پنجاب پاکستان کے شہر گجرات میں گزشتہ روز دعوتِ اسلامی کے زیرِ اہتمام (رکنِ عالمی مجلسِ مشاورت اسلامی بہن کی سنتِ نکاح کے سلسلے میں) محفلِ نعت کا انعقاد کیا گیا۔

اس محفلِ نعت کی ابتداء تلاوتِ قراٰن اور نعتِ سولِ مقبول صلی اللہ علیہ و سلم سے کی گئی جبکہ نگرانِ عالمی مجلسِ مشاورت اسلامی بہنوں نے سنتوں بھرا بیان کرتے ہوئے اللہ عزوجل کی نعمتوں پر شکریہ ادا کرنے کے متعلق اسلامی بہنوں کو مدنی پھول دیئے۔

اسلامی بہنوں کی تربیت کرنے اور انہیں  علمِ دینِ سے آراستہ کرنے والی عاشقانِ رسول کی دینی تحریک دعوتِ اسلامی کے زیرِ اہتمام پچھلے دنوں صوبۂ پنجاب پاکستان کے شہر گجرات میں ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔

اجتماعِ کا آغاز تلاوتِ کلامِ پاک سے کیا گیا اور مبلغۂ دعوتِ اسلامی نے پیارے آقا صلی اللہ علیہ و سلم کی بارگاہِ اقدس میں نذرانۂ عقیدت پیش کیا۔

دعوتِ اسلامی کی نگرانِ عالمی مجلسِ مشاورت اسلامی بہن نے ”اللہ کی رضا پر راضی رہنے کا طریقہ“ کے موضوع پر سنتوں بھرا بیان کیااور وہاں موجود اسلامی بہنوں کو مصیبت و پریشانیوں میں صبر کرنے کی ترغیب دلائی۔

قراٰنِ پاک کی تعلیمات دینے والی عاشقانِ رسول کی دینی تحریک دعوتِ اسلامی کے شعبہ مدرسۃ المدینہ گرلزکے زیرِ اہتمام پاکستان کی صوبائی، سٹی اور  ڈویژن ذمہ داران اسلامی بہنوں کا آن لائن مدنی مشورہ ہوا۔

اس مدنی مشورے میں رکنِ عالمی مجلس مشاورت اسلامی بہن نےشرکا کی تربیت کرتے ہوئے مختلف امور پر مشاورت کی نیز امتحان نمبر1 ، سالانہ عطیات سیزن، لرننگ سیشن کی سمری، دعائے حاجات اجتماع، شعبے کے تحت ہونے والے دینی کام، نیو اجاروں اور شعبے کے دیگرکئی اہم نکات پرتبادلۂ خیال کیا گیا۔

بعدازاں رکنِ عالمی مجلسِ مشاورت اسلامی بہن نے نمایاں کارکردگی پراسلامی بہنوں کی حوصلہ افزائی اورانہیں مزید اہداف دیئے۔

دعوتِ اسلامی کے تحت عالمی سطح پر ہونے والے دینی کاموں کے حوالے سے کراچی سندھ میں قائم فیضانِ صحابیات میں  مدنی مشورے کا انعقاد ہوا جس میں اراکینِ عالمی مجلسِ مشاورت اور بین الاقوامی امور کی ذمہ دار اسلامی بہنوں نے شرکت کی جبکہ بیرونِ ملک و بیرونِ شہر سےاسلامی بہنیں بذریعہ انٹرنیٹ شریک ہوئیں۔

اس مدنی مشورے میں نگرانِ عالمی مجلسِ مشاورت اسلامی بہن نے دینی کاموں کے متعلق گفتگو کرتے ہوئے کہا کہ ہمیں سختی اور شدت پسندی سے خود کو محفوظ رکھنا چاہیئے کہ یہ چیزیں دیگر لوگوں کو دور کرتی ہیں۔

مزید نگرانِ عالمی مجلسِ مشاورت کا کہنا تھا کہ وسعتِ نظری پید اکی جائے لیکن جو بات شریعتِ مطہرہ سے ٹکڑائے اسے ہرگز قبول نہ کیا جائے۔

لوگوں کے عقائد و نظریات کی حفاظت کرنے والی عاشقانِ رسول کی تحریک دعوتِ اسلامی کے تحت میٹنگ ہوئی جس میں جامعۃالمدینہ گرلز پاکستان مشاورت  کی ذمہ دار اسلامی بہنوں نے شرکت کی۔

تلاوتِ قراٰن و نعتِ رسولِ مقبول صلی اللہ علیہ و سلم کے بعد صاحبزادیِ عطار سلمہاالغفارنے اسلامی بہنوں کی تربیت و رہنمائی کرتے ہوئے فرمایا:کہ دینِ متین کی خدمت کرنا ہم پر اللہ پاک کا کرم ہے، اللہ عزوجل کی خفیہ تدبیر سے ڈرتے ہوئے عاجزی کے ساتھ دین کا کام کرتے رہنا چاہیئے۔

مزید صاحبزادیِ عطار سلمہاالغفار کا کہنا تھا کہ ہمیں درسِ قراٰن میں مزید بہتری لانے کی کوشش کرنے اور جامعۃالمدینہ گرلز کے متعلق نظام میں بہتری لانے نیز جامعۃالمدینہ میں مدرسۃالمدینہ بالغات لگانے کے بارے میں کوشش کرنی چاہیئے۔

اس موقع پر نگرانِ عالمی مجلسِ مشاورت و اراکینِ مشاورت کی ذمہ دار اسلامی بہنیں موجود تھیں۔

دعوتِ اسلامی کے تحت پچھلے دنوں فزیکل آفس کی ذمہ دار اسلامی بہنوں کے درمیان مدنی مشورہ ہو اجس میں نگرانِ عالمی مجلسِ مشاورت اسلامی بہن بھی شریک ہوئیں۔

اس دوران نگرانِ عالمی مجلسِ مشاورت اسلامی بہن نے دعوتِ اسلامی کے دینی کاموں کے متعلق چند اہم نکات پر گفتگو کی نیز احساسِ ذمہ دار کے ساتھ، ذہن حاضر رکھتے ہوئے اور پلاننگ کرکے دینی کام کرنے کی ترغیب دلائی جس پر انہوں نے اچھی اچھی نیتیں کیں۔

پچھلے دنوں 2022ء کے اختتام پر شعبہ تعلیم للبنات دعوتِ اسلامی کے زیرِا ہتمام ایک تقریب منعقد ہوئی جس میں صاحبزادیِ عطار سلمہا الغفار، نگرانِ عالمی مجلسِ مشاورت اور شعبے کی عالمی سطح کی ذمہ دار اسلامی بہنوں نے بذریعہ انٹرنیٹ شرکت کی۔

اس موقع پر صاحبزادیِ عطار سلمہا الغفار نے تقریب میں شریک اسلامی بہنوں کی تربیت و رہنمائی کرتے ہوئے انہیں مدنی پھولوں سے نوازا اور دعوتِ اسلامی کے دینی کاموں کو احسن انداز میں کرنے کا ذہن دیا۔

دعوتِ اسلامی تبلیغِ دین کرنے اور لوگوں کو اسلامی تعلیمات دینے والی عاشقانِ رسول کی دینی تحریک ہے جو ملک و بیرونِ ملک میں اپنے مختلف ڈیپارٹمنٹس کے ذریعے نیکی کی دعوت عام کر رہی ہے۔

اسی سلسلے میں ماہِ دسمبر 2022ء میں اسلامی بھائیوں کے ساتھ ساتھ اسلامی بہنوں کے درمیان ہونے والے دینی کاموں کی کارکردگی درج ذیل رہی:

٭روزانہ گھر درس دینے والی اسلامی بہنوں کی تعداد:82 ہزار 55۔

٭روزانہ امیرِاہلِ سنت دامت بَرَکَاتُہمُ العالیہ کا سنتوں بھرا بیان/ مدنی مذاکرہ سننے والی اسلامی بہنوں کی تعداد:1 لاکھ 6 ہزار 262۔

٭مدرسۃ المدینہ بالغات کی تعداد:5 ہزار 492۔

٭مدرسۃ المدینہ بالغات میں پڑھنے والی اسلامی بہنوں کی تعداد:69 ہزار 332۔

٭اسلامی بہنوں کے درمیان منعقد ہونے والے ہفتہ وار سنتوں بھرے اجتماعات کی تعداد:9 ہزار 702۔

٭ان اجتماعات میں شرکت کرنے والی اسلامی بہنوں کی تعداد:3 لاکھ 19 ہزار 272۔

٭ہفتہ وار علاقائی دورہ میں شرکت کرنے والی اسلامی بہنوں کی تعداد: 24 ہزار 137۔

٭ہفتہ وار رسالہ پڑھنے / سننے والی اسلامی بہنوں کی تعداد:7 لاکھ 68 ہزار 721۔

٭اسلامی بہنوں سے وصول ہونے والے نیک اعمال رسائل کی تعداد: 68 ہزار 396۔

دعوتِ اسلامی کےتحت پچھلے دنوں پاکستان مجلسِ مشاورت ذمہ داران اور پاکستان سطح کی ادارتی و غیر ادارتی شعبہ ذمہ دار اسلامی بہنوں کا آن لائن مدنی مشورہ منعقد ہوا۔

نگرانِ پاکستان مجلسِ مشاورت اسلامی بہن نے ”خودداری ضروری ہے“ کے موضوع پر سنتوں بھرا بیان کرتے ہوئے شعبہ پاکستان مشاورت آفس اسلامی بہنیں کے حوالے سے کلام کیا۔

اس دوران نگرانِ پاکستان مجلسِ مشاورت نے مختلف موضوعات پر گفتگو کی اور جنوری 2023ء میں بھرپور انداز میں علاقائی دورہ کرنے کی ترغیب دلائی نیز ماہنامہ فیضانِ مدینہ کی بکنگ کے حوالے سے اسلامی بہنوں کی تربیت کی۔

پچھلے دنوں دعوتِ اسلامی کے عالمی مدنی مرکز فیضانِ مدینہ میں تربیتی اجتماع منعقد ہوا جس میں جامعۃالمدینہ گرلز کراچی سطح کی تمام معلمات، ناظمات اور ذمہ دار اسلامی بہنوں نے شرکت کی۔

تفصیلات کے مطابق اس اجتماعِ پاک میں نگرانِ عالمی مجلسِ مشاورت اسلامی بہن نے ”استاد کو کیسا ہونا چاہیئے؟“  کے موضوع پر سنتوں بھرا بیان کیااور وہاں موجود اسلامی بہنوں کو دعوتِ اسلامی کے دینی کاموں میں عملی طور پر حصہ لینے کی ترغیب دلائی۔

اس موقع پر صاحبزادیِ عطار سلمہا الغفار نے اسلامی بہنوں کی تربیت و رہنمائی کرتے ہوئے انہیں مدنی پھولوں سے نوازاجبکہ اختتامی دعا بھی کروائی۔بعدازاں اجتماع میں شریک اسلامی بہنوں نے صاحبزادیِ عطار سلمہا الغفار اور نگرانِ عالمی مجلسِ مشاورت سے ملاقات کی۔ 

دعوتِ اسلامی کے شعبہ مکتبۃالمدینہ للبنات  کے تحت اسٹیٹ و ڈویژن سطح کی ذمہ دار اسلامی بہنوں کا مدنی مشورہ ہوا جس میں ماہنامہ فیضانِ مدینہ کی بکنگ کے حوالے سے subscription اور آسٹریلیا کے علاوہ دیگر ملکوں میں اس چینل کو کیسے سبسکرائب کروایا جائے اس پر کلام کیا گیا۔

پچھلے دنوں دعوتِ اسلامی کے تحت اسلامی بہنوں کے درمیان ہونے والے 8 دینی کاموں کے سلسلے میں مدنی مشورہ منعقد ہوا جس میں اسٹیٹ  سطح کی اسلامی بہنیں شریک ہوئیں۔

دورانِ مدنی مشورہ مرکزی مجلسِ شوریٰ کے مدنی پھولوں کے ساتھ ساتھ ماہنامہ فیضانِ مدینہ کے اہداف اورٹیلی تھون کے متعلق گفتگو ہوئی نیز ذمہ دار اسلامی بہنوں کو فنانس ٹیسٹ دینےکا ذہن دیا گیا۔

اس کے علاوہ ذمہ دار اسلامی بہنوں نےدینی کاموں کی کارکردگی کا جائزہ لیتے ہوئے مختلف امور پر تبادلۂ خیال کیا اور شعبہ فیضانِ اسلام کے بارے میں مشاورت کی جبکہ دعائے حاجات اجتماع کے مدنی پھول بیان کئے گئے۔