آج رات 8:15 بجے مرکزی مجلس شوریٰ کے رکن حاجی مولانا عبد الحبیب عطاری دعوت اسلامی کے آفیشلFacebook پیج پر لائیو ہونگے۔ جس میں عاشقان رسول رکن شوریٰ سے بذریعہ کمنٹ سوالات کرسکیں گے۔

مولانا عبد الحبیب عطاری سے بات کرنے کے لئے اس لنک پر کلک کیجئے:

https://www.facebook.com/dawateislami.net

موجودہ صورت حال کرونا وائرس  کی وبا ء میں سرکار دو عالم صلی اللہ علیہ وسلم کی دکھیاری امت کی خیر خواہی کے جذبے کے تحت دعوت اسلامی کی مجلس ویلفیئر ٹرسٹ نے تھیلسیمیا اور دیگر امراض میں مبتلا مریضوں کو خون کے عطیات فراہم کرنے کے لیے وقتاً فوقتاًملک کے مختلف شہروں میں بڑے پیمانے پر بلڈ کیمپس لگائے جن میں کثیر عاشقان رسول اسلامی بھائیوں نے تھلیسیمیا کے مریضوں کے لئے خون کا عطیہ پیش کیا ۔

اسی دکھیاری امت کی خیر خواہی کے جذبے کے تحت پچھلے دنوں کامونکی کابینہ میں دعوت اسلامی کے زیر انتظام تھیلیسیمییا کے مریضوں کے لئے بلڈ کیمپ لگایا گیا جس میں ہاتھوں ہاتھ 86 بلڈ بیگ جمع کئے گئے ۔

واضح رہے! جماعت اہلسنت تحصیل کامونکی کے ناظم صاحب کے ہمراہ کثیر علمائےکرام،سرکل امن کمیٹی کے چیئرمین جناب عثمان علی جلالی، اور d.s.pعامر ملک نے اس کیمپ پر خصوصی شرکت کی جبکہ ان کے معاونین نے بلڈ ڈونیٹ کیا۔

دوسری جانب موڑایمن آباد و کامونکی میں بھی پچھلے دنوں صبح نو تا شام سات تک پینتالیس بلڈ بیگ جمع کئے گئے۔ 

گزشتہ دنوں کراچی کے علاقے کھارادر میں سراج احمد کے تینوں بچے زہریلا برگر کھانے سے انتقال کرگئے تھے۔

ان کے سوئم کی فاتحہ میں دعوت اسلامی کے زیرِا ہتمام 17 جون کی شب مختصر اجتماع رکھا گیا جس میں مبلغِ دعوتِ اسلامی یوسف سلیم عطاری نے ایک دن مرنا ہے آخر موت ہے کے عنوان پر سنتوں بھرا بیان کیا اور دعا کروائی۔

محمد یوسف سلیم عطاری کا کہنا تھا کہ ہم دنیا میں آئے تو ترتیب سے ہیں، پہلے دادا پھر والد پھر بیٹا، لیکن موت کی کوئی ترتیب نہیں ہے، بہت سے واقعات شاہد ہیں کہ والد کے ہوتے ہوئے بیٹا انتقال کرجاتا ہے۔

ان کا مزید کہنا تھا کہ حدیثِ رسول کے مطابق بچپن میں انتقال کرجانے والے بچے روزِ قیامت اپنے ماں باپ کی بخشش کا ذریعہ بنتے ہیں۔

ذرائع کے مطابق 11سالہ عائزہ،8سالہ سعد اور2سالہ صفا نے 14 جون کی رات برگر اور آئس کریم کھائی تھی، 15 جون کی صبح 6 بجے ان بچوں کی حالت خراب ہونا شروع ہوئی جس پر انہیں کھارادر اسپتال منتقل کیا گیا۔

اسپتال کے عملے نے طبی معائنے کے بعد دوا دے کر بچوں کو گھر روانہ کردیا مگر کچھ ہی دیر بعد ان بچوں کی حالت پھربگڑ گئی جس پر ایک بار پھر تینوں بچوں کو کھارادر اسپتال لایا گیا ۔

اسپتال پہنچنے تک دو بچوں کی موت ہوگئی جبکہ ایک بچے کو آکسیجن کی کمی کے سبب جناح اسپتال منتقل کیا گیا مگراسپتال منتقلی کے دوران تیسرا بچہ بھی دم توڑگیا۔

عاشقان رسول کی مدنی تحریک دعوت اسلامی کے زیر انتظام مدنی مرکز فیضان مدینہ فتح جنگ میں تھیلیسیمیا اور دیگر مریضوں کے لئے بلڈ ڈونیشن کیمپ لگایا گیا جس میں کثیر عاشقان رسول نے اپنا خون عطیہ کیا۔

امیر اہلسنت مو لانا محمد الیاس عطار قادری دامت برکاتہم العالیہ کی اپیل پر پاکستان بھر کے 130 شہروں میں دعوتِ اسلامی کے زیر انتظام بلڈ ڈونیشن کیمپ لگائے گئے۔

یاد رہے !اب تک 24 ہزار سے زائد اسلامی بھائی خون کا عطیہ پیش کر چکے ہیں فتح جنگ میں بھی 70 سے زائد اسلامی بھائیوں نے اپنا خون عطیہ کیا۔ واضح رہے !دعوت اسلامی کے ذمہ داران،علمائے کرام،صحافی اور مختلف شعبہ ہائے زندگی سے تعلق رکھنے والے افراد شامل تھے چند کے نام یہ ہیں۔

(1)علامہ بشارت اعوان قادری صاحب (2) سماجی ورکر انجینئر اویس حمید (3) طارق محمود قادری جرنلسٹ( 4)سردار ظہیر خان کھٹر سیاسی رہنما (5) ملک رفاقت اعوان (6)جرنلسٹ صدر انجمن بہبودِ مریضاں (7) اسٹیٹ یوتھ پارلیمنٹ فتح جنگ کے صدر سردار قمر خان صدکال (8 )مفتی عرفان القادری صاحب خطیب مسجد گلزار مدینہ فتح جنگ۔

دعوت اسلامی کی مجلس مدرسۃ المدینہ آن لائن کے زیر اہتمام 22جون 2020ء سے” فرض علوم کورس“  شروع ہونے جارہا ہے ۔کورس کی مدت 10 دن جبکہ دورانیہ ڈیلی 90 منٹ ہوگا۔ اس کورس کا آغاز کل بروز پیر رات 11:00 بجے سے ہوجائیگا۔

پیارے آقا صلَّی اللہ علیہ واٰلہٖ وسلَّمکے اسوۂ حسنہ کو اپنانےاور زندگی کوبامقصد بنانے کے لئےسیکھئے بہت ضروری احکامات۔

اس کورس میں شرکت کے لئے نیچے دیئے لنک پر کلک کیجئے:

https://www.facebook.com/OnlineMadrasatulMadina

مزید معلومات کےلئے اس واٹس اپ نمبر پر رابطہ کریں:

03139292992

ہر اتوار  کو دعوت اسلامی کے اسپیشل افرادکے فیس بک پیج پر مرکزی مجلس شوریٰ کے رکن حاجی فضیل عطاری لائیو سلسلہ فرمائیں گے۔

تمام اسپیشل افراد اس سلسلے میں ضرور شرکت کریں۔یہ پروگرام ہر ہفتے شام 4:00 بجے شروع ہوجائیگا۔

اس پروگرام میں شرکت کرنے کے لئے نیچے دیئے گئے لنک پر کلک کیجئے:

عالمگیر تحریک  دعوتِ اسلامی نے کرونا وائرس کے مریضوں کے لئے پلازمہ جمع کرنے کا اعلان کردیا۔

پلازمہ جمع کرنے کا اعلان دعوتِ اسلامی کے امیر حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے گزشتہ رات (یعنی 20 جون کو) ہونے والے مدنی مذاکرے میں کیا۔ آپ نے کہا کہ جن افراد کو کرونا وائرس ہوا تھا اور وہ صحت یاب ہوچکے ہیں ان سے اپیل ہے کہ وہ اپنے خون کا عطیہ دیں اور انسانی جان کو بچائیں۔

بانیِ دعوتِ اسلامی نے پلازمہ عطیہ کرنے والوں کے لئےخصوصی دعا فرمائی:

”یارب المصطفےٰ عَزَّوَجَلَّ و صلَّی اللہ تعالٰی علیہ واٰلہٖ وسلَّم ! جو عاشقِ رسول دعوتِ اسلامی کو اپنا پلازمہ ڈونیٹ کرے تاکہ تیرے محبوب کے کسی دُکھیارے امتی کو پیش کیا جاسکے،اس کی پیشکش کو قبول فرما، الٰہ العالمین! اس کو آئندہ کے لئے آفات و بلیّات سے محفوظ فرما، اس کی آل اولاد کو بھی محفوظ فرما، الٰہ العالمین! اس کو سلامتیِ ایمان نصیب فرما، نزعِ روح میں آسانی دے، کلمہ پڑھتے ہوئے اس کی روح قبض ہو، محبوب کے جلووں میں اس کی روح قبض ہو، اور اےکاش! جنت الفردوس میں اسے تیرے پیارے حبیب صلَّی اللہ علیہ واٰلہٖ وسلَّم کا پڑوس نصیب ہوجائے، دنیاو آخرت کی بھلائیاں اس کا مقدر ہوجائیں۔ اے اللہ! جو جو پلازمہ کے لئے کوششیں کریں ، بھاگ دوڑ کریں، کسی کو راضی کریں، اس میں تعاون کریں، ان سب کے حق میں بھی یہ دعائیں قبول فرما۔ “

جو عاشقانِ رسول پلازمہ عطیہ کرنا چاہتے ہیں وہ ان نمبرز پر رابطہ کریں

0308-2626000

021-34942526

اراکین شوریٰ حاجی محمد امین عطاری ، حاجی محمد علی عطاری اور  حاجی امین عطاری قافلہ نے سپر ہائی ٹول پلازہ پر قائم صحرائےمدینہ میں واقع مکتبۃ المدینہ ویئر ہاؤس کا دورہ کیا ۔اراکین شوریٰ نے صحرائے مدینہ میں قا ئم کھال گودا م اور مسجد کا بھی دورہ فرمایا اور وہاں ہو نےو ا لے تعمیراتی کاموں کا جائزہ لیا۔اس موقع پر اراکین شو ریٰ نے تعمیراتی کا موں کو بہتر انداز میں کر نے کے حوا لے سے مد نی پھول ارشاد فرمائے۔

کھال گو دام کے دورے کے موقع پر اراکین شو ریٰ نے عید الاضحیٰ پر چرم قربانی کے جانوروں کی کھالوں کو جمع کر نے وا لے ذ مہ داران کی بھی رہنمائی فرمائی ۔ دورے کے دوران اراکین شوری نے صحرائے مدینہ میں واقع مزارات پر فاتحہ خوانی بھی کی۔

حیدرآبادکابینہ کےنگران نے شعبہ تعلیم کے ریجن و زون ذمہ دار کے ہمراہ لطیف آباد نمبر 06 میں پروفیسرانواراحمدزئی(چیئرمین کراچی بورڈ ) کے انتقال پران کے بھائی پروفیسر مشکور احمد زئی سے ان کی رہائش گا پر ملاقات کی اورپروفیسر انوار احمد زئی کے انتقال پر تعزیت کااظہار کیا اور دعائے مغفرت بھی کی۔ نگران حیدرآباد کابینہ نے مشکور احمد زئی کو دعوت اسلامی کے مختلف مدنی کاموں کے حوالے سے آگاہی دی جس پر انہوں نے دعوت اسلامی کے مدنی کاموں کو سراہا ۔

اسی طرح نگران حیدرآباد کابینہ اور دیگر ذمہ داران نے مجلس رابطہ کے ذمہ دار محمد راشد عطاری مرحوم کے چہلم پر ان کے گھرجاکر راشد عطاری کے صاحبزادے سے ملاقات اور دعا بھی کی ۔ نگران کابینہ نے راشد عطاری کے بیٹے کو صبر و ہمت سے کام لینے اور دعوت اسلامی کے مدنی کاموں میں شرکت کرتے رہنے کا ذہن دیا۔

پنجاب  کے شہر ملتان میں مجلس رابطہ ملتان ریجن ذمہ دار فدا علی عطاری نے ڈویژن نگران اور دیگر ذمہ داران کے ہمراہ A.D.P.O شجاع آبادسرکل A.S.P اسلم سنگھار سے ان کے دفتر میں ملاقات کی اور انہیں نیکی کی دعوت پیش کرتے ہوئے موجودہ صورت حال میں دعوت اسلامی کے فلاحی کاموں اوربلڈکمپین کے حوالے سے بتایا جس پر انہوں نے دعوت اسلامی کے مدنی کاموں کو سراہا۔ ریجن ذمہ دار نے A.S.P اسلم سنگھا ر کو مکتبۃ المدینہ کی کتاب بھی تحفے میں دی۔

بعد ازاں ان ذمہ داران نے چیف آفیسر بلدیہ طارق جاوید کمبوہ سے ان کے دفتر میں ملاقات کی اور انہیں بھی نیکی کی دعوت پیش کرتے ہوئے دعوت اسلامی کے مدنی ماحول سے وابستہ ہونے کا ذہن دیا۔

مجلس رابطہ کے ریجن ذمہ دار ملتان اور دیگر ذمہ داران نے تحصیل ہیڈکوارٹراسپتال کے میڈیکل آفیسر ڈاکٹر ادریس سے بھی ان کے دفتر میں ملاقات کی اور دعوت اسلامی کے مختلف شعبہ جات کا تعارف پیش کیا ۔

جبکہ ریسکیو آفس میں ریسکیو ورکرز سے ملاقات کی اور موجودہ صورت حال میں ریسکیو کی خدمات پر ان کی حوصلہ افزائی کی اور دعا بھی کی۔

اسی طرح مجلس رابطہ اسلام آباد کے ریجن ذمہ دار ارشدعطاری نے نگران زون سید ریاض عطاری کے ہمراہ S.H.O ڈڈیال کشمیر فیصل صدیق سے ان کے دفتر میں ملاقات کی اور انہیں دعوت اسلامی کے مختلف شعبہ جات کا تعارف بتایا۔

دعوت اسلامی کی مجلس  مدرسۃ المدینہ خود کفالت کراچی ریجن کے ذمہ دار ابواسید مخدوم سید شفیق الرحمان عطاری شعبہ خودکفالت نے 17جون 2020ء بروز بدھ کورنگی ولانڈھی کابینہ میں حاضری دی۔

مدرسۃالمدینہ فیضانِ مشتاق کورنگی میں ناظمِ اعلیٰ ومدنی عملےکےساتھ ایس او پیس برقراررکھتےہوئےمدنی مشورہ کیا۔ مشور ےمیں آپ نے مالِ وقف کی حفاظت کرنے ،اور مدنی عطیات ومدنی بستوں کے بارے میں کلام فرمایا ۔

جبکہ دوسری جانب مختلف مدنی بستوں پرحاضری دی اور وہاں موجود اسلامی بھائی کے کام کو سراہا تے ہوئے ماہ جون2020کے اہداف پیش کیے۔(رپورٹ:ابواسید مخدوم سید شفیق الرحمان عطاری شعبہ خودکفالت مدرسۃالمدینہ و مدنی بستہ کراچی ریجن)

دعوت اسلامی کے زیر اہتمام 17 جون 2020ء بروز  بدھ بلوچستان کے شہر حب میں گوادر زون کا مدنی مشورہ ہوا جس میں نگران زون حاجی محمد امتیاز عطاری، لسبیلہ تربت کابینات کے نگران حاجی محمد گلفام عطاری، عبدالرزاق عطاری کراچی ریجن مدرسۃ المدینہ للبنین وبالغان، مجلس معاونت ومدنی عطیات بکس کے اراکین ریجن،اور اراکین زون نے شرکت کی۔

مدنی مشورے کا آغاز تلاوت قرآن اور نعت رسول مقبول سے ہوا۔مبلغ دعوت اسلامی و مرکزی مجلس شوریٰ کے رکن نگران ریجن کراچی حاجی محمد امین عطاری نے تمام ذمہ داران کی تربیت فرماتے ہوئے ارشاد فرمایا کہ آپ سب ذمہ داران دعوت اسلامی کی آنکھیں ہیں۔

کہیں بھی کوئی غیر شرعی کام ہو تو اس کی نشاندہی کریں ۔موجودہ لاک ڈاون میں احتیاطی تدابیر کے ساتھ مدنی کام کریں ۔ مزید آپ نے آن لائن کورسز کے طلبہ میں اضافہ کروانے کا ذہن دیتے ہوئے فرمایا کہ تمام اراکین زون معلم کورس کریں جہاں بھی استاد بنائیں ان کے ذریعے مدرستہ المدینہ بالغان شروع کروائیں۔

مزید آپ نے امیراہلسنت کی تصانیف کا مطالعہ کرنے ،اورمدنی انعامات کے عامل بنیں کے حوالے سے تربیت فرمائی نیز شعبہ جات کےذمہ داران کا جدول، خود کفالت، ودیگر مدنی کاموں کے حوالے سے اہداف دیتے ہوئے ذمہ داران کو حسن کار کردگی پر تحائف بھی دئے۔ (رپورٹ: محمد جہاں زیب عطاری مجلس میڈیا ڈیپارٹمنٹ گوادر زون)