رکن شوریٰ حاجی ابو ماجد محمد شاہد عطاری مدنی اورنگران مجلس رابطہ بالعلماء محمد افضل عطاری مدنی  نےمقامی ذمہ داران کے ہمراہ سرگودھا میں حضرت خواجہ محمد معظم الدین، حضرت خواجہ محمد حسین معظمی، حضرت خواجہ غلام سدید الدین معظمی اور حضرت خواجہ غلام حمید الدین احمد معظمی رحمۃ اللہ علیہم کے مزارات پر حاضری دی اور ایصالِ ثواب کے لئے فاتحہ خوانی کی۔

بعد ازاں رکن شوریٰ نے مزار شریف کے سجادہ نشین پیر محمد معظم الحق معظمی صاحب سے ملاقات کی اور انہیں دعوت اسلامی کی دینی و فلاحی خدمات سے آگاہ کیا۔

رکن شوریٰ حاجی ابو ماجد محمد شاہد عطاری مدنی، نگران مجلس رابطہ بالعلماء محمد افضل عطاری مدنی اور رکن ریجن سید خالد  عطاری نے مقامی ذمہ داران کے ہمراہ شیخ الحدیث مولانا پیر غلام رسول قاسمی صاحب سے سرگودھا میں ان کی رہائش گاہ جاکر ملاقات کی۔ رکن شوریٰ نے انہیں دعوت اسلامی کی دینی و فلاحی کاموں سے آگاہ کیااور فیضان مدینہ کراچی آنے کی دعوت پیش کی۔

رکن شوریٰ حاجی ابو ماجد محمد شاہد عطاری مدنی، نگران مجلس رابطہ بالعلماء محمد افضل عطاری مدنی اور رکن ریجن محمد ظہیر عباس عطاری مدنی  نے مقامی ذمہ داران کے ہمراہ دارالعلوم رکن السلام مجددیہ کے شیخ الحدیث مولانا عبد الوہاب قادری صاحب اور مولانا عمر فیض سروری قادری صاحب سےان کی رہائش گاہ جاکر ملاقات کی۔ رکن شوریٰ نے انہیں دعوت اسلامی کی دینی و فلاحی کاموں سے آگاہ کیااور فیضان مدینہ کراچی آنے کی دعوت پیش کی۔

دعوت اسلامی کی مجلس رابطہ بالعلماء پاکستان کے زیر اہتمام حیدر آباد ریجن میں مدنی مشورہ ہوا جس میں مجلس رابطہ بالعلماء کے رکن زون، رکن کابینہ اور جامعۃ المدینہ کے طلبائے کرام نے شرکت کی۔ نگران مجلس رابطہ بالعلماء پاکستان کے  نگران محمد افضل عطاری مدنی، رکن مجلس اور ریجن ذمہ دار محمد محب عطاری نے شعبے کے حوالے سے شرکا کی تربیت کی اور مدنی پھول ارشاد فرمائیں۔

بعد ازاں ذمہ داران نے جامعہ راشدیہ پیرجو گوٹھ میں استاذ الحدیث یمنی مولانا علی اکبر سکندری صاحب سے ملاقات کی اور انہیں دعوت اسلامی کی دینی خدمات سے آگاہ کیا۔

دعوت اسلامی کی مجلس  رابطہ بالعلماء کے تحت پچھلے دنوں لیاقت عطاری نگران کابینہ قلات نے مولانامفتی عبدالغفارحلیمی صاحب مہتمم جامعہ غوثیہ قلات سے ملاقات کی۔ نگران کابینہ نے مفتی عبدالغفارحلیمی صاحب کو دنیا بھر میں دین کی خدمت میں مصروف عمل عاشقان رسول کی عالمگیر تحریک دعوت اسلامی کے مختلف شعبہ جات کا تعارف پیش کرتے ہوئے دعوت اسلامی ویلفیئر کی خدمات سے آگاہی فراہم کی۔

دوسری جانب محمد افضل عطاری مدنی نگران مجلس رابطہ بالعلماء رکن ریجن ،رکن زون اور نگران کابینہ کے ہمراہ جامعہ راشدیہ کی کتب خانہ کا وزٹ کیااور مولانا خدا بخش سکندری صاحب سے ملاقات کی اور انہیں دعوت اسلامی کے مختلف شعبہ جات کا تعارف پیش کرتے ہوئے المدینہ العلمیہ کےتحریری و تصنیفی کام کے متعلق بریفنگ دی جبکہ نگران مجلس نے مولانا خدا بخش سکندری صاحب کو عالمی مدنی مرکز فیضان مدینہ کراچی کے وزٹ کی دعوت پیش کی۔

دعوت اسلامی کی مجلس رابطہ بالعلماء کے نگران محمد افضل عطاری مدنی نے دیگر ذمہ داران کے ہمراہ سلطان کوٹ شکار پور میں حضرت علامہ مفتی محمد صاحبدادجمالی صاحب اور حضرت علامہ مولانا تقدس علی خان رحمۃ اللہ علیہما کے مزارات پر حاضری دی ۔ ذمہ داران نے ایصالِ ثواب کے لئے فاتحہ خوانی کی۔ 

دعوت اسلامی کی مجلس رابطہ بالعلماء کے نگران محمد افضل عطاری مدنی نے سانگھڑمیں مفتی عبد الرزاق مہران سکندری صاحب سے ملاقات کی۔نگران مجلس نے انہیں دعوت اسلامی کا تعارف پیش کرتے ہوئے مکتبۃ المدینہ کی کتابیں تحفے میں پیش کیں۔

دعوت اسلامی کی مجلس رابطہ بالعلماء پاکستان کے نگران محمد افضل عطاری مدنی نے رکن ریجن، رکن کابینہ اور معاون رکن کابینہ کے ہمراہ  میرپور خاص میں مفتی شریف سعیدی صاحب سے ملاقات کی۔ نگران مجلس نے انہیں دعوت اسلامی کا تعارف پیش کیا اور عالمی مدنی مرکز فیضان مدینہ کراچی اور فیضان مدینہ حیدر آباد آنے کی دعوت پیش دی۔

دعوت اسلامی کی مجلس رابطہ بالعلماء کے تحت رکن کابینہ قائد آباد نے دیگر ذمہ داران کے ہمراہ بندیال شریف میں قائم دار العلوم جامعہ مظہریہ امدادیہ میں حاضری دی جہاں انہوں نے مولانا ظفر الحق بندیالوی صاحب، مفتی مظہرالحق بندیالوی صاحب، مولانا انوار الحق صاحب، مولانا احسان الحق صاحب اور مفتی حسین صاحب سے ملاقات کی اور دعوت اسلامی کا تعارف پیش کیا۔

بعد ازاں ذمہ داران نے حضرت علامہ مولانا یار محمد بندیالوی رحمۃ اللہ علیہ کے مزار شریف پر حاضری دی اور ایصالِ ثواب کے لئے فاتحہ خوانی کی ۔ حاضری کے بعد ذمہ داران نے مولانا یار محمد رحمۃ اللہ علیہ کے صاحبزادگان کو درسی کتب پر المدینۃ العلمیہ کی کاوش سے آگاہ کیا اور ماہنامہ فیضان مدینہ تحفے میں پیش کیا۔

دعوت اسلامی کی مجلس رابطہ بالعلماء پاکستان کے نگران محمد افضل عطاری مدنی  نے ریجن ذمہ دار محمد محب عطاری کے ہمراہ صدر جماعت اہلسنت پاکستان ملی یکجہتی کونسل کے رکن اور جامعہ رکن السلام کے مہتمم شیخ الحدیث مولانا ابو الخیر ڈاکٹر زبیر صاحب سے ملاقات کی۔

نگران مجلس نے انہیں دعوت اسلامی کے مختلف شعبہ جات کا تعارف پیش کیا اور عالمی مدنی مرکز فیضان مدینہ کراچی آنے کی دعوت پیش کی۔

دعوت اسلامی کی مجلس رابطہ بالعلماء کے ذمہ داران نے 20 ستمبر 2020ء بروز اتوارمانکی شریف میں مزارات پر حاضری دی اور فاتحہ خوانی کا سلسلہ ہوا۔ ذمہ داران نے صاحبزادہ جانشین پیرآف مانکی شریف مفتی جنید القادری صاحب سے ملاقات  کی اور دعوت اسلامی کے چند شعبہ جات کا تعارف پیش کرتے ہوئے مدنی کاموں پر تفصیلی گفتگو کی۔

دعوت اسلامی کی مجلس رابطہ بالعلماء کے ریجن ذمہ دار محمدظہیر عباس عطاری مدنی نے دارالعلوم جلالیہ مظہر الاسلام کھاریاں کے مہتمم و سنی علماءکونسل کے صدر مولانا اختر حسین جلالی صاحب سے ملاقات کی۔ ریجن ذمہ دار نے انہیں دعوت اسلامی کی دینی و فلاحی خدمات سے آگاہ کرتے ہوئے ” ماہنامہ فیضان مدینہ“ تحفے میں پیش کیا۔

اسی مجلس رابطہ بالعلماء کے ریجن ذمہ دار محمد ظہیر عباس عطاری مدنی نے امیر تحریک تحفظ اسلام پاکستان و دارالعلوم جلالیہ ختم نبوت کے مہتمم مولانا محمد ثاقب شکیل جلالی صاحب سے ملاقات کی۔ ریجن ذمہ دار نے انہیں دعوت اسلامی کی دینی و فلاحی خدمات سے آگاہ کرتے ہوئے ”ماہنامہ فیضان مدینہ“ تحفے میں پیش کیا۔