وفاقی دارالحکومت اسلام آباد کے علاقے سواں گارڈن میں سوسائٹی کے سابق صدر انصر گوندل اور موجودہ صدر رضا گوندل کے والدِ مرحوم کے لئے  دعوتِ اسلامی کے تحت ایصالِ ثواب اجتماع کا انعقاد کیاگیا۔

ابتداءً تلاوتِ قراٰن اور نعتِ رسولِ مقبول صلی اللہ علیہ و سلم پڑھی گئی جبکہ مبلغِ دعوتِ اسلامی نے سنتوں بھرا بیان کرتے ہوئے حاضرین کی دینی و اخلاقی اعتبار سے تربیت کی۔

دورانِ بیان مبلغِ دعوتِ اسلامی نے اجتماع میں شریک اسلامی بھائیوں کو دعوتِ اسلامی کے دینی ماحول سے منسلک ہونے اور دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔آخر میں مرحوم کے لئے دعا کروائی گئی۔(کانٹینٹ:غیاث الدین عطاری)

لوگوں کی اصلاح کرنے اور انہیں نمازوں کی پابندی کا ذہن  دینے والی عاشقانِ رسول کی دینی تحریک دعوتِ اسلامی کے تحت گزشتہ روز نگرانِ شعبہ اصلاح برائے قیدیان نے دیگر ذمہ داران کے ہمراہ سینٹرل جیل میرپور کشمیر کا دورہ کیا جہاں انہوں نے جیل سپریٹنڈنٹ سیّد یاسر کاظمی، اسسٹنٹ سپریٹنڈنٹ راجہ سعید ظفر اور اسسٹنٹ سپریٹنڈنٹ راجہ حسیب تاج سے ملاقات کی۔

اس موقع پر ذمہ دار اسلامی بھائیوں نے افسران سے اہم امور پر گفتگو کرتے ہوئے انہیں دعوتِ اسلامی کے مختلف شعبہ جات بالخصوص شعبہ اصلاح برائے قیدیان کے تحت جیلوں میں ہونے والے دینی و فلاحی کاموں پر بریفنگ دی جبکہ افسران کو عالمی مدنی مرکز فیضانِ مدینہ کراچی کا وزٹ کرنے کی دعوت بھی پیش کی جس پر سپریٹنڈنٹ نے دعوتِ اسلامی کی کاوشوں کو سراہا اور مدنی چینل کو اپنے تأثرات دیئے۔

عاشقانِ رسول کی دینی تحریک دعوتِ اسلامی کے زیرِا ہتمام گزشتہ روز مرکزی مجلسِ شوریٰ کے رکن حاجی محمد منصور عطاری کی رہائش گاہ پر محفلِ نعت کا انعقاد کیا گیا جس میں کثیر اسلامی بھائیوں نے شرکت کی۔

معلومات کے مطابق محفلِ نعت کا آغاز تلاوتِ قراٰن اور نعتِ رسولِ مقبول صلی اللہ علیہ وسلم سے کیا گیا جبکہ رکنِ شوریٰ حاجی محمد منصور عطاری نے سنتوں بھرا بیان کیااور اسلامی بھائیوں کی دینی و اخلاقی اعتبار سے تربیت کی۔

دورانِ بیان رکنِ شوریٰ نے وہاں موجود تمام اسلامی بھائیوں کو دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔بعدازاں رکنِ شوریٰ نے رقت انگیز دعا کروائی۔(کانٹینٹ:غیاث الدین عطاری)

دعوتِ اسلامی کے تحت پچھلے دنوں ماہرِ امورِ تجارت مفتی علی اصغر عطاری مدظلہ العالی اسلام آباد کے شیڈول پر تھے جہاں انہوں نے فیڈرل شریعت کورٹ کے چیف جسٹس ڈاکٹر سیّد محمد انور صاحب سے اُن کے آفس میں ملاقات کی۔

دورانِ ملاقات مفتی علی اصغر عطاری مدظلہ العالی نے ڈاکٹر سیّد محمد انور صاحب سے گفتگو کرتے ہوئے غیر بینکنگ سیکٹر میں پائے جانے والے سود اور فراڈ پر مشتمل اسکیموں کی وجہ سے لوگوں کو جن مشکلات کا سامنا ہے اس پر کلام کیا۔

مفتی علی اصغر عطاری مدظلہ العالی نے ڈاکٹر سیّد محمد انور صاحب کو بتایاکہ ان کے کورٹ نے پاکستان میں سود کے عملی خاتمے پر جو فیصلہ دیا ہے دارالافتاء اہلسنت نے اس کا اردو میں خلاصہ کرکے اپنے تمام مفتیان کرام کو تفصیل سے آگاہ کردیا ہےجس پر ڈاکٹر سیّد محمد انور صاحب نے خوشی کا اظہار کیا۔

آخر میں مفتی علی اصغر عطاری مدظلہ العالی نے ڈاکٹر سیّد محمد انور صاحب کو مکتبۃالمدینہ سے شائع ہونے والی اپنی کتاب ”27 واجباتِ حج“ تحفے میں پیش کی۔(کانٹینٹ:غیاث الدین عطاری)

پچھلے دنوں ماہرِ امورِ تجارت مفتی علی اصغر عطاری مدظلہ العالی کی راولپنڈی چیمبر آف کامرس(Rawalpindi Chamber of Commerce) کے صدر ثاقب رفیق صاحب سے اُن کے آفس میں ملاقات ہوئی۔

اس دوران مفتی علی اصغر عطاری مدظلہ العالی نے صدر ثاقب رفیق صاحب سے سودی تجارت کے بارے میں گفتگو کرتے ہوئے سود کے خاتمے نیز دیگر اہم موضوعات پر کلام کیا۔

علاوہ ازیں مفتی علی اصغر عطاری مدظلہ العالی نے دعوتِ اسلامی کے دینی و فلاحی خدمات کے حوالے سے صدر ثاقب رفیق صاحب کو بتایا جس پر انہوں نے دعوتِ اسلامی کی کاوشوں کو سراہا۔(کانٹینٹ:غیاث الدین عطاری)

صوبۂ پنجاب پاکستان کے شہر سیالکوٹ میں دعوتِ اسلامی کے زیرِا ہتمام زکوٰۃ کے مسائل پر ایک پروگرام ہوا جوکہ مدنی چینل پر براہِ راست نشر کیا گیا جبکہ مختلف شعبہ ہائے زندگی سے تعلق رکھنے والے کثیر عاشقانِ رسول نے اس پروگرام میں شرکت کی۔

تفصیلات کے مطابق اس پروگرام میں ماہرِ امورِ تجارت مفتی علی اصغر عطاری مدظلہ العالی نےسنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی اور انہیں زکوٰۃ کےچند ضروری مسائل کے بارے میں بتایا۔

بعدازاں پروگرام میں شریک اسلامی بھائیوں اور مدنی چینل کے ناظرین نے مفتی علی اصغر عطاری مدظلہ العالی سے زکوٰۃ کے متعلق سوالات کئے جس کے مفتی صاحب نے علم و حکمت بھرے جوابات دیئے۔(کانٹینٹ:غیاث الدین عطاری)

راولپنڈی شہر میں گزشتہ روز شعبہ رابطہ برائے تاجران دعوتِ اسلامی کے تحت استقبالِ رمضان ورکشاپ کا انعقاد کیا گیا جس میں تاجران اور مختلف سیاسی و سماجی شخصیات نے شرکت کی۔

معلومات کے مطابق اس ورکشاپ میں ماہرِ امورِ تجارت مفتی علی اصغر عطاری مدظلہ العالی نے روزے کے متعلق گفتگو کرتے ہوئے اسلامی بھائیوں کی تربیت کی اور انہیں زکوٰۃ کے چند ضروری مسائل بتائے۔

علاوہ ازیں مفتی علی اصغر عطاری مدظلہ العالی نےشرکا کی جانب سے ہونے والے مختلف سوالات کے جوابات ارشاد فرمائے۔(کانٹینٹ:غیاث الدین عطاری)

دعوتِ اسلامی کے دینی کاموں کے سلسلے میں پچھلے دنوں ماہرِ امورِ تجارت مفتی علی اصغر عطاری مدظلہ العالی کی دورۂ پنجاب کے دوران گجرات چیمبر آف کامرس (Gujarat Chamber of Commerce)میں آمد ہوئی جہاں اُن کی ملاقات چیمبر ممبران سمیت دیگرتاجر حضرات سے ہوئی۔

اس موقع پر ایک نشست کا انعقاد کیا گیا جس میں مفتی علی اصغر عطاری مدظلہ العالی نے ”احکامِ تجارت، تجارت کے شرعی مسائل اور ایک تاجر کو کیسا ہونا چاہیئے؟“ کے موضوع پر بیان کیا اور وہاں موجود تاجران سمیت دیگر ممبران کو دینِ اسلام کے مطابق اپنے تجارتی معاملات کو کرنے کی ترغیب دلائی۔بعدازاں مفتی علی اصغر عطاری مدظلہ العالی نے حاضرین کی جانب سے ہونے والے سوالات کے تسلی بخش جوابات دیئے۔(کانٹینٹ:غیاث الدین عطاری)

عاشقان رسول کی دینی تحریک دعوت اسلامی کے زیر اہتمام آج رات مؤرخہ 16 مارچ 2023ء دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوت اسلامی سنتوں بھرے بیانات فرمائیں گے۔ واضح رہے کہ تلاوت قراٰنِ پاک و نعت رسول مقبول صلَّی اللہ علیہ واٰلہٖ وسلَّم سے شروع ہونے والے ان اجتماعات کا اختتام نماز اشراق و چاشت کی ادائیگی کے ساتھ ہوتا ہے۔ان اجتماعات میں اجتماعی طور پر ذکر و اذکار اور رقت انگیز دعاؤں کا سلسلہ بھی ہوتا ہے۔

تفصیلات کے مطابق عالمی مدنی مرکز فیضان مدینہ کراچی سے براہِ راست مدنی چینل پر ہونے والے ہفتہ وارسنتوں بھرے اجتماع میں مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی رات تقریباً 9:00 بجے سنتوں بھرا بیان فرمائیں گے۔

اس کے علاوہ مدنی مرکز فیضان مدینہ محبوب ٹاؤن اوکاڑہ میں رکن شوریٰ حاجی محمد رفیع عطاری، مدنی مرکز فیضان مدینہ شیخوپورہ میں رکن شوریٰ حاجی یعفور رضا عطاری، مدنی مرکز فیضان مدینہ G-11اسلام آباد میں رکن شوریٰ حاجی وقار المدینہ عطاری، جامع مسجد فیضان جیلان کلفٹن کراچی میں رکن شوریٰ مولانا حاجی عبد الحبیب عطاری اور فیضان اسلام مسجد، خیابانِ سحر DHA کراچی میں رکن شوریٰ حاجی محمد علی عطاری سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

وفاقی دارالحکومت اسلام آباد کے سیکٹر G-10 میں دعوتِ اسلامی کے زیرِ اہتمام سیکھنے سکھانے کے حلقے کا انعقاد ہوا جس میں تاجر،مل آرنر اور مختلف شعبہ جات سے متعلقہ افراد نے شرکت کی۔

سیکھنے سکھانے کے حلقے میں رکن شوریٰ حاجی وقار المدینہ عطاری نے شرکا کو آقا کے مہینے شعبان المعظم میں درود پاک کی کثرت کرنے کا ذہن دیا۔

اس کے علاوہ اسلامی بھائیوں کو رمضان المبارک میں عبادات کرنے کے فضائل اور بزرگان دین کے واقعات بتاتے ہوئے ایک ماہ و آخری عشرے کا اعتکاف کرنے کی دعوت پیش کی۔

آخر میں رکنِ شوریٰ نے دعوت اسلامی کے مختلف شعبہ جات کا تعارف پیش کیااوردعوت اسلامی کے دینی و فلاحی کاموں کے حوالے سے آگاہ کرتے ہوئے شرکا کو دینی کاموں میں تعاون کرنے کا ذہن دیا۔( کانٹینٹ:رمضان رضا عطاری)

گزشتہ روز ڈسٹرکٹ ننکانہ سے تعلق رکھنے والے سیاسی و سماجی افراد و صحافی برادران نے دعوتِ اسلامی کے مدنی مرکز مدینہ مسجد اور جامع مسجد فیضان غوث اعظم واربرٹن میں آمد ہوئی جہاں ذمہ داران نے  مہمانوں کو خوش آمدید کہا اور وزٹ کروایا ۔

اس موقع پر مبلغِ دعوتِ اسلامی حاجی نصر اقبال عطاری ، ڈسٹرکٹ ننکانہ نگران محمد شکیل عطاری و تحصیل ننکانہ نگران نوید احمد عطاری و دیگر ذمہ داران نے مہمانوں سے ملاقات کی ۔

ذمہ داران نے مہمانوں کو دعوتِ اسلامی کے شعبہ جات کا تعارف کروایا اور واربرٹن میں دعوتِ اسلامی کےادارے مدرسۃ المدینہ ، جامعۃ المدینہ اور دیگر شعبہ جات کا تعارف کروایا ۔

شخصیات میں سابق مشیر وزیر اعلیٰ پنجاب و نائب صدر مسلم لیگ پنجاب رانا محمد ارشد ، ایس ۔ایچ ۔او ۔تھانہ واربرٹن ظفر فرید ، تاجر رہنما رانا عمر حیات ، رانا روحیل اصغر بیرسٹر (UK) ، رانا شفیق عباد رہنما مسلم لیگ واربرٹن ، سیاسی و سماجی شخصیت عامر سعید رحمانی ، رانا عکرمہ ، چوہدری عثمان ورک ، سرفراز بوٹا و سینئر صحافی لبیب مغل ، اسد عباس نقوی ، امین دانش ، چوہدری غلام مصطفیٰ تبسم چیرمین سٹی پریس کلب (رجسٹرڈ) شامل تھے ۔(رپورٹ :واربرٹن دعوت اسلامی، کانٹینٹ : محمد مصطفیٰ انیس)

پچھلے  دنوں دعوت ِ اسلامی کی مرکزی مجلس شوری ٰکے رکن حاجی قاری محمد ایاز رضا عطاری نے دینی کاموں کے سلسلے میں ڈسڑکٹ عمر کوٹ کا دورہ کیا ۔

جہاں محمد اشتیاق ناگوری سے ان کے شوروم پر ملاقات کی اور انہیں نیکی کی دعوت پیش کرتے ہوئے دعوت اسلامی کے دینی و فلاحی کاموں سے آگاہ کیا، مدنی مرکز فیضان مدینہ میں ہونے والے ایک ماہ کا اعتکاف کرنے کی دعوت دی اور دینی کاموں کے لئے ڈونیشن دینے کا ذہن دیا۔

علاوہ ازیں رکن شوریٰ نے عمر کوٹ میں دیگر مقامی شخصیات و تاجران سے ملاقاتیں کیں اور انہیں بھی ایک ماہ کے اعتکاف کرنے کی ترغیب دلائی جس پر انہوں نے نیک خواہشات کا اظہار کیا۔ (کانٹینٹ:رمضان رضا عطاری)