عاشقان رسول کی دینی تحریک دعوت اسلامی کے زیر اہتمام آج مؤرخہ 19 جنوری 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی و اراکین شوریٰ سنتوں بھرے بیانات فرمائیں گے۔

تفصیلات کے مطابق تاج گارڈن نواب شاہ سانگھڑ سے براہ راست مدنی چینل پر ہونے والے ہفتہ وار اجتماع میں دعوت اسلامی کی مرکزی مجلس شوریٰ کے رکن مولانا حاجی عبد الحبیب عطاری سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی محمد علی عطاری اور مدنی مرکز فیضان مدینہ موہری روڈ کھاریاں میں رکن شوریٰ مولانا حاجی محمد اسد عطاری مدنی سنتوں بھرا بیان فرمائیں گے۔ 

دعوتِ اسلامی کی جانب سے 16 جنوری 2023ء بروزپیر سندھی پاڑہ کراچی  کی عائشہ مسجد میں تہجد اجتماع کا انعقاد ہوا جس میں مقامی عاشقانِ رسول نے شرکت کی۔

تہجداجتماع میں رکنِ شوریٰ حاجی محمد امین عطاری نے سنتوں بھرا بیان کیااور شرکا ئے اجتماع کو فکرِ آخرت کا ذہن دیتے ہوئے نفل روزے رکھنے نیز دعوتِ اسلامی کے ہفتہ وار سنتوں بھرے اجتماع میں آنے اور مدنی مذاکرے میں شرکت کرنے کی ترغیب دلائی جس پر اسلامی بھائیوں نے اچھی اچھی نیتوں کا اظہار کیا ۔(کانٹینٹ: رمضان رضا عطاری)

15 جنوری2023ء  بروز اتوارعالمی مدنی مرکز فیضانِ مدینہ کراچی کے رکنِ مجلس اسلامی بھائی کی ہمشیرہ کے انتقال پر رکنِ شوریٰ و نگران ِکراچی سٹی حاجی محمد امین عطاری نےمرحومہ کے پَس ماندگان سے ملاقات کی اور نماز جنازہ پڑھائی۔

نمازِ جنازہ سے پہلے رکنِ شوریٰ نے شرکا ئے جنازہ کو فکرِ آخرت کا ذہن دیتے ہوئے اپنی قبر و آخرت کی بھی تیاری کرنے کا ذہن دیا نیز لواحقین سے اظہارِتعزیت کرتے ہوئے مرحومہ کے لئے دعائے مغفرت کروائی ۔(کانٹینٹ: رمضان رضا عطاری)

عاشقانِ رسول  کی دینی تحریک دعوتِ اسلامی کے تحت 15 جنوری 2023ء کو لاہور ڈیفنس میں قائم جامع مسجد حسن مہتاب چرڑ میں مدنی مشورے کا انعقاد ہوا جس میں کینٹ ٹاؤن لاہور کے ذمہ داران نے شرکت کی۔

مدنی مشورے میں مرکزی مجلسِ شوری کے رکن حاجی یعفور رضا عطاری نے علمِ دین حاصل کرنے اور اپنے وقت کو نیکی کے کاموں میں گزارنے کے حوالے سے تربیتی مدنی پھول دیئے نیز شرکا کو عالمی مدنی مرکز فیضانِ مدینہ کراچی میں کینٹ ٹاؤن کے اسلامی بھائیوں کی امیرِ اہلِ سنت دامت برکاتہم العالیہ کی بارگاہ میں حاضری کے لئے جانے والی ٹرین کے ہمراہ مدنی قافلے میں سفر کرنے کی ترغیب دلائی جس پر اسلامی بھائیوں نے نیک خواہشات کا اظہار کیا۔(کانٹینٹ: رمضان رضا عطاری)

گزشتہ روز اوکاڑہ میں ایک اسلامی بھائی کے گھر شخصیات مدنی حلقے کا اہتمام ہوا جس میں  شخصیات و تاجران کے علاوہ دیگر ذمہ داران دعوت اسلامی نے بھی شرکت کی ۔

مدنی حلقے میں نگران پاکستان مشاورت حاجی محمد شاہد عطاری کی آمد ہوئی اور ” نیکیوں میں سستیاں کیسے ختم کی جائیں “ کے بارے میں مدنی پھول ارشاد فرمائے نیز نیکی کرنے ، نیکی کے کاموں میں حصہ لیتے رہنے اور دعوت اسلامی کے دینی کاموں میں شامل ہونے کے ساتھ ساتھ نماز روزے کی پابندی کرنے اور آخرت کی تیاری کرنے کے بارے میں ذہن دیا ۔ (رپورٹ: عبدالخالق عطاری نیوز فالواپ ذمہ دار نگران پاکستان مشاورت / کانٹینٹ : محمد مصطفیٰ انیس) 

پچھلے دنوں نگران پاکستان مشاورت حاجی محمد شاہد عطاری کی رکن شوریٰ حاجی محمد اسلم عطاری و دیگر ذمہ داران کے ہمراہ مرحوم مبلغ دعوت اسلامی حاجی خالد عطاری کی قبر پر تشریف آوری ہوئی اور مرحوم کے ایصال ثواب کے لئے فاتحہ خوانی و دعائے مغفرت کی ۔

اس دوران نگران پاکستان مشاورت نے مرحوم کے اہل خانہ سےملاقات و تعزیت کی اور لواحقین کو اللہ تبارک و تعالیٰ کی رضا پر راضی رہنے کے مدنی پھول دیئے ۔ (رپورٹ: عبدالخالق عطاری نیوز فالواپ ذمہ دار نگران پاکستان مشاورت / کانٹینٹ : محمد مصطفیٰ انیس) 

دسمبر2022ء تک دعوت اسلامی کے تعلیمی اداروں (جامعات المدینہ ،مدارس المدینہ،اسکولزاورآن لائن اکیڈمیز) کی کل تعداد68ہزار 77 ہے، جن میں طلبہ طالبات کی تعداد8لاکھ 55 ہزار 66 ہے ، کل اسٹاف 50ہزار 700  افرادپرمشتمل ہے جبکہ سالانہ اخراجات اربوں روپے ہیں ،تفصیلات مندرجہ ذیل ہیں :

ملک و بیرون ملک میں قائم جامعۃ المدینہ (بوائز ،گرلز )

ملک و بیرون ملک میں قائم مدارس المدینہ (بوائز ،گرلز )

ملک و بیرون ملک میں قائم مدارس المدینہ (بالغان وبالغات)

ملک و بیرون ملک میں قائم دارالمدینہ و فیضان اسلامک اسکو ل

تعداد فیضان آن لائن اکیڈمی (بوائز،گرلز)

نوٹ: مدرسۃ المدینہ فار گرلز میں دعوت اسلامی کے شعبہ گلی گلی مدرسۃ المدینہ کے تحت مدارس وطالبات کی تعدادبھی شامل کی گئی ہے 

14 جنوری 2023ء کو دعوت اسلامی کے جامعۃ المدینہ امینیہ رضویہ وار برٹن پنجاب میں امام الاشقیاء، خلیفہ بلا فصل حضرت سیدنا صدیق اکبر رضی اللہُ عنہ کے عرس شریف کے موقع پر ایک تقریب کا انعقاد کیا گیا جس میں ذمہ دار دعوت اسلامی حاجی نصر اقبال عطاری، امیر سنی علماء کونسل مولانا اشفاق احمد رضوی صاحب اور ادارے کے طلبہ و اساتذہ ٔکرام سمیت دیگر عاشقانِ رسول نے شرکت کی۔

مبلغ دعوت اسلامی مولانا محمد عرفان عطاری مدنی نے ”شانِ صدیق اکبر رضی اللہ عنہ“ کے موضوع پر سنتوں بھرا بیان کیا اور شرکا کو سیرت صحابہ سے درس حاصل کرتے ہوئے اس کے مطابق زندگی گزارنے کی ترغیب دلائی۔

اس تقریب میں ذہنی آزمائش کا سلسلہ بھی ہوا جس میں مختلف ٹیموں سے کئی موضوع پر سوالات کئے گئے اور فائنل جتنے والی ٹیم کو تحائف بھی پیش کئے گئے۔

14 جنوری 2023ء کو ہمسن گروپ آف کمپنیز کی سالانہ کاروباری کانفرنس کے موقع پر لاہور ایمپوریم مال نشاط ہوٹل میں سنتوں بھرے اجتماع کا انعقاد کیا گیا جس میں کمپنی کے C.E.Oاور چیئرمین سمیت پاکستان بھر سے اس کمپنی کے سیلز آفیسرز نے شرکت کی۔

مرکزی مجلس شوریٰ دعوت اسلامی کے رکن حاجی یعفور رضا عطاری نے ”فکر آخرت“ کے موضوع پر سنتوں بھرا بیان کیا اور شرکا کو ہر حال میں شریعت کی پیروی کرتے ہوئے اپنی زندگی گزارنے اور کاروبار کرنے کی ترغیب دلائی۔

13 جنوری 2023ء کو نگران یوکے مشاورت حاجی خالد عطاری کی شادی خانہ آبادی کے موقع پر محفل نعت کا انعقاد کیا گیا جس میں عزیز و اقارب اور ذمہ داران دعوت اسلامی نے شرکت کی۔

دعوت اسلامی کی مرکزی مجلس شوریٰ کے رکن حاجی محمد اظہر عطاری نے سنتوں بھرا بیان کیا اور شرکا کو شریعت کے دائرے میں رہتے ہوئے اپنی تقاریب منعقد کرنے کی ترغیب دلائی۔رکن شوریٰ نے شرکا کو دعوت اسلامی کے دینی ماحول سے وابستہ ہونے کا ذہن دیتے ہوئے انہیں ہفتہ وار اجتماع و مدنی مذاکرے میں شرکت کرنے کی دعوت دی۔

گزشتہ روز  سکھر ڈویژن میں نگران پاکستان مشاورت حاجی محمد شاہد عطاری نے شعبہ جات کے ذمہ داران کا مدنی مشورہ کیا جس میں ڈسٹرکٹ نگران، تحصیل ٹاؤن نگران / یوسی نگران ، جامعۃ المدینہ بوائز ، مدرسۃ المدینہ بوائز کے ناظمین، شعبہ فیضان مدینہ کے ڈسٹرکٹ ذمہ دار، ناظمین ،شعبہ مدرسۃ المدینہ بالغان کے ڈسٹرکٹ ذمہ داران و ناظمین اور دیگر ذمہ داران نے شرکت کی ۔

نگران پاکستان مشاورت نے مدنی کاموں اور شعبہ جات کی کار کردگی کا جائزہ لیتے ہوئے مزید اپنے شعبے میں بہتری لانے کے لئے مدنی پھولوں سے نوازا۔(رپورٹ: عبدالخالق عطاری نیوز فالواپ ذمہ دار نگران پاکستان مشاورت / کانٹینٹ : محمد مصطفیٰ انیس) 

گزشتہ روزنگرانِ پاکستان مشاورت حاجی محمد شاہد عطاری نے بہاولپور ڈویژن کا دورہ کیااوریہاں کے شعبہ جات کے ذمہ داران کا مدنی مشورہ کیا، جس میں  ڈسٹرکٹ نگران، تحصیل ٹاؤن نگران / یوسی نگران ،جامعۃ المدینہ بوائز ، مدرسۃ المدینہ بوائز کے ناظمین ، شعبہ فیضان مدینہ کے ڈسٹرکٹ ذمہ دار، ناظمین، شعبہ مدرسۃ المدینہ بالغان کے ڈسٹرکٹ ذمہ داران و ناظمین اور دیگر ذمہ دار اسلامی بھائیوں نے شرکت کی۔

نگران پاکستان مشاورت نے مدنی کاموں اور شعبہ جات کی کار کردگی کا جائزہ لیا نیز ذمہ دار اسلامی بھائیوں کی رہنمائی فرماتے ہوئے دعوت اسلامی کے دینی کاموں کو بڑھانے کے حوالے سے رہنمائی کی اور مشورے کے اختتام پر اسلامی بھائیوں نے نگران پاکستان مشاورت سے ملاقات بھی کی۔(رپورٹ: عبدالخالق عطاری نیوز فالواپ ذمہ دار نگران پاکستان مشاورت / کانٹینٹ : محمد مصطفیٰ انیس)