نیوسوسائٹیز میں شعبہ رابطہ برائے شخصیات للبنات دعوتِ اسلامی کے تحت ہونے والے دینی کاموں کے سلسلے میں 21 اپریل 2024ء کو آن لائن میٹنگ منعقد ہوئی جس میں شعبہ رابطہ برائے شخصیات للبنات سمیت شعبہ نیوسوسائٹیز کی ذمہ دار اسلامی بہنیں شریک ہوئیں۔

دعوتِ اسلامی کی نگرانِ عالمی مجلسِ مشاورت اسلامی بہن نے بذریعہ انٹرنیٹ اس میٹنگ میں اسلامی بہنوں کی تربیت و رہنمائی کی اور انہیں دینی کاموں میں بہتری لانے کے لئے مدنی پھولوں سے نوازا۔بعدازاں تمام ذمہ دار اسلامی بہنوں نے دعوتِ اسلامی کے دینی کاموں میں ترقی کے لئے اچھی اچھی نیتوں کا اظہار کیا۔

صوبہ سندھ کی خواتین میں دعوتِ اسلامی کے تحت ہونے والے دینی کاموں کے حوالے سے 19 اپریل 2024ء کو ایک میٹنگ ہوئی جس میں مختلف سطح کی ذمہ دار اسلامی بہنوں نے شرکت کی۔

اس موقع پر تمام ذمہ دار اسلامی بہنوں نے دینی کاموں میں درپیش مسائل پر گفتگو کی اور اُن کے حل کے لئے تجاویز پیش کیں جبکہ سندھ میں اسلامی بہنوں کے درمیان ہونے والے دینی کاموں کو بڑھانے پر تبادلۂ خیال کیا۔

کراچی کے علاقے سولجر بازار میں عاشقانِ رسول کی دینی تحریک دعوتِ اسلامی کے تحت 18 اپریل 2024ء کو سیکھنے سکھانے کا حلقہ لگایا گیا جس میں قرب و جوار کی اسلامی بہنیں اور ذمہ داران نے شرکت کی۔

نگرانِ عالمی مجلسِ مشاورت اسلامی بہن نے حلقے کے دوران ”احساسِ ذمہ داری“ کے موضوع پر بیان کیا جبکہ دیگر ذمہ دار اسلامی بہنوں نے مختلف شعبہ موضوعات پر حاضرین کی تربیت کی اور دینی کاموں میں حصہ لینے کا ذہن دیا۔

18 اپریل 2024ء کو دعوتِ اسلامی کے زیرِا ہتمام ایک ذمہ دار اسلامی بہن کی صاحبزادی کی شادی کےموقع پر سولجربازار کراچی میں محفلِ نعت کا انعقاد کیا گیا جس میں مقامی اسلامی بہنوں اور ذمہ داران نے شرکت کی۔

محفلِ نعت کا آغاز تلاوتِ قراٰن و نعت شریف سے ہوا جس کے بعد نگرانِ عالمی مجلسِ مشاورت اسلامی بہن نے ”اسلام میں پورے پورے داخل ہو جاؤ“ کے موضوع پر بیان کیا اور شرکا کو گناہوں سے بچنے نیز اللہ پاک کو راضی کرنے کی ترغیب دلائی۔

دورانِ بیان نگران عالمی مجلسِ مشاورت نے شادی میں ہونے والی رسومات سمیت دیگر اہم نکات پر شرکا اسلامی بہنوں کی تربیت و رہنمائی کی اور انہیں دعوتِ اسلامی کے دینی کاموں میں عملی طور پر حصہ لینے کا ذہن دیا۔

دعوتِ اسلامی کے تحت 27 اپریل  2024ء کو ڈسٹرکٹ ویسٹ اورنگی ٹاؤن سٹی سطح کی شعبہ کفن دفن و شعبہ اسپیشل پرسنز ذمہ دار کی بیٹی کی شادی کے سلسلے میں محفلِ نعت کا اہتمام کیا گیا جس میں خصوصی طور پر نگرانِ پاکستان مجلسِ مشاورت کی شرکت ہوئی۔

محفل کا آغاز تلاوتِ قراٰن و نعتِ رسولِ مقبول صلی اللہ علیہ و سلم سے ہوا جس کے بعد مبلغۂ دعوتِ اسلامی نے بیان کیا جس میں انہوں نے شادی میں ہونے والی غیر ضروری رسومات، سنتِ نکاح اور شادی کے حوالے سے چند شرعی مسائل بتائے ۔

مبلغۂ دعوتِ اسلامی نے شرکا اسلامی بہنوں کو دعوتِ اسلامی کے تحت ہونے والے سنتوں بھرے اجتماعات سمیت دیگر دینی کاموں میں شرکت کرنے کا ذہن دیا جس پر اسلامی بہنوں نے اجتماعات اور علاقائی دورہ برائے نیکی کی دعوت میں شرکت کرنے کی نیتیں کیں نیز نگرانِ پاکستان مجلسِ مشاورت اسلامی بہنوں کے درمیان تنظیمی ذمہ داریاں بھی تقسیم کیں۔

اس موقع پر ایک اسلامی بہن نے اپنی رہائش گاہ پر ہاتھوں ہاتھ سنتوں بھرے اجتماع کا آغاز کرنے کے لئے نیت پیش کی جس میں ایک گھنٹہ مدرسۃ المدینہ بالغات پڑھایا جائے گا۔

عالمی سطح کی دینی تحریک دعوتِ اسلامی کے تحت 26 اپریل 2024ء کو کراچی کے علاقے پی آئی بی کالونی میں ڈویژن  2 کی تمام ڈسٹرکٹ تایوسی نگران اور شعبہ ذمہ داران کا مدنی مشورہ منعقد ہوا جن کی تعدادتقریباً 90 تھی۔

اس مدنی مشورے میں نگرانِ پاکستان مجلسِ مشاورت اسلامی بہن نے ذمہ دار اسلامی بہنوں کو ظاہر کے ساتھ ساتھ اپنے باطن کی اصلاح کا ذہن دیتے ہوئے انہیں بزرگان دین رحمہم اللہ المبین کے اوصاف اور احوال بیان کئے۔

اس موقع پر سوال و جواب کا سیشن بھی ہوا نیز دینی کاموں کے حوالے سے وہاں موجود ذمہ دار اسلامی بہنوں کو پریزنٹیشن بھی دکھائی گئی اور تحائف دیئے گئے۔

عاشقانِ رسول کی دینی تحریک دعوتِ اسلامی کے تحت کراچی شہر کے علاقے  فوارہ چوک میں قائم فیضان صحابیات میں 26 اپریل 2024ء کو مدنی مشورہ منعقد ہوا جس میں کم و بیش 55مقامی ذمہ دار اسلامی بہنوں نے شرکت کی۔

دعوتِ اسلامی کے دینی کاموں کے حوالے سے گفتگو کرتے ہوئے نگرانِ پاکستان مجلسِ مشاورت اسلامی بہن نے دینی کاموں کو کس طرح بڑھایا جائے اس پر مدنی پھول دیئے اور فیضانِ صحابیات کو آباد کرنے کا ذہن دیا۔

آخر میں نگرانِ پاکستان مجلسِ مشاورت نے فیضانِ صحابیات میں دینی کام کو بڑھانے کے طریقے کار بیان کئے اور آئندہ کے اہداف دیئے جس پر ذمہ داران نے اچھی اچھی نیتیں کیں۔

نارتھ ناظم آباد   کراچی میں موجود بہزاد لکھنوی مسجد کے قریب مدرسۃ المدینہ گرلز میں دعوتِ اسلامی کے تحت 25 اپریل 2024ء کو ڈویژن 1 کی سینٹرل ڈسٹرکٹ اور ملیر 1 ڈسٹرکٹ کی یوسی تا ڈویژن نگران اسلامی بہنوں کا مدنی مشورہ ہوا جس میں دیگر سطح کی اسلامی بہنوں نے بھی شرکت کی۔

دعوتِ اسلامی کی نگرانِ پاکستان مجلسِ مشاورت اسلامی بہن نے دورانِ مدنی مشورہ اسلامی بہنوں کی تربیت کرتے ہوئے علاقائی دورہ برائے نیکی کی دعوت میں تمام ذمہ داران کی شرکت کرنے کا ذہن دیا اور وارڈ سطح پر نگران اسلامی بہنوں کے تقرر کے اہداف بتائے۔بعدازاں نگرانِ پاکستان مجلسِ مشاورت نے نمایاں کارکردگی پر ذمہ داران کو تحائف دیئےاوراُن کے درمیان رسائل تقسیم کئے۔

دعوتِ اسلامی کے تحت 25 اپریل 2024ء کو ملتان، پنجاب کے علاقے  صدیق آباد قائم فیضانِ صحابیات میں جاری شعبہ ڈونیشن بکس جاب ڈسکریشن کورس کی شرکا اسلامی بہنوں کے لئے ایک سیشن منعقد ہوا۔

اس سیشن میں نگرانِ پاکستان مجلسِ مشاورت اسلامی بہن نے ”دینی ماحول کی برکتیں “ کے موضوع پر بیان کیا اور شرکا کی تربیت و رہنمائی کرتے ہوئے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔

نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت 24 اپریل 2024ء کو کراچی کے علاقے سہراب گوٹھ میں   نگرانِ پاکستان مجلسِ مشاورت کی ذمہ داران کے ہمراہ نیو مسلم فیملی سے ملاقات ہوئی۔

24 اپریل 2024ء کو عاشقانِ رسول کی دینی تحریک دعوتِ اسلامی کے تحت کراچی کے علاقے سہراب گوٹھ میں سنتوں بھرے  اجتماع کا انعقاد کیا گیا جس میں ذمہ داران، مبلغات اور مقامی اسلامی بہنوں کی شرکت رہی۔

تلاوت و نعت کے بعد مبلغۂ دعوتِ اسلامی نے سنتوں بھرا بیان کیا اور حاضرین کی دینی، اخلاقی و تنظیمی اعتبار سے تربیت و رہنمائی کی نیز انہیں دینی کاموں میں عملی طور پر حصہ لینے کا ذہن دیا۔

علاوہ ازیں دعوتِ اسلامی کی نگرانِ پاکستان مجلسِ مشاورت اسلامی بہن نے اختتامی دعا کروائی جبکہ اجتماع میں شریک اسلامی بہنوں نے اُن سے ملاقات بھی کی۔

حب   بلوچستان میں دعوتِ اسلامی کے تحت 23 اپریل 2024ء کو قلات ڈویژن کی ذمہ داران کا مدنی مشورہ ہواجس میں قلات ڈویژن نگران، ڈویژن سطح کی شعبہ ذمہ داران، ڈسٹرکٹ نگران، تحصیل وٹاؤن نگران اور جملہ نگران و شعبہ ذمہ دار اسلامی بہنوں نے شرکت کی۔

دورانِ مدنی مشورہ نگرانِ پاکستان مجلسِ مشاورت اسلامی بہن نے ”ایک ذمہ دار کو کیسا ہونا چاہیئے ؟“ اور ” دعوت اسلامی کیا ہے“کے موضوعات پر بیانات کئے نیز 8 دینی کاموں کے حوالے سے گفتگو کرتے ہوئے انہیں مضبوط کرنے پر مدنی پھول دیئے۔

دینی کام کو کیسے بڑھایا جائے اس پر نگرانِ پاکستان مجلسِ مشاورت نے ذمہ داران کی ذہن سازی کی اور دینی کاموں کے اہداف دیئے۔ اس کے علاوہ حب اور لسبیلہ ڈسٹرکٹ نگران اسلامی بہنوں کو یوسی نگران کی تقرر مکمل کرنے کا ذہن دیا ۔ بعدازاں ذمہ داران نے نگرانِ پاکستان مجلسِ مشاورت سے ملاقات کی اور نمایاں کارکردگی پر تحائف وصول کئے۔