دعوتِ اسلامی کے تحت دنیا بھر میں نیکی کی دعوت کو عام کرنے اور اسلامی بھائیوں کو اسلامی تعلیمات سے آگاہ کرنے کے لئے ملک و بیرونِ ملک مدنی قافلے سفر کرتے رہتے ہیں۔

اسی سلسلے میں سینٹرل افریقہ تنزانیہ کے شہر موشی سمیت دیگر علاقوں میں ایک ماہ کا مدنی قافلہ سفر پر روانہ ہوا جس دوران ریجن ذمہ دار شعبہ مدنی قافلہ امتیاز علی عطاری مدنی نے شرکائے قافلہ کے ہمراہ مقامی اسلامی بھائیوں کو نیکی کی دعوت دی۔

اس کے علاوہ مبلغِ دعوتِ اسلامی نے مساجد میں عاشقانِ رسول کو نماز کا طریقہ سکھاتے ہوئے اس کے چند ضروری مسائل بھی سکھائے اور انہیں دعوتِ اسلامی کے دینی ماحوم سے ہر دم وابستہ رہنے کا ذہن دیا۔

دورانِ مدنی قافلہ اسلامی بھائیوں نے موشی میں حضور غوث اعظم شاہ عبدالقادر جیلانی رحمۃ اللہ علیہ کی 27 ویں پشت میں سے شیخ السید صالح عزالدین جیلانی مکی رحمۃ اللہ علیہ کے مزار پر حاضری دی۔(کانٹینٹ:غیاث الدین عطاری)

دعوت اسلامی کے تحت  BCA, Blantyre Malawi میں ایک ارادہ بنام مدرسۃ المدینہ قائم ہے جو طلبہ اور کمیونٹی کو اسلامی تعلیم فراہم کررہا ہے۔ اس ادارے کے ساتھ ہی فیضان مدینہ، جامعۃ المدینہ اور دار المدینہ قائم کی جارہی ہےجس کے سلسلے میں تعمیراتی کاموں کا آغاز ہوچکا ہے۔

گزشتہ دنوں دعوت اسلامی کے نگران ویلز یوکے حاجی سید فضیل رضا عطاری نے نگران ملاوی مولانا عثمان عطاری مدنی اور پاکستان سے تشریف لائے ہوئے FGRF کے ذمہ دار محمد اسد عطاری سمیت دیگر اسلامی بھائیوں کے ہمراہ ان مقامات کا وزٹ کیا اور تعمیراتی کاموں کے بارے میں معلومات حاصل کیں۔

واضح رہے کہ دعوت اسلامی کی جانب سے تین سال کے قلیل عرصے میں ملاوی کے مختلف گاؤں میں 14 مدنی مراکز قائم کئے جاچکے ہیں۔ 

4فروری 2022ء کو  دعوت اسلامی کے زیر اہتمام بورڈسلے گرین Bordesley Greenمدرسۃ المدینہ کی برانچ میں طلبہ کے درمیان خود کو چوری سے بچانے کے لئے ورکشاپ کا انعقاد کیاگیا۔

طلبہ کو جرائم کی روک تھام، گھروں کو محفوظ بنانے، اشیاء کی حفاظت کرنے، چوکس رہنے اور دیگر نکات کے بارے میں آگاہی فراہم کی گئی۔

اس ورکشاپ میں ویسٹ مڈلینڈز پولیس کا ایک وفد بھی موجود تھا جنہوں نے دعوت اسلامی کی کاوشوں کو سراہا۔

پچھلے دنوں دعوتِ اسلامی کے تحت پنگانی سینٹرل افریقہ میں ایک ماہ کا مدنی قافلہ راہِ خدا عزوجل کے سفر پر روانہ ہوا جس میں کافی تعداد میں عاشقانِ رسول نے مختلف علاقوں میں اسلامی بھائیوں کو نیکی کی دعوت پیش کی۔

8 فروری  2022 ء کو بروکلین نیویارک کی ایک مقامی مسجد میں سحری اجتماع کا انعقاد ہوا جس میں ڈویژن نگران محمد مدثر احمد عطاری سمیت مقامی اسلامی بھائیوں نے شرکت کی ۔ اس موقع پر اسلامی بھائیوں نے نماز تہجد باجماعت ادا کی ، اجتماع ذکر ونعت کا سلسلہ ہوا جس میں مبلغ دعوت اسلامی نے ” اللہ عزوجل کی محبت کیسے حاصل کریں؟ “ کے موضوع پر سنتوں بھرا بیان کیا ،مناجاتیں بھی کیں جبکہ اسلامی بھائیوں کی خیر خواہی کے لئے سحری کا بھی اہتمام کیا گیا ، اجتماع پاک کا اختتام نماز چاشت و اشراق پر ہوا۔

فلوریڈ اUSA (Florida) کے شہر میامی( Miami) میں دعوتِ اسلامی کے ذمہ داران کی کوشش سے ایک غیر مسلم اپنے سابقہ مذہب چوڑ کر دامنِ اسلام سے منسلک ہوگئے۔

تفصیلات کے مطابق یہ غیر مسلم اسلام سے کچھ متاثر ہوئےتو انہوں نےدینِ اسلام کے متعلق جاننے کے لئے دعوتِ اسلامی کے ذمہ داراسلامی بھائیوں سے ملاقات کی۔

ذمہ داران نے انفرادی کوشش کرتے ہوئے ان کی طرف سے ہونے والے اسلام کے متعلق مختلف سوالات کے جوابات دیئے اور بالاآخر مبلغین کی کوششوں سے وہ غیر مسلم کلمہ پڑھ کر دامنِ اسلام میں داخل ہو گئے۔

اس موقع پر ان کا اسلامی نام محمد علی رکھا گیا نیز انہیں دعوت اسلامی کی اُس ویب سائٹ کا تعارف پیش کیا جس کے ذریعے لوگ اسلام کے بارے میں رہنمائی حاصل کرتے ہیں۔( کانٹینٹ:غیاث الدین عطاری) 

دعوتِ اسلامی کے تحت 6 فروری 2022ء بروز اتوار Florida USA (فلوریڈا یو ایس اے ) کے شہر Miami (میامی)میں عاشقانِ رسول کی تربیت کے لئے ایک سیشن کا انعقاد کیا گیا جس میں مقامی اسلامی بھائیوں نے شرکت کی۔

دورانِ سیشن نگرانِ ڈویژن محمد ذیشان عطاری نے غسل کے چند ضروری مسائل سکھاتے ہوئے اس کی بعض احتیاطوں کی طرف نشاندہی کی نیز دیگر موضوعات پر تربیت کی۔

اس کے علاوہ مبلغِ دعوتِ اسلامی نے شرکا کو مختلف کورسز کرنے اور 12 دینی کاموں میں شمولیت اختیار کرنے کا ذہن دیا جس پر انہوں نے اچھی اچھی نیتیں کیں۔(رپورٹ: محمد ذیشان عطاری معاون سوشل میڈیا ، کانٹینٹ:غیاث الدین عطاری)

دعوت اسلامی کے زیر اہتمام کارڈف Cardiff، نیو پورٹ Newport اور ویلز Wales میں اسلامی بھائیوں کی رہائش گاہ پر دینی حلقہ اور محفل نعت کا انعقاد کیا گیا جس میں مقامی ذمہ داران اور دیگر اسلامی بھائیوں نے شرکت کی۔

نگران ویلز یوکے نگران حاجی سید فضیل رضا عطاری نے سنتوں بھرے بیانات کئے اور شرکا کو 12 دینی کاموں میں شرکت کرنے، دعوت اسلامی کےمدنی مراکز قائم کرنے اور ویلز میں جامعۃ المدینہ تعمیر کرنے کا ذہن دیا جس پر شرکا نے اچھی اچھی نیتیں پیش کیں۔

دعوت اسلامی کے تحت مدنی مرکز فیضان مدینہ ٹیلیفورڈ  Telford یوکے میں مدرسۃ المدینہ کی نئی برانچ کا افتتاح کردیا گیا۔

افتتاح کے موقع پر ایک تقریب کا انعقاد کیا گیا جس میں مقامی اسلامی بھائیوں سمیت ذمہ داران دعوت اسلامی نے شرکت کی۔ نگران ویلز یوکے حاجی سید فضیل رضا عطاری نے سنتوں بھرا بیان کیا اور شرکا کو اپنے بچوں کو دینی تعلیم سے آراستہ کرنے کے لئے اس ادارے میں داخلہ کروانے کا ذہن دیا۔

گزشتہ دنوں دعوت اسلامی کے تحت مدنی مرکز فیضان مدینہ لیسٹر Leicester یوکے میں مدنی مشورہ ہوا جس میں ایسٹ مڈلینڈز یوکے ریجن کے نگران حاجی اشرف عطاری اور دیگر اسلامی بھائیوں نے شرکت کی۔

نگران ویلز یوکے حاجی سید فضیل رضا عطاری نے نئے اہداف طے کئے اور آئندہ تین ماہ کی منصوبہ بندی کی جبکہ مقامی علاقوں میں دینی کام کو کیسے بڑھایا جائے اس پر تبادلۂ خیال کیا۔

پچھلے دنوں دعوت اسلامی کے نگران ویلز  یوکے حاجی سید فضیل رضا عطاری نے دیگر اسلامی بھائیوں کے ہمراہ ویلز Wales کے شہر کارڈف Cardiff میں ڈاکٹر محمد اسماعیل سے ان کی رہائش گاہ پر ملاقات کی۔

حاجی فضیل رضا عطاری نے انہیں دعوت اسلامی کے شعبہ جات کا تعارف پیش کیا اور دعوت اسلامی کے تحت یوکے میں ہونے والے دینی و فلاحی کاموں جانی و مالی تعاون کرنے کی ترغیب دلائی جس پر ڈاکٹر اسماعیل نے کارڈف میں دعوت اسلامی کے لئے ایک عمارت خریدنے کی نیت کی۔ 

پچھلے دنوں جامعۃ المدینہ انٹرنیشنل افیئرز کے زیر اہتمام اسٹچفورڈ برمنگھم یوکے میں قائم جامعۃ المدینہ کی برانچ میں ناظمین اور ٹیچرز کے لئے علمی نشست کا انعقاد کیا گیا۔

اس پروگرام میں لاہور پنجاب سےبذریعہ آن لائن استاذ العلماء مفتی محمد ہاشم خان عطاری مُدَّ ظِلُّہُ العالی نے ”ایک استاد میں کیا کیاخصوصیات ہونی چاہیئے، اور کامیاب استاد بننے کے لئے کن امور کا ہونا ضروری ہے؟“کے موضوع پر شرکا کی رہنمائی کی جبکہ نگران یوکے مشاورت نے بھی اسلامی بھائیوں سے تعلیمی و انتظامی امور سمیت دینی کاموں کے حوالے سے گفتگو کی۔