مرکزی مجلس شوریٰ کے رکن مولانا حاجی عبد الحبیب عطاری دینی کاموں کے سلسلے میں یوکے کا دورہ کریں گے۔ دوران دورہ مختلف مقامات پر بیانات کرنا، ذمہ داران کا مدنی مشورہ کرنا اور دینی کاموں کی کارکردگی کا جائزہ لینا آپ کے شیڈول میں شامل ہے۔اس کے علاوہ 30 اکتوبر 2021ء کو یوکے میں ہونے والے دستار فضیلت اجتماع میں بھی شرکت کریں گے۔

رکن شوریٰ حاجی عبد الحبیب عطاری جن مقامات پر بیانات کریں گے ان کی تفصیلات ملاحظہ کریں:

٭Thursday 28^th October 2021 08:00PM

Faizan e Madina, Richmond road, Stechford Birmingham, B33 8TN

٭Friday 29^th October 202112:45PM

Faizan e Madina, Richmond road, Stechford Birmingham, B33 8TN

٭Saturday 30^th October 2021 02:00PM

Faizan e madina, Maudsley Street Bradford, BD3 9LE

٭Sunday 31^th October 2021 07:00PM

Faizan e madina, Fishponds Road Bristol, BS16 3AF

٭Tuesday 2^nd November 2021 08:00PM

Bensham Hall 377 Bensham Lane, Thornton Heath, Surrey, CR7 7ER

٭ Thursday 4^th November 2021 08:00PM

Faizan e Siddiq e Akbar Unit 2 Chamberlain Road Aylesbury Business Centre, Aylesbury HP19 8DY

٭ Friday 5^th November 2021 01:00PM

Faizan e Madina, 27 Cheviot Road, Langley, Slough SL3 8AL

جشن ولادت مصطفٰے صلَّی اللہ علیہ واٰلہٖ وسلَّم کے موقع پر M6موٹروے کے بعد یوکے میں ایک اور مقام پر ڈیجیٹل ڈسپلے کے ذریعے آخری نبی صلَّی اللہ علیہ واٰلہٖ وسلَّم کی ولادت کے پیغام کو عام کیا جارہا ہے جسے اس روڈ سے گزرنے والے ہزاروں مسافر ملاحظہ کرسکیں گے۔

ملک پاکستان کے بعد اب یوکے میں بھی دعوت اسلامی کے زیر اہتمام دستار فضیلت اجتماع ہونے جارہا ہے۔ یہ اجتماع 30 اکتوبر 2021ء کو مدنی مرکز فیضان مدینہ یوکے برمنگھم بریڈ فورڈ میں منعقد ہوگا جس میں دوپہر 2 بجے مرکزی مجلس شوریٰ کے رکن حاجی مولانا عبد الحبیب عطاری سنتوں بھرا بیان فرمائیں گے۔

اجتماع بعد درسِ نظامی (عالم کورس)مکمل کرنے والے Qualified Scholarsکی دستار بندی کی جائیگی۔

یوکے کے تمام عاشقان رسول سے اس عظیم الشان اجتماع میں شرکت کرنے کی درخواست ہے۔

واضح رہے کہ سال 2021ء میں یوکےمیں 32 طلبہ کرام نے عالم کورس مکمل کرنے کی سعادت حاصل کی ہے۔

دعوت اسلامی  کے تحت یوکے برمنگھم میں شعبہ دار المدینہ کا مدنی مشورہ ہواجس میں دارالمدینہ یوکے برمنگھم کابینہ کے اسلامی بھائیوں نے شرکت کی۔

نگران ریجن برمنگھم یوکے سید فضیل رضا عطاری نے شعبے کے تعلیمی و انتظامی کارکردگی کا جائزہ لیا اور ان میں مزید بہتری لانے کے حوالے سے گفتگو کی۔ 

جشن ولادت مصطفٰے صلَّی اللہ علیہ واٰلہٖ وسلَّم کے موقع پر دعوت اسلامی یوکے کے زیر اہتمام M6موٹروے پر موجود ایک عمارت میں آویزاں اسکرین پر آخری نبی صلَّی اللہ علیہ واٰلہٖ وسلَّم کی ولادت کے پیغام کو عام کیا جارہا ہے۔

اس موٹروے سے گزرنے والے ہزاروں مسافر یہ پیغام ملاحظہ کرسکیں گے۔

سری لنکا کے شہر کولمبو میں دعوت اسلامی کے نگران سری لنکا مشاورت محمد انس عطاری نے حاجی محمد اقبال قادری (ڈپٹی میئرکولمبو) سے ان کے آفس میں ملاقات کی۔

نگران سری لنکا مشاورت نے انہیں دعوت اسلامی کے شعبہ جات کا تعارف پیش کیا اور عالمی سطح پر ہونے والے دینی و فلاحی کاموں کے بارے میں بریفنگ دیتے ہوئے ربیع الاول میں چراغاں اور جلوسوں کے حوالے سے گفتگو کی۔ ڈپٹی میئر اقبال قادری نے دعوت اسلامی کی خدمات کو سراہا اور مکمل تعاون کی یقین دہانی کروائی۔

واضح رہے کہ اس سال سری لنکا میں حکومتی سطح پر ” عیدمیلاد النبیﷺ“کا جشن منایا جائے گا جبکہ 12 ربیع الاول کو ملک بھر میں عام تعطیل کا اعلان بھی کیا گیا ہے۔

اَلْحَمْدُ لِلّٰہِ عَزَّ وَجَلَّ دعوت اسلامی کا ایک Arabic YouTube چینل بھی ہے جس میں پورے سال عربی پروگرام نشر کئے جاتے ہیں۔

جشن ولادت مصطفٰے صلَّی اللہ علیہ واٰلہٖ وسلَّم کے پُر مسرت موقع پر یکم ربیع الاول سے بارہ ربیع الاول تک پاکستانی وقت کے مطابق روزانہ شام 5:00 بجے سے رات 8:00 بجے تین گھنٹے عربی زبان میں لائیو ٹرانسمیشن ہوگئی ۔

اس ٹرانسمیشن میں تلاوت قرآن، عربی زبان میں نعتیں، نبی پاک صلَّی اللہ علیہ واٰلہٖ وسلَّم کی سیرت پر مشتمل بڑی دلچسپ اور بڑے معلوماتی عربی پروگرامز ہونگے، عربی بیانات ہونگے اورچھوٹے بچوں کے لئے غلام رسول کے مدنی پھول عربی زبان میں Dubان کو پیش کئے جائینگے۔

اگر آپ عربی سمجھتے ہیں تو اس پروگرام میں ضرور شرکت کریں اور ایسے دوست جو عربی ز بان جانتے ہیں ان کو بھی اس کی دعوت دیجئے۔

لائیو پروگرام میں شرکت کرنےکے لئے نیچے دیئے گئےلنک پر کلک کیجئے:

‫https://www.youtube.com/dawateislamiar

دعوت اسلامی کے تعلیمی شعبہ دار المدینہ انٹرنیشنل اسلامک اسکول سسٹم کے تحت یوکے برمنگھم میں مدنی مشورہ ہوا جس میں دار المدینہ برمنگھم کابینہ کے اسلامی بھائیوں نے شرکت کی۔

نگران ریجن برمنگھم یوکے حاجی سید فضیل رضا عطاری نے شعبے کی تعلیمی و انتظامی کارکردگی کا جائزہ لیا اور ان میں مزید بہتری لانے کے حوالے سے گفتگو کی۔

دعوت اسلامی کے شعبہ تعلیم کی جانب سے آسٹن یونیورسٹی برمنگھم میں ” Leave your Mark “ کے عنوان پر ایک تقریب منعقد ہوئی جس میں مختلف کالجز اور یونیورسٹیز کے اسٹوڈنٹس سمیت دیگر شعبے کے وابستہ افراد نے شرکت کی۔

اس پریزنٹیشن نے شرکا کو کسی بھی پیشے یا شعبے میں سفیر اسلام بننے میں تحریک حاصل کرنے میں مدددی۔ لیکچر کے دوران پوائنٹس کا ذکر بھی کیا گیا کہ اچھے کردار کے ذریعے دوسروں کی مدد کرنے میں ان کا کردار کس طرح اہم ہے۔

حاضرین کی طرف سے شاندار رائے کا اظہار کیا گیا جس میں انہوں نے کہا کہ یہ لیکچر بہت مددگار تھا جو مستقبل میں ان کی مدد کرے گا۔

دعوت اسلامی کے تحت 24 ستمبر 2021ء کو اور سیز ریجن کے ذمہ داران کا آن لائن مدنی مشورہ ہوا جس میں متعلقہ ذمہ داران نے شرکت کی۔

عالمی مدنی مرکز فیضان مدینہ کراچی سے رکن شوریٰ حاجی محمد علی عطاری نے شرکا کی تربیت کی اور اورسیز میں دینی کام کرنے کے حوالے سے رہنمائی فرمائی۔ (Content: Mohammad Hussain Attari)

گزشتہ دنوں افریقی ملک کینیا کے شہر ممباسا   میں قائم مدنی مرکز فیضانِ مدینہ کنزالایمان میں مولانا شیخ سعید علی حسن شافعی مُدَّظِلَّہ الْعَالِیْ کی آمد کا سلسلہ ہواجہاں ناظمین، اساتذۂ کرام،طلبۂ کرام اور دیگر ذمہ دارانِ دعوتِ اسلامی نے اُن کا استقبال کیا۔

اس موقع پر شیخ صاحب نے دعوتِ اسلامی کی کاوشوں کوخوب سراہااور دعوتِ اسلامی کی دینی خدمات میں اپنے تعاون کی یقین دہانی کروائی۔

شیخ سعید علی حسن شافعی صاحب کا کہناتھا کہ ہمارے شیخ،ہمارے بہت پیارے،ہمارے دلوں کی راحت،مبلغِ اسلام ،شیخِ طریقت ،امیرِ اہلِ سنت حضرت علامہ مولانا ابوبلال محمد الیاس عطار قادری رضوی ضیائی دامت برکاتہم العالیہ نےعاشقانِ رسول کی تحریک دعوتِ اسلامی کا قیام لوگوں کو اللہ کی راہ کی طرف بلانے اور انہیں گمراہی کے اندھیرےسے نکال کر علم کی روشنی کی طرف لانے کے لئے کیا۔

عاشقانِ رسول کی دینی تحریک دعوتِ اسلامی کے امیر(حضرت علامہ مولانا محمد الیاس عطار قادری)ایک مخلص شخصیت ہیں جو کہ قول وفعل اور حرکات وسکنات میں اخلاص کے ساتھ دین کا کام کرنے میں مصروف ہیں۔

مزید شیخ صاحب کا کہنا تھا کہ میں ان تمام چیزوں پر شیخِ طریقت امیرِ اہلِ سنت دامت برکاتہم العالیہ کو مبارک باد پیش کرتا ہو اور اُن کے لئے دعا گو ہوں کہ اللہ عزوجل ان کی تمام کوششوں کو قبول فرمائے۔( کانٹینٹ:غیاث الدین عطاری)

افریقی ملک موزمبیق میں قائم دعوت اسلامی کے مدنی مرکز فیضان مدینہ میں دارالعلوم قادریہ غریب نواز ساؤتھ افریقہ کے شیخ الحدیث حضرت مولانا افتخار احمد قادری مصباحی مَدَّظِلُّہُ الْعَالِی کی تشریف آوری ہوئی۔

نگران ساؤدرن افریقہ ریجن اور دیگر ذمہ داران نے انہیں خوش آمدید کہا اور اس موقع پر ذمہ داران نے دعوت اسلامی کے تحت ماپوتو موزمبیق میں قائم فیضان مدینہ سمیت دیگر شعبہ جات جامعۃ المدینہ، مدرسۃ المدینہ کا بھی وزٹ کرواتے ہوئے انہیں طلبہ کرام کے لئے کئے گئے انتظامات اور سہولیات کے بارے میں بتایا۔ جامعۃ المدینہ کے وزٹ کے دوران شیخ الحدیث حضرت مولانا افتخار احمد قادری صاحب نے اساتذۂ کرام سے ملاقات کی اور ان میں بیان بھی فرمایا۔