٭اسلامی بہنوں کی مجلس جامعات المدینہ للبنات کے تحت 4دسمبر2019ء بروز بدھ ملک و بیرون ملک جامعات المدینہ للبنات میں گیارھویں شریف کے سلسلے میں سنتوں بھرےاجتماعات کا انعقاد کیا گیا جس میں سنّتوں بھرے بیانات کے ساتھ مقابلہ حسن بیان و قصیدہ غوثیہ، شجرہ شریف اور ذہنی آزمائش کا سلسلہ ہوا۔ مقابلوں میں پوزیشن لینے والی طالبات کو تحائف بھی دئیے گئے۔

٭پاکستان بھر کے جامعات المدینہ للبنات میں درس نظامی کا ششماہی رزلٹ شعبۃ الامتحان نے جاری کردیا ہے۔

دعوتِ اسلامی کے تحت پچھلے دنوں صدر کراچی میں اسلامی بہنوں کے ماہانہ تربیتی حلقے کا انعقاد کیا گیا جس میں  مجلس کفن دفن کی نگران اسلامی بہن نے تربیتی حلقے میں شریک اسلامی بہنوں کی تربیت کی اور مختلف امور پر نکات دئیے۔

 دعوتِ اسلامی کے تحت کراچی کے دارالسنہ میں اصلاح اعمال کورس کا سلسلہ جاری ہے۔3دسمبر2019ء کو مجلس کفن دفن کی نگران اسلامی بہن نے کورس کرنے والی اسلامی بہنوں کے درمیان سنّتوں بھرا بیان کیا اور مسکراہٹ کے فوائد، مسکراہٹ، ہنسی اور قہقہ کے بارے میں فرق بتایا نیزاسلامی بہنوں کو مسکراہنے کی پریکٹس بھی کروائی۔

دعوتِ  اسلامی کے تحت2دسمبر2019ء کو کراچی میں واقع ناظم آباد میں ذمہ دار اسلامی بہنوں کا ماہانہ مدنی مشورہ ہوا جس میں مدنی انعامات ذمہ داراسلامی بہنوں نے شرکت کی۔ مدنی مشورے میں ذمہ داراسلامی بہنوں کو تربیتی نکات دئیے گئے نیز مدنی انعامات ذمہ داران کی تقرری مکمل کرنے، کورس "جنت کا راستہ "کو ہر علاقے میں کروانے اور مدرسۃ المدینہ للبنات و بالغات کا مضبوط انتظام کرنے کے متعلق گفتگو کی گئی۔

شیخ طریقت امیر اہلِ سنت دَامَتْ بَرَکَاتُہُمُ الْعَالِیَہ نے جسم کے مختلف اعضا بالخصوص زبان اور نگاہ کو گناہوں اور فضولیات سے بچانے کے عظیم جذبے کےتحت یوم قفل مدینہ کی مدنی تحریک کا آغاز فرمایا۔ اسی سلسلے میں ماہ ربیع الآخر کی پہلی پیر شریف 2 دسمبر2019ء کو تنظیمی لحاظ سے پاکستان کے مختلف شہروں میں یومِ قفل مدینہ منایا گیا جس میں اَلْحَمْدُ لِلّٰہِ عَزَّ وَجَلَّ 8346 اسلامی بہنوں نے رسالہ ”خاموش شہزادہ“ کا مطالعہ کیا اور 5504اسلامی بہنوں نے 25 گھنٹے کےقفل مدینہ لگانے کی سعادت حاصل کی۔

دعوتِ اسلامی کے تحت اوتھل کی کاروباری شخصیت گران خان پٹھان نےحضور غوث پاک رضی اللہ عنہ کے مزار پر انوار پر حاضری کے مبارک سفر سے قبل محفلِ نعت کا انعقاد کیا جس میں دعوتِ اسلامی کے ذمہ داران اورمدرسۃ المدینہ کے ناظم صاحب اور مقیم بچوں نے شرکت ۔ اس موقع پر طلبہ کرام نے بارگاہ رسالت ﷺ میں ثناء خوانی کرنےکی سعادت حاصل کی جبکہ مبلغِ دعوتِ اسلامی نے شانِ غوث پاک کے موضوع پر بیان فرمایااور حاضرین کو مدنی ماحول سے وابستہ ہوکرذیادہ سے ذیادہ مدنی کام کرنے کا ذہن دیا۔(جہانزیب عطاری، نشرواشاعت لسبیلہ کابینہ اوتھل ڈویژن بلوچستان)

دعوتِ اسلامی کے تحت 2دسمبر2019ء کو حنبلی زون کی ذمہ دار ا سلامی بہنوں کا مدنی مشورہ ہوا جس میں ممبئی ریجن نگران اسلامی بہن نے دینی خدمات کے فضائل ، برکات و اتباع سنت کی ادائیگی کے موضوع پر سنّتوں بھرا بیان کیا اور مدنی مشورے میں شامل ذمہ داراسلامی بہنوں کی تربیت کی۔  ذیلی سطح و ڈویژن سطح کے اسلامی بہنوں کو اپنی ڈویژن کو مضبوط کرنے اور تقرریاں مکمل کرنے کا ہدف دیا نیز کابینہ نگران اسلامی بہن کو ایسے شہر جہاں مدنی کام نہیں وہاں بتدریج مدنی کام شروع کرنے کا ہدف دیا۔

اسلامی بہنوں کی مجلس شارٹ کورسز کے تحت ہند کے شہر ممبئی کے دارالسنہ للبنات میں 12 دن کے رہائشی ”اسلامی زندگی کورس“ کا سلسلہ جاری ہے۔ کورس میں شامل اسلامی بہنوں کے درمیان ہند نگران اسلامی بہن نے بذریعۂ اسکائپ سنتوں بھرا بیان کیا اور ان کی تربیت کی۔

 اسلامی بہنوں کی مجلس شارٹ کورسز کے تحت قراٰنِ کریم کی تعلیم کو عام کرنے کے لئے” فیضان انوار القران“کورس کی مدرسات اسلامی بہنوں کا تربیتی سیشن ہوا جس میں عالمی رکن مجلس اسلامی بہن نے مدرسات اسلامی بہنوں کی تربیت کی اور مختلف پہلو پر نکات دئیے۔ اس تربیتی سیشن میں ہند کے شہر کانپور،بریلی اور آگرہ کی مدرسات اسلامی بہنوں نے شرکت کی۔ 

دعوتِ اسلامی کے تحت 29 نومبر2019ء کو نواب شاہ  میں شخصیات اسلامی بہنوں کے درمیان محفل نعت کا انعقاد کیا گیاجس میں مقامی شخصیات اسلامی بہنوں نے شرکت کی۔ مبلغۂ دعوت اسلامی نے دین کےلئے آقاﷺ کی قربانیوں کا تذکرہ کرتے ہوئے سنّتوں بھرا بیان کیا اور دور حاضر میں اشاعت دین کے لئے دعوت اسلامی کی خدمات کا تعارف پیش کیا۔ مبلغۂ دعوت اسلامی نے دعوت اسلامی کے دو اہم شعبہ جات "جامعۃ المدینہ اور مدرستہ المدینہ "کےلئے ٹیلی تھون (صدقات) دینے کا ذہن دیا جس پر ایک شخصیت نے سونے کی انگوٹھی اور کچھ شخصیات نے ٹیلی تھون کی مد میں رقم بھی جمع کروائی۔

دعوتِ اسلامی کے تحت 3دسمبر2019ء کو  لاہور میں ذمہ دار اسلامی بہنوں نے شمالی لاہور زون نگران اسلامی بہن کے ہمراہ علاقائی دورہ کیا اور گھر گھر جاکر اسلامی بہنوں کو نیکی کی دعوت پیش کرتے ہوئے دعوتِ اسلامی کے مدنی ماحول سے وابستہ ہونے اورہفتہ وار سنتوں بھرے اجتماع میں شرکت کی دعوت دی۔