دعوت اسلامی کی مجلس مدرسۃ المدینہ کورسز کے تحت لاہور کی جامع مسجدفیضانِ مدینہ  شاہ ابوالبرکات مغل پورہ میں پانچ ماہ کے مدرس کورس شروع ہونے جارہا ہے۔ جس میں داخلے کی آخری تاریخ 22جنوری 2020ء ہے۔

مزید معلومات کے لئے ان نمبرز پر رابطہ کریں

03324762073

حاجی امین عطاری کے قافلے کی فرقانیہ مسجد لیاقت آباد آمد

علاقے میں مدنی کاموں کی خوب دھوم دھام

18جنوری2020ء کورکنِ شوریٰ حاجی محمد امین عطاری شرکائے قافلہ کے ہمراہ جامع مسجد فرقانیہ لیاقت آباد پہنچے ۔ مسجد کے اطراف میں علاقائی دورہ کیااور بعد نماز مغرب سنّتوں بھرا بیان کیاجس میں رکنِ شوریٰ کی ترغیب دلانے پر 60سے زائد اسلامی بھائی تین دن کے قافلے میں سفر کرنے کے لئے تیار ہوگئے۔دھاگہ فیکٹری میں مدنی حلقہ لگانے کا بھی ہوا سلسلہ ہوا جس میں رکنِ شوریٰ حاجی محمد امین عطاری نے ”نماز سے محبت“ کے موضوع پر سنّتوں بھرا بیان کیا۔ رکنِ شوریٰ نے جامعۃ المدینہ فیضانِ عشقِ رسول لیاقت آباد میں اساتذہ کرام اور طلبہ کے درمیان سنّتوں بھرا بیان بھی کیااور اساتذہ ٔ کرام کا مدنی مشورہ بھی کیا۔جامع مسجد فرقانیہ میں مجلس ڈاکٹر، مجلس وکلا اور مجلس ازدیادِ حب کے ذمّہ داران کا مدنی حلقے ومدنی مشورے بھی بھی ہوئے جن میں رکنِ شوریٰ نے سنّتوں بھرا بیان کیااور شعبے میں مدنی کام کوبڑھانے کے اہداف دیتے ہوئے ذمّہ داران کو قافلے میں سفر کرنے کا ذہن دیا۔

19جنوری 2020ء کورکنِ شورٰی نے لیاقت آباد کی جامع مسجد مدینہ کتیانہ میمن محلہ کے اطراف میں علاقائی دورہ کیا جس میں علاقے کے اسلامی بھائیوں کی نیکی کی دعوت پیش کی۔ علاقائی دورہ کے اختتام پر ذمّہ داران کو سات دن کا فیضانِ نماز کورس کروانے کے اہداف دیتے ہوئے انہیں قافلے میں سفر کرنے کی ترغیب دلائی۔جامع مسجد فرقانیہ میں اراکینِ شوریٰ حاجی محمد امین عطاری اور حاجی امین قافلہ عطاری نے لیاقت آباد کابینہ کے تمام ذمّہ داران کے درمیان سنّتوں بھرا بیان کیا اور مدنی مشورہ کرتے ہوئے شرکا کو مدنی کام بڑھانے کے اہداف دیئے اور ذمّہ داران کو قافلے میں سفر کرنے کی ترغیب بھی دلائی۔

دعوت اسلامی کی مرکزی مجلس شوریٰ رکن حاجی محمد امین عطاری ان دنوں ایک ماہ کے قافلے میں سفر کررہے ہیں ۔

دورانِ قافلہ گڈاپ زون نوری آباد کی مقامی مسجد پہنچے اور مختلف مدنی کاموں میں شرکت کی۔

تفصیلات کے مطابق 16جنوری2020ء کو جامع مسجد مصطفیٰ نوری آباد میں ہونے والے ہفتہ وار اجتماع میں رکنِ شوریٰ حاجی محمد امین عطاری نے سنّتوں بھرا بیان کیاجس میں کم و بیش 1500 سے زائد اسلامی بھائیوں نے شرکت کی۔اجتماع کے اختتام پر مدنی حلقے کا سلسلہ ہوا ۔ جامع مسجد مصطفیٰ سے متصل پریس کلب میں مدنی حلقہ ہوا جس میں رکنِ شوری نے شرکا کو ہفتہ وار اجتماع میں شرکت کرنے کی ترغیب دلائی۔

دعوت اسلامی کے مختلف مدنی کاموں کے سلسلے میں اراکینِ شوریٰ، ذمّہ داران اور مبلغینِ دعوت اسلامی  ملک وبیرونِ ملک کے قافلے سفر کرتے ہیں ۔اسی سلسلے میں19جنوری 2020ء کو نگرانِ کابینہ داتا صاحب حاجی محمد افضل عطاری پانچ اسلامی بھائیوں کے ہمراہ تھائی لینڈ کے قافلے میں روانہ ہوگئے ۔

25 جنوری کو شہداد پور سندھ میں مذاکرہ اجتماع منعقد ہونے جارہا ہے جس میں  بذریعہ مدنی چینل مدنی مذاکرہ دکھایا جائے گا۔ رکنِ شوریٰ مولانا حاجی عبدالحبیب عطاری شہداد پور میں تشریف لاکر اس مذاکرہ اجتماع میں شرکت فرمائیں گے۔ یہ اجتماع شہداد پور چھٹو ہاؤس نزد سول اسپتال میں منعقد ہوگا۔ شہداد پور کے عاشقانِ رسول اس اجتماع میں ضرور شرکت فرمائیں۔ 

20 جنوری   بروزپیر بعد نمازِ عشاء دربار سلطانی بلاک 5 فیڈرل بی ایریا کراچی میں دعوتِ اسلامی کے زیرِ اہتمام سنتوں بھرا اجتماع منعقد کیا جائے گا جس میں دعوتِ اسلامی کی مرکزی مجلسِ شوریٰ کے رکن مولانا حاجی عبدالحبیب عطاری سنتوں بھرا بیان فرمائیں گے۔ بیان 11:15 پر شروع ہوگا۔ 

آج 19 جنوری بروز اتوار مدینہ مسجد لائق آباد مرغی خانہ قائدآباد کراچی اور جامع مسجد غوثیہ ایریا 37/D لانڈھی نمبر 1، کراچی میں سنتوں بھرے اجتماع کا منعقد کیا جائے گا۔ ان اجتماعات میں دعوتِ اسلامی کی مرکزی مجلسِ شوریٰ کے رکن مولانا حاجی عبدالحبیب عطاری سنتوں بھرے بیانات فرمائیں گے۔ رکنِ شوریٰ مدینہ مسجد قائدآباد کراچی میں عشاء کی نماز کے بعد سنتوں بھرا بیان فرمائیں گے جس کے بعد جامع مسجد غوثیہ لانڈھی نمبر 1 میں وقتِ مناسب پر سنتوں بھرا بیان فرمائیں گے۔ قرب و جوار کے اسلامی بھائیوں سے اجتماع میں شرکت کی مدنی التجا ہے۔

  مجلس ماہنامہ فیضانِ مدینہ  کی جانب سے  18 جنوری 2020ء بروز ہفتہ  جامعۃالمدینہ  فیضان احمد رضا نارتھ  کراچی میں ”ماہنامہ فیضانِ مدینہ“کی تشہیر اور تحریری مقابلہ میں حصہ کے حوالے سے پریزینٹیشن کا اہتمام ہوا جس میں  تقریبا 180 سے زائد طلبہ کرام اور  اساتذہ عظام نے شرکت فرمائی۔ اس موقع پر ماہنامہ فیضانِ مدینہ رائٹنگ ڈیپارٹ کے ناظم محمد راشد علی عطاری مدنی نے سنتوں بھرا بیان فرمایا اور طلبہ  کو ماہنامہ فیضانِ مدینہ کی سالانہ بکنگ کروانے اور تحریری مقابلے میں حصہ ملانے کا ذہن دیا جس پر کثیر طلبہ نے تحریری مقابلہ میں حصہ لینے اور ”ماہنامہ فیضانِ مدینہ“کی  سالانہ بکنگ کروانے کی نیت کا اظہار کیا ۔

دعوت اسلامی کی مجلس مدنی انعامات کے تحت 15 جنوری 2020 کو جامع مسجد نور مدینہ کامونکی شرقی ڈویژن میں مدنی دورہ ہوا جس میں نماز مغرب کے بعد اہل علاقہ کو نیکی کی دعوت دی  گئی بعد نماز عشاء مبلغ دعوت اسلامی نے اصلاح اعمال کے حوالے سے سنتوں بھرا بیان کیا جس میں کثیر عاشقان رسول نے شرکت کی بیان کے بعد مدنی مشورہ ہوا جس علاقہ میں مدنی کاموں کو مضبوط کرنے کے اہداف طے کئے گئے ( رپورٹ ۔ محمد قاسم عطاری مجلس مدنی انعامات کامونکی کابینہ)

عاشقانِ رسول کی مدنی تحریک دعوتِ اسلامی کی مجلس اسپیشل افراد کے تحت  پاکستان کے تین مقامات پر مدرسۃ المدینہ رہائشی برائے نابینا افراد کا آغاز کررہی ہے۔ اس مدرسۃ المدینہ میں نابینا افراد کو قراٰنِ پاک حفظ کرایا جائے گا۔ اس وقت یہ مدارس چکسواری پلاک ، کشمیر، بلڈنگ اشاعۃ الاسلام ملتان اور ممتاز کالونی ،قاضی عبدالقیوم روڈ، نزد اللہ دی مسجد ، حیدرآباد میں شروع کئے جارہے ہیں۔