دعوت اسلامی کے شعبہ تعلیم کے ذمہ دار اسلامی بھائی نے جنرل سیکرٹری پرائیویٹ ایجوکیشن نیٹ ورک (PEN)و پرنسپل پاک اسکول اینڈ کالج مردان محمد الیاس صاحب سے ملاقات کی۔

ذمہ دار اسلامی بھائی نے انہیں شعبہ FGRF کا تعارف پیش کیا جبکہ ان کے انڈر آنےوالے مردان کے 250 اسکولز اور کالجز میں شجر کاری کے حوالے سے بات چیت کی۔ 

پچھلے دنوں دعوت اسلامی کے زیر اہتمام لاہور ریجن میں پروفیشنلز حضرات کے درمیان سنتوں بھرے اجتماع کا انعقاد کیا گیا جس میں مختلف یونیورسٹیز کے پروفیسرز، ہیڈ آف ڈیپارٹمنٹس، سابق D.P.Iکالجز، پرنسپلز اور ڈائریکٹرز نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور دعوت اسلامی کے شعبہ جات کا تعارف پیش کرتے ہوئے مختلف فلاحی کاموں پر بریفنگ دی۔ رکن شوریٰ نے شرکا کو فیضان مدینہ جوہر ٹاؤن لاہور کے وزٹ کی دعوت دی۔

دعوتِ اسلامی کے شعبہ تعلیم و مدنی کورسزکے تحت مدنی مرکز فیضانِ مدینہ دیپال پور میں فیضانِ قراٰن وحدیث کورس کاسلسلہ جاری ہے۔ جس میں وقتاًفوقتاًاسلامی بھائیوں کی تربیت کا سلسلہ ہوتا رہتا ہے ۔نگران زون سرفراز حسین عطاری مدنی نے3 اگست 2021ء بروز منگل

’’ نعمتوں کا شکر ادا کریں‘‘کے موضوع پر سنتوں بھرابیان کرتےہوئےاسلامی بھائیوں کو کامیاب زندگی گزارنےکے سنہری اصول بیان کئے اس کورس میں ڈاکٹر ،وکیل اورپروفیسر کے ساتھ ساتھ مختلف شعبہ ٔ زندگی سے تعلق رکھنے والے اسلامی بھائیوں نے شرکت کی ۔(رپوٹ: حسن رضا عطاری پاکپتن زون شعبہ تعلیم)

شعبہ تعلیم  دعوت اسلامی کے تحت پچھلے دنوں نگران زون حاجی سہیل عطاری نے سندھ کے سب سے بڑے پرائیویٹ کالج پبلک حیدرآباد کا وزٹ کیا جہاں نگران زون نے پرنسپل سے ملاقات کی۔ اس موقع پر نگران زون نے انہیں دعوت اسلامی کے چند شعبہ جات کا تعارف پیش کرتے ہوئے مدنی مرکز فیضان مدینہ حیدرآباد کے وزٹ کی دعوت دی اور شجر کاری مہم کے حوالے سےا ٓگاہ کیا جس پر پرنسپل نے دعوت اسلامی کی کاوشوں کو سراہا اور دعوت قبول کرتے ہوئے کالج کی طرف سے ایک پارک FGRF کو پیش کرنے کی نیت کی۔ اس موقع پر نگران زون نے پرنسپل سمیت دیگر اسٹاف کو دعوت اسلامی کا اشاعتی ادارہ مکتبۃ المدینہ سے جاری ہونے والا ماہنامہ فیضان مدینہ تحفے میں دیا ۔(رپورٹ:شعبہ تعلیم حیدرآباد ریجن)

دعوت اسلامی کے شعبہ FGRFتحت شجر کاری مہم کے سلسلے میں نگران زون حیدر آبادحاجی سہیل عطاری نے پبلک کالج اینڈ اسکول حیدر آباد کے پرنسپل عمران لاڑک سے اور فیلڈ آفیسرغلام محمد قریشی سمیت دیگر کالج سے اسٹاف سے ملاقات کی۔

ملاقات کے بعد کالج کے پارک میں شجر کاری کی گئی جس میں نگران زون نے اسٹاف کے ساتھ ملکر 230 پودے لگائے۔

دعوت اسلامی کےشعبہ تعلیم کے ذمہ داران نے جنگلات کے حوالے سے ایگریکلچر یونیورسٹی فیصل آباد میں پروفیسر ڈاکٹر عرفان اور ڈاکٹر کاشف سے ملاقات کی۔

ذمہ داران نے شعبہ FGRF کے تحت یکم اگست 2021ء کو شروع ہونے والی شجر کاری مہم پر بریفنگ دی اور یونیورسٹی میں پودے لگانے کی ترغیب دلائی۔ڈاکٹر عرفان اور ڈاکٹر کاشف نے پودے لگانے کے حوالےسے اپنے تاثرات بھی دیئے۔

دعوت اسلامی کے شعبہ تعلیم کے ذمہ داران نے شجر کاری کے حوالے سے Director Colleges Sahiwal Division سے ملاقات کی۔

ذمہ داران نے انہیں شجرکاری کے متعلق بریفنگ دی جبکہ ساہیوال کے 19 بڑے اداروں میں شجر کاری کے حوالے سے اجازت طلب کی۔آخر میں Director Sahiwalنے شجر کاری مہم پر اچھے تاثرات دیئے اور خوشی کا اظہار کیا۔

دعوت اسلامی کے شعبہ تعلیم کے ذمہ داران نے ڈائریکٹر فاریسٹ عمران بھٹو سے ملاقات کی اور شجر کاری مہم پر بریفنگ دی۔

اسی طرح ذمہ داران دعوت اسلامی نے ٹنڈو جام ایگری کلچر یونیورسٹی کا دورہ کیا جہاں انہوں نے سول سائنس ڈیپارٹمنٹ کے چیئرمین عنایت راجپر اور پروفیسر ڈاکٹر شوکت عرفان سے ملاقات کی۔ اس موقع پر انہوں نے یکم اگست 2021ء کو یونیورسٹی میں 500 پودے لگائے جانے کا پلان بنایا۔

بعد ازاں شعبہ تعلیم اور شعبہ فیضان گلوبل ریلیف فاؤنڈیشن کے ذمہ داران سندھ ایگریکلچر یونیورسٹی کے اسٹوڈنٹس سے ملاقات کی۔ اسٹوڈنٹس نے یکم اگست 2021ء سے 15 اگست2021ء تک پودے لگاکر شجر کاری مہم میں اپنا کردار ادا کرنے کا عزم کیا۔ (رپورٹ: جنید عطاری، ریجن ذمہ دار شعبہ تعلیم حیدرآباد)

دعوت اسلامی کے شعبہ تعلیم کے تحت نگران کابینہ نواب شاہ نے رکن زون شعبہ تعلیم اور رکن زون شعبہ FGRFکے ہمراہ ”شہید بینظیر یونیورسٹی“ اور ”قائد عوام یونیورسٹی “ کا دورہ کیا جہاں انہوں نےشجر کاری مہم کے حوالے سے ٹیچرز اور اسٹوڈنٹس کو بریفنگ دی۔

انتظامیہ کی جانب سے یونیورسٹیز اور اس کے اطراف میں1200 پودے لگائے جائینگے۔

بعد ازاں نگران کابینہ نے دیگر ذمہ داران کے ہمراہ D.C سے ان کے آفس میں ملاقات کی۔

نوٹ: پچھلے دنوں نواب شاہ میں 2500 پودےبھی ڈونیٹ کئے گئےتھے۔ (رپورٹ: شعبہ تعلیم پاکستان)

دعوت اسلامی کے شعبہ تعلیم کے ذمہ داران نے Aspire college جڑانوالہ کے پرنسپل عدنان سے ملاقات کی اور انہیں یکم اگست 2021ء سے شعبہ FGRFکے تحت شروع ہونے والی شجر کاری مہم کے حوالے سے آگاہ کیا۔

دوران ملاقات جڑانوالہ میں پودے لگانے کے لئے زمین اور اپنے اسٹوڈنٹس کے ساتھ مل کر پارک، کالج، اور روڈ بلٹز پر تقریباً 400 پودےلگانے پر گفتگو ہوئی اور یہ بھی طے پایا کہ پودوں کی حفاظت کے لئے اسٹوڈنٹس کی ذمہ داری بھی لگائی جبکہ شعبہ FGRF کے اسلامی بھائی بھی اس کی حفاظت کریں گے۔

دعوت اسلامی کے شعبہ تعلیم کے ذمہ داران نے Superior college جڑانوالہ کے پرنسپل ظہیر سے ملاقات کی اور انہیں یکم اگست 2021ء سے شعبہ FGRFکے تحت شروع ہونے والی شجر کاری مہم کے حوالے سے آگاہ کیا۔

دوران ملاقات جڑانوالہ میں پودے لگانے کے لئے زمین اور اپنے اسٹوڈنٹس کے ساتھ مل کر پارک، کالج، اور روڈ بلٹز پر تقریباً 2000 پودےلگانے پر گفتگو ہوئی اور یہ بھی طے پایا کہ پودوں کی حفاظت کے لئے اسٹوڈنٹس کی ذمہ داری بھی لگائی جبکہ شعبہ FGRF کے اسلامی بھائی بھی اس کی حفاظت کریں گے۔