پچھلے دنوں  دعوت اسلامی کی مجلس رابطہ برائے تاجران کراچی کےریجن ذمہ دار نے دیگر ذمہ داران کے ہمراہ کراچی کے علاقے آدم جی نگر میں ایک اسلامی بھائی محمد امین برکاتی کی رہائش گاہ جاکر ان کی عیادت کی اور وہاں پر موجود اسلامی بھائیوں کو نیکی کی دعوت دی۔

مجلس رابطہ برائے تاجران کراچی کے ریجن ذمہ دار نے برنس روڈ پر ایک اور اسلامی بھائی حاجی عبدالکریم کے گھر جاکر ان کی زوجہ کے انتقال پر لواحقین سے تعزیت کی اور مرحومہ کے ایصال ثواب کے لئے دعا بھی کی ۔

اسی طرح کراچی ریجن ذمہ دار نے دیگر ذمہ داران کے ہمراہ الہلال سوسائٹی کراچی میں ایک اور اسلامی بھائی اویس بھائی کی رہائش گاہ جاکر ان کی والدہ کے انتقال پر تعزیت کی اور مرحومہ کے لئے دعائے مغفرت کی۔ ذمہ داران نے انہیں مرحومہ کے ایصال ثواب کے لئے دین کی خدمت کرنے کےلئے مدنی کاموں میں شرکت کرنے کی ترغیب دلائی۔

دعوت اسلامی کی مجلس رابطہ ملتان ریجن کے ذمہ دار نے دیگر ذمہ داران کے ہمراہ پنجاب پاکستان کے شہر رحیم یار خان میں محمد فراز (S.Pانوسٹی گیشن) اور حسن اقبال (ڈسٹرکٹ سیکورٹی آفیسر ) سے ان کے آفسز میں ملاقات کی۔ ریجن ذمہ دار مجلس رابطہ نے دعوت اسلامی کے تحت حالیہ صورتحال میں بلڈ کیمپ کے انعقاد اور دعوت اسلامی ویلفیئر کے تحت لوگوں میں راشن کی تقسیم کے حوالے سے آگاہ کیا۔جس پر S.P محمد فراز کا کہنا تھا کہ میں گزشتہ دو تین ماہ سے دیکھ رہا ہوں کہ جس طرح خون کے عطیات دیئے جارہے ہیں وہ قابل تحسین عمل ہے۔

اسی طرح صادق آباد میں حافظ زمان(D.S.P صادق آباد سرکل) اور چوہدری محمد عامر تقی (چیئرمین صادق آباد مارکیٹ کمیٹی)سے ان کے آفسز میں ملاقات کی۔ اور انھیں دعو ت اسلا می کے فلاحی کاموں کے حوالے سے بتایاجس پر ان افسران نے دعوت اسلامی کےمدنی کاموں کو سراہا۔مجلس رابطہ ملتان ریجن کے ذمہ دار نے ان افسران کو مکتبۃ المدینہ کی کتب بھی تحفے میں پیش کیں۔

دنیا بھر میں قراٰن و سنت کی تعلیمات کو عام کرنے والی عاشقان رسول کی مدنی تحریک دعوت اسلامی کے 107 سے زائد شعبہ جات میں سے ایک شعبہ مجلس اسپیشل افراد بھی ہے جو نابینا،  گونگے اور بہرے اسلامی بھائیوں میں نیکی کی دعوت عام کرنے اور انہیں بھی دین اسلام کی تعلیمات سے آراستہ کرنے میں مصروف عمل ہے۔ پچھلے دنوں مجلس اسپیشل افراد پاکستان بھر کے ریجن ذمہ داران کا مدنی مشورہ ہوا۔ رکن شوریٰ حاجی فضیل رضاعطاری نے کراچی سے بذریعہ انٹرنیٹ ان اسلامی بھائیوں کی رہنمائی کی۔

آج 29جون 2020ء  بروز پیر رات 9:15 بجےاستاذالعلماء مفتی محمد قاسم عطاری اپنے آفیشل Facebook پیج پر لائیو سلسلہ فرمائیں گے ۔ اس سلسلے میں عاشقان رسول اپنے سوالات کے جوابات جان سکیں گے۔

سلسلے میں شامل ہونے کے لئے نیچے دیئے گئے لنک پر کلک کیجئے:

https://www.facebook.com/MuftiQasimAttari

آج 29جون 2020ء  بروز پیر رات 8:45 بجے دارالافتاء اہل سنت کے مولانا محمد سجاد عطاری مدنی مدنی چینل کے آفیشل Facebook پیج پر لائیو سلسلہ فرمائیں گے ۔ اس سلسلے میں عاشقان رسول بذریعہ کمنٹ شرعی مسائل کا حل قراٰن و سنت کی روشنی میں جان سکیں گے۔

سلسلے میں شرکت کرنے کے لئے نیچے دیئے گئے لنک پر کلک کیجئے:

https://www.facebook.com/MadaniChannelOfficial

2جولائی 2020ء برو زجمعرات رات 9:30 بجے مدنی چینل پر  ہفتہ وارسنتوں بھرے اجتماع کا انعقاد کیا جائیگا جس میں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی سنتوں بھرا بیان فرمائیں گے۔

واضح رہے! پاکستان سمیت دنیا بھر میں ہر جمعرات کو دعوت اسلامی کے زیر اہتمام ہفتہ وار اجتماعات کا سلسلہ ہوتاہے جن میں شرکت کرنے والے عاشقان رسول تلاوت، نعت، بیانات اور رقت انگیز دعاؤں سے فیض یاب ہوتے ہیں لیکن موجودہ ملکی صورت حال کے باعث یہ اجتماعات گیدرنگ کی صورت میں منعقد نہیں ہورہے، فقط مدنی چینل پر سنتوں بھرا بیان نشر کیا جاتا ہے جسے عاشقانِ رسول گھر بیٹھے ملاحظہ کرتے ہیں۔

دعوت اسلامی کے زیر اہتمام23 جون2020ء بروز منگل کو بلوچستان کےشہروندراور اوتھل ڈویژن کا فیضان مدینہ میں مدنی مشورہ ہوا جس میں وندر اور اوتھل ڈویژن کے ذمہ دار اسلامی بھائی نے شرکت کی ۔

مبلغ دعوت اسلامی نگران کابینہ حاجی محمد گلفام عطاری نے12 مدنی کاموں کے حوالے سے ذہن دیا خصوصا مدرسۃ المدینہ بالغان کے حوالے سے گفتگو کی۔جبکہ دوسری طرف کراچی ریجن سے مدرسۃ المدینہ بالغان کے ذمہ دار محمد ساجد عطاری اور غلام یسین عطاری نے مدرسۃ المدینہ بالغان کے حوالےسے تربیت کرتے ہوئے ذمہ داران کا ٹیسٹ بھی لیا۔اس موقع پر تقریبا15اسلامی بھائیوں نے مدرسۃ المدینہ بالغان میں داخلہ لینے کی نیتوں کا اظہار بھی کیا ۔(رپورٹ: محمد جہانزیب عطاری مجلس میڈیا ڈیپارٹمنٹ گوادر زون)

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی آج بروز ہفتہ رات 8:00 بجے اپنےFacrbook پیج پر لائیو سلسلہ فرمائیں گے جس میں نگران شوریٰ” شیخ چلی“ موضوع پر گفتگو کرتے ہوئے عاشقان رسول سے بات چیت کریں گے۔

سلسلے میں شامل ہونے کے لئے نیچے دیئے گئےلنک پر کلک کیجئے

https://www.facebook.com/maulanaimranattari

تھیلیسیمیا ایک جان لیوا مرض ہے اس مشکل گھڑی میں دعوت اسلامی کے ساتھ مل کر تھیلیسیمیا اور دیگر امراض میں مبتلا مریضوں کے لئے بلڈ جمع کیجئے۔

ان شاء اللہ عزوجل مدرستہ المدینہ آن لائن ملت روڈ چکی چوک گول چوک نیو گرین ٹاون فیصل آباد میں 27جون2020ء بروز ہفتہ دن3تارات10بجےتک دعوت اسلامی کے تحت تھیلیسیمیا اور دیگر امراض میں مبتلا مریضوں کے لئے بلڈ ڈونیشن کیمپ کا اہتمام کیا جارہا ہے

اپناخون کا عطیہ پیش کرنے کے لئے ان نمبرزپررابطہ کریں

03055428547

03237626811

دعوت اسلامی کی مجلس ازدیاد حب کے تحت 24 جون 2020ء کو رکن ِ شوریٰ حاجی محمد رفیع العطاری کی والدہ مرحومہ  کے ایصال ثواب کے لئےآن لائن سنتوں بھرے اجتماع کا اہتمام کیا گیا جس میں مرکزی مجلس شوریٰ کے رکن حاجی محمد اظہر عطاری نے سنتوں بھرا بیان کیا۔ اجتماع پاک میں کم وبیش 600 سے زائد عاشقان رسول نے آن لائن شرکت کی۔ اسلامی بھائیوں نے رکن شوریٰ حاجی رفیع العطاری کو مرحومہ کے لئے کثیرتعداد میں قراٰن پاک، درود سلام، سورہ فاتحہ، سورہ ملک، استغفاراور دیگر ایصال ثواب تحفۃً پیش کئے۔ 

دعوت اسلامی کے  زیر اہتمام 19جون 2020ء بروزجمعۃ المبارک کو نیو کراچی غوث الاعظم مسجد میں مدنی مشورہ ہوا جس میں ذیلی تا علاقائی نگران نے شرکت کی۔ مبلغ دعوت اسلامی رکن کابینہ محمد بغدادرضاعطاری نے 12مدنی کام موجودہ حالات کے مطابق کرنے ، ہفتہ وار اجتماع میں مدنی چینل کے ذریعے شرکت کرنے،ہفتہ وار مدنی مذاکرہ میں مدنی چینل کے ذریعے شرکت کرنے ، مسجد درس دینے ، نماز فجر کے بعد مدنی حلقے لگانے ، مدنی انعامات کے مطابق زندگی کزارنے اور موجودہ حالات کے مطابق گورنمنٹ کی طرف سے دی گئی ایس ،او پیز پر عمل کر نے کے حوالے سے شرکا کی تربیت فرمائی۔(رپورٹ: محمد بغدادرضاعطاری رکن کابینہ)

پنجاب کے شہر سرگودھا میں واقع ہلال احمر اسپتال سیلانوالی روڈ پر دعوت اسلامی کے تحت تھیلیسمیااور دیگرامراض میں مبتلا مریضوں کو خون کی فراہمی کے لئے بلڈ کیمپ لگایا گیا جہاں عاشقان رسول نے اپنا خون عطیہ کیا۔ اس بلڈکیمپ پر مرکز اہلسنت جامع مسجد صدیق اکبر کے خطیب مولانا قاری سعید احمد صاحب کی آمد ہوئی اور انہوں نے بھی دکھیاری امت کی خیر خواہی کے لئے خون عطیہ دیا۔ اس موقع پر بلڈ کیمپ پر آنے والے اسلامی بھائیوں میں مدنی انعامات کے رسالے بھی تقسیم کئے گئے اور انہیں مدنی انعامات کےمطابق زندگی گزارنے کی ترغیب بھی دلائی گئی۔

اسی طرح صوبائی دارالحکومت لاہور کے علاقے تاجپورہ میں لگائے گئے بلڈکیمپ پر سینکڑوں عاشقان رسول نے خون عطیہ کیا۔دعوت اسلامی کی مرکزی مجلس شوریٰ کے رکن حاجی محمد منصور عطاری نے نگران کابینہ اور دیگر ذمہ داران کے ہمراہ اس بلڈکیمپ کا دورہ کیا اور وہاں کے انتظامات کا جائزہ لیتے ہوئے خون عطیہ کرنے کیلئے آنے والے اسلامی بھائیوں سے ملاقاتیں کیں اور ان کی حوصلہ افزائی بھی کی۔اس بلڈکیمپ کے موقع پر دعوت اسلامی کی مجلس مکتبۃ المدینہ کااسٹال بھی لگایا گیا جہاں مکتبۃ المدینہ کے شائع کردہ مختلف کتب و رسائل رکھے گئے جن کے بارے میں ذمہ داران نے اسلامی بھائیوں کو معلومات بھی فراہم کیں۔