دنیا بھر میں قرآن و سنت کو عام کرنے والی عاشقان رسول کی عالمگیر دینی تحریک دعوت اسلامی دن دُگنی ، رات چگنی ترقی کی منازل طے کررہی ہے۔اسی سلسلے میں ترکی کے شہر استنبول، انطاکیہ اور غازی انتاب کے بعد ایک اور شہر اڈنی میں بھی مدنی مرکز فیضان مدینہ قائم کردیا گیا ہے۔

پچھلے دنوں اس مدنی مرکز کے افتتاح کے سلسلے میں سنتوں بھرے اجتماع کا انعقاد کیا گیا جس میں حضرت مولانا الشیخ عبد العزیز سبک شافعی حفظہ اللہ، حضرت مولانا الشیخ عبد الرزاق جنیدی شافعی حفظہ اللہ، حضرت مولانا الشیخ مرھف الھواس شافعی حفظہ اللہ سمیت دیگر علمائے کرام، مختلف شخصیات، مقامی تاجران، بزنس مین اور دیگر اسلامی بھائیوں نے شرکت کی۔

مبلغ دعوت اسلامی الشیخ علاء زیات نے شرکا کو دعوت اسلامی کے مختلف شعبہ جات اور امیر اہلسنت دامت بَرَکَاتُہمُ العالیہکا تعارف پیش کرتے ہوئے دعوت اسلامی کے مقاصد اور اس کے تحت ہونے والے دینی و فلاحی کاموں پر بریفنگ دی۔مبلغ دعوت اسلامی نے عاشقان رسول کو بتایا کہ اس مدنی مرکز میں بھی مختلف شعبہ جات کا قیام کیا جائیگا جس میں بچوں کو حفظ و ناظرہ کی تعلیم اور دیگر دینی علوم سیکھائے جائیں گے۔

اس موقع پر نگران سینٹرل ایشیاء افریقن عرب ریجنزشہاب الدین عطاری، مبلغین دعوت اسلامی اور دیگر ذمہ داران بھی موجود تھے۔

مدنی مرکز فیضان مدینہ اڈنی کے افتتاح کے قبل نیکی کی دعوت کا سلسلہ ہوا ۔ نگران سینٹرل ایشیاء افریقن عرب ریجنزشہاب الدین عطاری، مبلغین دعوت اسلامی اور دیگر ذمہ داران کے ہمراہ مختلف شخصیات، بزنس مین، مقامی تاجر اور اسلامی بھائیوں سے ملاقاتیں کیں اور انہیں نیکی کی دعوت پیش کرتے ہوئے اجتماع میں شرکت کرنے کی دعوت دی۔انہی ملاقاتوں کے دوران نگران سینٹرل ایشیاء افریقن عرب ریجنزشہاب الدین عطاری نے حضرت مولانا الشیخ سعید السلموشافعی حفظہ اللہ اور حضرت مولانا الشیخ مرھف الھواس شافعی حفظہ اللہ سے ملاقات کی اور انہیں مدنی مرکز کے افتتاح کے موقع پر ہونے والے سنتوں بھرے اجتماع میں شرکت کرنے کی درخواست کی۔

پچھلے دنوں سویڈن کے شہر مالمو میں دعوتِ اسلامی کے زیرِ اہتمام ہفتہ وار سنتوں بھرے اجتماع کا اہتمام کیا گیا جس میں پاکستانی کمیونٹی اور اسٹوڈنٹس سمیت ذمہ داراسلامی بھائیوں نے شرکت کی۔

اس اجتماعِ پاک میں نگران کابینہ سویڈن حاجی ارشد عطاری نے’’ تربیت اولاد میں والد کی ذمہ داریاں‘‘ کے موضوع پر سنتوں بھرا بیان کرتے ہوئے دینِ اسلام کے مطابق اپنی اولاد کی تعلیم و تربیت کرنے کا ذہن دیا۔(رپورٹ:محمد رضوان حسین عطاری رکن یورپی یونین ریجن، رکن کابینہ سویڈن، کانٹینٹ:غیاث الدین عطاری)

پچھلے دنوں دعوت اسلامی کے زیر اہتمام سپارک ہل Sparkhill میں قائم مدرسۃ المدینہ کی برانچ میں ورکشاپ کا انعقاد کیا گیا جس میں مدرسۃ المدینہ کے طلبہ نے شرکت کی۔

ورکشاپ میں جرائم کی روک تھام، گھروں کو محفوظ بنانے، اشیاء کی حفاظت کرنے، چوکس رہنے اور دیگر نکات کو حل کرنے پر کلام کیا گیا۔

اس ورکشاپ میں یوکے ویسٹ مڈلینڈ پولیس کے وفد نے بھی شرکت کی اورطلباء کے ساتھ بہت سے نکات پر تبادلہ خیال کیا۔

مدرسۃ المدینہ کے طلبہ نے سیشن کے انعقاد پر خوشی کا اظہار کیا جبکہ ویسٹ مڈلینڈز پولیس نے دعوت اسلامی کی کاوشوں کو سراہا۔

پچھلے دنوں شعبہ تعلیم (دعوت اسلامی) یوکے برمنگھم کے زیر اہتمام برمنگھم سٹی یونیورسٹی میں ” The Best Amongst You “کے عنوان پر ورکشاپ کا انعقاد کیا گیا جس میں پروفیشنلز اور اسٹوڈنٹس نے شرکت کی۔

رکن ویسٹ مڈلینڈ یوکے کابینہ افتخار عطاری نے شرکا کو اپنی برادریوں اور پروفیشن میں بطور مسلمان اپنے فرائض کی اہمیت کو سمجھنے پر گفتگو کی اور انہیں اپنے منتخب شعبے سے فارغ التحصیل ہونے کے بعد ایک اچھا، دیانت دار انسان بنتے ہوئے امت محمدیہ کی خدمت کرنے کا ذہن دیا۔افتخار عطاری نے سامعین کو اس کے طرح کی ورکشاپ میں شرکت کرنے کی ترغیب دلائی جس پر شرکا نے خود بھی شرکت کرنے اور دوسروں کو بھی مدعو کرنے کی نیت کی ۔

واضح رہے کہ دعوت اسلامی کے شعبہ تعلیم یوکے کی جانب سے معاشرے میں لوگوں کو بہترین انسان بنانے کے لئے وقتاً فوقتاً مختلف تعلیمی اداروں میں ورکشاپ منعقد کی جاتی ہے۔ اسی سلسلے اگلا ورکشاپ ان شاء اللہ عزوجل واروک یونیورسٹی میں 26 جنوری 2022ء کی شام پونے آٹھ بجے منعقد کی جائیں گی۔

دعوتِ اسلامی کے تحت یوگینڈ کے شہر لِیرا میں مدنی مشورے کا اہتمام ہوا جس میں لِیرا ڈویژن  کے ذیلی ذمہ داراسلامی بھائیوں سمیت دیگر ڈویژن مشاورت نےشرکت کی۔

اس دوران نگرانِ ویسٹ نائل کابینہ شاہد منظور عطاری نےدعوتِ اسلامی کے 12 دینی کاموں کا جائزہ لیتے ہوئے انہیں بہتری کے لئے اہم امور بیان کئے۔

اس کے علاوہ نگرانِ کابینہ نے اسلامی بھائیوں کی حوصلہ افزائی کرتے ہوئے دعوتِ اسلامی کے 12 دینی کاموں میں مزید اضافہ کرنے، عاشقانِ رسول کو مدنی قافلوں میں سفر کروانے اور ہفتہ وار سنتوں بھرے اجتماع میں بھر پور انداز سے شرکت کرنے کے حوالے سے ذہن سازی کی۔بعدازاں ذمہ دار اسلامی بھائیوں نے دینی کاموں بڑھانے کے لئے اچھی اچھی نیتوں کا اظہار کیا۔( کانٹینٹ:غیاث الدین عطاری) 

پچھلے دنوں سویڈن کے شہر مالمو میں دعوتِ اسلامی کے تحت ہفتہ وار سنتوں بھرے اجتماع کا اہتمام کیا گیا جس میں پاکستانی کمیونیٹی اوراسٹوڈنٹس سمیت دیگر اسلامی بھائیوں نے شرکت کی۔

اس اجتماعِ پاک میں رکن یورپی یونین ریجن محمد رضوان حسین عطاری نے ’’حرص کے نقصانات اور قناعت کی برکات‘‘ کے موضوع پر سنتوں بھرا بیان کرتے ہوئے عاشقانِ رسول کو حرص و قناعت کے متعلق اہم باتیں بتائیں۔(رپورٹ:مستنصر عطاری مدنی، کانٹینٹ:غیاث الدین عطاری)

دینِ اسلام کی تعلیمات میں سے اپنے مسلمان بھائیوں کی حاجت پوری کرنا اور مشکل وقت میں اُن کا ساتھ دینا  شامل ہے۔اسی سلسلے میں پچھلے دنوں یوگینڈا کے شہر لِیرا (Lira) میں دعوت اسلامی کے شعبہ ایف جی آر ایف کے تحت نگرانِ ویسٹ نائل کابینہ شاہدمنظورعطاری نے دیگر ذمہ داران کے ہمراہ مقامی ضرورت منداسلامی بھائیوں کے درمیان راشن تقسیم کیا۔

ذمہ داران نے انہیں دعوتِ اسلامی کے 12 دینی کاموں میں شمولیت اختیار کرنے اور مدنی قافلوں میں سفر کرنے کا ذہن دیا جس پر وہاں موجود اسلامی بھائیوں نے دعوتِ اسلامی سے اظہارِ تشکر کرتے ہوئے 12 دینی کاموں میں عملی طور پر حصہ لینے کی اچھی اچھی نیتوں کا اظہار کیا۔(رپورٹ:شاہد منظور عطاری، کانٹینٹ:غیاث الدین عطاری)

مفتی جان محمد نعیمی مجددی صاحب مُدَّ ظِلُّہُ العالی کے صاحبز ادے عبید اللہ جان نعیمی صاحب نے افریقی ملک کینیا کے شہر ممباسامیں چلنے والے مدنی مرکز کنز الایمان کا دورہ کیا۔

رکن سینٹرل افریقہ ریجن اور نگران ممباسا نے صاحبزادہ جان عبیداللہ نعیمی صاحب کو مدنی مرکز، کنز الایمان مسجد، جامعۃ المدینہ اور اس میں قائم ڈیجیٹل لائبریری کا دورہ کروایا جبکہ جامعۃ المدینہ کی عمارت میں توسیع و تعمیراتی کاموں کے حوالےسے بھی بتایا نیز ممباسا سمیت کینیا بھر میں دعوت اسلامی کے تحت ہونے والے دینی و فلاحی کاموں کے بارے میں بریفنگ دی۔

آخر میں صاحبزادہ جان عبید اللہ نعیمی صاحب نے خوشی کا اظہار کرتے ہوئے نیک خواہشات کا اظہارکیا۔

دعوتِ اسلامی کے تحت شعبہ تعلیم (اسلامی بہنیں)کے زیرِ اہتمام یکم جنوری 2022ء بروز ہفتہ اجمیر ریجن اندور کابینہ چندن نگر ڈویژن میں قائم اسکول میں سیکھنے سکھانے کے حلقے کا انعقاد ہوا جس میں طالبات اور ٹیچرز نے شرکت کی ۔

سیکھنے سکھانے کے حلقے میں کابینہ ذمہ داراسلامی بہن نے نماز کے شرائط بتاتے ہوئے طالبات کو قراٰنِ پاک سیکھنے،گھر میں دینی ماحول قائم کرنے اور دینی کام کرنے سے متعلق نکات بتائے اور ان کو ہفتہ وار سنتوں بھرے اجتماع میں آنے کا ذہن دیا۔

دعوت اسلامی کے کا ایک شعبہ دارالمدینہ انٹرنیشنل اسلامک اسکول سسٹم بھی ہے جس کا مقصد شریعت کے اصولوں کی روشنی میں معاشرے کے چیلنجز سے مقابلہ کرنے کے لئے اعلیٰ تعلیمی و تدریسی ماحول میں پُر عزم اساتذہ کے زیر تربیت طلبہ کی مکمل شخصیت سازی کرتے ہوئے معاشرے کو ایسے افراد فراہم کرنا ہے جو پرہیزگار، ذمہ دار اور تخلیقی صلاحیتوں کے حامل ہوں۔

دار المدینہ کا ایک کیمپس بنگلہ دیش کے ضلع کومیلامیں بھی قائم ہے۔ سال 2022ء کے آغاز ہوتے ہی اس کیمپس میں داخلے کا آغاز ہوچکا ہے۔

Salient features:

٭Quranic education ٭Physical activities ٭Montessori based education ٭Special attention on spoken English ٭Learning with fun

Address:

Ashiq Chairman Market, Chapapur (Bakhrabad), Adorsho Sodor, Cumilla

Phone: 880-1886861226

عاشقان رسول کی عالمگیر دینی تحریک دعوت اسلامی جس طرح بڑے اسلامی بھائیوں میں تعلیم و تربیت اور نیکی کی دعوت کو عام کررہی ہے۔ ویسے ہی بچوں کو بھی معاشرے کا  اچھا، باصلاحیت اور باکردار فرد بننے کے لئے وسائل پیدا کررہی ہے جس کے لئے دعوت اسلامی نے اب تک پاکستان میں چار مقامات پر شعبہ فیضان اسلامک اسکول سسٹم کی برانچز قائم کردی ہے۔ ان برانچز میں انتہائی مناسب فیسوں میں پری نرسری سے لے کر تیسری کلاس تک بچوں، بچیوں کو دینی و دنیاوی تعلیم فراہم کررہی ہے۔

شعبہ فیضان اسکول سسٹم اپنے مقصد کو مزید آگر بڑھاتے ہوئے بلوچستان کے شہر حب میں پہلاکیمپس قائم کرنے جارہی ہے۔ سال 2022ء کے آغاز سے ہی اس کیمپس میں پری پرائمری اور پرائمری کی مخصوص کلاسز میں داخلے کا آغاز ہوچکا ہے۔داخلے سلسلے میں رجسٹریشن کا جارہی ہے۔

کیمپس کی نمایاں خصوصیات:

٭تعلیم اور تربیت کا حسین امتزاج ٭قومی نصاب کے متعلق آسان تعلیمی نصاب ٭کشادہ کلاس رومز ٭Activity Based Learning کا خصوصی اہتمام ٭تربیت یافتہ اساتذۂ کرام

کیمپس کا ایڈریس:

مکان نمبر 267، مین آر سی ڈی روڈ، نزد سری بیکری، حب سٹی، لسبیلہ، بلوچستان

فون نمبر: 03182836925

پچھلے دنوں دعوتِ اسلامی کے تحت یوگینڈا کے ایک ٹاؤن کوبوکو کی ویسٹ نائل کابینہ میں تین دن کا مدنی قافلہ سفر پر روانہ ہوا جس میں دعوتِ اسلامی کے ذمہ داران سمیت دیگر عاشقانِ رسول نے شرکت کی۔

اس مدنی قافلے میں شرکا نے مقامی اسلامی بھائیوں کو نیکی کی دعوت دیتے ہوئے اسلامی تعلیمات کے مطابق اپنی زندگی گزارنے کے حوالے سے ذہن سازی کی۔

اس کے علاوہ چوک درس اور مسجد درس سمیت دیگر دینی کاموں کا بھی سلسلہ رہا جس میں مقامی عاشقانِ رسول نے شرکت کی۔بعدازاں شرکائے قافلہ نے 28، 29، 30 جنوری 2022ء کو تین دن کے مدنی قافلے میں سفر کرنے کی اچھی اچھی نیتوں کا اظہار کیا۔(رپورٹ:شاہد منظور یوگینڈا، کانٹینٹ:غیاث الدین عطاری)