دعوتِ اسلامی کی زیرِ نگرانی گزشتہ دنوں فیصل آباد زون کے جامعہ قادریہ میں تخصص کرنے والے طلبۂ کرام نےمدنی مرکز فیضانِ مدینہ کا دورہ کیاجس میں انہوں نے دعوتِ اسلامی کے شعبے فیضانِ آن لائن اکیڈمی، مدرسۃالمدینہ اور جامعۃالمدینہ کا وزٹ کیا۔

اس دوران طلبۂ کرام نے نگرانِ شعبہ افضل عطاری مدنی اور ریجن ذمہ دار فیصل آباد خالد شاہ عطاری مدنی سے ملاقات کی،ذمہ داران نے طلبۂ کرام کو معلم مدنی قاعدہ کورس میں داخلہ بھی دلوایا۔(رپورٹ: شعبہ رابطہ بالعلماء ، کانٹینٹ:غیاث الدین عطاری)

دعوتِ اسلامی کے شعبہ رابطہ بالعلماء کے زیرِ اہتمام ذمہ دار اسلامی بھائیوں نے جامعہ محمدیہ معینیہ میں حاضری دی جہاں انہوں نے مولانا نذیر احمد سیالوی صاحب کے صاحبزادےمحمد ابو بکر صاحب سے ملاقات کی،اس کے علاوہ جامعہ خضری کے مہتمم صاحبزادہ مولانا امین رحمۃ اللہ علیہ کےپوتے مولانا طاہر سلطانی بن کریم سلطانی صاحب سے بھی ملاقات کا سلسلہ رہا۔

اس موقع پر ذمہ دار اسلامی بھائیوں نے انہیں دعوتِ اسلامی کی دینی وفلاحی خدمات کے حوالے سے بریفنگ دیتے ہوئے مدنی مرکز فیضانِ مدینہ وزٹ کرنے کی دعوت پیش کی،اس دوران سینئر مدرس جامعہ خضری مولانا محمد اشرف صاحب اور ناظم ِدفتر مولانا محمد احمد نصیر صاحب بھی موجود تھے۔(‫رپورٹ: شعبہ رابطہ بالعلماء ،کانٹینٹ:غیاث الدین عطاری)

پچھلے دنوں شعبہ رابطہ بالعلماء دعوت اسلامی کے وفد نے فیڈرل بی ایریا کراچی میں قائم اہل سنت کی عظیم درس گاہ دار العلوم نعیمیہ کا دورہ کیا جہاں انہوں نے استاذالعلماء مفتی منیب الرحمن صاحب سے ملاقات کی۔ دعوت اسلامی کے وفد میں شامل شعبہ رابطہ بالعلماء کے نگران مولانا افضل عطاری مدنی نے انہیں المدینۃ العلمیہ اسلامک ریسرچ سینٹر میں ہونے والے تصنیفی و تالیفی کاموں پر بریفنگ دی اور دارالکتب العلمیہ بیروت سے شائع ہونے والی 09 ضخیم  کتب تحفے میں پیش کیں۔

مولانا محمد افضل عطاری مدنی نے دیگر ذمہ داران کے ہمراہ کراچی کے علاقے ملیر میں قائم دارالعلوم مجددیہ نعیمیہ کا بھی وزٹ کیا اور ادارے کے ناظم اعلیٰ علامہ مفتی نذیر جان نعیمی صاحب اور علامہ مفتی جان محمد نعیمی صاحب سے ملاقات کی۔ محمد افضل عطاری نے انہیں دعوت اسلامی کے شعبہ جات کا تعارف پیش کرتے ہوئے مختلف امور پر کلام کیا۔

بعد ازاں ذمہ داران نے شیخ الحدیث مفتی محمد عبد اللہ نعیمی اور صاحبزادہ مفتی غلام محمد نعیمی رحمۃ اللہ علیہما کے مزارات پر حاضری دی اور ان کے ایصالِ ثواب کے لئے فاتحہ خوانی کی۔

جامعات المدینہ (دعوت اسلامی)کی زیرِ نگرانی ہر سال سینکڑوں اسلامی بھائی درس نظامی(عالم کورس) مکمل کرنے کی سعادت حاصل کرتے ہیں جس میں ان اسلامی بھائیوں کی دستار بندی بھی کی جاتی ہے۔

اسی سلسلے میں رواں سال درسِ نظامی مکمل کرنےوالے اسلامی بھائیوں کی دستارِ فضیلت 3 اکتوبر 2021ءبروز اتوارکی جائےگی جس میں تقریباً 1040 اسلامی بھائیوں کی دستار فضیلت ہوگی ،یہ دستار فضیلت پاکستان بھر کے مختلف شہروں میں کی جائےگی جس میں ملتان ریجن کے کم وبیش 124 اسلامی بھائیوں کی دستار بندی مدنی مرکز فیضانِ مدینہ ملتان میں ہوگی ۔

اس موقع پر شعبہ رابطہ بالعلماء کے نگران محمد افضل عطاری مدنی ، ملتان دارالافتاء اہلسنت کےمولانا محمد سرفراز عطاری اور رکن زون رابطہ بالعلماء سلیم بلالی عطاری نے مدرسہ و جامعہ انوار العلوم کے مولانا غلام مصطفی رضوی صاحب سے ملاقات کرتے ہوئے انہیں مدنی مرکز فیضان مدینہ میں منعقد ہونے والے دستار فضیلت اجتماع میں شرکت کرنے کی دعوت دی ۔

مولانا غلام مصطفی رضوی صاحب نے دعوتِ اسلامی کی کاوشوں کوخوب سراہتے ہوئے مدنی چینل کو اپنے تأثرات بھی دیئے۔ (رپورٹ: رابطہ بالعلماء،کانٹینٹ:غیاث الدین عطاری)

دعوتِ اسلامی کےتحت شعبہ رابطہ بالعلماء کے ذمہ داراسلامی بھائیوں نے پچھلے دنوں مہتمم جامعہ اسلام آبادمولانا پروفیسرڈاکٹر محمد ظفر اقبال جلالی صاحب سے ملاقات کی اور اُنہیں عرسِ اعلیٰ حضرت رحمۃاللہ علیہ کے موقع پر مدنی مرکز فیضانِ مدینہ اسلام آباد میں منعقد ہونےوالے دستارفضیلت اجتماع میں شرکت کرنے کی دعوت پیش کی۔

اس موقع پر شعبہ رابطہ بالعلماءکے ریجن ذمہ دارمحمدظہیرعطاری مدنی، واہ کینٹ زون ذمہ دارمحمدخالدعطاری مدنی، مولانا صداقت عطاری مدنی ، مولانا وسیم عطاری مدنی اورسیدابوبکرعطاری موجود تھے۔

بعدازاں ذمہ داران نے انہیں مکتبۃالمدینہ العربیہ اور درسی کُتُب کا تعارف پیش کرتے ہوئے بیروت کی عربی کُتُب تحفے میں دی جس پر انہوں نے دعوتِ اسلامی کی کاوشوں کو خوب سراہا۔(رپورٹ: رابطہ بالعلماء،کانٹینٹ:غیاث الدین عطاری)

پچھلے دنوں دعوتِ اسلامی کے شعبہ رابطہ بالعلماء کےذمہ دار اسلامی بھائیوں کا مختلف علمائے کرام سے ملاقات کا سلسلہ رہا جس میں ذمہ داران نے انہیں دعوتِ اسلامی کی دینی وفلاحی خدمات سے آگاہی فراہم کی۔

اس کے علاوہ علمائے کرام کو دعوتِ اسلامی کے تحت ہونے والے دستار فضیلت اجتماع میں شرکت کرنے کی دعوت پیش کی گئی جن میں حسنات احمد چشتی، دارالعلوم محمدیہ غوثیہ چک شہزاد کے پرنسپل مولانا پیرمختاراحمد نظامی، مولانا صاحبزادہ فاروق بہاؤالحق، مولاناارسلان جلالی،مولانا رفاقت حسین جلالی،مولاناپیرخورشیداحمدقادری،مولانا سعیداحمد نقشبندی، معین تبسم، مولانا پروفیسرعبدالغفورنجم صاحب اور مولانا حافظ مشتاق حسین نعیمی صاحب سمیت طلبۂ کرام بھی شامل تھے،اس کے علاوہ ذمہ داران نےمولانا سعیداحمد نقشبندی صاحب کے صاحبزادے سے عیادت کی۔

دوسری جانب مولانا پیر نویدالحسن مشہدی صاحب نے دعوتِ اسلامی کی مرکزی مجلسِ شوریٰ کے رکن حاجی جنید عطاری سے ملاقات کی ، رکنِ شوریٰ نے انہیں دعوتِ اسلامی کی دینی وفلاحی خدمات کے حوالے سے بریفنگ دیتے ہوئے دستار فضیلت اجتماع میں شرکت کرنےکی دعوت دی۔(رپورٹ: رابطہ بالعلماء،کانٹینٹ:غیاث الدین عطاری)

دعوتِ اسلامی کے ذمہ داران نے پچھلے دنوں شجاع آباد زون بستی ملوک میں موجود مدرسہ انوار حبیب کا دورہ کیا جہاں انہوں نے مہتمم و صدرتحریکِ عاشقانِ اولیاءپاکستان مولانا محمد یار رضوی صاحب سے ملاقات کی۔

اس موقع پر ذمہ داران نے انہیں دعوتِ اسلامی کے مختلف شعبہ جات کا تعارف پیش کرتے ہوئے ماہنامہ فیضان مدینہ تحفے میں دیا جس پر انہوں نے دعوتِ اسلامی کی دینی وفلاحی خدمات کوخوب سراہا اور اپنے تاثرات بھی دیئے،بعدازاں خصوصی دعاؤں سے نوازا۔ (رپورٹ: رابطہ بالعلماء،کانٹینٹ:غیاث الدین عطاری)

پچھلے دنوں دعوتِ اسلامی کے شعبہ رابطہ بالعلما  ء کےفیصل آباد کے زون ذمہ داران نے جامعہ نعمان بن ثابت میں حاضری دی جہاں انہوں نےکثیر علمائے کرام سے ملاقات کی۔

ذمہ داران نے انہیں دعوتِ اسلامی کےزیرِ اہتمام 3اکتوبر2021ءکو مدنی مرکز فیضانِ مدینہ فیصل آباد میں ہونے والے دستار فضیلت اجتماع میں شرکت کرنے کی دعوت دی،علمائے کرام نے دعوتِ اسلامی کی دینی وفلاحی خدمات کو سراہتے ہوئےاجتماعِ پاک میں شرکت کرنے کی نیتیں کیں۔ (رپورٹ: رابطہ بالعلماء،کانٹینٹ:غیاث الدین عطاری)

گزشتہ دنوں شعبہ رابطہ بالعلماء(دعوتِ اسلامی) اسلام آباد ریجن کےذمہ دار محمد ظہیرعباس عطاری مدنی نے دیگر ذمہ ذمہ داران کے ہمراہ مرحوم مفتی اعظم پاکستان شیخ الحدیث والتفسیر حضرت علامہ مولانا پیر مفتی محمد اشرف القادری رحمۃ اللہ علیہ کےصاحبزادے علامہ عبداللہ جیلانی قادری صاحب اور مرحوم کے داماد مولانا محمد جمیل اعظمی صاحب سے ملاقات کا سلسلہ کیا۔

اس دوران ذمہ درانِ دعوتِ اسلامی نے انہیں امیراَہل ِسنت دامت برکاتہم العالیہ کا تعزیتی پیغام سنایا جس پر صاحبزادہ مرحوم مفتی اعظم پاکستان نے اظہار تشکر کیا۔(رپورٹ: رابطہ بالعلماء ،کانٹینٹ:غیاث الدین عطاری)

پچھلے دنوں دعوتِ اسلامی کے شعبہ رابطہ بالعلماءکے تحت مدنی مرکز فیضانِ مدینہ سرگودھا میں نیو سیٹلائٹ ٹاؤن سرگودھا  کی اہم شخصیت مولانا قاری منیر شاہد قادری صاحب کاآنا ہوا جہاں ذمہ داران نےان کا استقبال کرتے ہوئے خوش آمدید کہا۔

ذمہ دار اسلامی بھائیوں نے انہیں مکتبۃالمدینہ،جامعۃالمدینہ اورمدرسۃالمدینہ کا وزٹ بھی کروایاجس پر انہوں نے دعوتِ اسلامی کی دینی وفلاحی خدمات کو خوب سراہا۔(رپورٹ: رابطہ بالعلماء ،کانٹینٹ:غیاث الدین عطاری)

شعبہ رابطہ بالعلماءدعوتِ اسلامی کے زیرِ اہتمام ذمہ دارانِ دعوتِ اسلامی نے فیصل آباد زون کے عاشقانِ رسول کی دینی درسگاہ ادارہ خدمتِ دینِ مصطفی ﷺمیں مذاکرہ دیکھنے کے لئے ایل ای ڈی کا اہتمام کیاجس کے ذریعے طلبہ باآسانی مدنی مذاکرے میں شرکت اور امیرِ اَہلِ سنت کی علم وحکمت بھری باتیں سن سکیں گے۔

اس موقع پر مہتمم جامعہ ادارہ خدمت دین مصطفی ﷺ علامہ پیر سید طاہر کاظمی شاہ صاحب نے بھرپور انداز میں مدنی چینل دیکھنے اور دیکھانے کی نیت کی۔

اس کے علاوہ ناظم جامعہ علامہ عاشق رضوی صاحب نے بھی اچھی اچھی نیتوں کا اظہار کیا۔بعد ازاں اُنہیں ماہنامہ فیضان مدینہ تحفہ میں پیش کیا گیا۔(رپورٹ: رابطہ بالعلماء ،کانٹینٹ:غیاث الدین عطاری)

رابطہ بالعلماء دعوتِ اسلامی کے تحت ذمہ داران کاپچھلے دنوں بہاولپور میں قائم جامعہ نظام مصطفی میں جانا ہوا جہاں انہوں نے جامعہ کے ناظم اعلیٰ و صدرِ جامعہ مولانا عون محمد سعیدی سے ملاقات کی۔

اس دوران بہاولپور زون ذمہ دار سید حسنین رضا عطاری مدنی نے انہوں دعوتِ اسلامی کے دینی وفلاحی کاموں کے حوالے سے آگاہی دی ساتھ ہی مدنی مرکز فیضانِ مدینہ وزٹ کی دعوت دی جس پر ناظمِ اعلیٰ نے دعوتِ اسلامی کےتحت ہونے والے دینی کاموں کو خوب سراہا ۔

بعدازاں ذمہ داران نے انہیں دعوتِ اسلامی کےمکتبۃالمدینہ کی شائع کردہ کُتُبْ سیرت الانبیااور کنز العرفان تحفے میں دیئے۔(رپورٹ: سید حسنین رضا عطاری مدنی رکن زون رابطہ بالعلماء،کانٹینٹ:غیاث الدین عطاری)