شعبہ کفن دفن للبنات دعوتِ اسلامی کے تحت پاکستان بھر میں ہونے والے دینی کاموں کے سلسلے میں گزشتہ روز پاکستان سطح کی ذمہ داران کا مدنی مشورہ ہوا۔

معلومات کے مطابق مبلغۂ دعوتِ اسلامی نے اسلامی بہنوں سے سابقہ کی کارکردگی کا جائزہ لیتے ہوئے دینی کاموں میں مزید بہتری لانے کا اور کتاب ”تجہیز و تکفین کا طریقہ“ پڑھنے کا ہدف جل از جلد مکمل کرنے کی ترغیب دلائی۔

دورانِ جائزہ جامعۃ المدینہ گرلز، مدرسۃ المدینہ گرلز اور فیضان آن لائن اکیڈمی گرلز کے سالانہ سنتوں بھرے اجتماعات و تربیتی سیشنز پر تبادلۂ خیال کیا گیا اور تربیتی اجتماعات کی تعداد بڑھانے کا ذہن دیا گیا۔

اس کے علاوہ مبلغۂ دعوتِ اسلامی نے غسالہ ٹیسٹ جلد از جلد مکمل کرنے پر مشاورت ہوئی جس پر اسلامی بہنوں نے اچھی اچھی نیتیں کیں۔

شعبہ مدرسۃ المدینہ گرلز دعوتِ اسلامی کے تحت گزشتہ روز ڈسٹرکٹ آفس کورنگی ڈھائی میں ایک مدنی مشورہ ہوا جس میں  کراچی سٹی کورنگی ڈسٹرکٹ کی تمام مُدرسات، ناظمات اور ذمہ دار اسلامی بہنوں نے شرکت کی ۔

مشورے کا آغاز تلاوت و نعت شریف سے کیا گیا اور شعبے کی رکن عالمی مجلس مشاورت اسلامی بہن نے مختلف موضوعات پر گفتگو کرتے ہوئے شعبے کے طے شدہ نکات پرکلام کیا ۔

کراچی کے علاقے گارڈن میں پچھلے دنوں دعوتِ اسلامی کے تحت اسلامی بہنوں کے ہفتہ وار سنتوں بھرے اجتماع کا انعقاد ہوا جس میں مقامی اسلامی بہنوں کی کثیر تعداد نے شرکت کی۔

تفصیلات کے مطابق اس اجتماعِ پاک میں صاحبزادیِ عطار سلمہا الغفار نے سنتوں بھرا بیان کرتے ہوئے وہاں موجود اسلامی بہنوں کی دینی و اخلاقی اعتبار سے تربیت کی اور انہیں مدنی پھولوں سے نوازا جبکہ نگرانِ عالمی مجلسِ مشاورت نے اختتامی دعا کروائی۔

بعدِاجتماع صاحبزادیِ عطار سلمہا الغفار اور نگرانِ عالمی مجلسِ مشاورت نے مقامی ذمہ داران کے ہمراہ گارڈن کی پرانی اسلامی بہن سے عیادت کی اور گارڈن کی یوسی نگران اسلامی بہن کی والدہ کے انتقال پر اُن کے گھر والوں سے تعزیت کی۔

دین ِ اسلام کی تبلیغ و اشاعت کرنے والی عاشقانِ رسول کی دینی تحریک دعوتِ اسلامی کےتحت نگرانِ عالمی مجلسِ شوریٰ نے دیگر اسلامی بہنوں کے ہمراہ گھر گھر کر جاکر نیکی کی دعوت پیش کی۔

اس موقع پر نگرانِ عالمی مجلسِ مشاورت نے اسلامی بہنوں پر انفرادی کوشش کرتے ہوئےانہیں اسلامی بہنوں کے ہفتہ وار سنتوں بھرے اجتماع میں شرکت کرنے کا ذہن دیا جس پر انہوں نے اچھی اچھی نیتیں کیں۔

دعوت اسلامی کے تحت 2 ستمبر 2023ء کو ہونے والے یومِ دعوتِ اسلامی کے سلسلے میں نگرانِ ریجن، نگرانِ پاکستان مشاورت،جامعۃ المدینہ گرلز ذمہ دار اور  کراچی سٹی کی نگران اسلامی بہنوں کا آن لائن مدنی مشورہ ہوا۔

ذمہ دار اسلامی بہنوں نے مختلف موضوعات پر کلا م کرتےہوئے پرانی اسلامی بہنوں کو جمع کرنے اور دعوتِ اسلامی کے دینی کاموں میں مزید بہتری لانے کے متعلق گفتگو کی۔ 

کراچی کے علاقے پی آئی بی کالونی میں پچھلے دنوں مدنی مشورے کا انعقاد ہوا جس میں کراچی ویسٹ کی ڈسٹرکٹ تا وارڈ ذمہ دار اسلامی بہنیں براہِ راست جبکہ سینٹرل افریقہ اور عرب کی اسلامی بہنیں آن لائن شریک ہوئیں۔

ابتداءًاس مدنی مشورے میں صاحبزادیِ عطار سلمہا الغفار نے ظاہر و باطن کی اصلاح کرنے کے متعلق اسلامی بہنوں کو مدنی پھول دیئے نیز نگرانِ عالمی مجلسِ مشاورت اسلامی بہن نےکارکردگی شیڈول پر عمل کرنے کا طریقہ بتاتے ہوئے پرانی اسلامی بہنوں سے رابطہ کرنے کا ذہن دیا۔

اس کے علاوہ سیکھنے سکھانے کے حلقے میں شرکت کرنےکے حوالے سے تبادلۂ خیال کیا گیا جس پر تمام ذمہ دار اسلامی بہنوں نے اچھی اچھی نیتیں کیں۔

22جولائی 2023 ءکودعوتِ اسلامی  کے شعبہ تعلیم کے زیرِ اہتمام آن لائن ٹریننگ سیشن کا انعقاد ہوا جس میں بذریعہ آڈیو لنک 55 12 اسلامی بہنوں نے شرکت کی۔

اس تربیتی سیشن میں دار الافتاء اہلِ سنت دعوتِ اسلامی کے مولانامفتی محمد حسان عطاری مدنی نے محرم الحرام کے موضوع پر تربیت کی نیز اسلامی بہنوں کی جانب سے بھیجے گئے سوالات کے جوابات بھی دیئے۔ 

دعوتِ اسلامی کے تحت   01 اگست 2023ء بروز منگل پاکستان مشاورت کی اسلامی بہنوں کا مدنی مشورہ ہوا جس میں ملک سطح کی شعبہ گلی گلی مدرسۃ المدینہ ذمہ دار ، محفلِ نعت اور ملک سطح کی فیضانِ مرشد للبنات ذمہ دار نے شرکت کی۔

دعوتِ اسلامی کے تحت   01 اگست 2023ء بروز منگل شعبہ دارالسنہ لاہور کا آن لائن مدنی مشورہ لیاجس میں مختلف سطح کی (عالمی و ملک سطح کی شعبہ دارالسنہ ذمہ دار ، ملک سطح کی شعبہ کفن دفن ذمہ دار ، نگرانِ صوبہ پنجاب، لاہور دارالسنہ کا تمام مدنی عملہ، سائن لینگویج کورس کروانے والی مدرسات ، فیضان صحابیات ذمہ دار، لاہور ڈسٹرکٹ و ڈویژن نگران) ذمہ داران اور نگران سمیت دیگر اسلامی بہنوں نے شرکت کی۔

عاشقانِ رسول کی دینی تحریک دعوتِ اسلامی کے تحت   01 اگست 2023ء بروز منگل شعبہ فیضانِ مرشد للبنات کے دینی کاموں کے حوالے سے آن لائن مدنی مشورہ منعقد کیا گیا۔

دعوتِ اسلامی کے تحت اسلامی بہنوں کے درمیان ہونے والے مختلف کورسز کے نظام سے متعلق مختلف ڈیپارٹمنٹس (ایجوکیشن ڈیپارٹمنٹ گرلز، شعبہ جامعۃ المدینہ و مدرسۃ المدینہ گرلز، شعبہ قراٰن ٹیچر ٹریننگ کورس) کی ذمہ دار اسلامی بہنوں کا مدنی مشورہ ہوا جس میں بالخصوص نگرانِ پاکستان مجلسِ مشاورت اسلامی بہن نے شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے کورسز کے بارے میں گفتگو کرتے ہوئے اسلامی بہنوں سے فالو اپ لیا نیز کون سے کورسز کس شعبے کے تحت اور کن مہینوں میں ہوں گے اس کے اہداف طے کئے۔

کلفٹن ڈسٹرکٹ ساؤتھ کراچی میں پچھلے دنوں دعوتِ اسلامی کے تحت اسلامی بہنوں کے ہفتہ وار سنتوں بھرے اجتماع کا انعقاد کیا گیا جس میں خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت اسلامی بہن کی آمد ہوئی۔

معمول کے مطابق اجتماع کا آغاز تلاوتِ کلامِ پاک سے کیا گیا اور مبلغۂ دعوتِ اسلامی نے سنتوں بھرا بیان کرتے ہوئے حاضرین کو حضرت حُر سمیت دیگر صحابۂ کرام رضی اللہ عنہم کی شہادتوں سے متعلق واقعات کے بارے میں بتایا۔

اجتماع کے اختتام پر صاحبزادیِ عطار سلمہا الغفار نے دعا کروائی اور اسلامی بہنوں سے ملاقات کرتے ہوئے اُن پر انفرادی کوشش کی جس پر انہوں نے اچھی اچھی نیتوں کا اظہار کیا۔