں شعبہ تحفظِ اوراقِ مقدسہ کا مدنی مشورہ ہوا جس میں ڈسٹرکٹ شیخوپورہ کے ذمہ دار اسلامی بھائیوں نے شرکت کی۔

اس مدنی مشورے میں لاہور ڈویژن ذمہ دار محمد عالَم عطاری نے ”اوراقِ مقدسہ کے تحفظ کی اہمیت“ کے موضوع پر گفتگو کرتے ہوئے شعبے کے دینی کاموں کو بڑھانے کا ذہن دیا اور نئی تنظیمی کار کے مطابق کام کرنے کے متعلق ذہن سازی کی۔

اسی طرح ڈویژن ذمہ دار نے شعبے کو خود کفیل کرنے نیز عطیات بکس و بستوں کی تعداد بڑھانے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمد ناصر عطاری ڈسٹرک شیخوپورہ ذمہ دار، کانٹینٹ:غیاث الدین عطاری)

16 جون 2022ء بروز جمعرات پاکستان کے شہر فیصل آباد میں موجود دعوتِ اسلامی کے مدنی مرکز فیضان مدینہ میں شعبہ تحفظِ اوراق مقدسہ کے ذمہ داران کا مدنی مشورہ منعقد ہوا جس میں شعبہ کے متعلقہ رکنِ شوریٰ ابو ماجد حاجی محمد شاہد عطاری مدنی، نگران شعبہ، صوبائی اور سرکاری ڈویژن ذمہ داراسلامی بھائیوں نے شرکت کی۔

دعوت اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اس مدنی مشورے میں شعبہ تحفظ اوراق مقدسہ کی پچھلی کار کردگی کا جائزہ لیتے ہوئے اس شعبے کو خود کفیل بنانے سمیت مختلف موضوعات پر کلام کیا اور (جنوری 2022ء تا اپریل 2022ء) اور 2026ء کے اہداف طے کئے۔

اس دوران نگرانِ پاکستان مشاورت نے شعبے کا تعارف کرواتے ہوئے بتایا کہ شعبہ اوراقِ مقدسہ کس طرح کام کرتا ہے۔مزید آپ کا کہنا تھا کہ شعبہ اوراق ِمقدسہ پاکستان کے 644 شہروں میں کام کر رہا ہے جن کی تفصیل درج ذیل ہے۔

الحمد للہ عزوجل شعبہ اوراقِ مقدسہ کے تحت اب تک کم و بیش 2 لاکھ267 باکسز مدارس المدینہ، مساجد، مارکیٹس اور بازاروں سمیت مختلف جگہوں پر لگ چکے ہیں جسے ہر دوسرے ہفتے کے بعد خالی کرنے کا طے پایا ہے۔

اسی طرح مختلف شہروں میں 2 ہزار بڑے ڈرم اور 20 ہزار274 گھریلو بکس لگائے گئے ہیں جبکہ پاکستان بھر میں 476 اوراقِ مقدسہ کے اسٹور ہیں جہاں اوراق مقدسہ کو عارضی طور پر رکھا جاتا ہے نیز 650 قراٰن محل ہیں جہاں مستقل طور پر اوراق مقدسہ کو محفوظ کیا جاتا ہے۔مزیدکم و بیش 7 ہزار اسلامی بھائی رضاکارانہ طور پر اس شعبے کے ساتھ مل کر کام کرتے ہیں۔قراٰن محل تک مقدس اوراق پہنچانے کے لئے کم و بیش 49 رکشے اور تین سوزوکی گاڑیاں بھی اس شعبے کے پاس ہیں۔

آخر میں نگرانِ پاکستان مشاورت حاجی محمد شاہد عطاری کا کہنا تھا کہ اسکولوں، کالجز اور مدارس میں بھی اس شعبے کے تحت کام کیا جارہا تاکہ ان میں مقدس اوراق رکھے جا سکیں۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

14 جون 2022 ء بروز منگل کراچی میں شعبہ تحفظ اوراقِ مقدسہ کے تحت مدنی مشورہ ہوا جس میں ڈسٹرکٹ ذمہ داران نے شرکت کی ۔

اس مدنی مشورے میں ساؤتھ ڈسٹرکٹ نگران محمد خالد عطاری نے ذمہ داران کے 2 ماہ کا جدول ، شعبے کی کارکردگی، دینی کاموں کی انفرادی کارکردگی اور ٹاؤن وائز تقرری کا جائزہ لیا ۔

اس کے علاوہ ڈسٹرکٹ نگران نے شعبے کے کام میں آسانی کے لئے شعبہ تحفظ اوراق مقدسہ کو تین حصوں میں تقسیم کرنے کا ذہن دیا ،شعبے کے مسائل کا نعم البدل نکالنے اور شعبے کے روز مرہ کاموں کے علاوہ دیگر سماجی کام کرنے کا ذہن دیا ۔( رپورٹ: عبدالباسط عطاری، شعبہ تحفظ اوراق مقدسہ ،ساؤتھ ڈسٹرکٹ ذمہ دار ، کانٹینٹ: محمد مصطفی انیس )

15 مارچ 2022 ء کو لودھراں ملتان  میں شعبہ تحفظ اوراق مقدسہ کے تحت مدنی مشورہ ہوا جس میں ڈسٹرکٹ و سٹی ذمہ داران نے شرکت کی ، مدنی مشورے میں نگران ملتان ڈویژن محمد سادات عطاری نے رمضان عطیات ، ذمہ داران کا تقرر، پیشگی و عملی جدول ، بکسز اور ڈرم کی کارکردگی کا جائزہ لیا اور آئندہ کے اہداف دیئے۔(رپورٹ: عبدالحمید عطاری سرکاری ڈویژن ذمہ دار ، کانٹینٹ: مصطفی انیس ) 

12 مارچ 2022 ء بروز ہفتہ اسلام آباد میں شعبہ تحفظ اوراق مقدسہ کے ذمہ داران کا مدنی مشورہ ہوا جس میں راولپنڈی کے ڈسٹرکٹ ذمہ داران  اور اسلام آباد کے زون ذمہ داران نے شرکت کی ۔

صوبائی ذمہ دار حاجی رضا عطاری نےپچھلے ماہ کا جائزہ لیتے ہوئے آئندہ ماہ کے اہداف طے کئے ، رمضان عطیات کا ذہن دیا اور ذمہ داران کی حوصلہ افزائی کرتے ہوئے اچھی کارکردگی پر تحائف پیش کئے۔(رپورٹ: محمد آفتاب عطاری شعبہ تحفظ اوراق مقدسہ ، کانٹینٹ: مصطفی انیس)