18،17،16  جون 2023ء بروز جمعہ ، ہفتہ ، اتوار فیضانِ مدینہ بریڈ فورڈ (یوکے) میں تین دن کا روحانی علاج کورس ہواجس میں یوکے کے عاشقانِ رسول نے شرکت کی ۔

معلم تصور حسین عطاری (شعبہ روحانی علاج یوکے) نے کورس میں شریک اسلامی بھائیوں کو تعویذات عطاریہ لکھنے کے حوالے سے آن لائن مختلف امور پر تربیت و رہنمائی کی۔ علاوہ ازیں دم کرنے اور کاٹ کرنے والے عمل کرنے کا طریقہ سمجھایانیز اس کی احتیاطیں بھی بتائی ۔ ساتھ ہی ساتھ 12 دینی کاموں کو کرنے کا ذہن دیا اور غمخواری اُمّت کا جذبہ دلایا۔(رپورٹ: سمیر علی آفس ذمہ دار،کانٹینٹ:رمضان رضا عطاری)

نیوپورٹ ویلز UK میں دعوتِ اسلامی کے نئے مدنی مرکز فیضانِ مدینہ کی تعمیرات کے سلسلے میں پچھلے دنوں ایک میٹنگ ہوئی جس میں مدنی مرکز فیضانِ مدینہ کی انتظامیہ اور تعمیراتی ٹیم کے اسلامی بھائی شریک ہوئے۔

اس موقع پر ویلز یوکے کے نگران سیّد فضیل رضا عطاری نے اسلامی بھائیوں سے مختلف موضوعات پر گفتگو کرتے ہوئے تعمیراتی کام کو جلد از جلد مکمل کرنے اور دعوتِ اسلامی کے دینی کاموں کے حوالے سے اہم نکات پر تبادلۂ خیال کیا۔(کانٹینٹ:غیاث الدین عطاری)

ملائیشیا کے شہر ملاکہ میں دعوتِ اسلامی کے زیرِا ہتمام گزشتہ روز سنتوں بھرے اجتماع کا انعقاد کیا گیاجس میں ذمہ داران سمیت مقامی اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد امین عطاری پچھلے دنوں مغربی ملک ملائیشیا کے دورے پر تھے جہاں ذمہ داران، شخصیات اور دیگر عاشقانِ رسول سے ملاقات کرنا نیز دینی کاموں کا جائزہ لینا آپ کے شیڈول میں شامل تھا۔

معلومات کے مطابق رکنِ شوریٰ حاجی محمد امین عطاری نے دینی کاموں کے سلسلے میں مقامی ذمہ دار اسلامی بھائیوں کے ہمراہ ملائیشیا کے دارالحکومت کوالالمپور (Kuala Lumpur)سےملاکہ شہر (Malacca city) سفر کیا۔

نیکی  کی دعوت دینے کے سلسلے میں رکنِ شوریٰ حاجی محمد امین عطاری نے کوالا لمپور ملائیشیا میں ملیشین ذمہ دار اسلامی بھائی کے ہمراہ ریسٹورنٹ آنر سےملاقات کی ۔

دورانِ ملاقات رکنِ شوریٰ نے ریسٹورنٹ مالک کو عالمی سطح پر کئے جانے والے دعوت ِاسلامی کے دینی و فلاحی کاموں کے بارے میں بتایا اور مدنی مرکز فیضانِ مدینہ ملائیشیا میں ہونے والے دعوت اسلامی کے ہفتہ وار سنتوں بھرے اجتماع میں آنے کی دعوت دی جس پر ریسٹورنٹ مالک نے اجتماع میں آنے کی نیت کا اظہار کیا۔(کانٹینٹ:رمضان رضا عطاری)

جوہر باہرو ملائیشیا میں رکنِ شوری ٰ حاجی محمد امین عطاری  کی مسجد اسکندر سلطان کے امام استاد رضوان تھان شافعی صاحب سے ملاقات کا سلسلہ ہوا۔

اس موقع پر حاجی محمد امین عطاری نے رضوان تھان شافعی صاحب کو عالمی سطح پر ہونے والے دعوت اسلامی کے دینی و فلاحی کاموں کے بارے میں آگاہی دی جس پر انھوں نے دینی کاوشوں کو سراہتے ہوئے اظہار مسرت فرمایا اور دعوت اسلامی کے متعلق اچھے تاثرات بیان کئے۔(کانٹینٹ:رمضان رضا عطاری)

اسلاف کی تعلیمات  پر عمل کرنے والی عاشقانِ رسول کی دینی تحریک دعوت ِاسلامی کی جانب سے رکن شوریٰ حاجی محمد امین عطاری نے ملائیشیا ارالسنہ چھایا میں ملیشین امام صاحب اور مقامی اسلامی بھائیوں سے ملاقات کی ۔

دورانِ ملاقات رکنِ شوریٰ نے امام صاحب کو دعوتِ اسلامی کے تحت ملک و بیرون ملک میں ہونے والے دینی اور فلاحی کاموں کے متعلق بتایا نیز انھیں مدنی مرکز فیضانِ مدینہ کا وزٹ کرنے کی دعوت دی جس پر امام صاحب نے نیک جذبات کا اظہار کرتے ہوئے دینی کاموں میں دعوت اسلامی کا ساتھ دینے کی نیک خواہش کا اظہار کیا ۔(کانٹینٹ:رمضان رضا عطاری)

دعوتِ اسلامی کے تحت جوہر باہرو ملائیشیا میں  رکنِ شوریٰ حاجی محمد امین عطاری نے ذمہ داران کے ہمراہ بزنس کمیونٹی اور مارکیٹ سے وابستہ تاجران سے ملاقاتیں کیں۔

تفصیلات کے مطابق رکن ِشوریٰ نے تاجران کو دعوتِ اسلامی کا تعارف کروایا اور انھیں نیکی کی دعوت دیتے ہوئے دین کے کاموں میں حصہ لینے اور دینی ماحول سے واپس ہونے کا ذہن دیا نیز ہفتہ وار اجتماع میں آنے کی دعوت بھی دی۔

دوسری جانب رکنِ شوریٰ نے اسلامی بھائیوں کو دعاؤں سے نوازتے ہوئے ان کو نیک اعمال کرنے اور گناہوں سے بچنے کی ترغیب بھی دلائی۔(کانٹینٹ:رمضان رضا عطاری)

دنیا بھر میں  دینی کام کرنے والی عاشقانِ رسول کی دینی تحریک دعو تِ اسلامی کے تحت جوہر باہرو ملائیشیا میں ہفتہ وار اجتماع کا انعقاد کیا گیا جس میں مقامی افراد نے شرکت کی۔

ہفتہ وار اجتماع میں دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کیا جس میں شرکا کو صحابۂ کرام و سلف صالحین کے واقعات بتاتے ہوئے ان کی سیرت کے مطابق زندگی گزارنے کا ذہن دیا اور انھیں خوب خوب دینی کام کرنے کی ترغیب دلائی جس پر انھوں نے دینی کاموں میں حصہ لینے کے عزمِ مصمم کا اظہار کیا۔ (کانٹینٹ:رمضان رضا عطاری)

دعوتِ اسلامی کے تحت   کوالا لمپور ملائیشیا میں شعبہ مدنی کورسز کے تحت رکن شوریٰ حاجی محمد امین عطاری نے 12دینی کام کورس کروایا جس میں مختلف شعبہ جات سے وابستہ افراد اور مقامی اسلامی بھائیوں نے شرکت کی۔

رکن ِ شوریٰ نے 12 دینی کاموں کو کرنے کےحوالے سے اسلامی بھائیوں کی تربیت کی اور انھیں دینی کاموں میں حصہ لینے اور دین ِ متین کی خدمت کرنے کا ذہن دیا جس پر اسلامی بھائیوں نے اچھی اچھی نیتیں کیں۔

کورس کے اختتام پر شرکا کا ٹیسٹ بھی لیا گیا نیز نمایا ں کارکردگی اور اچھے رزلٹ والے اسلامی بھائیوں میں رکنِ شوریٰ نے تحائف بھی تقسیم کئے ۔(کانٹینٹ:رمضان رضا عطاری)

پچھلی جمعرات دعوتِ اسلامی  کی جانب سے شاہ عالم کوالا لمپور ملائیشیا میں قائم مدنی مرکز فیضانِ مدینہ میں ہفتہ وار اجتماع کا انعقاد ہوا جس میں مقامی اسلامی بھائیوں نے شرکت کی۔

رکن شوریٰ حاجی محمد امین عطاری نے ”صحابہ کرام کی ایک خوبصورت تمنا“ کے موضوع پر سنتوں بھرا بیان کیا جس میں انبیائے کرام کی مبارک دعائیں اور اُمّت مسلمہ کی ترقی کا اصل راستہ نیز نیک لوگوں کی چند مبارک عادات کے بارے میں بتایا جبکہ ذکر، دعااور صلوۃ و سلام پر اجتماع کا اختتام ہوا۔( کانٹینٹ:رمضان رضا عطاری)

دینی کاموں کے سلسلے میں   رکن شوریٰ حاجی محمد امین عطاری نے دورہ ملائیشیا پر دعوت اسلامی کے تحت مقامی اسلامی بھائیوں اور شخصیات سے ملاقاتیں کیں۔

دورانِ ملاقات رکن ِ شوریٰ نےشخصیات کو دنیا بھر میں ہونے والے دعوت اسلامی کے دینی اور فلاحی کاموں کے حوالے سے معلومات فراہم کیں جس پر شخصیات نے خوشی کا اظہار کرتے ہوئے خدمات دعوت اسلامی کو سراہا اور نیک خیالات کا اظہار کیا۔(کانٹینٹ:رمضان رضا عطاری)