دعوت اسلامی کی مجلس مدرسۃ المدینہ بالغان کے تحت الہٰ آباد میں مدنی مشورہ ہوا جس میں معلمین اور دیگر شعبے کے ذمہ دار اسلامی بھائیوں نے شرکت کی۔ رکن زون شمالی لاہور محمد فہیم عطاری نے شرکا کی تربیت کی  اور اپنے اپنے گھروں میں آقا صلَّی اللہ علیہ واٰلہٖ وسلَّم کی آمد کا جشن منانے کی ترغیب دلائی۔

دعوت اسلامی  کی مجلس مدرسۃ المدینہ بالغان کے تحت 14اکتوبر 2020ء بروز بدھ لاہور ریجن فیروز پور روڈ کابینہ میں مختلف مقامات پر میلاد اجتماعات کا سلسلہ ہوا جس میں مدرسۃ المدینہ بالغان کے عاشقان رسول نے شرکت کی ۔

میلاد اجتماع میں مبلغ دعوت اسلامی محمد فہیم عطاری رکن زون شمالی لاہور ریجن نے آقا ﷺکی آمد کا جشن منانے کے موضوع پر بیان کرتے ہوئے شرکا کو گھر گھر میں عید میلاد النبی کے اجتماعات کرنے کے متعلق مدنی پھول دیئے ۔( محمد سلیمان عطاری مجلس مدرسہ المدینہ بالغان)

دعوت اسلامی کی مجلس مدرستہ المدینہ بالغان کے  تحت9 اکتوبر 2020ء بروز جمعۃ المبارک پیر محل جامع مسجد گورنمنٹ ہائی سکول گوجرہ کابینہ پیر محل ڈویژن میں ختم قرآن اجتماع ہوا جس میں تاجران نے شرکت کی ۔

ختم قرآن اجتماع میں مبلغ دعوت اسلامی غلام عابد عطاری نگران مجلس مدرستہ المدینہ بالغان نے تاجران کے درمیان قرآن پاک کے فضائل پر سنتوں بھرا بیان کیا اور شرکا کو دعوت اسلامی کے دیگر مدنی کاموں میں عملی طور پر شرکت کی دعوت دی ۔(رپورٹ:رکن زون مدرستہ المدینہ بالغان دارالسلام ٹوبہ زون محمد عمر رضا عطاری ) 

دعوت اسلامی کی مجلس مدرستہ المدینہ بالغان کے تحت 11 اکتوبر 2020 ءبروز اتوار  فیضان قُرآن اجتماع ہوا جس میں مدرستہ المدینہ بالغان میں پڑھنے والے عاشقانِ قُرآن ، مدرسین اور سُنی آئمہ کرام نے شرکت کی ۔

فَیضانِ قُرآن اجتماع میں نگران مجلس مدرسۃ المدینہ بالغان نے حاضرین کو قرآن پاک درست انداز میں پڑھنے کا ذہن دیتے ہوئے روزانہ تلاوت قرآن کرنے کا ذہن دیا اور مدنی قاعدہ مکمل کرنے والے عاشقان قرآن کو تحائف پیش کیے اس موقع پر نگران مجلس نے اٹھارہ ہزاری کابینہ ضلع جھنگ کے مدرسین کا مدنی بھی مشورہ کیا۔

دعوت اسلامی کی مجلس مدرسۃ المدینہ بالغان کے تحت رسول نگر گوجرانوالہ میں ”فیضان نماز کورس“ کا اختتام ہوا ۔

کورس کے اختتام پر سنتوں بھرے اجتماع کا انعقاد کیا گیا جس میں اہل علاقہ سمیت دیگر ذمہ داران نے شرکت کی۔ نگران کابینہ فیاض عطاری نے سنتوں بھرا بیان کیا اور شرکا کو نماز کی پابندی اور داتا صاحب رحمۃ اللہ علیہ کے عرس کے موقع پرایک ماہ کے قافلے میں سفر کرنے کی ترغیب دلائی۔

دعوت اسلامی کی مجلس مدرسۃ المدینہ بالغان کشمور زون کے ریجن ذمہ دار نے خود کفالت کے ذمہ دار کے ہمراہ مدرسۃ المدینہ بالغان کا دورہ کیا ۔ ریجن ذمہ دار نے اسلامی بھائیوں کی تربیت کی اور انہیں صدقہ بکس رکھنے کا ذہن دیاجبکہ ریجن ذمہ دار نے ہاتھوں ہاتھ اسلامی بھائیوں میں 20 صدقہ بکس تقسیم کیا۔

دعوت اسلامی کی مجلس مدرسۃ المدینہ بالغان کے تحت شاہدرہ مرید کے میں مدنی مشورہ ہوا جس میں مدرسۃ المدینہ بالغان میں پڑھانے والے اسلامی بھائیوں نے شرکت کی۔ ریجن ذمہ دار حسن عطاری نے شرکا کی تربیت کی اور قرآن پاک ذوق و شوق سے سکھاتے ہوئے اس کے احکامات پر عمل کرنے کی ترغیب دلائی۔

دعوت اسلامی کی مجلس مدرستہ المدینہ بالغان کے تحت حیدرآباد کابینہ آفندی ڈویژن فیضان مدینہ میں معلم مدنی قاعدہ کورس کا آگازہوا جس میں فیضان مدینہ آفندی ٹاؤن میں قائم جامعۃ المدینہ کے دورہ حدیث کے طلبہ نے شرکت کی ۔

معلم مدنی قاعدہ کورس میں مبلغ دعوت اسلامی قاری زاہد عطاری نے قرآن پاک تجوید کیساتھ سیکھ کر پڑھنے اور مدرستہ المدینہ بالغان میں اصلاح امت کے جذبے کے تحت بالغ افراد کو فی سبیل اللہ قرآن پاک پڑھانے کا ذہن دیا ۔(رپورٹ:محمد سلیم عطاری رکن کابینہ مدرستہ المدینہ بالغان حیدرآباد کابینہ)

پچھلے دنوں مجلس مدرستہ المدینہ بالغان کے ذمہ دار محمد احمد رضا عطاری نے پچھلے دنوں  لاہور الیکٹرک سپلائی کرنے والی کمپنی لیسکو واپڈا آفس شیخوپورہ میں ڈپٹی کمرشل مینجر واپڈا DCM محمد شہزاد حنیف چھٹی صاحب سے ملاقات کی اور دعوت اسلامی کے شعبہ مدرستہ المدینہ بالغان کا تعارف پیش کیا ۔

مبلغ دعوت اسلامی نے ملاقات میں مدرستہ المدینہ بالغان شروع کرنے کا ذہن دیتے ہوئے ہاتھوں ہاتھ لیسکو واپڈا آفس شیخوپورہ میں مدرستہ المدینہ بالغان شروع کیا جس میں ڈپٹی کمرشل مینجر شہزاد حنیف بھٹی صاحب نے بھی شرکت کی۔( رپورٹ: عمر عطاری)

دین متین کی خدمت میں مصروف عمل عاشقان رسول کی  عالمگیر تحریک دعوت اسلامی کے اخراجات کروڑوں میں ہیں اور یہ سب اخراجات عاشقان رسول کے تعاون سے ہی چلتے ہیں۔

شیخو پورہ کابینہ میں مجلس مدرستہ المدینہ بالغان کے تحت پچھلے دنوں گھریلو صدقہ بکس رکھواو مہم چلائی گئی دوران مہم مختلف جگہوں پر مدنی حلقہ ہوئے جس میں مبلع دعوت اسلامی مجلس مدرستہ المدینہ بالغان کے ڈویژن ذ مہ دار محمد احمد رضا عطاری نے عاشقان رسول کو صدقہ کے فضائل و برکات پر مدنی پھول پیش کئے ۔

مدنی حلقے میں گھریلو صدقہ بکس عاشقان رسول کے گھروں میں رکھوائے گئے اس موقع پر مجلسِ مدرستہ المدینہ بالغان شیخوپورہ کابینہ کےمدنی عملہ نے 1300 عطیات بکس رکھوانے کا ہدف لیا ۔(رپورٹ محمد فیض فرید عطاری)

دعوت اسلامی کی مجلس مدرسۃ المدینہ بالغان کے نگران غلام عابد عطاری نے ریجن ذمہ دار اور نگران زون کے ہمراہ ڈیرہ اسماعیل خان کا دورہ کیا جہاں انہوں نے نگران کابینہ اورشعبہ جات کے  اراکین زون کا مدنی مشورہ لیا ۔ مدنی مشورے میں شعبے کا تعارف اور مقاصد بیان کئے گئے اور شعبے کے حوالے سے گفتگو ہوئی۔ نگران مجلس نے بہتر کارکردگی کے حامل ذمہ داران کو تحائف بھی دیئے۔

پچھلے دنوں دعوت اسلامی کی مجلس مدرسۃ المدینہ بالغان کے تحت پشاور میں مدنی مشورہ ہوا جس میں پشاور زون کے ذمہ داران نے شرکت کی۔ نگران مجلس مدرسۃ المدینہ بالغان غلام عابد عطاری، ریجن ذمہ دار اور نگران زون نے شرکا کو شعبے کے حوالے سے مدنی پھول دیئے۔

بعد ازاں نگران مجلس نے شخصیات سے ملاقاتیں کیں اور انہیں شعبے کا تعارف پیش کیا۔