دعوتِ  اسلامی کے تحت ساؤتھ کوریا کے شہر انچن کی ایک فیکٹری میں سیکھنے سکھانے کے حلقے کا انعقاد ہوا جس میں بنگلادیشی اسلامی بھائیوں نے شرکت کی ۔

مرکزی مجلسِ شوریٰ کے رکن حاجی محمد امین عطاری نے ’’اللہ پاک کی شکرگزاری‘‘ کے موضوع پر بیان کیا جس میں اسلامی بھائیوں کو 12 دینی کاموں کے حوالے سے مدنی پھول دیئے اور آخر میں دعا ئے خیر کروائی۔ بعدازاں عاشقانِ رسول سے ملاقات بھی کی ۔ (کانٹینٹ: رمضان رضا عطاری )

21 اگست 2023ء بروز پیر دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے دورۂ آسٹریلیا کے دوران اوبرن شہر کے 7 ایورلی روڈ پر واقع دعوتِ اسلامی کے ذمہ داران کی کوشش سے حاصل کی گئی پراپرٹی کا وزٹ کیا۔

اس موقع پر دعوتِ اسلامی کے مقامی ذمہ دار اسلامی بھائی نے رکنِ شوریٰ مولانا حاجی عبد الحبیب عطاری کو پراپرٹی کے حوالے سے بریفنگ دی جبکہ رکنِ شوریٰ نے پراپرٹی کے مختلف حصوں کا جائزہ لیا اور چند اہم نکات پر گفتگو کی۔ (کانٹینٹ:غیاث الدین عطاری)

بیرونِ ملک  میں دینِ اسلام کی تعلیمات عام کرنے اور وہاں موجود لوگوں کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کے تحت 20 اگست 2023ء بروز اتوار سڈنی شہر، آسٹریلیا کی جامع مسجد لکیمبا(علی ابن ابو طالب مسجد) میں عظیم الشان اجتماع کا انعقاد ہوا جس میں مقامی لوگوں کی کثیر تعداد نے شرکت کی۔

اس اجتماعِ پاک کی ابتدا قراٰنِ کریم کی تلاوت سے کی گئی اور نعت خواں اسلامی بھائی نے پیارے آقا، مکی مدنی مصطفیٰ حضرت محمد صلی اللہ علیہ و سلم کی بارگاہ میں نعت شریف کا نذرانہ پیش کر کے لوگوں کے دلوں کو منور کیا۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا اور وہاں موجود لوگوں کو دینِ اسلام کی تعلیمات کے مطابق زندگی گزارنے کا ذہن دیا۔بعدِ اجتماع رکنِ شوریٰ مولانا حاجی عبد الحبیب عطاری نے رقت انگیز دعا کروائی۔ (کانٹینٹ:غیاث الدین عطاری)

عاشقانِ رسول  کی دینی تحریک دعوت اسلامی کے شعبہ مدنی کورسز کے تحت فار ایسٹ کے ملک ہانگ کانگ کے مختلف شہروں میں قائم مدنی مراکز بنام فیضانِ مدینہ اور اسلامک سینٹر میں فیضانِ قرآن و حدیث کورسز کا سلسلہ ہوا جن میں مختلف اسکولز و تعلیمی اداروں سے تعلق رکھنے والے اسٹوڈنٹس اور عاشقانِ رسول کی شرکت ہوئی ۔

مبلغین دعوت ِاسلامی نے شرکائے کورس کو مختلف سنتیں و آداب سکھائیں اور دعائے یاد کروائیں نیز فرض علوم سے متعلق آگاہی دیتے ہوئے انہیں علم دینِ سیکھتے رہنے کا ذہن دیا اور مختلف امور پر رہنمائی کی۔

مزید کورس کے دوران ذمہ داران نے اسٹوڈنٹس کو دعوتِ اسلامی کے 12 دینی کاموں میں حصہ لینےاور ہفتہ وار سنتوں بھرے اجتماع میں شرکت کرنے کی ترغیب بھی دلائی جس پر انہوں اچھے تاثرات کا اظہار کیا۔اختتام پر طلبائے کرام میں تحائف بھی تقسیم کئے گئے ۔)کانٹینٹ: رمضان رضا عطاری) 

پچھلے دنوں کینیڈا کے صوبہ اونٹاریو کے شہر اسکا ربورو میں  دعوت اسلامی کے تحت سنتوں بھرے اجتماع کا انعقاد کیا گیا جس میں مختلف شعبہ جات سے وابستہ عاشقان رسول کی شرکت ہوئی ۔

سنتوں بھرے اجتماع کی ابتدا تلاوتِ قرآنِ پاک سے کی گئی اور اسلامی بھائیوں نے نعت ِ رسول مقبول صلی اللہ علیہ وسلم کا نذرانہ بھی پیش کیا ۔ بعدازاں نگرانِ یوکشائر یوکے ریجن سمیت یوکے سے آئے ہوئے دیگر مبلغینِ دعوت اسلامی نے سنتوں بھرے بیانات کئے اور شرکا کو علم ِ دین حاصل کرنے کے لئے ہفتہ وار سنتوں بھرے اجتماع میں شرکت کرنے کا ذہن دیا نیز دینی کاموں میں حصہ لیتے رہنے کی ترغیب بھی دلائی۔)کانٹینٹ: رمضان رضا عطاری)

دعوتِ اسلامی کے دینی کاموں کے سلسلے میں ساؤتھ کوریا  میں موجود مرکزی مجلسِ شوریٰ کے رکن حاجی محمد امین عطاری نے ایچھن شہر کے مقامی اسلامی بھائی سے اُن کی رہائش گاہ پر ملاقات کی۔

ساؤتھ کوریا کے شہر انچن(Icheon) میں قائم اسلامک سینٹر فیضانِ قراٰن میں دعوتِ اسلامی کے تحت سیکھنے سکھانے کا حلقہ لگایا گیا جس میں مختلف شعبہ ہائے زندگی سے تعلق رکھنے والے عاشقانِ رسول نے شرکت کی۔

حلقے کی ابتداء میں تلاوتِ قراٰن کی گئی اور مبلغِ دعوتِ اسلامی نے پیارے آقا صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

سلسلۂ  عالیہ قادریہ رضویہ عطاریہ کے چالیسویں بزرگ شیخِ طریقت حضرت مولانا عبدالسلام قادری رحمۃ اللہ علیہ کا سالانہ عرس مبارک ہر سال 25محرم الحرام 1441 کو عقیدت واحترام سے منایا جاتا ہے۔

25 محرم الحرام 1445ھ کو ہونے والے عرس شریف میں دعوتِ اسلامی کے شعبہ مزاراتِ اولیاء اورمجلس رابطہ بالعلما والمشائخ کے ذمہ داران نے مقامی ذمہ داران اور علمائے کرام کے ہمراہ مزار شریف پر حاضری دی۔ ذمہ داران نے مزار شریف پر ایصالِ ثواب کے لئے فاتحہ خوانی کی اور دعائیں کیں۔

شیخ طریقت مولانا محمدعبدالسلام قادری رحمۃُ اللہِ علیہ کا مختصر تعارف:

آپ رحمۃ اللہ علیہ کا پورا نام خلیفۂ قطبِ مدینہ حضرت مولانا محمد عبد السلا م قادری رضوی حشمتی برکاتی ہے۔ آپ کی ولادت 15شعبان المعظم 1343ھ بمطابق 11مارچ1925ء بروز بدھ موضع کڑے مانک پور تحصیل بند کی ضلع فتح پور ہسوہ(یوپی،ہند )میں ہوئی۔آپ رحمۃ اللہ علیہ کی کنیت”ابوالفقراء“لقب”قمر رضا“ہے۔

آپ رحمۃ اللہ علیہ میانہ روی، نظم وضبط، عزم وحوصلہ، اخلاص، مشقت، قناعت، برد باری و تحمل مزاجی، ظاہری وباطنی ستھرا پن، پُر سکون مزاج، عاجزی وانکساری، خوش کلامی اور اطاعتِ مرشد جیسی کئی صفات کے جامع تھے۔ آپ رحمۃ اللہ علیہ کو سیدی قطبِ مدینہ مولانا ضیاء الدین احمد مدنی اور احسن العلماءحضرت مولاناسید شاہ مصطفےٰ حیدر حسن میاں قادری برکاتی رحمۃ اللہ علیہما سے سندِ خلافت حاصل تھی۔ آپ رحمۃ اللہ علیہ اطاعت مرشد میں اس قدر پختہ تھے کہ بارگاہِ مرشد سے ملنے والے حکم کو اپنے لئے حرزِ جاں بنالیتےچنانچہ کمبھی اہمہ (ضلع پر تاب گڑھ ،ہند) آنےسے قبل احسن العلماءرحمۃ اللہ علیہ نے دو نصیحتیں فرمائی تھی (1)کسی کو بد دعامت دیجئے گا(2)کمبھی اہمہ مت چھوڑیئے گا۔ مرشد کامل کے فرمان کے مطابق آپ رحمۃ اللہ علیہ نے عمر کا بقیہ حصہ بھی یہیں گزرااور اسی جگہ آپ رحمۃ اللہ علیہ کامزار پُرانوار ہے۔

انہوں نے امیر اہلِ سنّت علامہ محمدالیاس عطارقادری دامت بَرَکَاتُہمُ العالیہ کو 1979ء میں کولمبو سری لنکا میں سلسلہ عالیہ قادریہ رضویہ کی خلافت سے نوازا۔

امیراہلِ سنت شجرہ قادریہ رضویہ عطاریہ میں لکھتے ہیں:

اَحْيِنَا فِي الدِّیْنِ وَالدُّنْیَا سَلَامٌ بِالْسَّلَام

قادری عَبْدُالسَّلَام خوش ادا کے واسِطے

لوگوں کو پنج وقتہ نماز ی بنانے اور اُن کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کے تحت گزشتہ روز ساؤتھ کوریا کے شہر انچن (Incheon) میں قائم مدنی مرکز فیضانِ مدینہ میں بعد نمازِ فجر تفسیر سننے / سنانے کا حلقہ لگایا گیا۔

اس حلقے میں دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے قراٰنِ پاک کی تلاوت کی اور اس کی تفسیر پڑھ کر شرکا کو دینِ اسلامی کی تعلیمات کے بارے میں بتایا۔

حلقے کے اختتام پر رکنِ شوریٰ حاجی محمد امین عطاری نے دیگر عاشقانِ رسول کے ہمراہ مل کر شجرہ عالیہ قادریہ رضویہ عطاریہ پڑھا۔( کانٹینٹ:غیاث الدین عطاری)

ساؤتھ کوریا کے شہر انچن(Incheon) میں قائم دعوتِ اسلامی کے مدنی مرکز فیضانِ مدینہ میں سنتوں بھرے اجتماع کا انعقاد کیا گیا جس میں قرب و جوار کے اسلامی بھائیوں نے کثیر تعداد میں شرکت کی۔

عاشقانِ رسول کی دینی تحریک دعوتِ اسلامی کے تحت گزشتہ روز ساؤتھ کوریا کے شہر سونگدو میں قائم اسلامک ریسرچ سینٹر میں سیکھنے سکھانے کا حلقہ لگایا گیا جس میں بزنس کمیونٹی کے اسلامی بھائیوں نے شرکت کی۔

ساؤتھ کوریا کے سفر پر موجود دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے اس حلقے میں سنتوں بھرا بیان کیا اور اسلامی بھائیوں کو دینِ اسلام کی تعلیمات پر عمل کرنے کا ذہن دیا۔

بیرونِ ملک میں دعوتِ اسلامی کے دینی کاموں کی ترقی ، اسلامی بھائیوں کو نیکی کی دعوت دینے اور اُن کی دینی و اخلاقی تربیت کرنے کے لئے مرکزی مجلسِ شوریٰ کے رکن حاجی محمد امین عطاری  پچھلے دنوں ساؤتھ کوریا کے سفر پر تھے۔

دورانِ سفر رکنِ شوریٰ حاجی محمد امین عطاری نے ساؤتھ کوریا کے شہر سیول اتیوان میں قائم عثمانیہ ریسٹورنٹ میں سیکھنے سکھانے کا حلقہ لگایا جس میں بزنس کمیونٹی سے تعلق رکھنے والے اسلامی بھائیوں نے شرکت کی۔

رکنِ شوریٰ نے شرکائے حلقہ کی تربیت و رہنمائی کرتے ہوئے انہیں دعوتِ اسلامی کے دینی و فلاحی سرگرمیوں کے بارے میں بریفنگ دی اور انہیں اس میں اپنا حصہ ملانے کا ذہن دیا۔(کانٹینٹ:غیاث الدین عطاری)