دعوتِ اسلامی کی مجلس مدرسۃالمدینہ کورسز (تجوید، قرات و مدرس کورس)کے تحت 9 جنوری2020ء بروز جمعرات عالمی مدنی مرکز فیضانِ مدینہ کراچی میں کراچی ریجن کےکورسز معلمین و جدول ناظمین کا اجلاس ہواجس میں نگرانِ کورسز نے ذمہ داران کی تربیت فرمائی۔ اس مدنی مشورے میں کورسز کے تعلیمی، اخلاقی اور تنظیمی انتظامی معاملات میں بہتری لانے کے لئے مشاورت کی گئی، مسائل کے حل کے لیے کوششیں کرنے کا ذہن دیا گیا اور نئےنکات بھی طے پائے۔

دعوت اسلامی کے تحت جامع مسجد کنزالایمان شاہ پور شہرسرگودھا میں 8 جنوری بروز بدھ2020ء محفل نعت بسلسلہ گیارہویں شریف کا اہتمام کیا گیاجس میں مقامی عاشقانِ رسول نے شرکت کی۔ اس موقع پر مبلغِ دعوتِ اسلامی نے آقا کریم صلَّی اللہ علیہ واٰلہٖ وسلَّم کی صفتِ سماعت و بصارت سے متعلق سنتوں بھرا بیان کیا اور شرکائے محفل کو مدنی ماحول سے وابستہ ہوکر زندگی گزارنے کا مدنی ذہن دیا۔ (رپورٹ:بلال رضا عطاری)

دعوت اسلامی کے تحت آج مورخہ 12جنوری2020ء بروز اتوار بعد نمازِ عشاء جامع مسجد فضلِ ربی  نزد مدنی مرکز فیضانِ مدینہ اورنگ آباد میر پور خاص میں قافلہ اجتماع منعقد ہونے جارہا ہے جس میں ابو البنتین حاجی حسان رضا عطاری مدنی سنّتوں بھرا بیان فرمائیں گے۔ قرب و جوار کے عاشقانِ رسول سے اس اجتماعِ پاک میں شرکت کی درخواست ہے۔

مدنی چینل کے ناظرین کے لئے خوشی کی خبر ! آج 12جنوری2020ء بروز اتوار دوپہر 03:00 بجے مدنی چینل  ”پرسکون گھرانہ “ کے عنوان سے ایک عظیم الشان پروگرام نشر کررہا ہے جس میں شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی ،نگرانِ شوریٰ مولانا محمد عمران عطاری مَدَّظِلُّہُ الْعَالِی اور رکنِ شوریٰ حاجی مولانا عبد الحبیب عطاری مہمانِ خصوصی ہوں گے۔گھر کا ماحول کیسے پُرسکون بنایا جاسکتا ہے یہ جاننے لئے دیکھئے آج دوپہر تین بجے مدنی چینل لازمی جوائن کیجئے۔

مدنی چینل دیکھنے کے لئے کلک کیجئے

دعوتِ اسلامی کی مجلس رابطہ برائے اسپورٹس کے تحت تاندلیانوالہ شہر میں 8 جنوری 2020 بروز بدھ کو سٹی اسپورٹس کمپلیکس میں ووشو کونگفوکے کھلاڑیوں میں مدنی درس کا سلسلہ ہوا جس میں محمد منور حیات (جنرل سیکرٹری ڈسٹرکٹ ووشو کونگفو) اور کھلاڑیوں نے شرکت کی۔ مبلغ نے درس دیتے ہوئے ہفتہ وار اجتماع میں شرکت کرنے کا ذہن بھی دیا۔(رپورٹ:محمد حامد رضا عطاری، مجلس رابطہ برائے اسپورٹس فیصل آباد ریجن ذمہ دار)

کراچی(اسٹاف رپورٹر) دعوتِ اسلامی کے زیر اہتمام  ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج 09 جنوری 2020ء کو بھی دنیا بھر میں ہفتہ وار اجتماعات منعقد کئے جائیں گے۔

تفصیلات کے مطابق عالمی مدنی مرکز فیضانِ مدینہ کراچی میں ابوالبنتین حاجی حسّان رضا عطاری مدنی ، غوثیہ مسجد بلدیہ ٹاؤن میں رکن شوریٰ حاجی محمدعلی عطاری،مدنی مرکز فیضانِ مدینہ جوھر ٹاؤن لاہور میں رکنِ شوریٰ حاجی یعفور رضا عطاری اور ‫عثمانیہ مسجد عبداللہ گوٹھ مین نیشنل ہائی وےمیں رکن شوریٰ حاجی عقیل مدنی سنتوں بھرا بیان فرمائیں گے

جبکہ مدنی مرکز فیضانِ مدینہ کبیر والاضلع خانیوال کے سنتوں بھرے اجتماع میں رکنِ شوریٰ حاجی قاری سلیم عطاری ”فکرِ آخرت“ کے موضوع پر سنتوں بھرا بیان فرمائیں گے۔ یہ اجتما ع مدنی چینل پر براہِ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

گزشتہ دنوں صاحبزادیِ عطار، اُمِّ بِنتَین اپنے بچوں کے ابو مبلّغِ دعوتِ اسلامی، ابو بِنتَین حافظ حاجی حسان رضا عطاری مدنی کے ساتھ دعوتِ اسلامی کے مدنی کاموں کے سلسلے میں یورپ اور تُرکی کے سفر پر تھیں، جہاں سنتوں بھرے اجتماع اجتماعات میں بیانات سلسلہ رہا۔ مبلّغِ دعوتِ اسلامی، ابو بِنتَین حاجی حسان رضا عطاری مدنی نے بھی ، ہفتہ وار سنّتوں بھرے اجتماعات سمیت کئی اجتماعات میں بیان فرمائے اور مدنی حلقوں میں شرکت کے ساتھ ساتھ کئی اہم شخصیات سے ملاقات کی۔ مبلّغِ دعوتِ اسلامی حاجی حسان رضا عطاری مدنی نے اسپین کے شہر بادالونا، بارسلونا اور پیٹرکس ویلنسیا، اٹلی کے شہر بوستوآرسیتیو، بولونیا بریشیا اور سولارو جبکہ ترکی کے شہر استنبول سمیت کئی مقامات پر ہونے والے سنتوں بھرے اجتماعات میں بیان فرمائے۔

تُرکی میں حضرت سیّدُنا یوشع علیہ السَّلام، حضرت سیّدُنا ابو ایوب انصاری رضی اللہ عنہ، حضرت سلطان شیخ عزیز محمود ھُدائی رحمۃ اللہ علیہ، فاتحِ قسطنطنیہ حضرت سلطان محمد الفاتح رحمۃ اللہ علیہ کے مزار پر حاضری دی، ہالینڈ میں جامع مسجد طیبہ کے امام و خطیب مولانا شفیقُ الرّحمٰن مصباحی صاحب اور علّامہ بدرُالقادری صاحب کے گھر جاکر ان سے ملاقات کی، جبکہ اٹلی میں ڈاکٹر منظور چودھری(قونصلیٹ جنرل، اٹلی)، ڈاکٹر رضوان صلابر (پاکستان ویلفیئر کمیونیٹی، اٹلی)، میاں شبیر (چیئرمین مقامی نیوز پیپر، اٹلی) سمیت دیگر عاشقانِ رسول سے ملاقات فرمائی۔

شیخِ طریقت، امیرِ اہلِ سنّت دَامَتْ بَرَکَاتُہُمُ الْعَالِیَہ نے مدنی کاموں میں ان کے ساتھ تعاون کرنے والوں اور بیرونِ ملک مدنی کام کرنے والوں کی آڈیو پیغام کے ذریعے حوصلہ افزائی فرمائی اور دعاؤں سے نوازا۔ آپ نے اپنے صوتی پیغام میں دنیا کی بے ثباتی، آخرت کی تیاری، نیکی کی دعوت کو بڑھانے اور شرعی احکامات پر کاربند رہنے کے حوالے سے مدنی پھول بھی عطا فرمائے۔

  دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری آج ( 8 جنوری2020 ء بروز بدھ )نمازِ عشاء کے فوراً بعد جامع مسجد انوارِ مصطفےٰ B.O.R سوسائٹی جوہر ٹاؤن لاہور میں سنتوں بھرا بیان فرمائیں گے۔تمام عاشقانِ رسول سے اس علمی و روحانی اجتماع میں شرکت کی مدنی التجاء ہے۔

ناظم ماہنامہ فیضانِ مدینہ محمد راشد علی عطاری مدنی کا جامعۃ المدینہ فیضانِ غوثِ اعظم ولیکا میں سنتوں بھرا بیان

طلبہ کو ماہنامہ فیضانِ مدینہ کا مطالعہ کرنے اور تحریری مقابلے میں حصہ ملانے کی ترغیب دلائی

تفصیلات کے مطابق آج بروز منگل 7 جنوری 2020ء کو ماہنامہ فیضانِ مدینہ کے زیرِ اہتمام جامعۃ المدینہ فیضانِ غوث اعظم ولیکا سائٹ ایریا کراچی میں سنتوں بھرے اجتماع کا انعقاد کیا گیا جس میں ماہنامہ فیضانِ مدینہ رائٹنگ ڈیپارٹ کے ناظم محمد راشد علی عطاری مدنی نے طلبہ کے درمیان سنتوں بھرا بیان فرمایا اور انہیں ماہنامہ فیضانِ مدینہ میں ہونے والے مضامین کے تحریری مقابلے میں حصہ ملانے کا ذہن دیا۔ ناظم ماہنامہ نے طلبہ کو ہر ماہ جاری ہونے والے ماہنامہ فیضانِ مدینہ کی سالانہ بکنگ کروانے اور اس کا مطالعہ کرنے کا ذہن دیا۔

دعوتِ اسلامی کے تحت 5 جنوری 2020 ء بروز اتوار اسلام آباد میں  مدنی مشورہ ہوا جس میں نگران ریجن و رکنِ شوریٰ حاجی محمد وقار المدینہ عطاری نے ریجن ذمہ دار مجلس مکتوبات و تعویذات عطاریہ اور ریجن ذمہ دار مجلس رابطہ برائے تاجران سے الگ الگ مدنی مشورہ فرمایا جس میں انہیں ذمہ داری کی برکات اور احساسِ ذمہ داری سے متعلق نکات بیان کئے اور انفرادی شیڈول اور شعبہ کی موجودہ صورتحال کا جائزہ لیتے ہوئے آئندہ 63 دن کے اہداف دیئے نیز مدنی کاموں کے لئے ذیادہ سے ذیادہ وقت دینے اور مدنی کاموں کے لئے پلان مرتب کرنے کا ذہن بھی دیا۔

دعوتِ اسلامی کے تحت 5 جنوری2020 ء بروز اتوار ایسٹ ملیر کورنگی زون کا مدنی مشورہ عالمی مدنی مرکز فیضانِ مدینہ کراچی میں ہواجس میں رکن شوری حاجی امین عطاری ، رکن شوری حاجی امین قافلہ  اورتمام ارکینِ زون و نگران کابینہ نے شرکت کی۔ اس موقع پر ذمہ داران نے جامعات و مدارس المدینہ اور تقرری پریزیٹنشن بھی دکھائی گئے۔ (رپورٹ:احمد رضا ، ایسٹ ملیر کورنگی زون مجلس کارکردگی)